משלי ח
קיצור דרך: t2808
תנ"ך > משלי > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא
הפרק במהדורה המוטעמת
ח א הֲלֹֽא־חׇכְמָ֥ה תִקְרָ֑א
וּ֝תְבוּנָ֗ה תִּתֵּ֥ן קוֹלָֽהּ׃
ב בְּרֹאשׁ־מְרֹמִ֥ים עֲלֵי־דָ֑רֶךְ
בֵּ֖ית נְתִיב֣וֹת נִצָּֽבָה׃
ג לְיַד־שְׁעָרִ֥ים לְפִי־קָ֑רֶת
מְב֖וֹא פְתָחִ֣ים תָּרֹֽנָּה׃
ד אֲלֵיכֶ֣ם אִישִׁ֣ים אֶקְרָ֑א
וְ֝קוֹלִ֗י אֶל־בְּנֵ֥י אָדָֽם׃
ה הָבִ֣ינוּ פְתָאיִ֣ם עׇרְמָ֑ה
וּ֝כְסִילִ֗ים הָבִ֥ינוּ לֵֽב׃
ו שִׁ֭מְעוּ כִּֽי־נְגִידִ֣ים אֲדַבֵּ֑ר
וּמִפְתַּ֥ח שְׂ֝פָתַ֗י מֵישָׁרִֽים׃
ז כִּֽי־אֱ֭מֶת יֶהְגֶּ֣ה חִכִּ֑י
וְתוֹעֲבַ֖ת שְׂפָתַ֣י רֶֽשַׁע׃
ח בְּצֶ֥דֶק כׇּל־אִמְרֵי־פִ֑י
אֵ֥ין בָּ֝הֶ֗ם נִפְתָּ֥ל וְעִקֵּֽשׁ׃
ט כֻּלָּ֣ם נְ֭כֹחִים לַמֵּבִ֑ין
וִ֝ישָׁרִ֗ים לְמֹ֣צְאֵי דָֽעַת׃
י קְחֽוּ־מוּסָרִ֥י וְאַל־כָּ֑סֶף
וְ֝דַ֗עַת מֵחָר֥וּץ נִבְחָֽר׃
יא כִּֽי־טוֹבָ֣ה חׇ֭כְמָה מִפְּנִינִ֑ים
וְכׇל־חֲ֝פָצִ֗ים לֹ֣א יִֽשְׁווּ־בָֽהּ׃
יב אֲֽנִי־חׇ֭כְמָה שָׁכַ֣נְתִּי עׇרְמָ֑ה
וְדַ֖עַת מְזִמּ֣וֹת אֶמְצָֽא׃
יג יִ֥רְאַ֣ת יְהֹוָה֮ שְֽׂנֹ֫את־רָ֥ע
גֵּ֘אָ֤ה וְגָא֨וֹן ׀ וְדֶ֣רֶךְ רָ֭ע
וּפִ֨י תַהְפֻּכ֬וֹת שָׂנֵֽאתִי׃
יד לִֽי־עֵ֭צָה וְתוּשִׁיָּ֑ה
אֲנִ֥י בִ֝ינָ֗ה לִ֣י גְבוּרָֽה׃
טו בִּ֭י מְלָכִ֣ים יִמְלֹ֑כוּ
וְ֝רֹזְנִ֗ים יְחֹ֣קְﬞקוּ צֶֽדֶק׃
טז בִּ֭י שָׂרִ֣ים יָשֹׂ֑רוּ
וּ֝נְדִיבִ֗ים כׇּל־שֹׁ֥פְטֵי צֶֽדֶק׃
יז אֲ֭נִי אהביה אֹהֲבַ֣י אֵהָ֑ב
וּ֝מְשַׁחֲרַ֗י יִמְצָאֻֽנְנִי׃
יח עֹֽשֶׁר־וְכָב֥וֹד אִתִּ֑י
ה֥וֹן עָ֝תֵ֗ק וּצְדָקָֽה׃
יט ט֣וֹב פִּ֭רְיִי מֵחָר֣וּץ וּמִפָּ֑ז
וּ֝תְבוּאָתִ֗י מִכֶּ֥סֶף נִבְחָֽר׃
כ בְּאֹֽרַח־צְדָקָ֥ה אֲהַלֵּ֑ךְ
בְּ֝ת֗וֹךְ נְתִיב֥וֹת מִשְׁפָּֽט׃
כא לְהַנְחִ֖יל אֹהֲבַ֥י ׀ יֵ֑שׁ
