ויקיטקסט

מקרא מבואר/תצוגה/ספר בראשית/סיפורי אברהם

< מקרא מבואר‏ | תצוגה‏ | ספר בראשית
העריכה בעיצומה
העריכה בעיצומה
 שימו לב! דף זה (או קטע זה) עדיין לא גמור והוא לא מציג את היצירה בשלמותה.

דף זה (או קטע זה) נמצא כעת בשלבי הקלדה. אם יש באפשרותכם להמשיך את ההקלדה - אתם מוזמנים.


פרק יב עריכה

פ פָּרָשַׁת הָעֲלִיָּה לָאָרֶץ
יב א וַיֹּ֤אמֶר יְהֹוָה֙ אֶל־אַבְרָ֔ם לֶךְ־לְךָ֛ מֵאַרְצְךָ֥ וּמִמּֽוֹלַדְתְּךָ֖ וּמִבֵּ֣ית אָבִ֑יךָ אֶל־הָאָ֖רֶץ אֲשֶׁ֥ר אַרְאֶֽךָּ׃ ה' אָמַר לְאַבְרָם לֵךְ לְךָ מֵאַרְצְךָ, מִמִּשְׁפַּחְתְּךָ וּמֵהַבַּיִת שֶׁל אָבִיךָ אֶל הָאָרֶץ שֶׁאַרְאֶה לְךָ.
ב וְאֶֽעֶשְׂךָ֙ לְג֣וֹי גָּד֔וֹל וַאֲבָ֣רֶכְךָ֔ וַאֲגַדְּלָ֖ה שְׁמֶ֑ךָ וֶהְיֵ֖ה בְּרָכָֽה׃ וְאֶעֱשֶׂה מִמְּךָ עַם גָּדוֹל וַאֲבָרֵךְ אוֹתְךָ וַאֲפַרְסֵם אֶת שִׁמְךָ וְתִהְיֶה מְבוֹרָךְ.
ג וַאֲבָֽרְﬞכָה֙ מְבָ֣רְכֶ֔יךָ וּמְקַלֶּלְךָ֖ אָאֹ֑ר וְנִבְרְכ֣וּ בְךָ֔ כֹּ֖ל מִשְׁפְּחֹ֥ת הָאֲדָמָֽה׃ וַאֲבָרֵךְ אֶת הַמְּבָרְכִים אוֹתְךָ וַאֲקַלֵּל אֶת הַמְּקַלְּלִים אוֹתְךָ, וְכָל מִשְׁפְּחוֹת הָאֲדָמָה יִרְצוּ לְהִתְבָּרֵךְ לִהְיוֹת כָּמוֹךָ.
ד וַיֵּ֣לֶךְ אַבְרָ֗ם כַּאֲשֶׁ֨ר דִּבֶּ֤ר אֵלָיו֙ יְהֹוָ֔ה וַיֵּ֥לֶךְ אִתּ֖וֹ ל֑וֹט וְאַבְרָ֗ם בֶּן־חָמֵ֤שׁ שָׁנִים֙ וְשִׁבְעִ֣ים שָׁנָ֔ה בְּצֵאת֖וֹ מֵחָרָֽן׃ אַבְרָם הָלַךְ כְּמוֹ שֶׁה' דִּבֵּר אִתּוֹ וְלוֹט הָלַךְ אִתּוֹ, אַבְרָם הָיָה בֶּן שִׁבְעִים וְחָמֵשׁ שָׁנִים כְּשֶׁיָּצָא מֵחָרָן.
ה וַיִּקַּ֣ח אַבְרָם֩ אֶת־שָׂרַ֨י אִשְׁתּ֜וֹ וְאֶת־ל֣וֹט בֶּן־אָחִ֗יו וְאֶת־כׇּל־רְכוּשָׁם֙ אֲשֶׁ֣ר רָכָ֔שׁוּ וְאֶת־הַנֶּ֖פֶשׁ אֲשֶׁר־עָשׂ֣וּ בְחָרָ֑ן וַיֵּצְא֗וּ לָלֶ֙כֶת֙ אַ֣רְצָה כְּנַ֔עַן וַיָּבֹ֖אוּ אַ֥רְצָה כְּנָֽעַן׃ אַבְרָם לָקַח אֶת שָׂרַי אִשְׁתּוֹ וְאֶת לוֹט בֶּן אָחִיו וְאֶת כָּל רְכוּשָׁם שֶׁרָכְשׁוּ וְאֶת הָעֲבָדִים שֶׁקָּנוּ בְּחָרָן, הֵם יָצְאוּ לָלֶכֶת לְאֶרֶץ כְּנַעַן וּבָאוּ לְאֶרֶץ כְּנַעַן.
ו וַיַּעֲבֹ֤ר אַבְרָם֙ בָּאָ֔רֶץ עַ֚ד מְק֣וֹם שְׁכֶ֔ם עַ֖ד אֵל֣וֹן מוֹרֶ֑ה וְהַֽכְּנַעֲנִ֖י אָ֥ז בָּאָֽרֶץ׃ אַבְרָם עָבַר בָּאָרֶץ עַד הַמָּקוֹם שֶׁל הָאִישׁ שְׁכֶם – עַד אֵלוֹן מוֹרֶה, וְהַכְּנַעֲנִי הָיָה אָז בָּאָרֶץ.
ז וַיֵּרָ֤א יְהֹוָה֙ אֶל־אַבְרָ֔ם וַיֹּ֕אמֶר לְזַ֨רְעֲךָ֔ אֶתֵּ֖ן אֶת־הָאָ֣רֶץ הַזֹּ֑את וַיִּ֤בֶן שָׁם֙ מִזְבֵּ֔חַ לַיהֹוָ֖ה הַנִּרְאֶ֥ה אֵלָֽיו׃ ה' הִתְגַּלָּה לְאַבְרָם, וְאָמַר לוֹ: אֶתֵּן לְצֶאֱצָאֶיךָ אֶת הָאָרֶץ הַזֹּאת, הוּא בָּנָה שָׁם מִזְבֵּחַ לַה' שֶׁנִּגְלָה אֵלָיו.
ח וַיַּעְתֵּ֨ק מִשָּׁ֜ם הָהָ֗רָה מִקֶּ֛דֶם לְבֵֽית־אֵ֖ל וַיֵּ֣ט אׇהֳלֹ֑ה בֵּֽית־אֵ֤ל מִיָּם֙ וְהָעַ֣י מִקֶּ֔דֶם וַיִּֽבֶן־שָׁ֤ם מִזְבֵּ֙חַ֙ לַֽיהֹוָ֔ה וַיִּקְרָ֖א בְּשֵׁ֥ם יְהֹוָֽה׃ הוּא הֶעֱבִיר מִשָּׁם אֶת אָהֳלוֹ לָהָר מִזְרָחִית לְבֵית אֵל, וְהֵקִים שָׁם אֶת אָהֳלוֹ, בַּמָּקוֹם שֶׁבֵּית אֵל מִמַּעֲרָב וְהָעַי מִמִּזְרָח, הוּא בָּנָה שָׁם מִזְבֵּחַ לַה' וְהִתְפַּלֵּל לַה'.
ט וַיִּסַּ֣ע אַבְרָ֔ם הָל֥וֹךְ וְנָס֖וֹעַ הַנֶּֽגְבָּה׃ אַבְרָם נָסַע וְהִתְקַדֵּם לְעֵבֶר הַנֶּגֶב.
פ פָּרָשַׁת מִצְרַיִם
י וַיְהִ֥י רָעָ֖ב בָּאָ֑רֶץ וַיֵּ֨רֶד אַבְרָ֤ם מִצְרַ֙יְמָה֙ לָג֣וּר שָׁ֔ם כִּֽי־כָבֵ֥ד הָרָעָ֖ב בָּאָֽרֶץ׃ הָיָה רָעָב בָּאָרֶץ, אַבְרָם יָרַד לְמִצְרַיִם לָגוּר שָׁם כִּי הָרָעָב בָּאָרֶץ הָיָה חָמוּר.
יא וַיְהִ֕י כַּאֲשֶׁ֥ר הִקְרִ֖יב לָב֣וֹא מִצְרָ֑יְמָה וַיֹּ֙אמֶר֙ אֶל־שָׂרַ֣י אִשְׁתּ֔וֹ הִנֵּה־נָ֣א יָדַ֔עְתִּי כִּ֛י אִשָּׁ֥ה יְפַת־מַרְאֶ֖ה אָֽתְּ׃ כְּשֶׁהִתְקָרֵב לָבוֹא לְמִצְרַיִם אָמַר לְשָׂרַי אִשְׁתּוֹ: הֲרֵי יָדַעְתִּי שֶׁאַתְּ אִשָּׁה יָפָה.
יב וְהָיָ֗ה כִּֽי־יִרְא֤וּ אֹתָךְ֙ הַמִּצְרִ֔ים וְאָמְר֖וּ אִשְׁתּ֣וֹ זֹ֑את וְהָרְג֥וּ אֹתִ֖י וְאֹתָ֥ךְ יְחַיּֽוּ׃ וּכְשֶׁיִּרְאוּ אוֹתָךְ הַמִּצְרִים, יֹאמְרוּ: זֹאת אִשְׁתּוֹ! וְיַהַרְגוּ אוֹתִי, וְאוֹתָךְ יְחַיּוּ כְּדֵי לָקַחַת אוֹתָךְ.
יג אִמְרִי־נָ֖א אֲחֹ֣תִי אָ֑תְּ לְמַ֙עַן֙ יִֽיטַב־לִ֣י בַעֲבוּרֵ֔ךְ וְחָיְתָ֥ה נַפְשִׁ֖י בִּגְלָלֵֽךְ׃ אִמְרִי בְּבַקָּשָׁה שֶׁאַתְּ אֲחוֹתִי, כְּדֵי שֶׁיֵּטִיבוּ לִי תְּמוּרָתֵךְ, וְאֶחְיֵה בִּזְכוּתֵךְ.
יד וַיְהִ֕י כְּב֥וֹא אַבְרָ֖ם מִצְרָ֑יְמָה וַיִּרְא֤וּ הַמִּצְרִים֙ אֶת־הָ֣אִשָּׁ֔ה כִּֽי־יָפָ֥ה הִ֖וא מְאֹֽד׃ כְּשֶׁאַבְרָם בָּא לְמִצְרַיִם, הַמִּצְרִים רָאוּ אֶת הָאִשָּׁה שֶׁהִיא יָפָה מְאוֹד.
טו וַיִּרְא֤וּ אֹתָהּ֙ שָׂרֵ֣י פַרְעֹ֔ה וַיְהַֽלְל֥וּ אֹתָ֖הּ אֶל־פַּרְעֹ֑ה וַתֻּקַּ֥ח הָאִשָּׁ֖ה בֵּ֥ית פַּרְעֹֽה׃ שָׂרֵי פַּרְעֹה רָאוּ אוֹתָהּ וְשִׁבְּחוּ אוֹתָהּ שֶׁהִיא רְאוּיָה לְפַרְעֹה, וְהָאִשָּׁה נִלְקְחָה לְבֵית פַּרְעֹה.
טז וּלְאַבְרָ֥ם הֵיטִ֖יב בַּעֲבוּרָ֑הּ וַֽיְהִי־ל֤וֹ צֹאן־וּבָקָר֙ וַחֲמֹרִ֔ים וַעֲבָדִים֙ וּשְׁפָחֹ֔ת וַאֲתֹנֹ֖ת וּגְמַלִּֽים׃ פַּרְעֹה הֵיטִיב לְאַבְרָם תְּמוּרָתָהּ, וְנָתַן לוֹ צֹאן וּבָקָר וַחֲמוֹרִים וַעֲבָדִים וּשְׁפָחוֹת וַאֲתוֹנוֹת וּגְמַלִּים.
יז וַיְנַגַּ֨ע יְהֹוָ֧ה ׀ אֶת־פַּרְעֹ֛ה נְגָעִ֥ים גְּדֹלִ֖ים וְאֶת־בֵּית֑וֹ עַל־דְּבַ֥ר שָׂרַ֖י אֵ֥שֶׁת אַבְרָֽם׃ ה' הִלְקָה אֶת פַּרְעֹה וְאֶת מִשְׁפַּחְתּוֹ בְּנִגְעֵי צָרַעַת גְּדוֹלִים מִפְּנֵי שֶׁלָּקַח אֶת שָׂרַי אֵשֶׁת אַבְרָם.
יח וַיִּקְרָ֤א פַרְעֹה֙ לְאַבְרָ֔ם וַיֹּ֕אמֶר מַה־זֹּ֖את עָשִׂ֣יתָ לִּ֑י לָ֚מָּה לֹא־הִגַּ֣דְתָּ לִּ֔י כִּ֥י אִשְׁתְּךָ֖ הִֽוא׃ פַּרְעֹה קָרָא לְאַבְרָם, וְאָמַר: מַה זֶּה עָשִׂיתָ לִי?! לָמָּה לֹא סִפַּרְתָּ לִי שֶׁהִיא אִשְׁתְּךָ?
יט לָמָ֤ה אָמַ֙רְתָּ֙ אֲחֹ֣תִי הִ֔וא וָאֶקַּ֥ח אֹתָ֛הּ לִ֖י לְאִשָּׁ֑ה וְעַתָּ֕ה הִנֵּ֥ה אִשְׁתְּךָ֖ קַ֥ח וָלֵֽךְ׃ לָמָּה אָמַרְתָּ: אֲחוֹתִי הִיא, וְלָקַחְתִּי אוֹתָהּ לִי לְאִשָּׁה? וְעַכְשָׁיו הִנֵּה אִשְׁתְּךָ – קַח וְלֵךְ!
כ וַיְצַ֥ו עָלָ֛יו פַּרְעֹ֖ה אֲנָשִׁ֑ים וַֽיְשַׁלְּח֥וּ אֹת֛וֹ וְאֶת־אִשְׁתּ֖וֹ וְאֶת־כׇּל־אֲשֶׁר־לֽוֹ׃ פַּרְעֹה צִוָּה עַל אֲנָשִׁים לְלַוּוֹתוֹ, וְהֵם שָׁלְחוּ אוֹתוֹ וְאֶת אִשְׁתּוֹ וְאֶת כָּל הַשַּׁיָּךְ לוֹ.


פרק י"ג עריכה

יג א וַיַּ֩עַל֩ אַבְרָ֨ם מִמִּצְרַ֜יִם ה֠וּא וְאִשְׁתּ֧וֹ וְכׇל־אֲשֶׁר־ל֛וֹ וְל֥וֹט עִמּ֖וֹ הַנֶּֽגְבָּה׃ אַבְרָם עָלָה מִמִּצְרַיִם, הוּא וְאִשְׁתּוֹ וְכָל הַשַּׁיָּךְ לוֹ וְלוֹט אִתּוֹ, לַנֶּגֶב.
ב וְאַבְרָ֖ם כָּבֵ֣ד מְאֹ֑ד בַּמִּקְנֶ֕ה בַּכֶּ֖סֶף וּבַזָּהָֽב׃ וְאַבְרָם עָשִׁיר מְאוֹד, בַּעַל בְּהֵמוֹת כֶּסֶף וְזָהָב.
ג וַיֵּ֙לֶךְ֙ לְמַסָּעָ֔יו מִנֶּ֖גֶב וְעַד־בֵּֽית־אֵ֑ל עַד־הַמָּק֗וֹם אֲשֶׁר־הָ֨יָה שָׁ֤ם אׇֽהֳלֹה֙ בַּתְּחִלָּ֔ה בֵּ֥ין בֵּֽית־אֵ֖ל וּבֵ֥ין הָעָֽי׃ הוּא הָלַךְ בְּמַסְּעוֹתָיו – מֵהַנֶּגֶב וְעַד בֵּית אֵל עַד הַמָּקוֹם שֶׁהָיָה שָׁם אָהֳלוֹ בַּהַתְחָלָה – בֵּין בֵּית אֵל וּבֵין הָעַי.
ד אֶל־מְקוֹם֙ הַמִּזְבֵּ֔חַ אֲשֶׁר־עָ֥שָׂה שָׁ֖ם בָּרִאשֹׁנָ֑ה וַיִּקְרָ֥א שָׁ֛ם אַבְרָ֖ם בְּשֵׁ֥ם יְהֹוָֽה׃ לִמְקוֹם הַמִּזְבֵּחַ שֶׁעָשָׂה שָׁם בַּהַתְחָלָה, וְאַבְרָם הִתְפַּלֵּל שָׁם לַה'.
פָּרָשַׁת הַפְּרֵדָה מִלּוֹט
ה וְגַ֨ם־לְל֔וֹט הַהֹלֵ֖ךְ אֶת־אַבְרָ֑ם הָיָ֥ה צֹאן־וּבָקָ֖ר וְאֹהָלִֽים׃ וְגַם לְלוֹט שֶׁהוֹלֵךְ עִם אַבְרָם הָיָה צֹאן וּבָקָר וְאוֹהָלִים.
ו וְלֹא־נָשָׂ֥א אֹתָ֛ם הָאָ֖רֶץ לָשֶׁ֣בֶת יַחְדָּ֑ו כִּֽי־הָיָ֤ה רְכוּשָׁם֙ רָ֔ב וְלֹ֥א יָֽכְל֖וּ לָשֶׁ֥בֶת יַחְדָּֽו׃ וְלֹא הָיָה מַסְפִּיק מָקוֹם בָּאָרֶץ שֶׁיָּגוּרוּ יַחַד, כִּי הָיָה לָהֶם רְכוּשׁ רָב וְלֹא יָכְלוּ לָגוּר יַחַד.
ז וַֽיְהִי־רִ֗יב בֵּ֚ין רֹעֵ֣י מִקְנֵֽה־אַבְרָ֔ם וּבֵ֖ין רֹעֵ֣י מִקְנֵה־ל֑וֹט וְהַֽכְּנַעֲנִי֙ וְהַפְּרִזִּ֔י אָ֖ז יֹשֵׁ֥ב בָּאָֽרֶץ׃ וְהָיָה רִיב בֵּין רוֹעֵי הַבְּהֵמוֹת שֶׁל אַבְרָם לְבֵין רוֹעֵי הַבְּהֵמוֹת שֶׁל לוֹט, וְהַכְּנַעֲנִי וְהַפְּרִזִּי הָיוּ אָז הַתּוֹשָׁבִים בְּרוֹב הַמְּקוֹמוֹת בָּאָרֶץ.
ח וַיֹּ֨אמֶר אַבְרָ֜ם אֶל־ל֗וֹט אַל־נָ֨א תְהִ֤י מְרִיבָה֙ בֵּינִ֣י וּבֵינֶ֔ךָ וּבֵ֥ין רֹעַ֖י וּבֵ֣ין רֹעֶ֑יךָ כִּֽי־אֲנָשִׁ֥ים אַחִ֖ים אֲנָֽחְנוּ׃ אַבְרָם אָמַר לְלוֹט: בְּבַקָּשָׁה, שֶׁלֹּא תִּהְיֶה מְרִיבָה בֵּינִי לְבֵינְךָ וּבֵין רוֹעַי לְבֵין רוֹעֶיךָ, הֲרֵי אֲנָחְנוּ אַחִים!
ט הֲלֹ֤א כׇל־הָאָ֙רֶץ֙ לְפָנֶ֔יךָ הִפָּ֥רֶד נָ֖א מֵעָלָ֑י אִם־הַשְּׂמֹ֣אל וְאֵימִ֔נָה וְאִם־הַיָּמִ֖ין וְאַשְׂמְאִֽילָה׃ הֲרֵי כָּל הָאָרֶץ לְפָנֶיךָ, הִפָּרֵד בְּבַקָּשָׁה מֵעָלַי, אִם תֵּלֵךְ שְׂמֹאלָה אֵלֵךְ יְמִינָה, וְאִם תֵּלֵךְ יְמִינָה אֵלֵךְ שְׂמֹאלָה.
י וַיִּשָּׂא־ל֣וֹט אֶת־עֵינָ֗יו וַיַּרְא֙ אֶת־כׇּל־כִּכַּ֣ר הַיַּרְדֵּ֔ן כִּ֥י כֻלָּ֖הּ מַשְׁקֶ֑ה לִפְנֵ֣י ׀ שַׁחֵ֣ת יְהֹוָ֗ה אֶת־סְדֹם֙ וְאֶת־עֲמֹרָ֔ה כְּגַן־יְהֹוָה֙ כְּאֶ֣רֶץ מִצְרַ֔יִם בֹּאֲכָ֖ה צֹֽעַר׃ לוֹט הֵרִים אֶת מַבָּטוֹ, וְרָאָה אֶת כָּל בִּקְעַת הַיַּרְדֵּן שֶׁכֻּלָּהּ מֻשְׁקֵית בְּמַיִם, לִפְנֵי שֶׁה' הִשְׁחִית אֶת סְדוֹם וְאֶת עֲמוֹרָה הָיְתָה כָּל הַבִּקְעָה עַד צוֹעַר, כְּמוֹ גַּן ה' וּכְאֶרֶץ מִצְרַיִם שֶׁמֻּשְׁקֵית מֵהַיְּאוֹר.
יא וַיִּבְחַר־ל֣וֹ ל֗וֹט אֵ֚ת כׇּל־כִּכַּ֣ר הַיַּרְדֵּ֔ן וַיִּסַּ֥ע ל֖וֹט מִקֶּ֑דֶם וַיִּפָּ֣רְד֔וּ אִ֖ישׁ מֵעַ֥ל אָחִֽיו׃ לוֹט בָּחַר לוֹ אֶת כָּל בִּקְעַת הַיַּרְדֵּן, וְהוּא נָסַע מִמִּזְרַח בֵּית אֵל, הֵם נִפְרְדוּ אִישׁ מֵאָחִיו.
יב אַבְרָ֖ם יָשַׁ֣ב בְּאֶֽרֶץ־כְּנָ֑עַן וְל֗וֹט יָשַׁב֙ בְּעָרֵ֣י הַכִּכָּ֔ר וַיֶּאֱהַ֖ל עַד־סְדֹֽם׃ אַבְרָם הִתְיַשֵּׁב בְּאֶרֶץ כְּנַעַן וְלוֹט הִתְיַשֵּׁב בְּעָרֵי הַבִּקְעָה וְאוֹהֲלָיו הִגִּיעוּ עַד סְדוֹם.
יג וְאַנְשֵׁ֣י סְדֹ֔ם רָעִ֖ים וְחַטָּאִ֑ים לַיהֹוָ֖ה מְאֹֽד׃ וְאַנְשֵׁי סְדוֹם הָיוּ רָעִים וְחוֹטְאִים לַה' מְאוֹד.
יד וַֽיהֹוָ֞ה אָמַ֣ר אֶל־אַבְרָ֗ם אַחֲרֵי֙ הִפָּֽרֶד־ל֣וֹט מֵֽעִמּ֔וֹ שָׂ֣א נָ֤א עֵינֶ֙יךָ֙ וּרְאֵ֔ה מִן־הַמָּק֖וֹם אֲשֶׁר־אַתָּ֣ה שָׁ֑ם צָפֹ֥נָה וָנֶ֖גְבָּה וָקֵ֥דְמָה וָיָֽמָּה׃ וַה' אָמַר לְאַבְרָם אַחֲרֵי שֶׁלּוֹט נִפְרַד מִמֶּנּוּ: הָרֵם בְּבַקָּשָׁה אֶת מַבָּטְךָ, וּרְאֵה מֵהַמָּקוֹם שֶׁאַתָּה שָׁם, צָפוֹנָה דָּרוֹמָה מִזְרָחָה וּמַעֲרָבָה.
טו כִּ֧י אֶת־כׇּל־הָאָ֛רֶץ אֲשֶׁר־אַתָּ֥ה רֹאֶ֖ה לְךָ֣ אֶתְּנֶ֑נָּה וּֽלְזַרְעֲךָ֖ עַד־עוֹלָֽם׃ כִּי אֶת כָּל הָאָרֶץ שֶׁאַתָּה רוֹאֶה – אֶתֵּן אוֹתָהּ לְךָ וּלְצֶאֱצָאֶיךָ עַד עוֹלָם.
טז וְשַׂמְתִּ֥י אֶֽת־זַרְעֲךָ֖ כַּעֲפַ֣ר הָאָ֑רֶץ אֲשֶׁ֣ר ׀ אִם־יוּכַ֣ל אִ֗ישׁ לִמְנוֹת֙ אֶת־עֲפַ֣ר הָאָ֔רֶץ גַּֽם־זַרְעֲךָ֖ יִמָּנֶֽה׃ אַרְבֶּה אֶת צֶאֱצָאֶיךָ כַּעֲפַר הָאָרֶץ – שֶׁאִם יוּכַל אִישׁ לִסְפּוֹר אֶת עֲפַר הָאָרֶץ גַּם צֶאֱצָאֶיךָ יִסָּפְרוּ.
יז ק֚וּם הִתְהַלֵּ֣ךְ בָּאָ֔רֶץ לְאׇרְכָּ֖הּ וּלְרׇחְבָּ֑הּ כִּ֥י לְךָ֖ אֶתְּנֶֽנָּה׃ קוּם הִתְהַלֵּךְ בָּאָרֶץ לְאָרְכָּהּ וּלְרָחְבָּהּ כִּי לְךָ אֶתֵּן אוֹתָהּ.
יח וַיֶּאֱהַ֣ל אַבְרָ֗ם וַיָּבֹ֛א וַיֵּ֛שֶׁב בְּאֵלֹנֵ֥י מַמְרֵ֖א אֲשֶׁ֣ר בְּחֶבְר֑וֹן וַיִּֽבֶן־שָׁ֥ם מִזְבֵּ֖חַ לַֽיהֹוָֽה׃ אַבְרָם הֵקִים אֶת אוֹהֲלָיו וּבָא וְיָשַׁב בַּמִּישׁוֹר שֶׁל מַמְרֵא שֶׁבְּחֶבְרוֹן, וּבָנָה שָׁם מִזְבֵּחַ לַה'.