וְאֹצְרֹ֖תֵיהֶ֣ם אֲמַלֵּֽא׃
כב יְֽהֹוָ֗ה קָ֭נָנִי רֵאשִׁ֣ית דַּרְכּ֑וֹ
קֶ֖דֶם מִפְעָלָ֣יו מֵאָֽז׃
כג מֵ֭עוֹלָם נִסַּ֥כְתִּי מֵרֹ֗אשׁ
מִקַּדְמֵי־אָֽרֶץ׃
כד בְּאֵין־תְּהֹמ֥וֹת חוֹלָ֑לְתִּי
בְּאֵ֥ין מַ֝עְיָנ֗וֹת נִכְבַּדֵּי־מָֽיִם׃
כה בְּטֶ֣רֶם הָרִ֣ים הׇטְבָּ֑עוּ
לִפְנֵ֖י גְבָע֣וֹת חוֹלָֽלְתִּי׃
כו עַד־לֹ֣א עָ֭שָׂה אֶ֣רֶץ וְחוּצ֑וֹת
וְ֝רֹ֗אשׁ עַפְר֥וֹת תֵּבֵֽל׃
כז בַּהֲכִינ֣וֹ שָׁ֭מַיִם שָׁ֣ם אָ֑נִי
בְּחֻ֥קוֹ ח֗֝וּג עַל־פְּנֵ֥י תְהֽוֹם׃
כח בְּאַמְּצ֣וֹ שְׁחָקִ֣ים מִמָּ֑עַל
בַּ֝עֲז֗וֹז עִינ֥וֹת תְּהֽוֹם׃
כט בְּשׂ֘וּמ֤וֹ לַיָּ֨ם ׀ חֻקּ֗וֹ
וּ֭מַיִם לֹ֣א יַֽעַבְרוּ־פִ֑יו
בְּ֝חוּק֗וֹ מ֣וֹסְדֵי אָֽרֶץ׃
ל וָאֶהְיֶ֥ה אֶצְל֗וֹ אָ֫מ֥וֹן
וָאֶהְיֶ֣ה שַׁ֭עֲשׁוּעִים י֤וֹם ׀ י֑וֹם
מְשַׂחֶ֖קֶת לְפָנָ֣יו בְּכׇל־עֵֽת׃
לא מְ֭שַׂחֶקֶת בְּתֵבֵ֣ל אַרְצ֑וֹ
וְ֝שַׁעֲשֻׁעַ֗י אֶת־בְּנֵ֥י אָדָֽם׃
לב וְעַתָּ֣ה בָ֭נִים שִׁמְעוּ־לִ֑י
וְ֝אַשְׁרֵ֗י דְּרָכַ֥י יִשְׁמֹֽרוּ׃
לג שִׁמְע֖וּ מוּסָ֥ר וַחֲכָ֗מוּ
וְאַל־תִּפְרָֽעוּ׃
לד אַ֥שְֽׁרֵי־אָדָם֮ שֹׁמֵ֢עַֽ֫ לִ֥י
לִשְׁקֹ֣ד עַל־דַּ֭לְתֹתַי י֤וֹם ׀ י֑וֹם
לִ֝שְׁמֹ֗ר מְזוּזֹ֥ת פְּתָחָֽי׃
לה כִּ֣י מֹ֭צְאִי מצאי מָצָ֣א חַיִּ֑ים
וַיָּ֥פֶק רָ֝צ֗וֹן מֵיְהֹוָֽה׃
לו וְֽ֭חֹטְאִי חֹמֵ֣ס נַפְשׁ֑וֹ
כׇּל־מְ֝שַׂנְאַ֗י אָ֣הֲבוּ מָֽוֶת׃
מהדורות נוספות
לחץ למטה על [הראה] להצגת התוכן ↓
א הלא חכמה תקרא ותבונה תתן קולה
ב בראש מרומים עלי דרך בית נתיבות נצבה
ג ליד שערים לפי קרת מבוא פתחים תרנה
ד אליכם אישים אקרא וקולי אל בני אדם
ה הבינו פתאים ערמה וכסילים הבינו לב
ו שמעו כי נגידים אדבר ומפתח שפתי מישרים
ז כי אמת יהגה חכי ותועבת שפתי רשע
ח בצדק כל אמרי פי אין בהם נפתל ועקש
ט כלם נכחים למבין וישרים למצאי דעת
י קחו מוסרי ואל כסף ודעת מחרוץ נבחר
יא כי טובה חכמה מפנינים וכל חפצים לא ישוו בה
יב אני חכמה שכנתי ערמה ודעת מזמות אמצא
יג יראת יהוה שנאת רע גאה וגאון ודרך רע ופי תהפכות שנאתי
יד לי עצה ותושיה אני בינה לי גבורה
טו בי מלכים ימלכו ורוזנים יחקקו צדק
טז בי שרים ישרו ונדיבים כל שפטי צדק
יז אני אהביה [אהבי] אהב ומשחרי ימצאנני
יח עשר וכבוד אתי הון עתק וצדקה
יט טוב פריי מחרוץ ומפז ותבואתי מכסף נבחר
כ בארח צדקה אהלך בתוך נתיבות משפט
כא להנחיל אהבי יש ואצרתיהם אמלא
כב יהוה קנני ראשית דרכו קדם מפעליו מאז
כג מעולם נסכתי מראש מקדמי ארץ
כד באין תהמות חוללתי באין מעינות נכבדי מים
כה בטרם הרים הטבעו לפני גבעות חוללתי
כו עד לא עשה ארץ וחוצות וראש עפרות תבל
כז בהכינו שמים שם אני בחוקו חוג על פני תהום
כח באמצו שחקים ממעל בעזוז עינות תהום
כט בשומו לים חקו ומים לא יעברו פיו בחוקו מוסדי ארץ
ל ואהיה אצלו אמון ואהיה שעשעים יום יום משחקת לפניו בכל עת
לא משחקת בתבל ארצו ושעשעי את בני אדם
לב ועתה בנים שמעו לי ואשרי דרכי ישמרו לג שמעו מוסר וחכמו ואל תפרעו לד אשרי אדם שמע לי לשקד על דלתתי יום יום לשמר מזוזת פתחי לה כי מצאי מצאי [מצא] חיים ויפק רצון מיהוה לו וחטאי חמס נפשו כל משנאי אהבו מות
א הֲלֹא חָכְמָה תִקְרָא וּתְבוּנָה תִּתֵּן קוֹלָהּ.
ב בְּרֹאשׁ מְרוֹמִים עֲלֵי דָרֶךְ בֵּית נְתִיבוֹת נִצָּבָה.
ג לְיַד שְׁעָרִים לְפִי קָרֶת מְבוֹא פְתָחִים תָּרֹנָּה.
ד אֲלֵיכֶם אִישִׁים אֶקְרָא וְקוֹלִי אֶל בְּנֵי אָדָם.
ה הָבִינוּ פְתָאיִם עָרְמָה וּכְסִילִים הָבִינוּ לֵב.
ו שִׁמְעוּ כִּי נְגִידִים אֲדַבֵּר וּמִפְתַּח שְׂפָתַי מֵישָׁרִים.