פרק י"ד עריכה

פ פָּרָשַׁת מִלְחֶמֶת הַמְּלָכִים
יד א וַיְהִ֗י בִּימֵי֙ אַמְרָפֶ֣ל מֶֽלֶךְ־שִׁנְעָ֔ר אַרְי֖וֹךְ מֶ֣לֶךְ אֶלָּסָ֑ר כְּדׇרְלָעֹ֙מֶר֙ מֶ֣לֶךְ עֵילָ֔ם וְתִדְעָ֖ל מֶ֥לֶךְ גּוֹיִֽם׃ בִּימֵי אַמְרָפֶל מֶלֶךְ עִירָק אַרְיוֹךְ מֶלֶךְ אֶלָּסָר כְּדָרְלָעוֹמֶר מֶלֶךְ עֵילָם שֶׁבְּמַעֲרַב אִירָאן וְתִדְעָל מֶלֶךְ גּוֹיִם.
ב עָשׂ֣וּ מִלְחָמָ֗ה אֶת־בֶּ֙רַע֙ מֶ֣לֶךְ סְדֹ֔ם וְאֶת־בִּרְשַׁ֖ע מֶ֣לֶךְ עֲמֹרָ֑ה שִׁנְאָ֣ב ׀ מֶ֣לֶךְ אַדְמָ֗ה וְשֶׁמְאֵ֙בֶר֙ מֶ֣לֶךְ צביים צְבוֹיִ֔ם וּמֶ֥לֶךְ בֶּ֖לַע הִיא־צֹֽעַר׃ הֵם עָשׂוּ מִלְחָמָה נֶגֶד בֶּרַע מֶלֶךְ סְדוֹם וְנֶגֶד בִּרְשַׁע מֶלֶךְ עֲמוֹרָה שִׁנְאָב מֶלֶךְ אַדְמָה וְשֶׁמְאֵבֶר מֶלֶךְ צְבוֹיִים וּמֶלֶךְ בֶּלַע שֶׁהִיא צוֹעַר.
ג כׇּל־אֵ֙לֶּה֙ חָֽבְר֔וּ אֶל־עֵ֖מֶק הַשִּׂדִּ֑ים ה֖וּא יָ֥ם הַמֶּֽלַח׃ כָּל אֵלֶּה חָבְרוּ יַחַד וְהָלְכוּ אֶל עֵמֶק הַשָּׂדוֹת שֶׁהוּא הַיּוֹם יָם הַמֶּלַח.
ד שְׁתֵּ֤ים עֶשְׂרֵה֙ שָׁנָ֔ה עָבְד֖וּ אֶת־כְּדׇרְלָעֹ֑מֶר וּשְׁלֹשׁ־עֶשְׂרֵ֥ה שָׁנָ֖ה מָרָֽדוּ׃ שְׁתֵּים עֶשְׂרֵה שָׁנָה עָבְדוּ אֶת כְּדָרְלָעוֹמֶר, וּשְׁלוֹשׁ עֶשְׂרֵה שָׁנָה מָרְדוּ בּוֹ.
ה וּבְאַרְבַּע֩ עֶשְׂרֵ֨ה שָׁנָ֜ה בָּ֣א כְדׇרְלָעֹ֗מֶר וְהַמְּלָכִים֙ אֲשֶׁ֣ר אִתּ֔וֹ וַיַּכּ֤וּ אֶת־רְפָאִים֙ בְּעַשְׁתְּרֹ֣ת קַרְנַ֔יִם וְאֶת־הַזּוּזִ֖ים בְּהָ֑ם וְאֵת֙ הָֽאֵימִ֔ים בְּשָׁוֵ֖ה קִרְיָתָֽיִם׃ וּבַשָּׁנָה הָאַרְבַּע עֶשְׂרֵה בָּא כְּדָרְלָעוֹמֶר וְהַמְּלָכִים שֶׁאִתּוֹ וְהָרְגוּ אֶת הָעָם רְפָאִים שֶׁבְּעַשְׁתְּרוֹת קַרְנַיִם, וְאֶת עַם הַזּוּזִים שֶׁבְּהָם, וְאֶת עַם הָאֶמְתָּנִיִּים שֶׁבְּשָׁוֵה קִרְיָתָיִם.
ו וְאֶת־הַחֹרִ֖י בְּהַרְרָ֣ם שֵׂעִ֑יר עַ֚ד אֵ֣יל פָּארָ֔ן אֲשֶׁ֖ר עַל־הַמִּדְבָּֽר׃ וְאֶת הַחוֹרִי בָּהָר שֶׁלָּהֶם – שֵׂעִיר, וְעַד מִישׁוֹר פָּארָן שֶׁעַל יַד הַמִּדְבָּר.
ז וַ֠יָּשֻׁ֠בוּ וַיָּבֹ֜אוּ אֶל־עֵ֤ין מִשְׁפָּט֙ הִ֣וא קָדֵ֔שׁ וַיַּכּ֕וּ אֶֽת־כׇּל־שְׂדֵ֖ה הָעֲמָלֵקִ֑י וְגַם֙ אֶת־הָ֣אֱמֹרִ֔י הַיֹּשֵׁ֖ב בְּחַֽצְצֹ֥ן תָּמָֽר׃ הֵם חָזְרוּ וּבָאוּ לְעֵין מִשְׁפָּט הִיא קָדֵשׁ, וְהָרְגוּ אֶת כָּל תּוֹשְׁבֵי שְׂדֵה הָעֲמָלֵקִי וְגַם אֶת הָאֱמוֹרִי שֶׁיּוֹשֵׁב בְּחַצְצוֹן תָּמָר.
ח וַיֵּצֵ֨א מֶֽלֶךְ־סְדֹ֜ם וּמֶ֣לֶךְ עֲמֹרָ֗ה וּמֶ֤לֶךְ אַדְמָה֙ וּמֶ֣לֶךְ צביים צְבוֹיִ֔ם וּמֶ֥לֶךְ בֶּ֖לַע הִוא־צֹ֑עַר וַיַּֽעַרְכ֤וּ אִתָּם֙ מִלְחָמָ֔ה בְּעֵ֖מֶק הַשִּׂדִּֽים׃ מֶלֶךְ סְדוֹם וּמֶלֶךְ עֲמוֹרָה וּמֶלֶךְ אַדְמָה וּמֶלֶךְ צְבוֹיִם וּמֶלֶךְ בֶּלַע הִיא צוֹעַר יָצְאוּ וְעָרְכוּ מוּלָם מִלְחָמָה בְּעֵמֶק הַשָּׂדוֹת.
ט אֵ֣ת כְּדׇרְלָעֹ֜מֶר מֶ֣לֶךְ עֵילָ֗ם וְתִדְעָל֙ מֶ֣לֶךְ גּוֹיִ֔ם וְאַמְרָפֶל֙ מֶ֣לֶךְ שִׁנְעָ֔ר וְאַרְי֖וֹךְ מֶ֣לֶךְ אֶלָּסָ֑ר אַרְבָּעָ֥ה מְלָכִ֖ים אֶת־הַחֲמִשָּֽׁה׃ מוּל כְּדָרְלָעוֹמֶר מֶלֶךְ עֵילָם שֶׁבְּמַעֲרַב אִירָאן וְתִדְעָל מֶלֶךְ גּוֹיִם וְאַמְרָפֶל מֶלֶךְ עִירָק וְאַרְיוֹךְ מֶלֶךְ אֶלָּסָר – אַרְבָּעָה מְלָכִים נֶגֶד הַחֲמִשָּׁה.
י וְעֵ֣מֶק הַשִּׂדִּ֗ים בֶּֽאֱרֹ֤ת בֶּאֱרֹת֙ חֵמָ֔ר וַיָּנֻ֛סוּ מֶֽלֶךְ־סְדֹ֥ם וַעֲמֹרָ֖ה וַיִּפְּלוּ־שָׁ֑מָּה וְהַנִּשְׁאָרִ֖ים הֶ֥רָה נָּֽסוּ׃ וְעֵמֶק הַשָּׂדוֹת הָיָה מָלֵא בִּבְאֵרוֹת מְלֵאוֹת בּוֹץ, מֶלֶךְ סְדוֹם וַעֲמוֹרָה בָּרְחוּ וְנָפְלוּ שָׁמָּה, וְהַנִּשְׁאָרִים בָּרְחוּ לָהָר.
יא וַ֠יִּקְח֠וּ אֶת־כׇּל־רְכֻ֨שׁ סְדֹ֧ם וַעֲמֹרָ֛ה וְאֶת־כׇּל־אׇכְלָ֖ם וַיֵּלֵֽכוּ׃ הֵם לָקְחוּ אֶת כָּל הָרְכוּשׁ שֶׁל סְדוֹם וַעֲמוֹרָה וְאֶת כָּל הָאוֹכֶל שֶׁלָּהֶם וְהָלְכוּ.
יב וַיִּקְח֨וּ אֶת־ל֧וֹט וְאֶת־רְכֻשׁ֛וֹ בֶּן־אֲחִ֥י אַבְרָ֖ם וַיֵּלֵ֑כוּ וְה֥וּא יֹשֵׁ֖ב בִּסְדֹֽם׃ הֵם לָקְחוּ אֶת לוֹט בֶּן אֲחִי אַבְרָם וְאֶת רְכוּשׁוֹ וְהָלְכוּ, וְהוּא הָיָה גָּר בִּסְדוֹם.
יג וַיָּבֹא֙ הַפָּלִ֔יט וַיַּגֵּ֖ד לְאַבְרָ֣ם הָעִבְרִ֑י וְהוּא֩ שֹׁכֵ֨ן בְּאֵֽלֹנֵ֜י מַמְרֵ֣א הָאֱמֹרִ֗י אֲחִ֤י אֶשְׁכֹּל֙ וַאֲחִ֣י עָנֵ֔ר וְהֵ֖ם בַּעֲלֵ֥י בְרִית־אַבְרָֽם׃ הַפָּלִיט בָּא וְהוֹדִיעַ לְאַבְרָם הָעִבְרִי שֶׁהָיָה גָּר בַּמִּישׁוֹר שֶׁל מַמְרֵא הָאֱמוֹרִי אֲחִיהֶם שֶׁל אֶשְׁכּוֹל וְשֶׁל עָנֵר, שְׁלָשְׁתָּם הָיוּ בַּעֲלֵי בְּרִית שֶׁל אַבְרָם.
יד וַיִּשְׁמַ֣ע אַבְרָ֔ם כִּ֥י נִשְׁבָּ֖ה אָחִ֑יו וַיָּ֨רֶק אֶת־חֲנִיכָ֜יו יְלִידֵ֣י בֵית֗וֹ שְׁמֹנָ֤ה עָשָׂר֙ וּשְׁלֹ֣שׁ מֵא֔וֹת וַיִּרְדֹּ֖ף עַד־דָּֽן׃ אַבְרָם שָׁמַע שֶׁקְּרוֹבוֹ נָפַל בַּשֶּׁבִי, הוּא גִּיֵּס אֶת שְׁלֹשׁ מֵאוֹת וּשְׁמוֹנָה עָשָׂר בְּנֵי עֲבָדָיו שֶׁנּוֹלְדוּ וְגָדְלוּ בְּבֵיתוֹ, וְרָדַף עַד לַמָּקוֹם שֶׁנִּקְרָא דָּן.
טו וַיֵּחָלֵ֨ק עֲלֵיהֶ֧ם ׀ לַ֛יְלָה ה֥וּא וַעֲבָדָ֖יו וַיַּכֵּ֑ם וַֽיִּרְדְּפֵם֙ עַד־חוֹבָ֔ה אֲשֶׁ֥ר מִשְּׂמֹ֖אל לְדַמָּֽשֶׂק׃ בַּלַּיְלָה הוּא חִלֵּק אֵת צְבָאוֹ – הוּא וַעֲבָדָיו, לִשְׁתֵּי זְרוֹעוֹת, וְהִכָּה אוֹתָם, וְרָדַף אַחֲרֵיהֶם עַד לְחוֹבָה שֶׁמִּצְּפוֹן לְדַמֶּשֶׂק.
טז וַיָּ֕שֶׁב אֵ֖ת כׇּל־הָרְכֻ֑שׁ וְגַם֩ אֶת־ל֨וֹט אָחִ֤יו וּרְכֻשׁוֹ֙ הֵשִׁ֔יב וְגַ֥ם אֶת־הַנָּשִׁ֖ים וְאֶת־הָעָֽם׃ הוּא הֶחֱזִיר אֶת כָּל הָרְכוּשׁ, וְגַם הֶחֱזִיר אֶת לוֹט קְרוֹבוֹ וּרְכוּשׁוֹ, וְגַם אֶת הַנָּשִׁים וְאֶת הָעָם.
יז וַיֵּצֵ֣א מֶֽלֶךְ־סְדֹם֮ לִקְרָאתוֹ֒ אַחֲרֵ֣י שׁוּב֗וֹ מֵֽהַכּוֹת֙ אֶת־כְּדׇרְלָעֹ֔מֶר וְאֶת־הַמְּלָכִ֖ים אֲשֶׁ֣ר אִתּ֑וֹ אֶל־עֵ֣מֶק שָׁוֵ֔ה ה֖וּא עֵ֥מֶק הַמֶּֽלֶךְ׃ אַחֲרֵי שֶׁשָּׁב מִלְּהַכּוֹת אֶת כְּדָרְלָעוֹמֶר וְאֶת הַמְּלָכִים שֶׁאִתּוֹ, יָצָא לִקְרָאתוֹ מֶלֶךְ סְדוֹם אֶל הָעֵמֶק הַנִּקְרָא שָׁוֵה – הוּא עֵמֶק הַמֶּלֶךְ.
יח וּמַלְכִּי־צֶ֙דֶק֙ מֶ֣לֶךְ שָׁלֵ֔ם הוֹצִ֖יא לֶ֣חֶם וָיָ֑יִן וְה֥וּא כֹהֵ֖ן לְאֵ֥ל עֶלְיֽוֹן׃ וּמַלְכִּי צֶדֶק מֶלֶךְ שָׁלֵם הוֹצִיא לִקְרַאת אַבְרָם לֶחֶם וְיָיִן, וְהוּא הָיָה כֹּהֵן לַעֲבוֹדַת הָאֵל הָעֶלְיוֹן.
יט וַֽיְבָרְכֵ֖הוּ וַיֹּאמַ֑ר בָּר֤וּךְ אַבְרָם֙ לְאֵ֣ל עֶלְי֔וֹן קֹנֵ֖ה שָׁמַ֥יִם וָאָֽרֶץ׃ הוּא בֵּרַךְ אוֹתוֹ וְאָמַר: בָּרוּךְ אַבְרָם בְּבִרְכַּת אֵל עֶלְיוֹן אֲדוֹן הַשָּׁמַיִם וְהָאָרֶץ.
כ וּבָרוּךְ֙ אֵ֣ל עֶלְי֔וֹן אֲשֶׁר־מִגֵּ֥ן צָרֶ֖יךָ בְּיָדֶ֑ךָ וַיִּתֶּן־ל֥וֹ מַעֲשֵׂ֖ר מִכֹּֽל׃ וּבָרוּךְ אֵל עֶלְיוֹן שֶׁמָּסַר בְּיָדְךָ אֶת צוֹרְרֶיךָ, אַבְרָם נָתַן לוֹ מַעֲשֵׂר מִכָּל רְכוּשׁוֹ.
כא וַיֹּ֥אמֶר מֶֽלֶךְ־סְדֹ֖ם אֶל־אַבְרָ֑ם תֶּן־לִ֣י הַנֶּ֔פֶשׁ וְהָרְכֻ֖שׁ קַֽח־לָֽךְ׃ מֶלֶךְ סְדוֹם אָמַר לְאַבְרָם: תֵּן לִי אֶת הָאֲנָשִׁים, וְקַח לְךָ אֶת הָרְכוּשׁ.
כב וַיֹּ֥אמֶר אַבְרָ֖ם אֶל־מֶ֣לֶךְ סְדֹ֑ם הֲרִמֹ֨תִי יָדִ֤י אֶל־יְהֹוָה֙ אֵ֣ל עֶלְי֔וֹן קֹנֵ֖ה שָׁמַ֥יִם וָאָֽרֶץ׃ אָמַר אַבְרָם לְמֶלֶךְ סְדוֹם: אֲנִי מֵרִים אֶת יָדִי בִּשְׁבוּעָה אֶל ה' הָאֵל הָעֶלְיוֹן אֲדוֹן הַשָּׁמַיִם וְהָאָרֶץ.
כג אִם־מִחוּט֙ וְעַ֣ד שְׂרֽוֹךְ־נַ֔עַל וְאִם־אֶקַּ֖ח מִכׇּל־אֲשֶׁר־לָ֑ךְ וְלֹ֣א תֹאמַ֔ר אֲנִ֖י הֶעֱשַׁ֥רְתִּי אֶת־אַבְרָֽם׃ שֶׁלֹּא אֶקַּח אֲפִלּוּ מִחוּט וְעַד שְׂרוֹךְ נַעַל, וְלֹא אֶקַּח שׁוּם דָּבָר מִכָּל הַשַּׁיָּךְ לְךָ, כְּדֵי שֶׁלֹּא תֹּאמַר: אֲנִי הֶעֱשַׁרְתִּי אֶת אַבְרָם.
כד בִּלְעָדַ֗י רַ֚ק אֲשֶׁ֣ר אָֽכְל֣וּ הַנְּעָרִ֔ים וְחֵ֙לֶק֙ הָֽאֲנָשִׁ֔ים אֲשֶׁ֥ר הָלְכ֖וּ אִתִּ֑י עָנֵר֙ אֶשְׁכֹּ֣ל וּמַמְרֵ֔א הֵ֖ם יִקְח֥וּ חֶלְקָֽם׃ חוּץ מִמַּה שֶׁאָכְלוּ הַנְּעָרִים כְּשֶׁנִּלְחֲמוּ, וְחוּץ מֵחֵלֶק הַשָּׁלָל שֶׁל הָאֲנָשִׁים שֶׁהָלְכוּ אִתִּי – עָנֵר אֶשְׁכֹּל וּמַמְרֵא, הֵם יִקְחוּ אֶת חֶלְקָם.