ז כִּי אֱמֶת יֶהְגֶּה חִכִּי וְתוֹעֲבַת שְׂפָתַי רֶשַׁע.
ח בְּצֶדֶק כָּל אִמְרֵי פִי אֵין בָּהֶם נִפְתָּל וְעִקֵּשׁ.
ט כֻּלָּם נְכֹחִים לַמֵּבִין וִישָׁרִים לְמֹצְאֵי דָעַת.
י קְחוּ מוּסָרִי וְאַל כָּסֶף וְדַעַת מֵחָרוּץ נִבְחָר.
יא כִּי טוֹבָה חָכְמָה מִפְּנִינִים וְכָל חֲפָצִים לֹא יִשְׁווּ בָהּ.
יב אֲנִי חָכְמָה שָׁכַנְתִּי עָרְמָה וְדַעַת מְזִמּוֹת אֶמְצָא.
יג יִרְאַת יְהוָה שְׂנֹאת רָע גֵּאָה וְגָאוֹן וְדֶרֶךְ רָע וּפִי תַהְפֻּכוֹת שָׂנֵאתִי.
יד לִי עֵצָה וְתוּשִׁיָּה אֲנִי בִינָה לִי גְבוּרָה.
טו בִּי מְלָכִים יִמְלֹכוּ וְרוֹזְנִים יְחֹקְקוּ צֶדֶק.
טז בִּי שָׂרִים יָשֹׂרוּ וּנְדִיבִים כָּל שֹׁפְטֵי צֶדֶק.
יז אֲנִי אהביה [אֹהֲבַי] אֵהָב וּמְשַׁחֲרַי יִמְצָאֻנְנִי.
יח עֹשֶׁר וְכָבוֹד אִתִּי הוֹן עָתֵק וּצְדָקָה.
יט טוֹב פִּרְיִי מֵחָרוּץ וּמִפָּז וּתְבוּאָתִי מִכֶּסֶף נִבְחָר.
כ בְּאֹרַח צְדָקָה אֲהַלֵּך בְּתוֹךְ נְתִיבוֹת מִשְׁפָּט.
כא לְהַנְחִיל אֹהֲבַי יֵשׁ וְאֹצְרֹתֵיהֶם אֲמַלֵּא.
כב יְהוָה קָנָנִי רֵאשִׁית דַּרְכּוֹ קֶדֶם מִפְעָלָיו מֵאָז.
כג מֵעוֹלָם נִסַּכְתִּי מֵרֹאשׁ מִקַּדְמֵי אָרֶץ.
כד בְּאֵין תְּהֹמוֹת חוֹלָלְתִּי בְּאֵין מַעְיָנוֹת נִכְבַּדֵּי מָיִם.
כה בְּטֶרֶם הָרִים הָטְבָּעוּ לִפְנֵי גְבָעוֹת חוֹלָלְתִּי.
כו עַד לֹא עָשָׂה אֶרֶץ וְחוּצוֹת וְרֹאשׁ עָפְרוֹת תֵּבֵל.
כז בַּהֲכִינוֹ שָׁמַיִם שָׁם אָנִי בְּחוּקוֹ חוּג עַל פְּנֵי תְהוֹם.
כח בְּאַמְּצוֹ שְׁחָקִים מִמָּעַל בַּעֲזוֹז עִינוֹת תְּהוֹם.
כט בְּשׂוּמוֹ לַיָּם חֻקּוֹ וּמַיִם לֹא יַעַבְרוּ פִיו בְּחוּקוֹ מוֹסְדֵי אָרֶץ.
ל וָאֶהְיֶה אֶצְלוֹ אָמוֹן וָאֶהְיֶה שַׁעֲשֻׁעִים יוֹם יוֹם מְשַׂחֶקֶת לְפָנָיו בְּכָל עֵת.
לא מְשַׂחֶקֶת בְּתֵבֵל אַרְצוֹ וְשַׁעֲשֻׁעַי אֶת בְּנֵי אָדָם.
לב וְעַתָּה בָנִים שִׁמְעוּ לִי וְאַשְׁרֵי דְּרָכַי יִשְׁמֹרוּ. לג שִׁמְעוּ מוּסָר וַחֲכָמוּ וְאַל תִּפְרָעוּ. לד אַשְׁרֵי אָדָם שֹׁמֵעַ לִי לִשְׁקֹד עַל דַּלְתֹתַי יוֹם יוֹם לִשְׁמֹר מְזוּזֹת פְּתָחָי. לה כִּי מֹצְאִי מצאי [מָצָא] חַיִּים וַיָּפֶק רָצוֹן מֵיְהוָה. לו וְחֹטְאִי חֹמֵס נַפְשׁוֹ כָּל מְשַׂנְאַי אָהֲבוּ מָוֶת.
(א) הֲלֹא חָכְמָה תִקְרָא וּתְבוּנָה תִּתֵּן קוֹלָהּ.
(ב) בְּרֹאשׁ מְרוֹמִים עֲלֵי דָרֶךְ בֵּית נְתִיבוֹת נִצָּבָה.
(ג) לְיַד שְׁעָרִים לְפִי קָרֶת מְבוֹא פְתָחִים תָּרֹנָּה.
(ד) אֲלֵיכֶם אִישִׁים אֶקְרָא וְקוֹלִי אֶל בְּנֵי אָדָם.
(ה) הָבִינוּ פְתָאיִם עָרְמָה וּכְסִילִים הָבִינוּ לֵב.
(ו) שִׁמְעוּ כִּי נְגִידִים אֲדַבֵּר וּמִפְתַּח שְׂפָתַי מֵישָׁרִים.
(ז) כִּי אֱמֶת יֶהְגֶּה חִכִּי וְתוֹעֲבַת שְׂפָתַי רֶשַׁע.
(ח) בְּצֶדֶק כָּל אִמְרֵי פִי אֵין בָּהֶם נִפְתָּל וְעִקֵּשׁ.
(ט) כֻּלָּם נְכֹחִים לַמֵּבִין וִישָׁרִים לְמֹצְאֵי דָעַת.
(י) קְחוּ מוּסָרִי וְאַל כָּסֶף וְדַעַת מֵחָרוּץ נִבְחָר.
(יא) כִּי טוֹבָה חָכְמָה מִפְּנִינִים וְכָל חֲפָצִים לֹא יִשְׁווּ בָהּ.
(יב) אֲנִי חָכְמָה שָׁכַנְתִּי עָרְמָה וְדַעַת מְזִמּוֹת אֶמְצָא.
(יג) יִרְאַת יְהוָה שְׂנֹאת רָע גֵּאָה וְגָאוֹן וְדֶרֶךְ רָע וּפִי תַהְפֻּכוֹת שָׂנֵאתִי.
(יד) לִי עֵצָה וְתוּשִׁיָּה אֲנִי בִינָה לִי גְבוּרָה.
(טו) בִּי מְלָכִים יִמְלֹכוּ וְרוֹזְנִים יְחֹקְקוּ צֶדֶק.
(טז) בִּי שָׂרִים יָשֹׂרוּ וּנְדִיבִים כָּל שֹׁפְטֵי צֶדֶק.
(יז) אֲנִי אהביה [אֹהֲבַי] אֵהָב וּמְשַׁחֲרַי יִמְצָאֻנְנִי.
(יח) עֹשֶׁר וְכָבוֹד אִתִּי הוֹן עָתֵק וּצְדָקָה.
(יט) טוֹב פִּרְיִי מֵחָרוּץ וּמִפָּז וּתְבוּאָתִי מִכֶּסֶף נִבְחָר.