פרק ט"ו עריכה

ס פָּרָשַׁת בְּרִית בֵּין הַבְּתָרִים
טו א אַחַ֣ר ׀ הַדְּבָרִ֣ים הָאֵ֗לֶּה הָיָ֤ה דְבַר־יְהֹוָה֙ אֶל־אַבְרָ֔ם בַּֽמַּחֲזֶ֖ה לֵאמֹ֑ר אַל־תִּירָ֣א אַבְרָ֗ם אָנֹכִי֙ מָגֵ֣ן לָ֔ךְ שְׂכָרְךָ֖ הַרְבֵּ֥ה מְאֹֽד׃ אַחֲרֵי הַדְּבָרִים הָאֵלֶּה, נֶאֱמַר דְּבַר ה' לְאַבְרָם בְּמַרְאֵה נְבוּאָה: אַל תִּפְחַד אַבְרָם, אֲנִי מָגֵן עָלֶיךָ, וְיִהְיֶה לְךָ שָׂכָר רָב.
ב וַיֹּ֣אמֶר אַבְרָ֗ם אֲדֹנָ֤י יֱהֹוִה֙ מַה־תִּתֶּן־לִ֔י וְאָנֹכִ֖י הוֹלֵ֣ךְ עֲרִירִ֑י וּבֶן־מֶ֣שֶׁק בֵּיתִ֔י ה֖וּא דַּמֶּ֥שֶׂק אֱלִיעֶֽזֶר׃ אַבְרָם אָמַר: ה' אֱלֹהִים מַה תִּתֶּן לִי?! הֲרֵי אֲנִי הוֹלֵךְ לָמוּת בְּלִי בֵּן שֶׁיִּירַשׁ אוֹתִי, וְהָאַחְרַאי עַל מֶשֶׁק בֵּיתִי הוּא אֱלִיעֶזֶר מִדַּמֶּשֶׂק.
ג וַיֹּ֣אמֶר אַבְרָ֔ם הֵ֣ן לִ֔י לֹ֥א נָתַ֖תָּה זָ֑רַע וְהִנֵּ֥ה בֶן־בֵּיתִ֖י יוֹרֵ֥שׁ אֹתִֽי׃ אַבְרָם אָמַר: הֲרֵי לֹא נָתַתָּ לִי בֵּן, וְהִנֵּה הָאַחְרַאי עַל בֵּיתִי יוֹרֵשׁ אוֹתִי.
ד וְהִנֵּ֨ה דְבַר־יְהֹוָ֤ה אֵלָיו֙ לֵאמֹ֔ר לֹ֥א יִֽירָשְׁךָ֖ זֶ֑ה כִּי־אִם֙ אֲשֶׁ֣ר יֵצֵ֣א מִמֵּעֶ֔יךָ ה֖וּא יִֽירָשֶֽׁךָ׃ וְהִנֵּה נֶאֱמַר לוֹ דְּבַר ה': הָאִישׁ הַזֶּה לֹא יִירַשׁ אוֹתְךָ, אֶלָּא בִּנְךָ שֶׁיֵּצֵא מִמְּךָ הוּא יִירַשׁ אוֹתְךָ.
ה וַיּוֹצֵ֨א אֹת֜וֹ הַח֗וּצָה וַיֹּ֙אמֶר֙ הַבֶּט־נָ֣א הַשָּׁמַ֗יְמָה וּסְפֹר֙ הַכּ֣וֹכָבִ֔ים אִם־תּוּכַ֖ל לִסְפֹּ֣ר אֹתָ֑ם וַיֹּ֣אמֶר ל֔וֹ כֹּ֥ה יִהְיֶ֖ה זַרְעֶֽךָ׃ הוּא הוֹצִיא אוֹתוֹ הַחוּצָה וְאָמַר: הַבֵּט בְּבַקָּשָׁה לַשָּׁמַיִם וּסְפוֹר אֶת הַכּוֹכָבִים – אִם תּוּכַל לִסְפּוֹר אוֹתָם! אָמַר לוֹ: כָּךְ יִהְיוּ צֶאֱצָאֶיךָ!
ו וְהֶאֱמִ֖ן בַּֽיהֹוָ֑ה וַיַּחְשְׁבֶ֥הָ לּ֖וֹ צְדָקָֽה׃ אַבְרָם הֶאֱמִין בַּה' שֶׁיִּתֵּן לוֹ בֵּן, וַה' הֶחְשִׁיב לוֹ אֶת הַדָּבָר לִזְכוּת.
ז וַיֹּ֖אמֶר אֵלָ֑יו אֲנִ֣י יְהֹוָ֗ה אֲשֶׁ֤ר הוֹצֵאתִ֙יךָ֙ מֵא֣וּר כַּשְׂדִּ֔ים לָ֧תֶת לְךָ֛ אֶת־הָאָ֥רֶץ הַזֹּ֖את לְרִשְׁתָּֽהּ׃ אָמַר לוֹ ה': אֲנִי ה' שֶׁהוֹצֵאתִי אוֹתְךָ מֵאוּר כַּשְׂדִּים לָתֵת לְךָ אֶת הָאָרֶץ הַזֹּאת לִכְבּוֹשׁ אוֹתָהּ.
ח וַיֹּאמַ֑ר אֲדֹנָ֣י יֱהֹוִ֔ה בַּמָּ֥ה אֵדַ֖ע כִּ֥י אִֽירָשֶֽׁנָּה׃ אָמַר אַבְרָם: ה' אֱלֹהִים, אֵיךְ אֵדַע וְאֶשְׁתַּכְנֵעַ שֶׁאֶכְבּוֹשׁ אוֹתָהּ?
ט וַיֹּ֣אמֶר אֵלָ֗יו קְחָ֥ה לִי֙ עֶגְלָ֣ה מְשֻׁלֶּ֔שֶׁת וְעֵ֥ז מְשֻׁלֶּ֖שֶׁת וְאַ֣יִל מְשֻׁלָּ֑שׁ וְתֹ֖ר וְגוֹזָֽל׃ אָמַר לוֹ: הָבֵא לִי עֶגְלָה שְׁמֵנָה וּבְרִיאָה וְעֵז שְׁמֵנָה וְאַיִל שָׁמֵן וְתוֹר וְגוֹזָל בֶּן יוֹנָה.
י וַיִּֽקַּֽח־ל֣וֹ אֶת־כׇּל־אֵ֗לֶּה וַיְבַתֵּ֤ר אֹתָם֙ בַּתָּ֔וֶךְ וַיִּתֵּ֥ן אִישׁ־בִּתְר֖וֹ לִקְרַ֣את רֵעֵ֑הוּ וְאֶת־הַצִּפֹּ֖ר לֹ֥א בָתָֽר׃ הוּא הֵבִיא לוֹ אֶת כָּל אֵלֶּה וְהוּא חָתַךְ אוֹתָם בְּאֶמְצָעָם וְהֵנִיחַ כָּל חֵצִי מוּל הַחֵצִי הַשֵּׁנִי, וְאֶת הַצִּפּוֹרִים הוּא לֹא חָתַךְ.
יא וַיֵּ֥רֶד הָעַ֖יִט עַל־הַפְּגָרִ֑ים וַיַּשֵּׁ֥ב אֹתָ֖ם אַבְרָֽם׃ עוֹפוֹת עַיִט יָרְדוּ עַל הַפְּגָרִים, וְאַבְרָם הֵעִיף אוֹתָם.
יב וַיְהִ֤י הַשֶּׁ֙מֶשׁ֙ לָב֔וֹא וְתַרְדֵּמָ֖ה נָפְלָ֣ה עַל־אַבְרָ֑ם וְהִנֵּ֥ה אֵימָ֛ה חֲשֵׁכָ֥ה גְדֹלָ֖ה נֹפֶ֥לֶת עָלָֽיו׃ הַשֶּׁמֶשׁ עָמְדָה לִשְׁקוֹעַ וְתַרְדֵּמָה נָפְלָה עַל אַבְרָם, וְהִנֵּה פַּחַד וְחוֹשֶׁךְ גָּדוֹל נוֹפֵל עָלָיו.
יג וַיֹּ֣אמֶר לְאַבְרָ֗ם יָדֹ֨עַ תֵּדַ֜ע כִּי־גֵ֣ר ׀ יִהְיֶ֣ה זַרְעֲךָ֗ בְּאֶ֙רֶץ֙ לֹ֣א לָהֶ֔ם וַעֲבָד֖וּם וְעִנּ֣וּ אֹתָ֑ם אַרְבַּ֥ע מֵא֖וֹת שָׁנָֽה׃ ה' אָמַר לְאַבְרָם: דַּע שֶׁצֶּאֱצָאֶיךָ יִהְיוּ גֵּרִים בְּאֶרֶץ שֶׁאֵינָהּ שֶׁלָּהֶם וְיִהְיוּ לָהֶם לַעֲבָדִים וִיעַנּוּ אוֹתָם – אַרְבַּע מֵאוֹת שָׁנָה.
יד וְגַ֧ם אֶת־הַגּ֛וֹי אֲשֶׁ֥ר יַעֲבֹ֖דוּ דָּ֣ן אָנֹ֑כִי וְאַחֲרֵי־כֵ֥ן יֵצְא֖וּ בִּרְכֻ֥שׁ גָּדֽוֹל׃ וְגַם אֶשְׁפּוֹט אֶת הָעָם שֶׁהֵם יִהְיוּ לוֹ לַעֲבָדִים, וְאַחֲרֵי כֵן הֵם יֵצְאוּ בִּרְכוּשׁ גָּדוֹל.
טו וְאַתָּ֛ה תָּב֥וֹא אֶל־אֲבֹתֶ֖יךָ בְּשָׁל֑וֹם תִּקָּבֵ֖ר בְּשֵׂיבָ֥ה טוֹבָֽה׃ וְאַתָּה תָּבוֹא בְּמוֹתְךָ בְּשָׁלוֹם אֶל אֲבוֹתֶיךָ שֶׁמֵּתוּ – תִּקָּבֵר אַחֲרֵי זִקְנָה נְעִימָה.
טז וְד֥וֹר רְבִיעִ֖י יָשׁ֣וּבוּ הֵ֑נָּה כִּ֧י לֹא־שָׁלֵ֛ם עֲוֺ֥ן הָאֱמֹרִ֖י עַד־הֵֽנָּה׃ וְרַק הַדּוֹר הָרְבִיעִי לַגָּלוּת יָשׁוּבוּ הֵנָּה, כִּי עֲדַיִן לֹא נִשְׁלְמוּ עֲווֹנוֹת הָאֱמוֹרִי שֶׁאַעֲנִישׁ אוֹתָם וְאֶקַּח אֶת אַרְצָם.
יז וַיְהִ֤י הַשֶּׁ֙מֶשׁ֙ בָּ֔אָה וַעֲלָטָ֖ה הָיָ֑ה וְהִנֵּ֨ה תַנּ֤וּר עָשָׁן֙ וְלַפִּ֣יד אֵ֔שׁ אֲשֶׁ֣ר עָבַ֔ר בֵּ֖ין הַגְּזָרִ֥ים הָאֵֽלֶּה׃ הַשֶּׁמֶשׁ שָׁקְעָה וְנִהְיָה חוֹשֶׁךְ, וְהִנֵּה תַּנּוּר מַעֲלֶה עָשָׁן וְלַפִּיד אֵשׁ עָבְרוּ בֵּין חֶלְקֵי הַבְּהֵמוֹת הָאֵלֶּה.
יח בַּיּ֣וֹם הַה֗וּא כָּרַ֧ת יְהֹוָ֛ה אֶת־אַבְרָ֖ם בְּרִ֣ית לֵאמֹ֑ר לְזַרְעֲךָ֗ נָתַ֙תִּי֙ אֶת־הָאָ֣רֶץ הַזֹּ֔את מִנְּהַ֣ר מִצְרַ֔יִם עַד־הַנָּהָ֥ר הַגָּדֹ֖ל נְהַר־פְּרָֽת׃ בַּיּוֹם הַהוּא ה' עָשָׂה עִם אַבְרָם הֶסְכֵּם, וְהִתְחַיֵּב: לְצֶאֱצָאֶיךָ נָתַתִּי אֶת הָאָרֶץ הַזֹּאת מִנְּהַר מִצְרַיִם עַד הַנָּהָר הַגָּדוֹל נְהַר פְּרָת.
יט אֶת־הַקֵּינִי֙ וְאֶת־הַקְּנִזִּ֔י וְאֵ֖ת הַקַּדְמֹנִֽי׃ אֶת אֶרֶץ הַקֵּינִי וְאֶת הַקְּנִזִּי וְאֶת הַקַּדְמוֹנִי,
כ וְאֶת־הַחִתִּ֥י וְאֶת־הַפְּרִזִּ֖י וְאֶת־הָרְפָאִֽים׃ וְאֶת הַחִתִּי וְאֶת הַפְּרִזִּי וְאֶת הָרְפָאִים,
כא וְאֶת־הָֽאֱמֹרִי֙ וְאֶת־הַֽכְּנַעֲנִ֔י וְאֶת־הַגִּרְגָּשִׁ֖י וְאֶת־הַיְבוּסִֽי׃ וְאֶת הָאֱמוֹרִי וְאֶת הַכְּנַעֲנִי וְאֶת הַגִּרְגָּשִׁי וְאֶת הַיְּבוּסִי.


פרק ט"ז עריכה

ס פָּרָשַׁת הָגָר
טז א וְשָׂרַי֙ אֵ֣שֶׁת אַבְרָ֔ם לֹ֥א יָלְדָ֖ה ל֑וֹ וְלָ֛הּ שִׁפְחָ֥ה מִצְרִ֖ית וּשְׁמָ֥הּ הָגָֽר׃ וְשָׂרַי אֵשֶׁת אַבְרָם לֹא יָלְדָה לוֹ, וְהָיְתָה לָהּ שִׁפְחָה מִצְרִית וּשְׁמָהּ הָגָר.
ב וַתֹּ֨אמֶר שָׂרַ֜י אֶל־אַבְרָ֗ם הִנֵּה־נָ֞א עֲצָרַ֤נִי יְהֹוָה֙ מִלֶּ֔דֶת בֹּא־נָא֙ אֶל־שִׁפְחָתִ֔י אוּלַ֥י אִבָּנֶ֖ה מִמֶּ֑נָּה וַיִּשְׁמַ֥ע אַבְרָ֖ם לְק֥וֹל שָׂרָֽי׃ שָׂרַי אָמְרָה לְאַבְרָם: בְּבַקָּשָׁה, הִנֵּה ה' מָנַע מִמֶּנִּי לָלֶדֶת, בֹּא בְּבַקָּשָׁה אֶל שִׁפְחָתִי, אוּלַי יִהְיֶה לִי בֵּן מִמֶּנָּה! אַבְרָם שָׁמַע לְקוֹל שָׂרַי.
ג וַתִּקַּ֞ח שָׂרַ֣י אֵֽשֶׁת־אַבְרָ֗ם אֶת־הָגָ֤ר הַמִּצְרִית֙ שִׁפְחָתָ֔הּ מִקֵּץ֙ עֶ֣שֶׂר שָׁנִ֔ים לְשֶׁ֥בֶת אַבְרָ֖ם בְּאֶ֣רֶץ כְּנָ֑עַן וַתִּתֵּ֥ן אֹתָ֛הּ לְאַבְרָ֥ם אִישָׁ֖הּ ל֥וֹ לְאִשָּֽׁה׃ שָׂרַי אֵשֶׁת אַבְרָם לָקְחָה אֶת הָגָר הַמִּצְרִית שִׁפְחָתָהּ אַחֲרֵי עֶשֶׂר שָׁנִים לְהִתְיַשְּׁבוּת אַבְרָם בְּאֶרֶץ כְּנַעַן, וְנָתְנָה אוֹתָהּ לְאַבְרָם בַּעֲלָהּ שֶׁתִּהְיֶה לוֹ לְאִשָּׁה.
ד וַיָּבֹ֥א אֶל־הָגָ֖ר וַתַּ֑הַר וַתֵּ֙רֶא֙ כִּ֣י הָרָ֔תָה וַתֵּקַ֥ל גְּבִרְתָּ֖הּ בְּעֵינֶֽיהָ׃ הוּא בָּא אֶל הָגָר וְהִיא נִכְנְסָה לְהֵרָיוֹן, כֵּיוָן שֶׁרָאֲתָה שֶׁהִיא נִכְנְסָה לְהֵרָיוֹן גְּבִרְתָּהּ הִתְבַּזְּתָה בְּעֵינֶיהָ.
ה וַתֹּ֨אמֶר שָׂרַ֣י אֶל־אַבְרָם֮ חֲמָסִ֣י עָלֶ֒יךָ֒ אָנֹכִ֗י נָתַ֤תִּי שִׁפְחָתִי֙ בְּחֵיקֶ֔ךָ וַתֵּ֙רֶא֙ כִּ֣י הָרָ֔תָה וָאֵקַ֖ל בְּעֵינֶ֑יהָ יִשְׁפֹּ֥ט יְהֹוָ֖ה בֵּינִ֥י וּבֵינֶֽיׄךָ׃ אָמְרָה שָׂרַי לְאַבְרָם: הַפְּגִיעָה בִּכְבוֹדִי הִיא בְּאַשְׁמָתְךָ! אֲנִי נָתַתִּי אֶת שִׁפְחָתִי בְּחֵיקְךָ, הִיא רָאֲתָה שֶׁהִיא נִכְנְסָה לְהֵרָיוֹן וְהִתְבַּזֵּיתִי בְּעֵינֶיהָ, ה' יִשְׁפּוֹט בֵּינִי וּבֵינְךָ.
ו וַיֹּ֨אמֶר אַבְרָ֜ם אֶל־שָׂרַ֗י הִנֵּ֤ה שִׁפְחָתֵךְ֙ בְּיָדֵ֔ךְ עֲשִׂי־לָ֖הּ הַטּ֣וֹב בְּעֵינָ֑יִךְ וַתְּעַנֶּ֣הָ שָׂרַ֔י וַתִּבְרַ֖ח מִפָּנֶֽיהָ׃ אָמַר אַבְרָם לְשָׂרַי: הִנֵּה שִׁפְחָתֵךְ בְּיָדֵךְ עֲשִׂי לָהּ כַּטּוֹב בְּעֵינַיִךְ, שָׂרַי הִשְׁפִּילָה אוֹתָהּ וְהִיא בָּרְחָה מִמֶּנָּה.
ז וַֽיִּמְצָאָ֞הּ מַלְאַ֧ךְ יְהֹוָ֛ה עַל־עֵ֥ין הַמַּ֖יִם בַּמִּדְבָּ֑ר עַל־הָעַ֖יִן בְּדֶ֥רֶךְ שֽׁוּר׃ מַלְאַךְ ה' מָצָא אוֹתָהּ עַל יַד מַעְיַן הַמַּיִם בַּמִּדְבָּר, עַל יַד הַמַּעְיַן בְּחוֹלוֹת חֲלוּצָה בַּדֶּרֶךְ לְמִדְבַּר שׁוּר.
ח וַיֹּאמַ֗ר הָגָ֞ר שִׁפְחַ֥ת שָׂרַ֛י אֵֽי־מִזֶּ֥ה בָ֖את וְאָ֣נָה תֵלֵ֑כִי וַתֹּ֕אמֶר מִפְּנֵי֙ שָׂרַ֣י גְּבִרְתִּ֔י אָנֹכִ֖י בֹּרַֽחַת׃ אָמַר לָהּ: הָגָר שִׁפְחַת שָׂרַי, מֵאֵיפֹה בָּאת וּלְאָן אַתְּ הוֹלֶכֶת? הִיא אָמְרָה: אֲנִי בּוֹרַחַת מִשָּׂרַי גְּבִרְתִּי.
ט וַיֹּ֤אמֶר לָהּ֙ מַלְאַ֣ךְ יְהֹוָ֔ה שׁ֖וּבִי אֶל־גְּבִרְתֵּ֑ךְ וְהִתְעַנִּ֖י תַּ֥חַת יָדֶֽיהָ׃ אָמַר לָהּ מַלְאַךְ ה': חִזְרִי אֶל גְּבִרְתֵּךְ וֶהֱיִי כְּפוּפָה תַּחְתֶּיהָ.
י וַיֹּ֤אמֶר לָהּ֙ מַלְאַ֣ךְ יְהֹוָ֔ה הַרְבָּ֥ה אַרְבֶּ֖ה אֶת־זַרְעֵ֑ךְ וְלֹ֥א יִסָּפֵ֖ר מֵרֹֽב׃ אָמַר לָהּ מַלְאַךְ ה': אַרְבֶּה מְאוֹד אֶת צֶאֱצָאַיִךְ וְלֹא יִסָּפְרוּ מֵרוֹב.
יא וַיֹּ֤אמֶר לָהּ֙ מַלְאַ֣ךְ יְהֹוָ֔ה הִנָּ֥ךְ הָרָ֖ה וְיֹלַ֣דְתְּ בֵּ֑ן וְקָרָ֤את שְׁמוֹ֙ יִשְׁמָעֵ֔אל כִּֽי־שָׁמַ֥ע יְהֹוָ֖ה אֶל־עׇנְיֵֽךְ׃ אָמַר לָהּ מַלְאַךְ ה': אַתְּ תִּכַּנְסִי לְהֵרָיוֹן, וְתֵלְדִי בֵּן, וְתִקְרְאִי אֶת שְׁמוֹ יִשְׁמָעֵאל כִּי ה' שָׁמַע אוֹתָךְ מִשּׁוּם צַעֲרֵךְ.
יב וְה֤וּא יִהְיֶה֙ פֶּ֣רֶא אָדָ֔ם יָד֣וֹ בַכֹּ֔ל וְיַ֥ד כֹּ֖ל בּ֑וֹ וְעַל־פְּנֵ֥י כׇל־אֶחָ֖יו יִשְׁכֹּֽן׃ וְהוּא יִהְיֶה אָדָם דּוֹמֶה לְחַיַּת פֶּרֶא, הוּא יָרִיב עִם כֻּלָּם וְכֻלָּם יָרִיבוּ אִתּוֹ, וְצֶאֱצָאָיו יָגוּרוּ לְיַד הַצֶּאֱצָאִים שֶׁל כָּל אֶחָיו.
יג וַתִּקְרָ֤א שֵׁם־יְהֹוָה֙ הַדֹּבֵ֣ר אֵלֶ֔יהָ אַתָּ֖ה אֵ֣ל רֳאִ֑י כִּ֣י אָֽמְרָ֗ה הֲגַ֥ם הֲלֹ֛ם רָאִ֖יתִי אַחֲרֵ֥י רֹאִֽי׃ הִיא הוֹדְתָה לַה' הַמְּדַבֵּר אֵלֶיהָ וְאָמְרָה: אַתָּה אֵל רוֹאֶה וּמַשְׁגִּיחַ! כִּי אָמְרָה: גַּם כָּאן רָאִיתִי אֶת הַמַּלְאָךְ שֶׁלְּךָ, אַחֲרֵי שֶׁרָאִיתָ אֶת צַעֲרִי.
יד עַל־כֵּן֙ קָרָ֣א לַבְּאֵ֔ר בְּאֵ֥ר לַחַ֖י רֹאִ֑י הִנֵּ֥ה בֵין־קָדֵ֖שׁ וּבֵ֥ין בָּֽרֶד׃ לָכֵן נִקְרְאָה הַבְּאֵר 'בְּאֵר לַחַי רוֹאִי' – 'הַבְּאֵר לָאֵל הַחַי שֶׁרוֹאֶה אוֹתִי', וְהִיא נִמְצֵאת בֵּין רֶקֶם לְבֵין צֶאֱלִים.
טו וַתֵּ֧לֶד הָגָ֛ר לְאַבְרָ֖ם בֵּ֑ן וַיִּקְרָ֨א אַבְרָ֧ם שֶׁם־בְּנ֛וֹ אֲשֶׁר־יָלְדָ֥ה הָגָ֖ר יִשְׁמָעֵֽאל׃ הָגָר יָלְדָה לְאַבְרָם בֵּן, אֶת שֵׁם בְּנוֹ שֶׁיָּלְדָה הָגָר קָרָא אַבְרָם יִשְׁמָעֵאל.
טז וְאַבְרָ֕ם בֶּן־שְׁמֹנִ֥ים שָׁנָ֖ה וְשֵׁ֣שׁ שָׁנִ֑ים בְּלֶֽדֶת־הָגָ֥ר אֶת־יִשְׁמָעֵ֖אל לְאַבְרָֽם׃ וְאַבְרָם הָיָה בֶּן שְׁמוֹנִים וְשֵׁשׁ שָׁנִים כְּשֶׁהָגָר יָלְדָה אֶת יִשְׁמָעֵאל לְאַבְרָם.