(כ) בְּאֹרַח צְדָקָה אֲהַלֵּך בְּתוֹךְ נְתִיבוֹת מִשְׁפָּט.
(כא) לְהַנְחִיל אֹהֲבַי יֵשׁ וְאֹצְרֹתֵיהֶם אֲמַלֵּא.
(כב) יְהוָה קָנָנִי רֵאשִׁית דַּרְכּוֹ קֶדֶם מִפְעָלָיו מֵאָז.
(כג) מֵעוֹלָם נִסַּכְתִּי מֵרֹאשׁ מִקַּדְמֵי אָרֶץ.
(כד) בְּאֵין תְּהֹמוֹת חוֹלָלְתִּי בְּאֵין מַעְיָנוֹת נִכְבַּדֵּי מָיִם.
(כה) בְּטֶרֶם הָרִים הָטְבָּעוּ לִפְנֵי גְבָעוֹת חוֹלָלְתִּי.
(כו) עַד לֹא עָשָׂה אֶרֶץ וְחוּצוֹת וְרֹאשׁ עָפְרוֹת תֵּבֵל.
(כז) בַּהֲכִינוֹ שָׁמַיִם שָׁם אָנִי בְּחוּקוֹ חוּג עַל פְּנֵי תְהוֹם.
(כח) בְּאַמְּצוֹ שְׁחָקִים מִמָּעַל בַּעֲזוֹז עִינוֹת תְּהוֹם.
(כט) בְּשׂוּמוֹ לַיָּם חֻקּוֹ וּמַיִם לֹא יַעַבְרוּ פִיו בְּחוּקוֹ מוֹסְדֵי אָרֶץ.
(ל) וָאֶהְיֶה אֶצְלוֹ אָמוֹן וָאֶהְיֶה שַׁעֲשֻׁעִים יוֹם יוֹם מְשַׂחֶקֶת לְפָנָיו בְּכָל עֵת.
(לא) מְשַׂחֶקֶת בְּתֵבֵל אַרְצוֹ וְשַׁעֲשֻׁעַי אֶת בְּנֵי אָדָם.
(לב) וְעַתָּה בָנִים שִׁמְעוּ לִי וְאַשְׁרֵי דְּרָכַי יִשְׁמֹרוּ.
(לג) שִׁמְעוּ מוּסָר וַחֲכָמוּ וְאַל תִּפְרָעוּ.
(לד) אַשְׁרֵי אָדָם שֹׁמֵעַ לִי לִשְׁקֹד עַל דַּלְתֹתַי יוֹם יוֹם לִשְׁמֹר מְזוּזֹת פְּתָחָי.
(לה) כִּי מֹצְאִי מצאי [מָצָא] חַיִּים וַיָּפֶק רָצוֹן מֵיְהוָה.
(לו) וְחֹטְאִי חֹמֵס נַפְשׁוֹ כָּל מְשַׂנְאַי אָהֲבוּ מָוֶת.
- א הֲלֹא חָכְמָה תִקְרָא, וּתְבוּנָה תִּתֵּן קוֹלָהּ תקרא בקול רם
להרחבה. - ב בְּרֹאשׁ מְרוֹמִים עֲלֵי דָרֶךְ, בֵּית נְתִיבוֹת נִצָּבָה.
- ג לְיַד שְׁעָרִים לְפִי קָרֶת ליד פתח העיר, מְבוֹא פְתָחִים תָּרֹנָּה החכמה והתבונה קוראות בלשון שירה:
- ו "שִׁמְעוּ, כִּי נְגִידִים אל המנהיגים, ולפי הפשט הכוונה ל'היגד' תוכיחה ודברי אמת שאינם תמיד נעימים לשומעיהם
להרחבה אֲדַבֵּר, וּמִפְתַּח שְׂפָתַי - מֵישָׁרִים הדברים שאני (החכמה) אומרת להם הם דברי יושר. - ז כִּי אֱמֶת יֶהְגֶּה חִכִּי, וְתוֹעֲבַת שְׂפָתַי - רֶשַׁע אני (החכמה) מתעבת לתת עצות של רשע; מנהיג רשע אינו נוהג בחכמה.
- ו "שִׁמְעוּ, כִּי נְגִידִים אל המנהיגים, ולפי הפשט הכוונה ל'היגד' תוכיחה ודברי אמת שאינם תמיד נעימים לשומעיהם
|
החשיבות של חכמה ותבונה בעשיית הצדק נזכרת גם בפסוקים נוספים. ראו לשפוט בצדק - בחכמה ותבונה ולא ברגש |
- יב "אֲנִי, חָכְמָה,
- שָׁכַנְתִּי עָרְמָה מי שלומד חכמה זוכה גם לערמה - זהירות מהטעיות
להרחבה, וְדַעַת מְזִמּוֹת אֶמְצָא מי שלומד חכמה יודע לזהות מזימות - תכניות שמטרתן להזיק
להרחבה. - יג יִרְאַת יְהוָה החכמה קשורה ליראת ה', שְׂנֹאת רָע החכמה קשורה לשנאת רע,
- גֵּאָה וְגָאוֹן וְדֶרֶךְ רָע וּפִי תַהְפֻּכוֹת דיבור הפכפך שָׂנֵאתִי.
- יד לִי עֵצָה וְתוּשִׁיָּה תכניות שמטרתן להועיל
להרחבה";
- שָׁכַנְתִּי עָרְמָה מי שלומד חכמה זוכה גם לערמה - זהירות מהטעיות
- "אֲנִי, בִינָה,
- לִי גְבוּרָה מי שיש לו בינה יכול לזכות לגבורה
להרחבה. - טו בִּי מְלָכִים יִמְלֹכוּ,
- וְרוֹזְנִים יְחֹקְקוּ צֶדֶק.
- טז בִּי שָׂרִים יָשֹׂרוּ באמצעות הבינה יצליחו השרים להחזיק במשרתם לאורך זמן,
- וּנְדִיבִים מרוממים ונכבדים
להרחבה כָּל שֹׁפְטֵי צֶדֶק יהיו כל השופטים בצדק (באמצעות הבינה אפשר גם לשפוט בצדק וגם לזכות במעמד רם)
להרחבה."
- לִי גְבוּרָה מי שיש לו בינה יכול לזכות לגבורה
- יב "אֲנִי, חָכְמָה,
|
אהבת החכמה נזכרת בפסוקים נוספים. ראו אהבת חכמה |
- יז "אֲנִי (אהביה)
- אֹהֲבַי אֵהָב אני, החכמה, מחזירה אהבה לאוהבים אותי
להרחבה, וּמְשַׁחֲרַי המשכימים עם שחר לחפש אותי
להרחבה יִמְצָאֻנְנִי. - יח עֹשֶׁר וְכָבוֹד אִתִּי, הוֹן עָתֵק גבוה ורם באיכות ובכמות
להרחבה וּצְדָקָה עושר וכבוד שהושגו בצדק
להרחבה. - יט טוֹב פִּרְיִי התוצאות של לימוד החכמה
להרחבה מֵחָרוּץ וּמִפָּז מיני זהב, וּתְבוּאָתִי מִכֶּסֶף נִבְחָר מובחר. - כ בְּאֹרַח צְדָקָה אֲהַלֵּך, בְּתוֹךְ נְתִיבוֹת מִשְׁפָּט.
- כא לְהַנְחִיל אֹהֲבַי יֵשׁ נחלה קיימת וממשית
להרחבה, וְאֹצְרֹתֵיהֶם אֲמַלֵּא."
- אֹהֲבַי אֵהָב אני, החכמה, מחזירה אהבה לאוהבים אותי
- יז "אֲנִי (אהביה)
{פ}
|
מקורות נוספים רומזים לדברים שקדמו לבריאת העולם. ראו לפני בריאת העולם |
- כב "יְהוָה קָנָנִי ברא אותי רֵאשִׁית דַּרְכּוֹ, קֶדֶם מִפְעָלָיו מֵאָז לפני כל פעולותיו בעבר.