פרק י"ז עריכה

ס פָּרָשַׁת בְּרִית הַמִּילָה
יז א וַיְהִ֣י אַבְרָ֔ם בֶּן־תִּשְׁעִ֥ים שָׁנָ֖ה וְתֵ֣שַׁע שָׁנִ֑ים וַיֵּרָ֨א יְהֹוָ֜ה אֶל־אַבְרָ֗ם וַיֹּ֤אמֶר אֵלָיו֙ אֲנִי־אֵ֣ל שַׁדַּ֔י הִתְהַלֵּ֥ךְ לְפָנַ֖י וֶהְיֵ֥ה תָמִֽים׃ אַבְרָם הָיָה בֶּן תִּשְׁעִים וְתֵשַׁע שָׁנִים, ה' הִתְגַּלָּה לְאַבְרָם וְאָמַר לוֹ: אֲנִי אֵל כָּל יָכוֹל, לֵךְ בִּדְרָכַי בִּשְׁלֵמוּת!
ב וְאֶתְּנָ֥ה בְרִיתִ֖י בֵּינִ֣י וּבֵינֶ֑ךָ וְאַרְבֶּ֥ה אוֹתְךָ֖ בִּמְאֹ֥ד מְאֹֽד׃ וְאֶעֱשֶׂה בֵּינִי וּבֵינְךָ אֶת הֶסְכֵּם הַבְּרִית שֶׁלִּי, וְאַרְבֶּה אֶת צֶאֱצָאֶיךָ מְאוֹד מְאוֹד.
ג וַיִּפֹּ֥ל אַבְרָ֖ם עַל־פָּנָ֑יו וַיְדַבֵּ֥ר אִתּ֛וֹ אֱלֹהִ֖ים לֵאמֹֽר׃ אַבְרָם נָפַל עַל פָּנָיו וְהִשְׁתַּחֲוָה, אֱלֹהִים דִּבֵּר אִתּוֹ וְאָמַר:
ד אֲנִ֕י הִנֵּ֥ה בְרִיתִ֖י אִתָּ֑ךְ וְהָיִ֕יתָ לְאַ֖ב הֲמ֥וֹן גּוֹיִֽם׃ הִנֵּה הֶסְכֵּם הַבְּרִית שֶׁלִּי אִתְּךָ, תִּהְיֶה לְאָב שֶׁל עַמִּים רַבִּים.
ה וְלֹא־יִקָּרֵ֥א ע֛וֹד אֶת־שִׁמְךָ֖ אַבְרָ֑ם וְהָיָ֤ה שִׁמְךָ֙ אַבְרָהָ֔ם כִּ֛י אַב־הֲמ֥וֹן גּוֹיִ֖ם נְתַתִּֽיךָ׃ וְלֹא יִקָּרֵא עוֹד שִׁמְךָ אַבְרָם, שִׁמְךָ יִהְיֶה אַבְרָהָם, כִּי אֲנִי עוֹשֶׂה אוֹתְךָ אָב לְעַמִּים רַבִּים.
ו וְהִפְרֵתִ֤י אֹֽתְךָ֙ בִּמְאֹ֣ד מְאֹ֔ד וּנְתַתִּ֖יךָ לְגוֹיִ֑ם וּמְלָכִ֖ים מִמְּךָ֥ יֵצֵֽאוּ׃ אַרְבֶּה אֶת צֶאֱצָאֶיךָ מְאוֹד מְאוֹד, וְאֶעֱשֶׂה מֵהֶם עַמִּים, וְיֵצְאוּ מִמְּךָ מְלָכִים.
ז וַהֲקִמֹתִ֨י אֶת־בְּרִיתִ֜י בֵּינִ֣י וּבֵינֶ֗ךָ וּבֵ֨ין זַרְעֲךָ֧ אַחֲרֶ֛יךָ לְדֹרֹתָ֖ם לִבְרִ֣ית עוֹלָ֑ם לִהְי֤וֹת לְךָ֙ לֵֽאלֹהִ֔ים וּֽלְזַרְעֲךָ֖ אַחֲרֶֽיךָ׃ וְאֶעֱשֶׂה אֶת הֶסְכֵּם הַבְּרִית שֶׁלִּי בֵּינִי וּבֵינְךָ וּבֵין צֶאֱצָאֶיךָ אַחֲרֶיךָ בְּכָל הַדּוֹרוֹת – בְּרִית נִצְחִית, שֶׁאֶהְיֶה לְךָ לֵאלֹהִים וּלְצֶאֱצָאֶיךָ אַחֲרֶיךָ.
ח וְנָתַתִּ֣י לְ֠ךָ֠ וּלְזַרְעֲךָ֨ אַחֲרֶ֜יךָ אֵ֣ת ׀ אֶ֣רֶץ מְגֻרֶ֗יךָ אֵ֚ת כׇּל־אֶ֣רֶץ כְּנַ֔עַן לַאֲחֻזַּ֖ת עוֹלָ֑ם וְהָיִ֥יתִי לָהֶ֖ם לֵאלֹהִֽים׃ אֶתֵּן לְךָ וּלְצֶאֱצָאֶיךָ אַחֲרֶיךָ אֶת הָאָרֶץ שֶׁאַתָּה גָּר בָּהּ – אֶת כָּל אֶרֶץ כְּנַעַן שֶׁתִּהְיֶה אֲחֻזָתְךָ לְעוֹלָם, וְאֶהְיֶה לָהֶם לֵאלֹהִים.
ט וַיֹּ֤אמֶר אֱלֹהִים֙ אֶל־אַבְרָהָ֔ם וְאַתָּ֖ה אֶת־בְּרִיתִ֣י תִשְׁמֹ֑ר אַתָּ֛ה וְזַרְעֲךָ֥ אַֽחֲרֶ֖יךָ לְדֹרֹתָֽם׃ אֱלֹהִים אָמַר לְאַבְרָהָם: אַתָּה תִּשְׁמוֹר עַל הַהֶסְכֵּם אִתִּי, אַתָּה וְצֶאֱצָאֶיךָ אַחֲרֶיךָ בְּכָל הַדּוֹרוֹת.
י זֹ֣את בְּרִיתִ֞י אֲשֶׁ֣ר תִּשְׁמְר֗וּ בֵּינִי֙ וּבֵ֣ינֵיכֶ֔ם וּבֵ֥ין זַרְעֲךָ֖ אַחֲרֶ֑יךָ הִמּ֥וֹל לָכֶ֖ם כׇּל־זָכָֽר׃ זֶה הַהֶסְכֵּם בֵּינִי וּבֵינֵיכֶם וּבֵין צֶאֱצָאֶיךָ אַחֲרֶיךָ שֶׁתִּשְׁמְרוּ עָלָיו – לָמוּל לָכֶם כָּל זָכָר.
יא וּנְמַלְתֶּ֕ם אֵ֖ת בְּשַׂ֣ר עׇרְלַתְכֶ֑ם וְהָיָה֙ לְא֣וֹת בְּרִ֔ית בֵּינִ֖י וּבֵינֵיכֶֽם׃ תָּמוּלוּ אֶת בְּשַׂר עָרְלַתְכֶם וְזֶה יִהְיֶה סִימַן עַל הַהֶסְכֵּם שֶׁבֵּינִי וּבֵינֵיכֶם.
יב וּבֶן־שְׁמֹנַ֣ת יָמִ֗ים יִמּ֥וֹל לָכֶ֛ם כׇּל־זָכָ֖ר לְדֹרֹתֵיכֶ֑ם יְלִ֣יד בָּ֔יִת וּמִקְנַת־כֶּ֙סֶף֙ מִכֹּ֣ל בֶּן־נֵכָ֔ר אֲשֶׁ֛ר לֹ֥א מִֽזַּרְעֲךָ֖ הֽוּא׃ יָמוּלוּ כָּל זָכָר בֶּן שְׁמוֹנַת יָמִים שֶׁיִּוָּלֵד לָכֶם בְּכָל הַדּוֹרוֹת, גַּם בֵּן שֶׁל שִׁפְחָתְךָ וְגַם עֶבֶד שֶׁנִּקְנָה בְּכֶסֶף מִכָּל עַם אַחֵר שֶׁאֵינוֹ מִצֶּאֱצָאֶיךָ.
יג הִמּ֧וֹל ׀ יִמּ֛וֹל יְלִ֥יד בֵּֽיתְךָ֖ וּמִקְנַ֣ת כַּסְפֶּ֑ךָ וְהָיְתָ֧ה בְרִיתִ֛י בִּבְשַׂרְכֶ֖ם לִבְרִ֥ית עוֹלָֽם׃ יָמוּלוּ אֶת בֶּן הַשִּׁפְחָה וְאֶת הָעֶבֶד שֶׁנִּקְנָה בְּכֶסֶף, וְסִימַן הַהֶסְכֵּם אִתִּי יִהְיֶה בִּבְשַׂרְכֶם לְהֶסְכֵּם בְּרִית נִצְחִית.
יד וְעָרֵ֣ל ׀ זָכָ֗ר אֲשֶׁ֤ר לֹֽא־יִמּוֹל֙ אֶת־בְּשַׂ֣ר עׇרְלָת֔וֹ וְנִכְרְתָ֛ה הַנֶּ֥פֶשׁ הַהִ֖וא מֵעַמֶּ֑יהָ אֶת־בְּרִיתִ֖י הֵפַֽר׃ וְזָכָר עָרֵל – שֶׁלֹּא יִמּוֹל אֶת בְּשַׂר עָרְלָתוֹ – הַנֶּפֶשׁ הַהִיא תֹּאבַד מִתּוֹךְ עַמָּהּ כִּי הוּא הֵפֵר אֶת הֶסְכֵּמִי.
ס פָּרָשַׁת בְּשׂוֹרַת לֵידַת יִצְחָק
טו וַיֹּ֤אמֶר אֱלֹהִים֙ אֶל־אַבְרָהָ֔ם שָׂרַ֣י אִשְׁתְּךָ֔ לֹא־תִקְרָ֥א אֶת־שְׁמָ֖הּ שָׂרָ֑י כִּ֥י שָׂרָ֖ה שְׁמָֽהּ׃ אֱלֹהִים אָמַר לְאַבְרָהָם: שָׂרַי אִשְׁתְּךָ אַל תִּקְרָא אֶת שְׁמָהּ שָׂרַי כִּי שְׁמָהּ שָׂרָה.
טז וּבֵרַכְתִּ֣י אֹתָ֔הּ וְגַ֨ם נָתַ֧תִּי מִמֶּ֛נָּה לְךָ֖ בֵּ֑ן וּבֵֽרַכְתִּ֙יהָ֙ וְהָֽיְתָ֣ה לְגוֹיִ֔ם מַלְכֵ֥י עַמִּ֖ים מִמֶּ֥נָּה יִהְיֽוּ׃ אֲבָרֵךְ אוֹתָהּ וְגַם אֶתֵּן לְךָ בֵּן מִמֶּנָּה, וַאֲבָרֵךְ אוֹתָהּ שֶׁיִּהְיוּ מִצֶּאֱצָאֶיהָ עַמִּים – מַלְכֵי עַמִּים יֵצְאוּ מִמֶּנָּה.
יז וַיִּפֹּ֧ל אַבְרָהָ֛ם עַל־פָּנָ֖יו וַיִּצְחָ֑ק וַיֹּ֣אמֶר בְּלִבּ֗וֹ הַלְּבֶ֤ן מֵאָֽה־שָׁנָה֙ יִוָּלֵ֔ד וְאִ֨ם־שָׂרָ֔ה הֲבַת־תִּשְׁעִ֥ים שָׁנָ֖ה תֵּלֵֽד׃ אַבְרָהָם נָפַל עַל פָּנָיו וְהִשְׁתַּחֲוָה וְתָמַהּ וְאָמַר בְּלִבּוֹ: הַאִם לְבֶן מֵאָה שָׁנָה יִוָּלֵד בֵּן?! וְהַאִם שָׂרָה שֶׁהִיא בַּת תִּשְׁעִים שָׁנָה תֵּלֵד?!
יח וַיֹּ֥אמֶר אַבְרָהָ֖ם אֶל־הָֽאֱלֹהִ֑ים ל֥וּ יִשְׁמָעֵ֖אל יִחְיֶ֥ה לְפָנֶֽיךָ׃ אַבְרָהָם אָמַר לָאֱלֹהִים: הַלְוַאי שֶׁצֶּאֱצָאֵי יִשְׁמָעֵאל יִחְיוּ לְפָנֶיךָ!
יט וַיֹּ֣אמֶר אֱלֹהִ֗ים אֲבָל֙ שָׂרָ֣ה אִשְׁתְּךָ֗ יֹלֶ֤דֶת לְךָ֙ בֵּ֔ן וְקָרָ֥אתָ אֶת־שְׁמ֖וֹ יִצְחָ֑ק וַהֲקִמֹתִ֨י אֶת־בְּרִיתִ֥י אִתּ֛וֹ לִבְרִ֥ית עוֹלָ֖ם לְזַרְע֥וֹ אַחֲרָֽיו׃ אֱלֹהִים אָמַר: אֲבָל שָׂרָה שֶׁהִיא אִשְׁתְּךָ יוֹלֶדֶת לְךָ בֵּן, וְתִקְרָא אֶת שְׁמוֹ יִצְחָק! וְאֶעֱשֶׂה אֶת הֶסְכֵּם הַבְּרִית שֶׁלִּי דַּוְקָא אִתּוֹ לִבְרִית נִצְחִית לְצֶאֱצָאָיו אַחֲרָיו.
כ וּֽלְיִשְׁמָעֵאל֮ שְׁמַעְתִּ֒יךָ֒ הִנֵּ֣ה ׀ בֵּרַ֣כְתִּי אֹת֗וֹ וְהִפְרֵיתִ֥י אֹת֛וֹ וְהִרְבֵּיתִ֥י אֹת֖וֹ בִּמְאֹ֣ד מְאֹ֑ד שְׁנֵים־עָשָׂ֤ר נְשִׂיאִם֙ יוֹלִ֔יד וּנְתַתִּ֖יו לְג֥וֹי גָּדֽוֹל׃ וּלְגַבֵּי יִשְׁמָעֵאל אֲנִי מְקַבֵּל אֶת בַּקָּשְׁתְךָ, הִנֵּה בֵּרַכְתִּי אוֹתוֹ וְאֶתֵּן לוֹ צֶאֱצָאִים וְאַרְבֶּה אֶת צֶאֱצָאָיו מְאוֹד מְאוֹד, שְׁנֵים עָשָׂר נְשִׂיאִים יוֹלִיד, וְאֶעֱשֶׂה מִמֶּנּוּ עַם גָּדוֹל.
כא וְאֶת־בְּרִיתִ֖י אָקִ֣ים אֶת־יִצְחָ֑ק אֲשֶׁר֩ תֵּלֵ֨ד לְךָ֤ שָׂרָה֙ לַמּוֹעֵ֣ד הַזֶּ֔ה בַּשָּׁנָ֖ה הָאַחֶֽרֶת׃ אֲבָל אֶת הֶסְכֵּם הַבְּרִית שֶׁלִּי אֶעֱשֶׂה עִם יִצְחָק שֶׁשָּׂרָה תֵּלֵד לְךָ בַּתַּאֲרִיךְ וּבַזְּמַן הַזֶּה בַּשָּׁנָה הַבָּאָה.
כב וַיְכַ֖ל לְדַבֵּ֣ר אִתּ֑וֹ וַיַּ֣עַל אֱלֹהִ֔ים מֵעַ֖ל אַבְרָהָֽם׃ כְּשֶׁסִּיֵּם לְדַבֵּר אִתּוֹ, אֱלֹהִים הִסְתַּלֵּק מֵעַל אַבְרָהָם.
פָּרָשַׁת מִלַּת אַנְשֵׁי אַבְרָהָם
כג וַיִּקַּ֨ח אַבְרָהָ֜ם אֶת־יִשְׁמָעֵ֣אל בְּנ֗וֹ וְאֵ֨ת כׇּל־יְלִידֵ֤י בֵיתוֹ֙ וְאֵת֙ כׇּל־מִקְנַ֣ת כַּסְפּ֔וֹ כׇּל־זָכָ֕ר בְּאַנְשֵׁ֖י בֵּ֣ית אַבְרָהָ֑ם וַיָּ֜מׇל אֶת־בְּשַׂ֣ר עׇרְלָתָ֗ם בְּעֶ֙צֶם֙ הַיּ֣וֹם הַזֶּ֔ה כַּאֲשֶׁ֛ר דִּבֶּ֥ר אִתּ֖וֹ אֱלֹהִֽים׃ אַבְרָהָם לָקַח אֶת יִשְׁמָעֵאל בְּנוֹ וְאֶת כָּל בְּנֵי שִׁפְחוֹתָיו וְאֶת כָּל הָעֲבָדִים שֶׁקָּנָה בְּכַסְפּוֹ, כָּל זָכָר בְּאַנְשֵׁי בֵּית אַבְרָהָם, וּמָל אֶת עוֹר עָרְלָתָם בַּיּוֹם הַזֶּה עַצְמוֹ כְּמוֹ שֶׁאֱלֹהִים דִּבֵּר אִתּוֹ.
כד וְאַ֨בְרָהָ֔ם בֶּן־תִּשְׁעִ֥ים וָתֵ֖שַׁע שָׁנָ֑ה בְּהִמֹּל֖וֹ בְּשַׂ֥ר עׇרְלָתֽוֹ׃ וְאַבְרָהָם הָיָה בֶּן תִּשְׁעִים וָתֵשַׁע שָׁנָה כְּשֶׁמָּל אֶת עוֹר עָרְלָתוֹ.
כה וְיִשְׁמָעֵ֣אל בְּנ֔וֹ בֶּן־שְׁלֹ֥שׁ עֶשְׂרֵ֖ה שָׁנָ֑ה בְּהִ֨מֹּל֔וֹ אֵ֖ת בְּשַׂ֥ר עׇרְלָתֽוֹ׃ וְיִשְׁמָעֵאל בְּנוֹ הָיָה בֶּן שְׁלֹשׁ עֶשְׂרֵה שָׁנָה כְּשֶׁמָּלוּ אֶת עוֹר עָרְלָתוֹ.
כו בְּעֶ֙צֶם֙ הַיּ֣וֹם הַזֶּ֔ה נִמּ֖וֹל אַבְרָהָ֑ם וְיִשְׁמָעֵ֖אל בְּנֽוֹ׃ בַּיּוֹם הַזֶּה עַצְמוֹ נִמּוֹלוּ אַבְרָהָם וְיִשְׁמָעֵאל בְּנוֹ.
כז וְכׇל־אַנְשֵׁ֤י בֵיתוֹ֙ יְלִ֣יד בָּ֔יִת וּמִקְנַת־כֶּ֖סֶף מֵאֵ֣ת בֶּן־נֵכָ֑ר נִמֹּ֖לוּ אִתּֽוֹ׃ וְכָל אַנְשֵׁי בֵּיתוֹ – בְּנֵי שִׁפְחוֹתָיו וְאֵלֶּה שֶׁנִּקְנוּ בְּכֶסֶף מִבֶּן עַם אַחֵר – נִמּוֹלוּ אִתּוֹ.


פרק י"ח עריכה

פ פָּרָשַׁת בִּקּוּר הַמַּלְאָכִים
יח א וַיֵּרָ֤א אֵלָיו֙ יְהֹוָ֔ה בְּאֵלֹנֵ֖י מַמְרֵ֑א וְה֛וּא יֹשֵׁ֥ב פֶּֽתַח־הָאֹ֖הֶל כְּחֹ֥ם הַיּֽוֹם׃ ה' הִתְגַּלָּה אֶל אַבְרָהָם בַּמִּישׁוֹר שֶׁל מַמְרֵא כְּשֶׁהוּא יָשַׁב בְּפֶתַח הָאוֹהֶל בְּחוֹם הַיּוֹם.
ב וַיִּשָּׂ֤א עֵינָיו֙ וַיַּ֔רְא וְהִנֵּה֙ שְׁלֹשָׁ֣ה אֲנָשִׁ֔ים נִצָּבִ֖ים עָלָ֑יו וַיַּ֗רְא וַיָּ֤רׇץ לִקְרָאתָם֙ מִפֶּ֣תַח הָאֹ֔הֶל וַיִּשְׁתַּ֖חוּ אָֽרְצָה׃ הוּא הֵרִים אֶת מַבָּטוֹ וְרָאָה וְהִנֵּה שְׁלוֹשָׁה אֲנָשִׁים עוֹמְדִים לְפָנָיו, הוּא רָאָה שֶׁהִתְעַכְּבוּ וְרָץ לִקְרָאתָם מִפֶּתַח הָאוֹהֶל וְהִשְׁתַּחֲוָה עַל הָאֲדָמָה.
ג וַיֹּאמַ֑ר אֲדֹנָ֗י אִם־נָ֨א מָצָ֤אתִי חֵן֙ בְּעֵינֶ֔יךָ אַל־נָ֥א תַעֲבֹ֖ר מֵעַ֥ל עַבְדֶּֽךָ׃ אָמַר: רַבּוֹתַי! אִם מָצָאתִי חֵן בְּעֵינֵיכֶם, בְּבַקָּשָׁה אַל תַּמְשִׁיכוּ הָלְאָה מֵעַבְדְּכֶם.
ד יֻקַּֽח־נָ֣א מְעַט־מַ֔יִם וְרַחֲצ֖וּ רַגְלֵיכֶ֑ם וְהִֽשָּׁעֲנ֖וּ תַּ֥חַת הָעֵֽץ׃ אֶלָּא יוּבָא בְּבַקָּשָׁה מְעַט מַיִם וְתִרְחֲצוּ אֶת רַגְלֵיכֶם וְתִשָּׁעֲנוּ מִתַּחַת לָעֵץ.
ה וְאֶקְחָ֨ה פַת־לֶ֜חֶם וְסַעֲד֤וּ לִבְּכֶם֙ אַחַ֣ר תַּעֲבֹ֔רוּ כִּֽי־עַל־כֵּ֥ן עֲבַרְתֶּ֖ם עַֽל־עַבְדְּכֶ֑ם וַיֹּ֣אמְר֔וּ כֵּ֥ן תַּעֲשֶׂ֖ה כַּאֲשֶׁ֥ר דִּבַּֽרְתָּ׃ וְאָבִיא פַּת לֶחֶם וְתִסְעָדוּ לָשׂוֹבַע וְאַחַר כָּךְ תַּמְשִׁיכוּ, כֵּיוָן שֶׁכְּבָר עֲבַרְתֶּם עַל יַד עַבְדְּכֶם, הֵם אָמְרוּ: כָּךְ תַּעֲשֶׂה, כְּמוֹ שֶׁדִּבַּרְתָּ.
ו וַיְמַהֵ֧ר אַבְרָהָ֛ם הָאֹ֖הֱלָה אֶל־שָׂרָ֑ה וַיֹּ֗אמֶר מַהֲרִ֞י שְׁלֹ֤שׁ סְאִים֙ קֶ֣מַח סֹ֔לֶת ל֖וּשִׁי וַעֲשִׂ֥י עֻגֽוֹת׃ אַבְרָהָם מִהֵר לָאוֹהֶל לְשָׂרָה, וְאָמַר: מַהֲרִי וּקְחִי שָׁלוֹשׁ סְאִים (כְּ21.6 לִיטֶר) שֶׁל קֶמַח סוֹלֶת, וְלוּשִׁי אוֹתָם וַעֲשִׂי מֵהֶם פִּתּוֹת עֲגוּלוֹת.
ז וְאֶל־הַבָּקָ֖ר רָ֣ץ אַבְרָהָ֑ם וַיִּקַּ֨ח בֶּן־בָּקָ֜ר רַ֤ךְ וָטוֹב֙ וַיִּתֵּ֣ן אֶל־הַנַּ֔עַר וַיְמַהֵ֖ר לַעֲשׂ֥וֹת אֹתֽוֹ׃ וְאַבְרָהָם רָץ אֶל הַבָּקָר, לָקַח עֵגֶל רַךְ וָטוֹב וְנָתַן לַמְּשָׁרֵת, וְהוּא מִהֵר לְהָכִין אוֹתוֹ.
ח וַיִּקַּ֨ח חֶמְאָ֜ה וְחָלָ֗ב וּבֶן־הַבָּקָר֙ אֲשֶׁ֣ר עָשָׂ֔ה וַיִּתֵּ֖ן לִפְנֵיהֶ֑ם וְהֽוּא־עֹמֵ֧ד עֲלֵיהֶ֛ם תַּ֥חַת הָעֵ֖ץ וַיֹּאכֵֽלוּ׃ הוּא לָקַח חֶמְאָה וְחָלָב וְאֶת הָעֵגֶל שֶׁהֵכִין וְנָתַן לִפְנֵיהֶם, וְהוּא עוֹמֵד לְיָדָם מִתַּחַת לָעֵץ לְשָׁרֵת אוֹתָם, וְהֵם אָכְלוּ.
ט וַיֹּאמְר֣וּ אֵׄלָ֔יׄוׄ אַיֵּ֖ה שָׂרָ֣ה אִשְׁתֶּ֑ךָ וַיֹּ֖אמֶר הִנֵּ֥ה בָאֹֽהֶל׃ אָמְרוּ לוֹ: הֵיכָן שָׂרָה אִשְׁתְּךָ? אָמַר: הִנֵּה בָּאוֹהֶל.
י וַיֹּ֗אמֶר שׁ֣וֹב אָשׁ֤וּב אֵלֶ֙יךָ֙ כָּעֵ֣ת חַיָּ֔ה וְהִנֵּה־בֵ֖ן לְשָׂרָ֣ה אִשְׁתֶּ֑ךָ וְשָׂרָ֥ה שֹׁמַ֛עַת פֶּ֥תַח הָאֹ֖הֶל וְה֥וּא אַחֲרָֽיו׃ אָמַר אֶחָד מֵהֶם: אֶחֱזוֹר אֵלֶיךָ בִּזְמַן זֶה בְּעוֹד שָׁנָה וְיִהְיֶה לְשָׂרָה אִשְׁתְּךָ בֵּן! וְשָׂרָה שׁוֹמַעַת בְּפֶתַח הָאוֹהֶל שֶׁהָיָה מֵאֲחוֹרֵי הָאִישׁ.
יא וְאַבְרָהָ֤ם וְשָׂרָה֙ זְקֵנִ֔ים בָּאִ֖ים בַּיָּמִ֑ים חָדַל֙ לִהְי֣וֹת לְשָׂרָ֔ה אֹ֖רַח כַּנָּשִֽׁים׃ וְאַבְרָהָם וְשָׂרָה זְקֵנִים – עָבְרוּ עֲלֵיהֶם שָׁנִים רַבּוֹת, וּכְבָר פָּסַק לְשָׂרָה מַחֲזוֹר דָּם נִדָּה כְּדֶרֶךְ הַנָּשִׁים שֶׁעֲדַיִן יוֹלְדוֹת.
יב וַתִּצְחַ֥ק שָׂרָ֖ה בְּקִרְבָּ֣הּ לֵאמֹ֑ר אַחֲרֵ֤י בְלֹתִי֙ הָֽיְתָה־לִּ֣י עֶדְנָ֔ה וַֽאדֹנִ֖י זָקֵֽן׃ שָׂרָה צָחֲקָה בְּלִבָּהּ וְחָשְׁבָה: וְכִי אַחֲרֵי שֶׁנַּעֲשֵׂתִי כְּפֶרַח שֶׁנָּבַל יָשׁוּבוּ לִי נְעוּרִים?! הֲרֵי גַּם אֲדוֹנִי אַבְרָהָם כְּבָר זָקֵן!
יג וַיֹּ֥אמֶר יְהֹוָ֖ה אֶל־אַבְרָהָ֑ם לָ֣מָּה זֶּה֩ צָחֲקָ֨ה שָׂרָ֜ה לֵאמֹ֗ר הַאַ֥ף אֻמְנָ֛ם אֵלֵ֖ד וַאֲנִ֥י זָקַֽנְתִּי׃ אָמַר ה' לְאַבְרָהָם: לָמָּה שָׂרָה צָחֲקָה וְחָשְׁבָה: וְכִי בֶּאֱמֶת אֵלֵד וַהֲרֵי אֲנִי זָקַנְתִּי?
יד הֲיִפָּלֵ֥א מֵיְהֹוָ֖ה דָּבָ֑ר לַמּוֹעֵ֞ד אָשׁ֥וּב אֵלֶ֛יךָ כָּעֵ֥ת חַיָּ֖ה וּלְשָׂרָ֥ה בֵֽן׃ וְכִי יִמָּנַע מֵה' דָּבָר?! בִּזְמַן זֶה אֶחֱזוֹר אֵלֶיךָ בְּעוֹד שָׁנָה, וּלְשָׂרָה יִהְיֶה בֵּן!
טו וַתְּכַחֵ֨שׁ שָׂרָ֧ה ׀ לֵאמֹ֛ר לֹ֥א צָחַ֖קְתִּי כִּ֣י ׀ יָרֵ֑אָה וַיֹּ֥אמֶר ׀ לֹ֖א כִּ֥י צָחָֽקְתְּ׃ וְשָׂרָה הִכְחִישָׁה, וְאָמְרָה: לֹא צָחַקְתִּי, כִּי הִיא פָּחֲדָה, אָמַר לָהּ אַבְרָהָם: לֹא נָכוֹן, אַתְּ כֵּן צָחָקְתְּ!
פָּרָשַׁת הַתְּפִלָּה עַל סְדֹם
טז וַיָּקֻ֤מוּ מִשָּׁם֙ הָֽאֲנָשִׁ֔ים וַיַּשְׁקִ֖פוּ עַל־פְּנֵ֣י סְדֹ֑ם וְאַ֨בְרָהָ֔ם הֹלֵ֥ךְ עִמָּ֖ם לְשַׁלְּחָֽם׃ הָאֲנָשִׁים קָמוּ מִשָּׁם וְהִשְׁקִיפוּ לְעֵבֶר סְדוֹם, וְאַבְרָהָם הוֹלֵךְ אִתָּם לְלַוּוֹת אוֹתָם בִּיצִיאָתָם.
יז וַֽיהֹוָ֖ה אָמָ֑ר הַֽמְכַסֶּ֤ה אֲנִי֙ מֵֽאַבְרָהָ֔ם אֲשֶׁ֖ר אֲנִ֥י עֹשֶֽׂה׃ ה' אָמַר: וְכִי אַסְתִּיר מֵאַבְרָהָם אֶת מַה שֶּׁאֲנִי עוֹשֶׂה?!
יח וְאַ֨בְרָהָ֔ם הָי֧וֹ יִֽהְיֶ֛ה לְג֥וֹי גָּד֖וֹל וְעָצ֑וּם וְנִ֨בְרְכוּ־ב֔וֹ כֹּ֖ל גּוֹיֵ֥י הָאָֽרֶץ׃ הֲרֵי מֵאַבְרָהָם יֵצֵא עָם גָּדוֹל וְעָצוּם, וְיִתְבָּרְכוּ בִּזְכוּתוֹ כָּל עַמֵּי הָעוֹלָם.
יט כִּ֣י יְדַעְתִּ֗יו לְמַ֩עַן֩ אֲשֶׁ֨ר יְצַוֶּ֜ה אֶת־בָּנָ֤יו וְאֶת־בֵּיתוֹ֙ אַחֲרָ֔יו וְשָֽׁמְרוּ֙ דֶּ֣רֶךְ יְהֹוָ֔ה לַעֲשׂ֥וֹת צְדָקָ֖ה וּמִשְׁפָּ֑ט לְמַ֗עַן הָבִ֤יא יְהֹוָה֙ עַל־אַבְרָהָ֔ם אֵ֥ת אֲשֶׁר־דִּבֶּ֖ר עָלָֽיו׃ אֲנִי מוֹדִיע לוֹ זֹאת כְּדֵי שֶׁיְּצַוֶּה אֶת בָּנָיו וְאֶת מִשְׁפַּחְתּוֹ אַחֲרָיו לְהַזְהִיר אוֹתָם שֶׁיִּשְׁמְרוּ אֶת דֶּרֶךְ ה' לַעֲשׂוֹת צְדָקָה וּמִשְׁפָּט, כְּדֵי שֶׁה' יָבִיא לְאַבְרָהָם אֶת מַה שֶּׁהִבְטִיחַ לוֹ.
כ וַיֹּ֣אמֶר יְהֹוָ֔ה זַעֲקַ֛ת סְדֹ֥ם וַעֲמֹרָ֖ה כִּי־רָ֑בָּה וְחַ֨טָּאתָ֔ם כִּ֥י כָבְדָ֖ה מְאֹֽד׃ ה' אָמַר: זַעֲקַת הַתְּלֻנּוֹת עַל סְדוֹם וַעֲמוֹרָה גְּדוֹלָה, וְהָעֲבֵרוֹת שֶׁלָּהֶם חֲמוּרוֹת מְאוֹד.
כא אֵֽרְﬞדָה־נָּ֣א וְאֶרְאֶ֔ה הַכְּצַעֲקָתָ֛הּ הַבָּ֥אָה אֵלַ֖י עָשׂ֣וּ ׀ כָּלָ֑ה וְאִם־לֹ֖א אֵדָֽעָה׃ לָכֵן אֵרֵד עַכְשָׁיו וְאֶרְאֶה: אִם אָכֵן עָשׂוּ כְּמוֹ שֶׁמִּתְלוֹנְנִים אֵלַי – אֲכַלֶּה אוֹתָם, וְאִם לֹא –אֵדַע שֶׁאֵינָם חַיָּבִים.
כב וַיִּפְנ֤וּ מִשָּׁם֙ הָֽאֲנָשִׁ֔ים וַיֵּלְכ֖וּ סְדֹ֑מָה וְאַ֨בְרָהָ֔ם עוֹדֶ֥נּוּ עֹמֵ֖ד לִפְנֵ֥י יְהֹוָֽה׃ הָאֲנָשִׁים פָּנוּ מִשָּׁם וְהָלְכוּ לִסְדוֹם בְּעוֹד אַבְרָהָם עֲדַיִן עוֹמֵד וּמְדַבֵּר לִפְנֵי ה'.
כג וַיִּגַּ֥שׁ אַבְרָהָ֖ם וַיֹּאמַ֑ר הַאַ֣ף תִּסְפֶּ֔ה צַדִּ֖יק עִם־רָשָֽׁע׃ אַבְרָהָם נִגַּשׁ וְאָמַר: וְכִי תַּשְׁמִיד צַדִּיק עִם רָשָׁע?!
כד אוּלַ֥י יֵ֛שׁ חֲמִשִּׁ֥ים צַדִּיקִ֖ם בְּת֣וֹךְ הָעִ֑יר הַאַ֤ף תִּסְפֶּה֙ וְלֹא־תִשָּׂ֣א לַמָּק֔וֹם לְמַ֛עַן חֲמִשִּׁ֥ים הַצַּדִּיקִ֖ם אֲשֶׁ֥ר בְּקִרְבָּֽהּ׃ אוּלַי יֵשׁ חֲמִשִּׁים צַדִּיקִים בְּתוֹךְ הָעִיר, וְכִי תַּשְׁמִיד אוֹתָם וְלֹא תְּוַתֵּר לַמָּקוֹם בִּשְׁבִיל חֲמִשִּׁים הַצַּדִּיקִים שֶׁבְּתוֹכָהּ?!
כה חָלִ֨לָה לְּךָ֜ מֵעֲשֹׂ֣ת ׀ כַּדָּבָ֣ר הַזֶּ֗ה לְהָמִ֤ית צַדִּיק֙ עִם־רָשָׁ֔ע וְהָיָ֥ה כַצַּדִּ֖יק כָּרָשָׁ֑ע חָלִ֣לָה לָּ֔ךְ הֲשֹׁפֵט֙ כׇּל־הָאָ֔רֶץ לֹ֥א יַעֲשֶׂ֖ה מִשְׁפָּֽט׃ חָלִילָה לְךָ לַעֲשׂוֹת כַּדָּבָר הַזֶּה, לְהָמִית צַדִּיק עִם רָשָׁע, שֶׁצַּדִּיק יֵעָנֵשׁ כְּמוֹ רָשָׁע, חָלִילָה לְךָ! הַאִם הַשּׁוֹפֵט שֶׁל כָּל הָעוֹלָם לֹא יַעֲשֶׂה מִשְׁפָּט צֶדֶק?!
כו וַיֹּ֣אמֶר יְהֹוָ֔ה אִם־אֶמְצָ֥א בִסְדֹ֛ם חֲמִשִּׁ֥ים צַדִּיקִ֖ם בְּת֣וֹךְ הָעִ֑יר וְנָשָׂ֥אתִי לְכׇל־הַמָּק֖וֹם בַּעֲבוּרָֽם׃ ה' אָמַר: אִם אֶמְצָא בִּסְדוֹם חֲמִשִּׁים צַדִּיקִים בְּתוֹךְ הָעִיר אֲוַתֵּר לְכָל הַמָּקוֹם בִּשְׁבִילָם.
כז וַיַּ֥עַן אַבְרָהָ֖ם וַיֹּאמַ֑ר הִנֵּה־נָ֤א הוֹאַ֙לְתִּי֙ לְדַבֵּ֣ר אֶל־אֲדֹנָ֔י וְאָנֹכִ֖י עָפָ֥ר וָאֵֽפֶר׃ אַבְרָהָם עָנָה וְאָמַר: אַמְשִׁיךְ בְּבַקָּשָׁה כִּי זָכִיתִי לְדַבֵּר אֶל ה', לַמְרוֹת שֶׁאֲנִי רַק עָפָר וְאֵפֶר.
כח א֠וּלַ֠י יַחְסְר֞וּן חֲמִשִּׁ֤ים הַצַּדִּיקִם֙ חֲמִשָּׁ֔ה הֲתַשְׁחִ֥ית בַּחֲמִשָּׁ֖ה אֶת־כׇּל־הָעִ֑יר וַיֹּ֙אמֶר֙ לֹ֣א אַשְׁחִ֔ית אִם־אֶמְצָ֣א שָׁ֔ם אַרְבָּעִ֖ים וַחֲמִשָּֽׁה׃ אוּלַי יַחְסְרוּ מֵחֲמִשִּׁים הַצַּדִּיקִים חֲמִשָּׁה, הַאִם בִּגְלַל חֲמִשָּׁה חֲסֵרִים תַּשְׁחִית אֶת כָּל הָעִיר?! אָמַר לוֹ: לֹא אַשְׁחִית אִם אֶמְצָא שָׁם אַרְבָּעִים וַחֲמִשָּׁה.
כט וַיֹּ֨סֶף ע֜וֹד לְדַבֵּ֤ר אֵלָיו֙ וַיֹּאמַ֔ר אוּלַ֛י יִמָּצְא֥וּן שָׁ֖ם אַרְבָּעִ֑ים וַיֹּ֙אמֶר֙ לֹ֣א אֶֽעֱשֶׂ֔ה בַּעֲב֖וּר הָאַרְבָּעִֽים׃ הוּא הוֹסִיף עוֹד לְדַבֵּר אֵלָיו, וְאָמַר: אוּלַי יִמָּצְאוּ שָׁם אַרְבָּעִים? אָמַר לוֹ: לֹא אֶעֱשֶׂה, בִּזְכוּת הָאַרְבָּעִים.
ל וַ֠יֹּ֠אמֶר אַל־נָ֞א יִ֤חַר לַֽאדֹנָי֙ וַאֲדַבֵּ֔רָה אוּלַ֛י יִמָּצְא֥וּן שָׁ֖ם שְׁלֹשִׁ֑ים וַיֹּ֙אמֶר֙ לֹ֣א אֶֽעֱשֶׂ֔ה אִם־אֶמְצָ֥א שָׁ֖ם שְׁלֹשִֽׁים׃ אָמַר לוֹ: בְּבַקָּשָׁה, שֶׁלֹּא יַכְעִיס הַדָּבָר אֶת ה' וַאֲדַבֵּר, אוּלַי יִמָּצְאוּ שָׁם שְׁלוֹשִׁים? אָמַר לוֹ: לֹא אֶעֱשֶׂה אִם אֶמְצָא שָׁם שְׁלוֹשִׁים.
לא וַיֹּ֗אמֶר הִנֵּֽה־נָ֤א הוֹאַ֙לְתִּי֙ לְדַבֵּ֣ר אֶל־אֲדֹנָ֔י אוּלַ֛י יִמָּצְא֥וּן שָׁ֖ם עֶשְׂרִ֑ים וַיֹּ֙אמֶר֙ לֹ֣א אַשְׁחִ֔ית בַּעֲב֖וּר הָֽעֶשְׂרִֽים׃ אָמַר לוֹ: בְּבַקָּשָׁה, הִנֵּה זָכִיתִי לְדַבֵּר אֶל ה', אוּלַי יִמָּצְאוּ שָׁם עֶשְׂרִים? אָמַר לוֹ: לֹא אַשְׁחִית בִּזְכוּת הָעֶשְׂרִים.
לב וַ֠יֹּ֠אמֶר אַל־נָ֞א יִ֤חַר לַֽאדֹנָי֙ וַאֲדַבְּרָ֣ה אַךְ־הַפַּ֔עַם אוּלַ֛י יִמָּצְא֥וּן שָׁ֖ם עֲשָׂרָ֑ה וַיֹּ֙אמֶר֙ לֹ֣א אַשְׁחִ֔ית בַּעֲב֖וּר הָעֲשָׂרָֽה׃ אָמַר לוֹ: בְּבַקָּשָׁה, שֶׁלֹּא יַכְעִיס הַדָּבָר אֶת ה' וַאֲדַבֵּר רַק הַפַּעַם, אוּלַי יִמָּצְאוּ שָׁם עֲשָׂרָה! אָמַר לוֹ: לֹא אַשְׁחִית בִּזְכוּת הָעֲשָׂרָה.
לג וַיֵּ֣לֶךְ יְהֹוָ֔ה כַּאֲשֶׁ֣ר כִּלָּ֔ה לְדַבֵּ֖ר אֶל־אַבְרָהָ֑ם וְאַבְרָהָ֖ם שָׁ֥ב לִמְקֹמֽוֹ׃ ה' הָלַךְ כְּשֶׁסִּיֵּם לְדַבֵּר אֶל אַבְרָהָם, וְאַבְרָהָם חָזַר לִמְקוֹמוֹ.


פרק י"ט עריכה

פָּרָשַׁת הֲפִיכַת סְדוֹם
יט א וַ֠יָּבֹ֠אוּ שְׁנֵ֨י הַמַּלְאָכִ֤ים סְדֹ֙מָה֙ בָּעֶ֔רֶב וְל֖וֹט יֹשֵׁ֣ב בְּשַֽׁעַר־סְדֹ֑ם וַיַּרְא־לוֹט֙ וַיָּ֣קׇם לִקְרָאתָ֔ם וַיִּשְׁתַּ֥חוּ אַפַּ֖יִם אָֽרְצָה׃ שְׁנֵי הַמַּלְאָכִים בָּאוּ לִסְדוֹם בָּעֶרֶב, וְלוֹט הָיָה יוֹשֵׁב בְּשַׁעַר סְדוֹם, לוֹט רָאָה אוֹתָם קָם לִקְרָאתָם, וְהִשְׁתַּחֲוָה עַל פָּנָיו עַל הָאֲדָמָה.
ב וַיֹּ֜אמֶר הִנֶּ֣ה נָּא־אֲדֹנַ֗י ס֣וּרוּ נָ֠א אֶל־בֵּ֨ית עַבְדְּכֶ֤ם וְלִ֙ינוּ֙ וְרַחֲצ֣וּ רַגְלֵיכֶ֔ם וְהִשְׁכַּמְתֶּ֖ם וַהֲלַכְתֶּ֣ם לְדַרְכְּכֶ֑ם וַיֹּאמְר֣וּ לֹּ֔א כִּ֥י בָרְח֖וֹב נָלִֽין׃ אָמַר: אָנָּא רַבּוֹתַי, פְּנוּ בְּבַקָּשָׁה לְבֵית עַבְדְּכֶם לִישׁוֹן הַלַּיְלָה וְתִרְחֲצוּ אֶת רַגְלֵיכֶם וְתַשְׁכִּימוּ בַּבּוֹקֶר וְתֵלְכוּ לְדַרְכְּכֶם! אָמְרוּ לוֹ: לֹא! אֶלָּא נִישַׁן הַלַּיְלָה בָּרְחוֹב.
ג וַיִּפְצַר־בָּ֣ם מְאֹ֔ד וַיָּסֻ֣רוּ אֵלָ֔יו וַיָּבֹ֖אוּ אֶל־בֵּית֑וֹ וַיַּ֤עַשׂ לָהֶם֙ מִשְׁתֶּ֔ה וּמַצּ֥וֹת אָפָ֖ה וַיֹּאכֵֽלוּ׃ הוּא הִפְצִיר בָּהֶם מְאוֹד, הֵם פָּנוּ אֵלָיו וּבָאוּ לְבֵיתוֹ, הוּא עָשָׂה לָהֶם מִשְׁתֶּה וְאָפָה מַצּוֹת וְהֵם אָכְלוּ.
ד טֶ֘רֶם֮ יִשְׁכָּ֒בוּ֒ וְאַנְשֵׁ֨י הָעִ֜יר אַנְשֵׁ֤י סְדֹם֙ נָסַ֣בּוּ עַל־הַבַּ֔יִת מִנַּ֖עַר וְעַד־זָקֵ֑ן כׇּל־הָעָ֖ם מִקָּצֶֽה׃ לִפְנֵי שֶׁהִסְפִּיקוּ לִשְׁכַּב, אַנְשֵׁי הָעִיר אַנְשֵׁי סְדוֹם הִקִּיפוּ אֶת הַבַּיִת מִנַּעַר וְעַד זָקֵן – כָּל הָעָם מִקְּצֶה הָעִיר.
ה וַיִּקְרְא֤וּ אֶל־לוֹט֙ וַיֹּ֣אמְרוּ ל֔וֹ אַיֵּ֧ה הָאֲנָשִׁ֛ים אֲשֶׁר־בָּ֥אוּ אֵלֶ֖יךָ הַלָּ֑יְלָה הוֹצִיאֵ֣ם אֵלֵ֔ינוּ וְנֵדְעָ֖ה אֹתָֽם׃ הֵם קָרְאוּ לְלוֹט וְאָמְרוּ לוֹ: אֵיפֹה הָאֲנָשִׁים שֶׁבָּאוּ אֵלֶיךָ הַלַּיְלָה? הוֹצֵא אוֹתָם אֵלֵינוּ וְנֵדַע מַה לַּעֲשׂוֹת אִתָּם!
ו וַיֵּצֵ֧א אֲלֵהֶ֛ם ל֖וֹט הַפֶּ֑תְחָה וְהַדֶּ֖לֶת סָגַ֥ר אַחֲרָֽיו׃ לוֹט יָצָא אֲלֵהֶם לַפֶּתַח וְסָגַר אֶת הַדֶּלֶת אַחֲרָיו.
ז וַיֹּאמַ֑ר אַל־נָ֥א אַחַ֖י תָּרֵֽעוּ׃ וְאָמַר: אַחַי! בְּבַקָּשָׁה אַל תַּעֲשׂוּ רָע!
ח הִנֵּה־נָ֨א לִ֜י שְׁתֵּ֣י בָנ֗וֹת אֲשֶׁ֤ר לֹֽא־יָדְעוּ֙ אִ֔ישׁ אוֹצִֽיאָה־נָּ֤א אֶתְהֶן֙ אֲלֵיכֶ֔ם וַעֲשׂ֣וּ לָהֶ֔ן כַּטּ֖וֹב בְּעֵינֵיכֶ֑ם רַ֠ק לָֽאֲנָשִׁ֤ים הָאֵל֙ אַל־תַּעֲשׂ֣וּ דָבָ֔ר כִּֽי־עַל־כֵּ֥ן בָּ֖אוּ בְּצֵ֥ל קֹרָתִֽי׃ בְּבַקָּשָׁה, הִנֵּה יֵשׁ לִי שְׁתֵּי בָּנוֹת שֶׁלֹּא נִשְּׂאוּ לְאִישׁ, אוֹצִיא אוֹתָן בְּבַקָּשָׁה אֲלֵיכֶם וַעֲשׂוּ לָהֶן כַּטּוֹב בְּעֵינֵיכֶם, אֲבָל לָאֲנָשִׁים הָאֵלֶּה אַל תַּעֲשׂוּ שׁוּם דָּבָר כִּי הֵם בָּאוּ לְהִתְאָרֵחַ בְּצֵל קוֹרָתִי.
ט וַיֹּאמְר֣וּ ׀ גֶּשׁ־הָ֗לְאָה וַיֹּֽאמְרוּ֙ הָאֶחָ֤ד בָּֽא־לָגוּר֙ וַיִּשְׁפֹּ֣ט שָׁפ֔וֹט עַתָּ֕ה נָרַ֥ע לְךָ֖ מֵהֶ֑ם וַיִּפְצְר֨וּ בָאִ֤ישׁ בְּלוֹט֙ מְאֹ֔ד וַֽיִּגְּשׁ֖וּ לִשְׁבֹּ֥ר הַדָּֽלֶת׃ אָמְרוּ לוֹ: לֵךְ הָלְאָה! אָמְרוּ: אִישׁ אֶחָד רַק בָּא לָגוּר וּכְבָר מַנְהִיג אוֹתָנוּ?! עַכְשָׁיו נַעֲשֶׂה לְךָ רַע יוֹתֵר מֵאֲשֶׁר לָהֶם! הֵם לָחֲצוּ מְאוֹד עַל הָאִישׁ – עַל לוֹט, וְנִגְּשׁוּ לִשְׁבּוֹר אֶת הַדֶּלֶת.
י וַיִּשְׁלְח֤וּ הָֽאֲנָשִׁים֙ אֶת־יָדָ֔ם וַיָּבִ֧יאוּ אֶת־ל֛וֹט אֲלֵיהֶ֖ם הַבָּ֑יְתָה וְאֶת־הַדֶּ֖לֶת סָגָֽרוּ׃ הַמַּלְאָכִים הוֹשִׁיטוּ אֶת יְדֵיהֶם וְהֵבִיאוּ אֶת לוֹט אֲלֵיהֶם הַבַּיְתָה, וְסָגְרוּ אֶת הַדֶּלֶת.
יא וְֽאֶת־הָאֲנָשִׁ֞ים אֲשֶׁר־פֶּ֣תַח הַבַּ֗יִת הִכּוּ֙ בַּסַּנְוֵרִ֔ים מִקָּטֹ֖ן וְעַד־גָּד֑וֹל וַיִּלְא֖וּ לִמְצֹ֥א הַפָּֽתַח׃ וְאֶת הָאֲנָשִׁים שֶׁבְּפֶתַח הַבַּיִת הֵם סִנְוְרוּ – מִקָּטָן וְעַד גָּדוֹל, וְהֵם הִתְעַיְּפוּ מֵחִפּוּשִׂים לִמְצוֹא אֶת הַפֶּתַח.
יב וַיֹּאמְר֨וּ הָאֲנָשִׁ֜ים אֶל־ל֗וֹט עֹ֚ד מִֽי־לְךָ֣ פֹ֔ה חָתָן֙ וּבָנֶ֣יךָ וּבְנֹתֶ֔יךָ וְכֹ֥ל אֲשֶׁר־לְךָ֖ בָּעִ֑יר הוֹצֵ֖א מִן־הַמָּקֽוֹם׃ אָמְרוּ הַמַּלְאָכִים לְלוֹט: כָּל מִי שֶׁיֵּשׁ לְךָ עוֹד פֹּה – חָתָן וּבָנֶיךָ וּבְנוֹתֶיךָ, וְכָל מַה שֶּׁבָּעִיר שֶׁשַּׁיָּךְ לְךָ – הוֹצֵא מֵהַמָּקוֹם!
יג כִּֽי־מַשְׁחִתִ֣ים אֲנַ֔חְנוּ אֶת־הַמָּק֖וֹם הַזֶּ֑ה כִּֽי־גָדְלָ֤ה צַעֲקָתָם֙ אֶת־פְּנֵ֣י יְהֹוָ֔ה וַיְשַׁלְּחֵ֥נוּ יְהֹוָ֖ה לְשַׁחֲתָֽהּ׃ כִּי אֲנַחְנוּ מַשְׁמִידִים אֶת הַמָּקוֹם הַזֶּה, כִּי הַתְּלֻנּוֹת עֲלֵיהֶם אֶל ה' חֲמוּרוֹת, וַה' שָׁלַח אוֹתָנוּ לְהַשְׁמִיד אוֹתוֹ.
יד וַיֵּצֵ֨א ל֜וֹט וַיְדַבֵּ֣ר ׀ אֶל־חֲתָנָ֣יו ׀ לֹקְחֵ֣י בְנֹתָ֗יו וַיֹּ֙אמֶר֙ ק֤וּמוּ צְּאוּ֙ מִן־הַמָּק֣וֹם הַזֶּ֔ה כִּֽי־מַשְׁחִ֥ית יְהֹוָ֖ה אֶת־הָעִ֑יר וַיְהִ֥י כִמְצַחֵ֖ק בְּעֵינֵ֥י חֲתָנָֽיו׃ לוֹט יָצָא וְדִבֵּר אֶל חֲתָנָיו – בַּעֲלֵי בְּנוֹתָיו, וְאָמַר: קוּמוּ, צְאוּ מֵהַמָּקוֹם הַזֶּה, כִּי ה' מַשְׁחִית אֶת הָעִיר! אֲבָל בְּעֵינֵי חֲתָנָיו הוּא נִרְאָה כְּמִתְלוֹצֵץ.
טו וּכְמוֹ֙ הַשַּׁ֣חַר עָלָ֔ה וַיָּאִ֥יצוּ הַמַּלְאָכִ֖ים בְּל֣וֹט לֵאמֹ֑ר קוּם֩ קַ֨ח אֶֽת־אִשְׁתְּךָ֜ וְאֶת־שְׁתֵּ֤י בְנֹתֶ֙יךָ֙ הַנִּמְצָאֹ֔ת פֶּן־תִּסָּפֶ֖ה בַּעֲוֺ֥ן הָעִֽיר׃ וּכְשֶׁעָלָה הַשַּׁחַר הַמַּלְאָכִים הֵאִיצוּ בְּלוֹט וְאָמְרוּ: קוּם קַח אֶת אִשְׁתְּךָ וְאֶת שְׁתֵּי בְּנוֹתֶיךָ שֶׁנִּמְצָאוֹת בְּבֵיתְךָ כְּדֵי שֶׁלֹּא תֻּשְׁמַד בַּעֲווֹן הָעִיר!
טז וַֽיִּתְמַהְמָ֓הּ ׀ וַיַּחֲזִ֨יקוּ הָאֲנָשִׁ֜ים בְּיָד֣וֹ וּבְיַד־אִשְׁתּ֗וֹ וּבְיַד֙ שְׁתֵּ֣י בְנֹתָ֔יו בְּחֶמְלַ֥ת יְהֹוָ֖ה עָלָ֑יו וַיֹּצִאֻ֥הוּ וַיַּנִּחֻ֖הוּ מִח֥וּץ לָעִֽיר׃ הוּא הִתְעַכֵּב, הָאֲנָשִׁים הֶחֱזִיקוּ בְּיָדוֹ וּבְיַד אִשְׁתּוֹ וּבְיַד שְׁתֵּי בְּנוֹתָיו בִּגְלַל רַחֲמֵי ה' עָלָיו, וְהוֹצִיאוּ אוֹתוֹ וְהִנִּיחוּ אוֹתוֹ מִחוּץ לָעִיר.
יז וַיְהִי֩ כְהוֹצִיאָ֨ם אֹתָ֜ם הַח֗וּצָה וַיֹּ֙אמֶר֙ הִמָּלֵ֣ט עַל־נַפְשֶׁ֔ךָ אַל־תַּבִּ֣יט אַחֲרֶ֔יךָ וְאַֽל־תַּעֲמֹ֖ד בְּכׇל־הַכִּכָּ֑ר הָהָ֥רָה הִמָּלֵ֖ט פֶּן־תִּסָּפֶֽה׃ כְּשֶׁהוֹצִיאוּ אוֹתָם הַחוּצָה, אָמַר לוֹ הָאֶחָד: בְּרַח לְנַפְשְׁךָ אַל תַּבִּיט לַאֲחוֹרֶיךָ וְאַל תַּעֲצוֹר בְּכָל הַבִּקְעָה, בְּרַח לָהָר כְּדֵי שֶׁלֹּא תֻּשְׁמַד!
יח וַיֹּ֥אמֶר ל֖וֹט אֲלֵהֶ֑ם אַל־נָ֖א אֲדֹנָֽי׃ אָמַר לָהֶם לוֹט : רַבּוֹתַי! בְּבַקָּשָׁה אַל תֹּאמְרוּ כָּכָה.
יט הִנֵּה־נָ֠א מָצָ֨א עַבְדְּךָ֣ חֵן֮ בְּעֵינֶ֒יךָ֒ וַתַּגְדֵּ֣ל חַסְדְּךָ֗ אֲשֶׁ֤ר עָשִׂ֙יתָ֙ עִמָּדִ֔י לְהַחֲי֖וֹת אֶת־נַפְשִׁ֑י וְאָנֹכִ֗י לֹ֤א אוּכַל֙ לְהִמָּלֵ֣ט הָהָ֔רָה פֶּן־תִּדְבָּקַ֥נִי הָרָעָ֖ה וָמַֽתִּי׃ בְּבַקָּשָׁה הִנֵּה עַבְדְּךָ מָצָא חֵן בְּעֵינֶיךָ וְעָשִׂיתָ אִתִּי חֶסֶד גָּדוֹל שֶׁהֶחֱיֵיתָ אֶת נַפְשִׁי, וַאֲנִי לֹא אוּכַל לִבְרוֹחַ לָהָר הָרָחוֹק, שֶׁלֹּא תַּשִּׂיג אוֹתִי הָרָעָה וְאָמוּת.
כ הִנֵּה־נָ֠א הָעִ֨יר הַזֹּ֧את קְרֹבָ֛ה לָנ֥וּס שָׁ֖מָּה וְהִ֣וא מִצְעָ֑ר אִמָּלְטָ֨ה נָּ֜א שָׁ֗מָּה הֲלֹ֥א מִצְעָ֛ר הִ֖וא וּתְחִ֥י נַפְשִֽׁי׃ בְּבַקָּשָׁה, הִנֵּה הָעִיר הַזֹּאת קְרוֹבָה וְקַל לִבְרוֹחַ לְשָׁם וְהִיא קְטַנָּה, אֶבְרַח בְּבַקָּשָׁה לְשָׁם, וְלֹא תַּשְׁמִידוּ אוֹתָהּ – הֲרֵי הִיא קְטַנָּה, וְנַפְשִׁי תִּחְיֶה.
כא וַיֹּ֣אמֶר אֵלָ֔יו הִנֵּה֙ נָשָׂ֣אתִי פָנֶ֔יךָ גַּ֖ם לַדָּבָ֣ר הַזֶּ֑ה לְבִלְתִּ֛י הׇפְכִּ֥י אֶת־הָעִ֖יר אֲשֶׁ֥ר דִּבַּֽרְתָּ׃ אָמַר לוֹ: הִנֵּה אֲנִי מַסְכִּים לִרְצוֹנְךָ גַּם בַּדָּבָר הַזֶּה, שֶׁלֹּא אֶהֱרוֹס אֶת הָעִיר שֶׁדִּבַּרְתָּ עָלֶיהָ.
כב מַהֵר֙ הִמָּלֵ֣ט שָׁ֔מָּה כִּ֣י לֹ֤א אוּכַל֙ לַעֲשׂ֣וֹת דָּבָ֔ר עַד־בֹּאֲךָ֖ שָׁ֑מָּה עַל־כֵּ֛ן קָרָ֥א שֵׁם־הָעִ֖יר צֽוֹעַר׃ תְּמַהֵר לִבְרוֹחַ לְשָׁם! כִּי לֹא אוּכַל לַעֲשׂוֹת שׁוּם דָּבָר עַד שֶׁתָּבוֹא לְשָׁם, לָכֵן קָרָא אֶת שֵׁם הָעִיר צוֹעַר – הַקְּטַנָּה (צָעִיר – זָעִיר).
כג הַשֶּׁ֖מֶשׁ יָצָ֣א עַל־הָאָ֑רֶץ וְל֖וֹט בָּ֥א צֹֽעֲרָה׃ הַשֶּׁמֶשׁ זָרְחָה עַל הָאָרֶץ וְלוֹט הִגִּיעַ לְצוֹעַר.
כד וַֽיהֹוָ֗ה הִמְטִ֧יר עַל־סְדֹ֛ם וְעַל־עֲמֹרָ֖ה גׇּפְרִ֣ית וָאֵ֑שׁ מֵאֵ֥ת יְהֹוָ֖ה מִן־הַשָּׁמָֽיִם׃ וַה' הִמְטִיר עַל סְדוֹם וְעַל עֲמוֹרָה גָּפְרִית וָאֵשׁ מֵאֵת ה' מֵהַשָּׁמַיִם.
כה וַֽיַּהֲפֹךְ֙ אֶת־הֶעָרִ֣ים הָאֵ֔ל וְאֵ֖ת כׇּל־הַכִּכָּ֑ר וְאֵת֙ כׇּל־יֹשְׁבֵ֣י הֶעָרִ֔ים וְצֶ֖מַח הָאֲדָמָֽה׃ הוּא הָרַס אֶת הֶעָרִים הָאֵלֶּה וְאֶת כָּל הַבִּקְעָה וְאֶת כָּל יוֹשְׁבֵי הֶעָרִים וְאֶת צֶמַח הָאֲדָמָה.
כו וַתַּבֵּ֥ט אִשְׁתּ֖וֹ מֵאַחֲרָ֑יו וַתְּהִ֖י נְצִ֥יב מֶֽלַח׃ אִשְׁתּוֹ הִבִּיטָה לַאֲחוֹרָיו וְהָפְכָה לְמַצֵּבָה מִמֶּלַח.
כז וַיַּשְׁכֵּ֥ם אַבְרָהָ֖ם בַּבֹּ֑קֶר אֶ֨ל־הַמָּק֔וֹם אֲשֶׁר־עָ֥מַד שָׁ֖ם אֶת־פְּנֵ֥י יְהֹוָֽה׃ אַבְרָהָם הִשְׁכִּים בַּבּוֹקֶר וְהָלַךְ לַמָּקוֹם שֶׁעָמַד שָׁם לְהִתְפַּלֵּל לִפְנֵי ה'.
כח וַיַּשְׁקֵ֗ף עַל־פְּנֵ֤י סְדֹם֙ וַעֲמֹרָ֔ה וְעַֽל־כׇּל־פְּנֵ֖י אֶ֣רֶץ הַכִּכָּ֑ר וַיַּ֗רְא וְהִנֵּ֤ה עָלָה֙ קִיטֹ֣ר הָאָ֔רֶץ כְּקִיטֹ֖ר הַכִּבְשָֽׁן׃ הוּא הִשְׁקִיף לְעֵבֶר סְדוֹם וַעֲמוֹרָה וּלְעֵבֶר כָּל שֶׁטַח הַבִּקְעָה, וְרָאָה וְהִנֵּה עָלָה עָשָׁן הָאָרֶץ כְּמוֹ עָשָׁן כִּבְשָׁן.
כט וַיְהִ֗י בְּשַׁחֵ֤ת אֱלֹהִים֙ אֶת־עָרֵ֣י הַכִּכָּ֔ר וַיִּזְכֹּ֥ר אֱלֹהִ֖ים אֶת־אַבְרָהָ֑ם וַיְשַׁלַּ֤ח אֶת־לוֹט֙ מִתּ֣וֹךְ הַהֲפֵכָ֔ה בַּהֲפֹךְ֙ אֶת־הֶ֣עָרִ֔ים אֲשֶׁר־יָשַׁ֥ב בָּהֵ֖ן לֽוֹט׃ כְּשֶׁאֱלֹהִים הִשְׁחִית אֶת עָרֵי הַבִּקְעָה, אֱלֹהִים זָכַר אֶת אַבְרָהָם, הוּא הוֹצִיא אֶת לוֹט מֵהַמַּהְפֵּכָה כְּשֶׁהָרַס אֶת הֶעָרִים שֶׁלּוֹט גָּר בָּהֵן.
פָּרָשַׁת בְּנוֹת לוֹט
ל וַיַּ֩עַל֩ ל֨וֹט מִצּ֜וֹעַר וַיֵּ֣שֶׁב בָּהָ֗ר וּשְׁתֵּ֤י בְנֹתָיו֙ עִמּ֔וֹ כִּ֥י יָרֵ֖א לָשֶׁ֣בֶת בְּצ֑וֹעַר וַיֵּ֙שֶׁב֙ בַּמְּעָרָ֔ה ה֖וּא וּשְׁתֵּ֥י בְנֹתָֽיו׃ לוֹט עָלָה מִצּוֹעַר וְהִתְיַשֵּׁב בָּהָר וּשְׁתֵּי בְּנוֹתָיו אִתּוֹ כִּי הוּא פָּחַד לְהִתְיַשֵּׁב בְּצוֹעַר, הוּא הִתְיַשֵּׁב בַּמְּעָרָה עִם שְׁתֵּי בְּנוֹתָיו.
לא וַתֹּ֧אמֶר הַבְּכִירָ֛ה אֶל־הַצְּעִירָ֖ה אָבִ֣ינוּ זָקֵ֑ן וְאִ֨ישׁ אֵ֤ין בָּאָ֙רֶץ֙ לָב֣וֹא עָלֵ֔ינוּ כְּדֶ֖רֶךְ כׇּל־הָאָֽרֶץ׃ אָמְרָה הַבְּכוֹרָה לַצְּעִירָה: אָבִינוּ זָקֵן וְאֵין בָּאָרֶץ אַף אִישׁ שֶׁיִּשָּׂא אוֹתָנוּ כְּדֶרֶךְ כָּל הָעוֹלָם.
לב לְכָ֨ה נַשְׁקֶ֧ה אֶת־אָבִ֛ינוּ יַ֖יִן וְנִשְׁכְּבָ֣ה עִמּ֑וֹ וּנְחַיֶּ֥ה מֵאָבִ֖ינוּ זָֽרַע׃ בּוֹאִי נִתֵּן לְאָבִינוּ לִשְׁתּוֹת יַיִן וְנִשְׁכַּב אִתּוֹ כְּדֵי שֶׁנֵּלֵד מֵאָבִינוּ בָּנִים.
לג וַתַּשְׁקֶ֧יןָ אֶת־אֲבִיהֶ֛ן יַ֖יִן בַּלַּ֣יְלָה ה֑וּא וַתָּבֹ֤א הַבְּכִירָה֙ וַתִּשְׁכַּ֣ב אֶת־אָבִ֔יהָ וְלֹֽא־יָדַ֥ע בְּשִׁכְבָ֖הּ וּבְקוּׄמָֽהּ׃ הֵן נָתְנוּ לַאֲבִיהֶן בְּאוֹתוֹ לַיְלָה לִשְׁתּוֹת יַיִן, הַבְּכוֹרָה בָּאָה וְשָׁכְבָה עִם אָבִיהָ וְהוּא לֹא יָדַע מִשְּׁכִיבָתָהּ וּמִקִּימָתָהּ.
לד וַֽיְהִי֙ מִֽמׇּחֳרָ֔ת וַתֹּ֤אמֶר הַבְּכִירָה֙ אֶל־הַצְּעִירָ֔ה הֵן־שָׁכַ֥בְתִּי אֶ֖מֶשׁ אֶת־אָבִ֑י נַשְׁקֶ֨נּוּ יַ֜יִן גַּם־הַלַּ֗יְלָה וּבֹ֙אִי֙ שִׁכְבִ֣י עִמּ֔וֹ וּנְחַיֶּ֥ה מֵאָבִ֖ינוּ זָֽרַע׃ לְמָחֳרָת הַבְּכוֹרָה אָמְרָה לַצְּעִירָה: הֲרֵי שָׁכַבְתִּי אֶמֶשׁ עִם אָבִי, נִתֵּן לוֹ לִשְׁתּוֹת יַיִן גַּם הַלַּיְלָה וּבוֹאִי וְשִׁכְבִי אִתּוֹ וְנֵלֵד בָּנִים מֵאָבִינוּ.
לה וַתַּשְׁקֶ֜יןָ גַּ֣ם בַּלַּ֧יְלָה הַה֛וּא אֶת־אֲבִיהֶ֖ן יָ֑יִן וַתָּ֤קׇם הַצְּעִירָה֙ וַתִּשְׁכַּ֣ב עִמּ֔וֹ וְלֹֽא־יָדַ֥ע בְּשִׁכְבָ֖הּ וּבְקֻמָֽהּ׃ גַּם בְּאוֹתוֹ לַיְלָה הֵן נָתְנוּ לַאֲבִיהֶן לִשְׁתּוֹת יַיִן, הַצְּעִירָה קָמָה וְשָׁכְבָה אִתּוֹ וְהוּא לֹא יָדַע מִשְּׁכִיבָתָהּ וּמִקִּימָתָהּ.
לו וַֽתַּהֲרֶ֛יןָ שְׁתֵּ֥י בְנֽוֹת־ל֖וֹט מֵאֲבִיהֶֽן׃ שְׁתֵּי בְּנוֹת לוֹט נִכְנְסוּ לְהֵרָיוֹן מֵאֲבִיהֶן.
לז וַתֵּ֤לֶד הַבְּכִירָה֙ בֵּ֔ן וַתִּקְרָ֥א שְׁמ֖וֹ מוֹאָ֑ב ה֥וּא אֲבִֽי־מוֹאָ֖ב עַד־הַיּֽוֹם׃ הַבְּכוֹרָה יָלְדָה בֵּן וְקָרְאָה אֶת שְׁמוֹ מוֹאָב, הוּא אֲבִי הָעָם מוֹאָב שֶׁקַּיָּמִים עַד הַיּוֹם.
לח וְהַצְּעִירָ֤ה גַם־הִוא֙ יָ֣לְדָה בֵּ֔ן וַתִּקְרָ֥א שְׁמ֖וֹ בֶּן־עַמִּ֑י ה֛וּא אֲבִ֥י בְנֵֽי־עַמּ֖וֹן עַד־הַיּֽוֹם׃ וְהַצְּעִירָה גַּם הִיא יָלְדָה בֵּן וְקָרְאָה אֶת שְׁמוֹ בֶּן עַמִּי, הוּא אֲבִי הָעָם עַמּוֹן שֶׁקַּיָּמִים עַד הַיּוֹם.


פרק כ' עריכה

ס פָּרָשַׁת אֲבִימֶלֶךְ
כ א וַיִּסַּ֨ע מִשָּׁ֤ם אַבְרָהָם֙ אַ֣רְצָה הַנֶּ֔גֶב וַיֵּ֥שֶׁב בֵּין־קָדֵ֖שׁ וּבֵ֣ין שׁ֑וּר וַיָּ֖גׇר בִּגְרָֽר׃ מִשָּׁם נָסַע אַבְרָהָם לְאֶרֶץ הַנֶּגֶב וְהִתְיַשֵּׁב בֵּין קָדֵשׁ וּבֵין שׁוּר וְגָר בִּגְרָר.
ב וַיֹּ֧אמֶר אַבְרָהָ֛ם אֶל־שָׂרָ֥ה אִשְׁתּ֖וֹ אֲחֹ֣תִי הִ֑וא וַיִּשְׁלַ֗ח אֲבִימֶ֙לֶךְ֙ מֶ֣לֶךְ גְּרָ֔ר וַיִּקַּ֖ח אֶת־שָׂרָֽה׃ אַבְרָהָם אָמַר עַל שָׂרָה אִשְׁתּוֹ: "אֲחוֹתִי הִיא", וַאֲבִימֶלֶךְ מֶלֶךְ גְּרָר שָׁלַח שְׁלִיחִים וְלָקַח אֶת שָׂרָה.
ג וַיָּבֹ֧א אֱלֹהִ֛ים אֶל־אֲבִימֶ֖לֶךְ בַּחֲל֣וֹם הַלָּ֑יְלָה וַיֹּ֣אמֶר ל֗וֹ הִנְּךָ֥ מֵת֙ עַל־הָאִשָּׁ֣ה אֲשֶׁר־לָקַ֔חְתָּ וְהִ֖וא בְּעֻ֥לַת בָּֽעַל׃ אֱלֹהִים בָּא לַאֲבִימֶלֶךְ בַּחֲלוֹם הַלַּיְלָה וְאָמַר לוֹ: מַגִּיעַ לְךָ עוֹנֶשׁ מָוֶת עַל שֶׁלָּקַחְתָּ אֶת הָאִשָּׁה כִּי יֵשׁ לָהּ בַּעַל.
ד וַאֲבִימֶ֕לֶךְ לֹ֥א קָרַ֖ב אֵלֶ֑יהָ וַיֹּאמַ֕ר אֲדֹנָ֕י הֲג֥וֹי גַּם־צַדִּ֖יק תַּהֲרֹֽג׃ וַאֲבִימֶלֶךְ לֹא הִתְקָרֵב אֵלֶיהָ, וְאָמַר: ה'! הַאִם תַּהֲרוֹג גַּם עַם זַכַּאי כָּמוֹנוּ?!
ה הֲלֹ֨א ה֤וּא אָֽמַר־לִי֙ אֲחֹ֣תִי הִ֔וא וְהִֽיא־גַם־הִ֥וא אָֽמְרָ֖ה אָחִ֣י ה֑וּא בְּתׇם־לְבָבִ֛י וּבְנִקְיֹ֥ן כַּפַּ֖י עָשִׂ֥יתִי זֹֽאת׃ הֲרֵי הוּא אָמַר לִי: הִיא אֲחוֹתִי, וְגַם הִיא אָמְרָה: הוּא אָחִי, בְּתוֹם לֵב וּבְנִקְיוֹן כַּפַּיִם עָשִׂיתִי זֹאת!
ו וַיֹּ֩אמֶר֩ אֵלָ֨יו הָֽאֱלֹהִ֜ים בַּחֲלֹ֗ם גַּ֣ם אָנֹכִ֤י יָדַ֙עְתִּי֙ כִּ֤י בְתׇם־לְבָבְךָ֙ עָשִׂ֣יתָ זֹּ֔את וָאֶחְשֹׂ֧ךְ גַּם־אָנֹכִ֛י אֽוֹתְךָ֖ מֵחֲטוֹ־לִ֑י עַל־כֵּ֥ן לֹא־נְתַתִּ֖יךָ לִנְגֹּ֥עַ אֵלֶֽיהָ׃ אָמַר לוֹ הָאֱלֹהִים בַּחֲלוֹם: גַּם אֲנִי יָדַעְתִּי שֶׁעָשִׂיתָ זֹאת בְּתוֹם לֵב וְגַם אֲנִי מָנַעְתִּי מִמְּךָ לַחֲטוֹא לִי, לָכֵן לֹא נָתַתִּי לְךָ לִנְגּוֹעַ בָּהּ.
ז וְעַתָּ֗ה הָשֵׁ֤ב אֵֽשֶׁת־הָאִישׁ֙ כִּֽי־נָבִ֣יא ה֔וּא וְיִתְפַּלֵּ֥ל בַּֽעַדְךָ֖ וֶֽחְיֵ֑ה וְאִם־אֵֽינְךָ֣ מֵשִׁ֔יב דַּ֚ע כִּי־מ֣וֹת תָּמ֔וּת אַתָּ֖ה וְכׇל־אֲשֶׁר־לָֽךְ׃ וְעַכְשָׁיו הָשֵׁב אֶת אֵשֶׁת הָאִישׁ כִּי הוּא נָבִיא וְיִתְפַּלֵּל עָלֶיךָ וְתִחְיֶה, וְאִם אֵינְךָ מֵשִׁיב דַּע שֶׁתָּמוּת אַתָּה וְכָל מִי שֶׁשַּׁיָּךְ לְךָ.
ח וַיַּשְׁכֵּ֨ם אֲבִימֶ֜לֶךְ בַּבֹּ֗קֶר וַיִּקְרָא֙ לְכׇל־עֲבָדָ֔יו וַיְדַבֵּ֛ר אֶת־כׇּל־הַדְּבָרִ֥ים הָאֵ֖לֶּה בְּאׇזְנֵיהֶ֑ם וַיִּֽירְא֥וּ הָאֲנָשִׁ֖ים מְאֹֽד׃ אֲבִימֶלֶךְ הִשְׁכִּים בַּבּוֹקֶר, קָרָא לְכָל עֲבָדָיו, וְדִבֵּר אֶת כָּל הַדְּבָרִים הָאֵלֶּה בְּאָזְנֵיהֶם, וְהָאֲנָשִׁים פָּחֲדוּ מְאוֹד.
ט וַיִּקְרָ֨א אֲבִימֶ֜לֶךְ לְאַבְרָהָ֗ם וַיֹּ֨אמֶר ל֜וֹ מֶֽה־עָשִׂ֤יתָ לָּ֙נוּ֙ וּמֶֽה־חָטָ֣אתִי לָ֔ךְ כִּֽי־הֵבֵ֧אתָ עָלַ֛י וְעַל־מַמְלַכְתִּ֖י חֲטָאָ֣ה גְדֹלָ֑ה מַעֲשִׂים֙ אֲשֶׁ֣ר לֹא־יֵֽעָשׂ֔וּ עָשִׂ֖יתָ עִמָּדִֽי׃ אֲבִימֶלֶךְ קָרָא לְאַבְרָהָם וְאָמַר לוֹ: מֶה עָשִׂיתָ לָנוּ וּמֶה חָטָאתִי לְךָ שֶׁגָּרַמְתָּ לִי וּלְמַמְלַכְתִּי חֵטְא גָּדוֹל? מַעֲשִׂים שֶׁלֹּא יֵעָשׂוּ עָשִׂיתָ לִי!
י וַיֹּ֥אמֶר אֲבִימֶ֖לֶךְ אֶל־אַבְרָהָ֑ם מָ֣ה רָאִ֔יתָ כִּ֥י עָשִׂ֖יתָ אֶת־הַדָּבָ֥ר הַזֶּֽה׃ אֲבִימֶלֶךְ אָמַר לְאַבְרָהָם: מָה חָשַׁבְתָּ שֶׁעָשִׂיתָ אֶת הַדָּבָר הַזֶּה?
יא וַיֹּ֙אמֶר֙ אַבְרָהָ֔ם כִּ֣י אָמַ֗רְתִּי רַ֚ק אֵין־יִרְאַ֣ת אֱלֹהִ֔ים בַּמָּק֖וֹם הַזֶּ֑ה וַהֲרָג֖וּנִי עַל־דְּבַ֥ר אִשְׁתִּֽי׃ אָמַר אַבְרָהָם: כִּי אָמַרְתִּי שֶׁאֵין יִרְאַת אֱלֹהִים בַּמָּקוֹם הַזֶּה, וְיַהַרְגוּ אוֹתִי בִּשְׁבִיל לָקַחַת אֶת אִשְׁתִּי.
יב וְגַם־אׇמְנָ֗ה אֲחֹתִ֤י בַת־אָבִי֙ הִ֔וא אַ֖ךְ לֹ֣א בַת־אִמִּ֑י וַתְּהִי־לִ֖י לְאִשָּֽׁה׃ וְגַם אָמְנָם הִיא אֲחוֹתִי – הִיא בַּת הַבֵּן שֶׁל אָבִי, אֲבָל לֹא הַבַּת שֶׁל אִמִּי, וְהִיא נִשְׂאָה לִי.
יג וַיְהִ֞י כַּאֲשֶׁ֧ר הִתְע֣וּ אֹתִ֗י אֱלֹהִים֮ מִבֵּ֣ית אָבִי֒ וָאֹמַ֣ר לָ֔הּ זֶ֣ה חַסְדֵּ֔ךְ אֲשֶׁ֥ר תַּעֲשִׂ֖י עִמָּדִ֑י אֶ֤ל כׇּל־הַמָּקוֹם֙ אֲשֶׁ֣ר נָב֣וֹא שָׁ֔מָּה אִמְרִי־לִ֖י אָחִ֥י הֽוּא׃ וּכְשֶׁאֱלֹהִים הֶגְלָה אוֹתִי מִבֵּית אָבִי, אָמַרְתִּי לָהּ: זֶה הַחֶסֶד שֶׁתַּעֲשִׂי אִתִּי – בְּכָל מָקוֹם שֶׁנָּבוֹא לְשָׁם אִמְרִי עָלַי: "אָחִי הוּא".
יד וַיִּקַּ֨ח אֲבִימֶ֜לֶךְ צֹ֣אן וּבָקָ֗ר וַעֲבָדִים֙ וּשְׁפָחֹ֔ת וַיִּתֵּ֖ן לְאַבְרָהָ֑ם וַיָּ֣שֶׁב ל֔וֹ אֵ֖ת שָׂרָ֥ה אִשְׁתּֽוֹ׃ אֲבִימֶלֶךְ לָקַח צֹאן וּבָקָר וַעֲבָדִים וּשְׁפָחוֹת, וְנָתַן לְאַבְרָהָם, וְהוּא הֵשִׁיב לוֹ אֶת שָׂרָה אִשְׁתּוֹ.
טו וַיֹּ֣אמֶר אֲבִימֶ֔לֶךְ הִנֵּ֥ה אַרְצִ֖י לְפָנֶ֑יךָ בַּטּ֥וֹב בְּעֵינֶ֖יךָ שֵֽׁב׃ אֲבִימֶלֶךְ אָמַר: הִנֵּה אַרְצִי לְפָנֶיךָ, שֵׁב בְּאֵיזֶה מָקוֹם שֶׁטּוֹב בְּעֵינֶיךָ.
טז וּלְשָׂרָ֣ה אָמַ֗ר הִנֵּ֨ה נָתַ֜תִּי אֶ֤לֶף כֶּ֙סֶף֙ לְאָחִ֔יךְ הִנֵּ֤ה הוּא־לָךְ֙ כְּס֣וּת עֵינַ֔יִם לְכֹ֖ל אֲשֶׁ֣ר אִתָּ֑ךְ וְאֵ֥ת כֹּ֖ל וְנֹכָֽחַת׃ וּלְשָׂרָה אָמַר: הִנֵּה בַּהַתְחָלָה נָתַתִּי אֶלֶף כֶּסֶף לְאָחִיךְ תְּמוּרָתֵךְ, וְהִנֵּה הוּא בַּעֲלֵךְ! זֶה הוּכַח בִּפְנֵי כֻּלָּם, כִּי מֵאָז שֶׁנִּשֵּׂאת אַתְּ מִתְעַטֶּפֶת בְּמִטְפַּחַת לִצְנִיעוּת לְכִסּוּי עֵינַיִם בִּפְנֵי כָּל הָאֲנָשִׁים שֶׁאִתָּךְ.
יז וַיִּתְפַּלֵּ֥ל אַבְרָהָ֖ם אֶל־הָאֱלֹהִ֑ים וַיִּרְפָּ֨א אֱלֹהִ֜ים אֶת־אֲבִימֶ֧לֶךְ וְאֶת־אִשְׁתּ֛וֹ וְאַמְהֹתָ֖יו וַיֵּלֵֽדוּ׃ אַבְרָהָם הִתְפַּלֵּל לָאֱלֹהִים, וֵאלֹהִים רִפָּא אֶת אֲבִימֶלֶךְ וְאֶת אִשְׁתּוֹ וְשִׁפְחוֹתָיו וְהֵם יָלְדוּ.
יח כִּֽי־עָצֹ֤ר עָצַר֙ יְהֹוָ֔ה בְּעַ֥ד כׇּל־רֶ֖חֶם לְבֵ֣ית אֲבִימֶ֑לֶךְ עַל־דְּבַ֥ר שָׂרָ֖ה אֵ֥שֶׁת אַבְרָהָֽם׃ כִּי ה' עָצַר כָּל רֶחֶם בְּבֵית אֲבִימֶלֶךְ מִלָּלֶדֶת, בִּגְלַל לְקִיחַת שָׂרָה אֵשֶׁת אַבְרָהָם.


פרק כ"א עריכה

ס פָּרָשַׁת לֵידַת יִצְחָק
כא א וַֽיהֹוָ֛ה פָּקַ֥ד אֶת־שָׂרָ֖ה כַּאֲשֶׁ֣ר אָמָ֑ר וַיַּ֧עַשׂ יְהֹוָ֛ה לְשָׂרָ֖ה כַּאֲשֶׁ֥ר דִּבֵּֽר׃ וַה' זָכַר אֶת שָׂרָה כְּמוֹ שֶׁאָמָר, וְה' עָשָׂה לְשָׂרָה כְּמוֹ שֶׁדִּבֵּר.
ב וַתַּ֩הַר֩ וַתֵּ֨לֶד שָׂרָ֧ה לְאַבְרָהָ֛ם בֵּ֖ן לִזְקֻנָ֑יו לַמּוֹעֵ֕ד אֲשֶׁר־דִּבֶּ֥ר אֹת֖וֹ אֱלֹהִֽים׃ שָׂרָה נִכְנְסָה לְהֵרָיוֹן, וְיָלְדָה לְאַבְרָהָם בֵּן בִּימֵי זִקְנוּתוֹ, בַּזְּמָן שֶׁאֱלֹהִים אָמַר שֶׁתֵּלֵד.
ג וַיִּקְרָ֨א אַבְרָהָ֜ם אֶֽת־שֶׁם־בְּנ֧וֹ הַנּֽוֹלַד־ל֛וֹ אֲשֶׁר־יָלְדָה־לּ֥וֹ שָׂרָ֖ה יִצְחָֽק׃ אַבְרָהָם קָרָא אֶת שֵׁם בְּנוֹ שֶׁנּוֹלַד לוֹ שֶׁיָּלְדָה לוֹ שָׂרָה – יִצְחָק.
ד וַיָּ֤מׇל אַבְרָהָם֙ אֶת־יִצְחָ֣ק בְּנ֔וֹ בֶּן־שְׁמֹנַ֖ת יָמִ֑ים כַּאֲשֶׁ֛ר צִוָּ֥ה אֹת֖וֹ אֱלֹהִֽים׃ אַבְרָהָם מָל אֶת יִצְחָק בְּנוֹ בְּגִיל שְׁמוֹנָה יָמִים, כְּמוֹ שֶׁאֱלֹהִים צִוָּה אוֹתוֹ.
ה וְאַבְרָהָ֖ם בֶּן־מְאַ֣ת שָׁנָ֑ה בְּהִוָּ֣לֶד ל֔וֹ אֵ֖ת יִצְחָ֥ק בְּנֽוֹ׃ וְאַבְרָהָם הָיָה בֶּן מֵאָה שָׁנָה כְּשֶׁנּוֹלַד לוֹ יִצְחָק בְּנוֹ.
ו וַתֹּ֣אמֶר שָׂרָ֔ה צְחֹ֕ק עָ֥שָׂה לִ֖י אֱלֹהִ֑ים כׇּל־הַשֹּׁמֵ֖עַ יִֽצְחַק־לִֽי׃ שָׂרָה אָמְרָה: שִׂמְחָה מַפְלִיאָה עָשָׂה לִי אֱלֹהִים – כָּל מִי שֶׁשּׁוֹמֵעַ מִתְפַּלֵּא עָלַי!
ז וַתֹּ֗אמֶר מִ֤י מִלֵּל֙ לְאַבְרָהָ֔ם הֵינִ֥יקָה בָנִ֖ים שָׂרָ֑ה כִּֽי־יָלַ֥דְתִּי בֵ֖ן לִזְקֻנָֽיו׃ וְאָמְרָה: מִי הֶאֱמִין שֶׁכָּךְ יִקְרֶה לְאַבְרָהָם – שֶׁשָּׂרָה מֵינִיקָה בָּנִים, הֲרֵי יָלַדְתִּי בֵּן בִּימֵי זִקְנוּתוֹ!
ח וַיִּגְדַּ֥ל הַיֶּ֖לֶד וַיִּגָּמַ֑ל וַיַּ֤עַשׂ אַבְרָהָם֙ מִשְׁתֶּ֣ה גָד֔וֹל בְּי֖וֹם הִגָּמֵ֥ל אֶת־יִצְחָֽק׃ הַיֶּלֶד גָּדַל וְנִגְמַל מֵהַיְּנִיקָה, אַבְרָהָם עָשָׂה מִשְׁתֶּה גָּדוֹל בַּיּוֹם שֶׁיִּצְחָק נִגְמַל.
פָּרָשַׁת גֵּרוּשׁ הָגָר
ט וַתֵּ֨רֶא שָׂרָ֜ה אֶֽת־בֶּן־הָגָ֧ר הַמִּצְרִ֛ית אֲשֶׁר־יָלְדָ֥ה לְאַבְרָהָ֖ם מְצַחֵֽק׃ שָׂרָה רָאֲתָה אֶת הַבֵּן שֶׁהָגָר הַמִּצְרִית יָלְדָה לְאַבְרָהָם מִתְנַהֵג בְּחוֹסֶר צְנִיעוּת.
י וַתֹּ֙אמֶר֙ לְאַבְרָהָ֔ם גָּרֵ֛שׁ הָאָמָ֥ה הַזֹּ֖את וְאֶת־בְּנָ֑הּ כִּ֣י לֹ֤א יִירַשׁ֙ בֶּן־הָאָמָ֣ה הַזֹּ֔את עִם־בְּנִ֖י עִם־יִצְחָֽק׃ הִיא אָמְרָה לְאַבְרָהָם: גָּרֵשׁ אֶת הַשִּׁפְחָה הַזֹּאת וְאֶת בְּנָהּ, כִּי הַבֵּן שֶׁל הָאָמָה הַזֹּאת אֵינוֹ רָאוּי לָרֶשֶׁת עִם בְּנִי יִצְחָק!
יא וַיֵּ֧רַע הַדָּבָ֛ר מְאֹ֖ד בְּעֵינֵ֣י אַבְרָהָ֑ם עַ֖ל אוֹדֹ֥ת בְּנֽוֹ׃ הַדָּבָר הָיָה רַע מְאוֹד בְּעֵינֵי אַבְרָהָם, עַל עִנְיַן בְּנוֹ.
יב וַיֹּ֨אמֶר אֱלֹהִ֜ים אֶל־אַבְרָהָ֗ם אַל־יֵרַ֤ע בְּעֵינֶ֙יךָ֙ עַל־הַנַּ֣עַר וְעַל־אֲמָתֶ֔ךָ כֹּל֩ אֲשֶׁ֨ר תֹּאמַ֥ר אֵלֶ֛יךָ שָׂרָ֖ה שְׁמַ֣ע בְּקֹלָ֑הּ כִּ֣י בְיִצְחָ֔ק יִקָּרֵ֥א לְךָ֖ זָֽרַע׃ אֱלֹהִים אָמַר לְאַבְרָהָם: שֶׁלֹּא יִהְיֶה רַע בְּעֵינֶיךָ עַל הַנַּעַר וְעַל שִׁפְחָתְךָ, אֶלָּא כָּל מַה שֶּׁשָּׂרָה תֹּאמַר לְךָ – שְׁמַע בְּקוֹלָהּ, כִּי רַק צֶאֱצָאִים שֶׁל יִצְחָק יֵחָשְׁבוּ לְצֶאֱצָאִים שֶׁלְּךָ.
יג וְגַ֥ם אֶת־בֶּן־הָאָמָ֖ה לְג֣וֹי אֲשִׂימֶ֑נּוּ כִּ֥י זַרְעֲךָ֖ הֽוּא׃ וְגַם מֵהַבֵּן שֶׁל הַשִּׁפְחָה אֶעֱשֶׂה עָם כִּי הוּא בִּנְךָ.
יד וַיַּשְׁכֵּ֣ם אַבְרָהָ֣ם ׀ בַּבֹּ֡קֶר וַיִּֽקַּֽח־לֶ֩חֶם֩ וְחֵ֨מַת מַ֜יִם וַיִּתֵּ֣ן אֶל־הָ֠גָ֠ר שָׂ֧ם עַל־שִׁכְמָ֛הּ וְאֶת־הַיֶּ֖לֶד וַֽיְשַׁלְּחֶ֑הָ וַתֵּ֣לֶךְ וַתֵּ֔תַע בְּמִדְבַּ֖ר בְּאֵ֥ר שָֽׁבַע׃ אַבְרָהָם הִשְׁכִּים בַּבּוֹקֶר, לָקַח לֶחֶם וּכְלִי מַיִם וְנָתַן לְהָגָר, הוּא שָׂם אוֹתָם עַל כְּתֵפָהּ, וְאֶת הַיֶּלֶד, וְגֵרֵשׁ אוֹתָהּ, הִיא הָלְכָה וְאִבְּדָה אֶת דַּרְכָּהּ בְּמִדְבַּר בְּאֵר שֶׁבַע.
טו וַיִּכְל֥וּ הַמַּ֖יִם מִן־הַחֵ֑מֶת וַתַּשְׁלֵ֣ךְ אֶת־הַיֶּ֔לֶד תַּ֖חַת אַחַ֥ד הַשִּׂיחִֽם׃ הַמַּיִם נִגְמְרוּ מֵהַכְּלִי, וְהִיא הִשְׁלִיכָה אֶת הַיֶּלֶד אֶל מִתַּחַת לְאַחַד הַשִּׂיחִים.
טז וַתֵּ֩לֶךְ֩ וַתֵּ֨שֶׁב לָ֜הּ מִנֶּ֗גֶד הַרְחֵק֙ כִּמְטַחֲוֵ֣י קֶ֔שֶׁת כִּ֣י אָֽמְרָ֔ה אַל־אֶרְאֶ֖ה בְּמ֣וֹת הַיָּ֑לֶד וַתֵּ֣שֶׁב מִנֶּ֔גֶד וַתִּשָּׂ֥א אֶת־קֹלָ֖הּ וַתֵּֽבְךְּ׃ הִיא הָלְכָה וְיָשְׁבָה מִמּוּל, הַרְחֵק כְּמֶרְחַק יֶרִי בְּקֶשֶׁת, כִּי אָמְרָה: שֶׁלֹּא אֶרְאֶה בְּמוֹת הַיֶּלֶד, יָשְׁבָה מִמּוּל וְהֵרִימָה אֶת קוֹלָהּ וּבָכְתָה.
יז וַיִּשְׁמַ֣ע אֱלֹהִים֮ אֶת־ק֣וֹל הַנַּ֒עַר֒ וַיִּקְרָא֩ מַלְאַ֨ךְ אֱלֹהִ֤ים ׀ אֶל־הָגָר֙ מִן־הַשָּׁמַ֔יִם וַיֹּ֥אמֶר לָ֖הּ מַה־לָּ֣ךְ הָגָ֑ר אַל־תִּ֣ירְאִ֔י כִּֽי־שָׁמַ֧ע אֱלֹהִ֛ים אֶל־ק֥וֹל הַנַּ֖עַר בַּאֲשֶׁ֥ר הוּא־שָֽׁם׃ אֱלֹהִים שָׁמַע אֶת קוֹל הַנַּעַר, מַלְאַךְ אֱלֹהִים קָרָא לְהָגָר מֵהַשָּׁמַיִם וְאָמַר לָהּ: מַה לָּךְ הָגָר? אַל תִּפְחֲדִי! כִּי אֱלֹהִים שָׁמַע לְקוֹל הַנַּעַר מֵהַמָּקוֹם שֶׁהוּא נִמְצָא בּוֹ.
יח ק֚וּמִי שְׂאִ֣י אֶת־הַנַּ֔עַר וְהַחֲזִ֥יקִי אֶת־יָדֵ֖ךְ בּ֑וֹ כִּֽי־לְג֥וֹי גָּד֖וֹל אֲשִׂימֶֽנּוּ׃ קוּמִי הֲרִימִי אֶת הַנַּעַר וְהַחֲזִיקִי בּוֹ בְּיָדֵךְ, כִּי אֶעֱשֶׂה אוֹתוֹ לְעָם גָּדוֹל.
יט וַיִּפְקַ֤ח אֱלֹהִים֙ אֶת־עֵינֶ֔יהָ וַתֵּ֖רֶא בְּאֵ֣ר מָ֑יִם וַתֵּ֜לֶךְ וַתְּמַלֵּ֤א אֶת־הַחֵ֙מֶת֙ מַ֔יִם וַתַּ֖שְׁקְ אֶת־הַנָּֽעַר׃ אֱלֹהִים פָּקַח אֶת עֵינֶיהָ וְהִיא רָאֲתָה בְּאֵר מַיִם, הִיא הָלְכָה וּמִלְּאָה אֶת הַכְּלִי בְּמַיִם וְהִשְׁקְתָה אֶת הַנָּעַר.
כ וַיְהִ֧י אֱלֹהִ֛ים אֶת־הַנַּ֖עַר וַיִּגְדָּ֑ל וַיֵּ֙שֶׁב֙ בַּמִּדְבָּ֔ר וַיְהִ֖י רֹבֶ֥ה קַשָּֽׁת׃ אֱלֹהִים הָיָה עִם הַנַּעַר לַעֲזוֹר לוֹ וְהוּא גָּדַל, הוּא גָּר בַּמִּדְבָּר וְהָיָה חָמוּשׁ יוֹרֶה בְּקֶשֶׁת.
כא וַיֵּ֖שֶׁב בְּמִדְבַּ֣ר פָּארָ֑ן וַתִּֽקַּֽח־ל֥וֹ אִמּ֛וֹ אִשָּׁ֖ה מֵאֶ֥רֶץ מִצְרָֽיִם׃ הוּא הִתְיַשֵּׁב בְּמִדְבַּר פָּארָן, וְאִמּוֹ לָקְחָה לוֹ אִשָּׁה מֵאֶרֶץ מִצְרַיִם.
פ פָּרָשַׁת בְּרִית בְּאֵר שֶׁבַע
כב וַֽיְהִי֙ בָּעֵ֣ת הַהִ֔וא וַיֹּ֣אמֶר אֲבִימֶ֗לֶךְ וּפִיכֹל֙ שַׂר־צְבָא֔וֹ אֶל־אַבְרָהָ֖ם לֵאמֹ֑ר אֱלֹהִ֣ים עִמְּךָ֔ בְּכֹ֥ל אֲשֶׁר־אַתָּ֖ה עֹשֶֽׂה׃ בְּאוֹתוֹ זְמָן, אָמְרוּ אֲבִימֶלֶךְ וּפִיכוֹל שַׂר הַצָּבָא שֶׁלּוֹ לְאַבְרָהָם: אֱלֹהִים עוֹשֶׂה שֶׁתַּצְלִיחַ בְּכָל מַה שֶּׁאַתָּה עוֹשֶׂה.
כג וְעַתָּ֗ה הִשָּׁ֨בְעָה לִּ֤י בֵֽאלֹהִים֙ הֵ֔נָּה אִם־תִּשְׁקֹ֣ר לִ֔י וּלְנִינִ֖י וּלְנֶכְדִּ֑י כַּחֶ֜סֶד אֲשֶׁר־עָשִׂ֤יתִי עִמְּךָ֙ תַּעֲשֶׂ֣ה עִמָּדִ֔י וְעִם־הָאָ֖רֶץ אֲשֶׁר־גַּ֥רְתָּה בָּֽהּ׃ וְעַכְשָׁיו הִשָּׁבַע לִי בֵּאלֹהִים כָּאן, וְלֹא תְּשַׁקֵּר לִי וְלִבְנִי וּלְנֶכְדִּי שֶׁכַּחֶסֶד שֶׁעָשִׂיתִי אִתְּךָ תַּעֲשֶׂה אִתִּי וְעִם תּוֹשָׁבֵי הָאָרֶץ שֶׁגַּרְתָּ בָּהּ.
כד וַיֹּ֙אמֶר֙ אַבְרָהָ֔ם אָנֹכִ֖י אִשָּׁבֵֽעַ׃ אָמַר אַבְרָהָם: אֲנִי אֶשָּׁבַע.
כה וְהוֹכִ֥חַ אַבְרָהָ֖ם אֶת־אֲבִימֶ֑לֶךְ עַל־אֹדוֹת֙ בְּאֵ֣ר הַמַּ֔יִם אֲשֶׁ֥ר גָּזְל֖וּ עַבְדֵ֥י אֲבִימֶֽלֶךְ׃ וְאַבְרָהָם הֵעִיר לַאֲבִימֶלֶךְ עַל עִנְיַן בְּאֵר הַמַּיִם שֶׁעַבְדֵי אֲבִימֶלֶךְ גָּזְלוּ.
כו וַיֹּ֣אמֶר אֲבִימֶ֔לֶךְ לֹ֣א יָדַ֔עְתִּי מִ֥י עָשָׂ֖ה אֶת־הַדָּבָ֣ר הַזֶּ֑ה וְגַם־אַתָּ֞ה לֹא־הִגַּ֣דְתָּ לִּ֗י וְגַ֧ם אָנֹכִ֛י לֹ֥א שָׁמַ֖עְתִּי בִּלְתִּ֥י הַיּֽוֹם׃ אָמַר אֲבִימֶלֶךְ: לֹא יָדַעְתִּי מִי עָשָׂה אֶת הַדָּבָר הַזֶּה, וְגַם אַתָּה לֹא סִפַּרְתָּ לִי עַל זֶה, וְגַם לֹא שָׁמַעְתִּי עַל זֶה עַד הַיּוֹם.
כז וַיִּקַּ֤ח אַבְרָהָם֙ צֹ֣אן וּבָקָ֔ר וַיִּתֵּ֖ן לַאֲבִימֶ֑לֶךְ וַיִּכְרְת֥וּ שְׁנֵיהֶ֖ם בְּרִֽית׃ אַבְרָהָם לָקַח צֹאן וּבָקָר וְנָתַן לַאֲבִימֶלֶךְ, וּשְׁנֵיהֶם עָשׂוּ הֶסְכֵּם.
כח וַיַּצֵּ֣ב אַבְרָהָ֗ם אֶת־שֶׁ֛בַע כִּבְשֹׂ֥ת הַצֹּ֖אן לְבַדְּהֶֽן׃ אַבְרָהָם הֶעֱמִיד אֶת שֶׁבַע כִּבְשׂוֹת הַצֹּאן שֶׁנָּתַן לַאֲבִימֶלֶךְ, לְבַד.
כט וַיֹּ֥אמֶר אֲבִימֶ֖לֶךְ אֶל־אַבְרָהָ֑ם מָ֣ה הֵ֗נָּה שֶׁ֤בַע כְּבָשֹׂת֙ הָאֵ֔לֶּה אֲשֶׁ֥ר הִצַּ֖בְתָּ לְבַדָּֽנָה׃ אָמַר אֲבִימֶלֶךְ לְאַבְרָהָם: מָה הֵן שֶׁבַע הַכְּבָשׂוֹת הָאֵלֶּה שֶׁהֶעֱמַדְתָּ לְבַד?
ל וַיֹּ֕אמֶר כִּ֚י אֶת־שֶׁ֣בַע כְּבָשֹׂ֔ת תִּקַּ֖ח מִיָּדִ֑י בַּעֲבוּר֙ תִּֽהְיֶה־לִּ֣י לְעֵדָ֔ה כִּ֥י חָפַ֖רְתִּי אֶת־הַבְּאֵ֥ר הַזֹּֽאת׃ אָמַר לוֹ: הֶעֱמַדְתִּי אוֹתָן לְבַד, כִּי אֶת שֶׁבַע הַכְּבָשׂוֹת הָאֵלֶּה תִּקַּח מִמֶּנִּי כְּדֵי שֶׁזֶּה יִהְיֶה סִימָן לְטוֹבָתִי שֶׁאֲנִי חָפַרְתִּי אֶת הַבְּאֵר הַזֹּאת.
לא עַל־כֵּ֗ן קָרָ֛א לַמָּק֥וֹם הַה֖וּא בְּאֵ֣ר שָׁ֑בַע כִּ֛י שָׁ֥ם נִשְׁבְּע֖וּ שְׁנֵיהֶֽם׃ לָכֵן הוּא קָרָא לַמָּקוֹם הַהוּא בְּאֵר שֶׁבַע, כִּי שָׁם שְׁנֵיהֶם נִשְׁבְּעוּ.
לב וַיִּכְרְת֥וּ בְרִ֖ית בִּבְאֵ֣ר שָׁ֑בַע וַיָּ֣קׇם אֲבִימֶ֗לֶךְ וּפִיכֹל֙ שַׂר־צְבָא֔וֹ וַיָּשֻׁ֖בוּ אֶל־אֶ֥רֶץ פְּלִשְׁתִּֽים׃ הֵם עָשׂוּ הֶסְכֵּם בִּבְאֵר שֶׁבַע, אֲבִימֶלֶךְ וּפִיכוֹל שַׂר הַצָּבָא שֶׁלּוֹ קָמוּ, וְחָזְרוּ לְאֶרֶץ פְּלִשְׁתִּים.
לג וַיִּטַּ֥ע אֶ֖שֶׁל בִּבְאֵ֣ר שָׁ֑בַע וַיִּ֨קְרָא־שָׁ֔ם בְּשֵׁ֥ם יְהֹוָ֖ה אֵ֥ל עוֹלָֽם׃ אַבְרָהָם נָטַע עֵץ בִּבְאֵר שֶׁבַע וְהִתְפַּלֵּל שָׁם אֶל ה' – אֵל הָעוֹלָם.
לד וַיָּ֧גׇר אַבְרָהָ֛ם בְּאֶ֥רֶץ פְּלִשְׁתִּ֖ים יָמִ֥ים רַבִּֽים׃ אַבְרָהָם גַּר בְּאֶרֶץ פְּלִשְׁתִּים זְמָן רַב.


פרק כ"ב עריכה

פ פָּרָשַׁת הָעֲקֵידָה
כב א וַיְהִ֗י אַחַר֙ הַדְּבָרִ֣ים הָאֵ֔לֶּה וְהָ֣אֱלֹהִ֔ים נִסָּ֖ה אֶת־אַבְרָהָ֑ם וַיֹּ֣אמֶר אֵלָ֔יו אַבְרָהָ֖ם וַיֹּ֥אמֶר הִנֵּֽנִי׃ אַחֲרֵי הַדְּבָרִים הָאֵלֶּה הָאֱלֹהִים נִסָּה אֶת אַבְרָהָם אִם יִשְׁמַע בְּקוֹלוֹ, וְאָמַר לוֹ: אַבְרָהָם! אָמַר לוֹ: הִנֵּה אֲנִי!
ב וַיֹּ֡אמֶר קַח־נָ֠א אֶת־בִּנְךָ֨ אֶת־יְחִֽידְךָ֤ אֲשֶׁר־אָהַ֙בְתָּ֙ אֶת־יִצְחָ֔ק וְלֶ֨ךְ־לְךָ֔ אֶל־אֶ֖רֶץ הַמֹּרִיָּ֑ה וְהַעֲלֵ֤הוּ שָׁם֙ לְעֹלָ֔ה עַ֚ל אַחַ֣ד הֶֽהָרִ֔ים אֲשֶׁ֖ר אֹמַ֥ר אֵלֶֽיךָ׃ אָמַר לוֹ: קַח בְּבַקָּשָׁה אֶת בִּנְךָ יְחִידְךָ שֶׁאָהַבְתָּ – אֶת יִצְחָק, וְלֵךְ לְאֶרֶץ הַמּוֹרִיָּה, וְתַעֲלֵה אוֹתוֹ שָׁם לְעוֹלָה עַל אַחַד הֶהָרִים שֶׁאוֹמַר לְךָ!
ג וַיַּשְׁכֵּ֨ם אַבְרָהָ֜ם בַּבֹּ֗קֶר וַֽיַּחֲבֹשׁ֙ אֶת־חֲמֹר֔וֹ וַיִּקַּ֞ח אֶת־שְׁנֵ֤י נְעָרָיו֙ אִתּ֔וֹ וְאֵ֖ת יִצְחָ֣ק בְּנ֑וֹ וַיְבַקַּע֙ עֲצֵ֣י עֹלָ֔ה וַיָּ֣קׇם וַיֵּ֔לֶךְ אֶל־הַמָּק֖וֹם אֲשֶׁר־אָֽמַר־ל֥וֹ הָאֱלֹהִֽים׃ אַבְרָהָם הִשְׁכִּים בַּבּוֹקֶר רָתַם אֶת חֲמוֹרוֹ לָקַח אֶת שְׁנֵי מְשָׁרְתָיו אִתּוֹ וְאֶת יִצְחָק בְּנוֹ, חָטַב עֵצִים לְקָרְבַּן עוֹלָה, קָם וְהָלַךְ לַמָּקוֹם שֶׁהָאֱלֹהִים אָמַר לוֹ.
ד בַּיּ֣וֹם הַשְּׁלִישִׁ֗י וַיִּשָּׂ֨א אַבְרָהָ֧ם אֶת־עֵינָ֛יו וַיַּ֥רְא אֶת־הַמָּק֖וֹם מֵרָחֹֽק׃ בַּיּוֹם הַשְּׁלִישִׁי אַבְרָהָם הֵרִים אֶת מַבָּטוֹ, וְרָאָה אֶת הַמָּקוֹם מֵרָחוֹק.
ה וַיֹּ֨אמֶר אַבְרָהָ֜ם אֶל־נְעָרָ֗יו שְׁבוּ־לָכֶ֥ם פֹּה֙ עִֽם־הַחֲמ֔וֹר וַאֲנִ֣י וְהַנַּ֔עַר נֵלְכָ֖ה עַד־כֹּ֑ה וְנִֽשְׁתַּחֲוֶ֖ה וְנָשׁ֥וּבָה אֲלֵיכֶֽם׃ אָמַר אַבְרָהָם לִנְעָרָיו: שְׁבוּ לָכֶם פֹּה עִם הַחֲמוֹר וַאֲנִי וְהַנַּעַר נֵלֵךְ עוֹד מֶרְחָק מְסוּיָם, וְנִשְׁתַּחֲוֶה לַה' וְנַחֲזוֹר אֲלֵיכֶם.
ו וַיִּקַּ֨ח אַבְרָהָ֜ם אֶת־עֲצֵ֣י הָעֹלָ֗ה וַיָּ֙שֶׂם֙ עַל־יִצְחָ֣ק בְּנ֔וֹ וַיִּקַּ֣ח בְּיָד֔וֹ אֶת־הָאֵ֖שׁ וְאֶת־הַֽמַּאֲכֶ֑לֶת וַיֵּלְכ֥וּ שְׁנֵיהֶ֖ם יַחְדָּֽו׃ אַבְרָהָם לָקַח אֶת עֲצֵי הָעוֹלָה וְהֶעֱמִיס אוֹתָם עַל יִצְחָק בְּנוֹ, וְלָקַח בְּיָדוֹ אֶת הָאֵשׁ וְאֶת הַסַּכִּין, וּשְׁנֵיהֶם הָלְכוּ יַחַד.
ז וַיֹּ֨אמֶר יִצְחָ֜ק אֶל־אַבְרָהָ֤ם אָבִיו֙ וַיֹּ֣אמֶר אָבִ֔י וַיֹּ֖אמֶר הִנֶּ֣נִּֽי בְנִ֑י וַיֹּ֗אמֶר הִנֵּ֤ה הָאֵשׁ֙ וְהָ֣עֵצִ֔ים וְאַיֵּ֥ה הַשֶּׂ֖ה לְעֹלָֽה׃ אָמַר יִצְחָק לְאַבְרָהָם אָבִיו: אָבִי! אָמַר לוֹ: הִנֵּה אֲנִי בְּנִי! אָמַר לוֹ: הִנֵּה הָאֵשׁ וְהָעֵצִים וְאֵיפֹה הַגְּדִי לְעוֹלָה?
ח וַיֹּ֙אמֶר֙ אַבְרָהָ֔ם אֱלֹהִ֞ים יִרְאֶה־לּ֥וֹ הַשֶּׂ֛ה לְעֹלָ֖ה בְּנִ֑י וַיֵּלְכ֥וּ שְׁנֵיהֶ֖ם יַחְדָּֽו׃ אָמַר אַבְרָהָם: אֱלֹהִים יִבְחַר לְעַצְמוֹ אֶת הַגְּדִי לְעוֹלָה, בְּנִי, וּשְׁנֵיהֶם הָלְכוּ יַחַד.
ט וַיָּבֹ֗אוּ אֶֽל־הַמָּקוֹם֮ אֲשֶׁ֣ר אָֽמַר־ל֣וֹ הָאֱלֹהִים֒ וַיִּ֨בֶן שָׁ֤ם אַבְרָהָם֙ אֶת־הַמִּזְבֵּ֔חַ וַֽיַּעֲרֹ֖ךְ אֶת־הָעֵצִ֑ים וַֽיַּעֲקֹד֙ אֶת־יִצְחָ֣ק בְּנ֔וֹ וַיָּ֤שֶׂם אֹתוֹ֙ עַל־הַמִּזְבֵּ֔חַ מִמַּ֖עַל לָעֵצִֽים׃ הֵם בָּאוּ לַמָּקוֹם שֶׁהָאֱלֹהִים אָמַר לוֹ, אַבְרָהָם בָּנָה שָׁם אֶת הַמִּזְבֵּחַ וְסִדֵּר אֶת הָעֵצִים, וְקָשַׁר אֶת יִצְחָק בְּנוֹ וְשָׂם אוֹתוֹ עַל הַמִּזְבֵּחַ מֵעַל הָעֵצִים.
י וַיִּשְׁלַ֤ח אַבְרָהָם֙ אֶת־יָד֔וֹ וַיִּקַּ֖ח אֶת־הַֽמַּאֲכֶ֑לֶת לִשְׁחֹ֖ט אֶת־בְּנֽוֹ׃ אַבְרָהָם הוֹשִׁיט אֶת יָדוֹ וְלָקַח אֶת הַסַּכִּין לִשְׁחוֹט אֶת בְּנוֹ.
יא וַיִּקְרָ֨א אֵלָ֜יו מַלְאַ֤ךְ יְהֹוָה֙ מִן־הַשָּׁמַ֔יִם וַיֹּ֖אמֶר אַבְרָהָ֣ם ׀ אַבְרָהָ֑ם וַיֹּ֖אמֶר הִנֵּֽנִי׃ קָרָא לוֹ מַלְאַךְ ה' מֵהַשָּׁמַיִם, וְאָמַר: אַבְרָהָם אַבְרָהָם! אָמַר לוֹ: הִנֵּה אֲנִי!
יב וַיֹּ֗אמֶר אַל־תִּשְׁלַ֤ח יָֽדְךָ֙ אֶל־הַנַּ֔עַר וְאַל־תַּ֥עַשׂ ל֖וֹ מְא֑וּמָה כִּ֣י ׀ עַתָּ֣ה יָדַ֗עְתִּי כִּֽי־יְרֵ֤א אֱלֹהִים֙ אַ֔תָּה וְלֹ֥א חָשַׂ֛כְתָּ אֶת־בִּנְךָ֥ אֶת־יְחִידְךָ֖ מִמֶּֽנִּי׃ אָמַר לוֹ: אַל תּוֹשִׁיט אֶת יָדְךָ לַנַּעַר וְאַל תַּעֲשֶׂה לוֹ כְּלוּם! כִּי עַכְשָׁיו אֲנִי יוֹדֵעַ שֶׁבֶּאֱמֶת אַתָּה יְרֵא אֱלֹהִים, וְלֹא נִמְנַעְתָּ מִלְּהַקְרִיב לִי אֶת בִּנְךָ הַיָּחִיד.
יג וַיִּשָּׂ֨א אַבְרָהָ֜ם אֶת־עֵינָ֗יו וַיַּרְא֙ וְהִנֵּה־אַ֔יִל אַחַ֕ר נֶאֱחַ֥ז בַּסְּבַ֖ךְ בְּקַרְנָ֑יו וַיֵּ֤לֶךְ אַבְרָהָם֙ וַיִּקַּ֣ח אֶת־הָאַ֔יִל וַיַּעֲלֵ֥הוּ לְעֹלָ֖ה תַּ֥חַת בְּנֽוֹ׃ אַבְרָהָם הֵרִים אֶת מַבָּטוֹ, וְרָאָה וְהִנֵּה אַיִל מֵאֲחוֹרֵי סְבַךְ הַשִּׂיחִים וְהוּא מִסְתַּבֵּךְ בָּהֶם בְּקַרְנָיו, אַבְרָהָם הָלַךְ וְלָקַח אֶת הָאַיִל, וְהֶעֱלָה אוֹתוֹ לְעוֹלָה בִּמְקוֹם בְּנוֹ.
יד וַיִּקְרָ֧א אַבְרָהָ֛ם שֵֽׁם־הַמָּק֥וֹם הַה֖וּא יְהֹוָ֣ה ׀ יִרְאֶ֑ה אֲשֶׁר֙ יֵאָמֵ֣ר הַיּ֔וֹם בְּהַ֥ר יְהֹוָ֖ה יֵרָאֶֽה׃ אַבְרָהָם קָרָא אֶת שֵׁם הַמָּקוֹם הַהוּא "ה' רוֹאֶה", כְּמוֹ שֶׁאוֹמְרִים הַיּוֹם: בְּהַר ה' יֵרָאֶה כָּל זְכוּרְךָ לִפְנֵי ה'.
טו וַיִּקְרָ֛א מַלְאַ֥ךְ יְהֹוָ֖ה אֶל־אַבְרָהָ֑ם שֵׁנִ֖ית מִן־הַשָּׁמָֽיִם׃ מַלְאַךְ ה' קָרָא לְאַבְרָהָם מֵהַשָּׁמַיִם, שֵׁנִית.
טז וַיֹּ֕אמֶר בִּ֥י נִשְׁבַּ֖עְתִּי נְאֻם־יְהֹוָ֑ה כִּ֗י יַ֚עַן אֲשֶׁ֤ר עָשִׂ֙יתָ֙ אֶת־הַדָּבָ֣ר הַזֶּ֔ה וְלֹ֥א חָשַׂ֖כְתָּ אֶת־בִּנְךָ֥ אֶת־יְחִידֶֽךָ׃ וְאָמַר: נִשְׁבַּעְתִּי בִּשְׁמִי, נְאֻם ה', שֶׁבִּזְכוּת שֶׁעָשִׂיתָ אֶת הַדָּבָר הַזֶּה – שֶׁלֹּא נִמְנַעְתָּ מִלְּהַקְרִיב אֶת בִּנְךָ הַיָּחִיד.
יז כִּֽי־בָרֵ֣ךְ אֲבָרֶכְךָ֗ וְהַרְבָּ֨ה אַרְבֶּ֤ה אֶֽת־זַרְעֲךָ֙ כְּכוֹכְבֵ֣י הַשָּׁמַ֔יִם וְכַח֕וֹל אֲשֶׁ֖ר עַל־שְׂפַ֣ת הַיָּ֑ם וְיִרַ֣שׁ זַרְעֲךָ֔ אֵ֖ת שַׁ֥עַר אֹיְבָֽיו׃ לָכֵן אֲבָרֵךְ אוֹתְךָ, וְאַרְבֶּה אֶת צֶאֱצָאֶיךָ כְּכוֹכְבֵי הַשָּׁמַיִם וְכַחוֹל שֶׁעַל שְׂפַת הַיָּם, וְצֶאֱצָאֶיךָ יִכְבְּשׁוּ אֶת עָרֵי אוֹיְבֵיהֶם.
יח וְהִתְבָּרְﬞכ֣וּ בְזַרְעֲךָ֔ כֹּ֖ל גּוֹיֵ֣י הָאָ֑רֶץ עֵ֕קֶב אֲשֶׁ֥ר שָׁמַ֖עְתָּ בְּקֹלִֽי׃ וּבִזְכוּת צֶאֱצָאֶיךָ יִתְבָּרְכוּ כָּל עַמֵּי הָאָרֶץ, בִּזְכוּת שֶׁשָּׁמַעְתָּ בְּקוֹלִי.
יט וַיָּ֤שׇׁב אַבְרָהָם֙ אֶל־נְעָרָ֔יו וַיָּקֻ֛מוּ וַיֵּלְכ֥וּ יַחְדָּ֖ו אֶל־בְּאֵ֣ר שָׁ֑בַע וַיֵּ֥שֶׁב אַבְרָהָ֖ם בִּבְאֵ֥ר שָֽׁבַע׃ אַבְרָהָם חָזַר אֶל נְעָרָיו וְהֵם קָמוּ וְהָלְכוּ יַחַד לִבְאֵר שֶׁבַע, וְאַבְרָהָם גָּר בִּבְאֵר שֶׁבַע.
פ פָּרָשַׁת בְּנֵי נָחוֹר
כ וַיְהִ֗י אַחֲרֵי֙ הַדְּבָרִ֣ים הָאֵ֔לֶּה וַיֻּגַּ֥ד לְאַבְרָהָ֖ם לֵאמֹ֑ר הִ֠נֵּ֠ה יָלְדָ֨ה מִלְכָּ֥ה גַם־הִ֛וא בָּנִ֖ים לְנָח֥וֹר אָחִֽיךָ׃ אַחֲרֵי הַדְּבָרִים הָאֵלֶּה, סִפְּרוּ לְאַבְרָהָם וְאָמְרוּ לוֹ: הִנֵּה, גַּם מִלְכָּה יָלְדָה בָּנִים לְנָחוֹר אָחִיךָ.
כא אֶת־ע֥וּץ בְּכֹר֖וֹ וְאֶת־בּ֣וּז אָחִ֑יו וְאֶת־קְמוּאֵ֖ל אֲבִ֥י אֲרָֽם׃ אֶת עוּץ בְּכוֹרוֹ וְאֶת בּוּז אָחִיו וְאֶת קְמוּאֵל – אָבִיו שֶׁל אֲרָם.
כב וְאֶת־כֶּ֣שֶׂד וְאֶת־חֲז֔וֹ וְאֶת־פִּלְדָּ֖שׁ וְאֶת־יִדְלָ֑ף וְאֵ֖ת בְּתוּאֵֽל׃ וְאֶת כֶּשֶׂד וְאֶת חֲזוֹ וְאֶת פִּלְדָּשׁ וְאֶת יִדְלָף וְאֶת בְּתוּאֵל.
כג וּבְתוּאֵ֖ל יָלַ֣ד אֶת־רִבְקָ֑ה שְׁמֹנָ֥ה אֵ֙לֶּה֙ יָלְדָ֣ה מִלְכָּ֔ה לְנָח֖וֹר אֲחִ֥י אַבְרָהָֽם׃ וּבְתוּאֵל הוֹלִיד אֶת רִבְקָה, אֶת הַשְּׁמוֹנָה הָאֵלֶּה יָלְדָה מִלְכָּה לְנָחוֹר אֲחִי אַבְרָהָם.
כד וּפִֽילַגְשׁ֖וֹ וּשְׁמָ֣הּ רְאוּמָ֑ה וַתֵּ֤לֶד גַּם־הִוא֙ אֶת־טֶ֣בַח וְאֶת־גַּ֔חַם וְאֶת־תַּ֖חַשׁ וְאֶֽת־מַעֲכָֽה׃ וְשִׁפְחָתוֹ שֶׁשְּׁמָהּ רְאוּמָה יָלְדָה גַּם הִיא – אֶת טֶבַח וְאֶת גַּחַם וְאֶת תַּחַשׁ וְאֶת מַעֲכָה.
אוחזר מתוך "https://he.wikisource.org/w/index.php?title=מקרא_מבואר/תצוגה/ספר_בראשית/סיפורי_אברהם&oldid=2800235"