- כג מֵעוֹלָם מזמן רחוק מאד בעבר, שתחילתו נעלמת מעינינו
להרחבה נִסַּכְתִּי נוצרתי והייתי כמו נסיכה, מֵרֹאשׁ, מִקַּדְמֵי אָרֶץ. - כד בְּאֵין תְּהֹמוֹת מים רבים ועמוקים
להרחבה חוֹלָלְתִּי נולדתי, בְּאֵין מַעְיָנוֹת נִכְבַּדֵּי מָיִם כבדים, מלאים במים. - כה בְּטֶרֶם הָרִים הָטְבָּעוּ, לִפְנֵי גְבָעוֹת חוֹלָלְתִּי.
- כו עַד לֹא עָשָׂה אֶרֶץ יבשה וְחוּצוֹת איים שנמצאים מחוץ ליבשה, וְרֹאשׁ עָפְרוֹת תֵּבֵל החלק המיושב של הארץ
להרחבה.
|
יש הבדל בין תיאור בריאת העולם כאן לבין התיאור בספר בראשית. ראו בריאת העולם בספר משלי |
- כז בַּהֲכִינוֹ שָׁמַיִם שָׁם אָנִי, בְּחֻקוֹ כשה' חקק, עיצב את השמים בצורת-
להרחבה חוּג מעטפת של כדור
להרחבה עַל פְּנֵי תְהוֹם כדור הארץ, שהיה אז מכוסה כולו במים
להרחבה. - כח בְּאַמְּצוֹ כשה' אימץ וחיזק את ה- שְׁחָקִים מִמָּעַל, בַּעֲזוֹז כשה' נתן עוז, חיזק את- עִינוֹת מקורות המים תְּהוֹם.
- כט בְּשׂוּמוֹ לַיָּם חֻקּוֹ צורתו, או הכללים שלפיהם הוא מתנהג (חוקי הטבע)
להרחבה וּמַיִם לֹא יַעַבְרוּ פִיו, בְּחוּקוֹ מוֹסְדֵי אָרֶץ.
- כז בַּהֲכִינוֹ שָׁמַיִם שָׁם אָנִי, בְּחֻקוֹ כשה' חקק, עיצב את השמים בצורת-
|
שלוש "חקיקות" נזכרות כאן, לגבי שלושת חלקי הבריאה - שמים, ים, ארץ. ראו חוקי הטבע |
{פ}
- "לב וְעַתָּה, בָנִים, שִׁמְעוּ לִי, וְאַשְׁרֵי דְּרָכַי יִשְׁמֹרוּ:
- לג שִׁמְעוּ מוּסָר את דברי הביקורת והעצות שלי
להרחבה וַחֲכָמוּ, וְאַל תִּפְרָעוּ תפרקו את עול המוסר והחכמה
להרחבה! - לד אַשְׁרֵי אָדָם שֹׁמֵעַ לִי, לִשְׁקֹד עַל דַּלְתֹתַי יוֹם יוֹם, לִשְׁמֹר מְזוּזֹת פְּתָחָי.
- לה כִּי מֹצְאִי (מצאי) מָצָא חַיִּים, וַיָּפֶק רָצוֹן מֵיְהוָה זוכה לקבל מה' אהבה, מחילה וסיוע בהגשמת חפצו
להרחבה. - לו וְחֹטְאִי חֹמֵס מקלקל ומשחית
להרחבה נַפְשׁוֹ את חייו
להרחבה, כָּל מְשַׂנְאַי אָהֲבוּ מָוֶת."
{פ}
פסוקי הפרק
טקסטים נוספים העוסקים בפרק
פירושים ומאמרים על הפרק: