תהלים כה
קיצור דרך: t2625
תנ"ך > תהלים > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב • מג • מד • מה • מו • מז • מח • מט • נ • נא • נב • נג • נד • נה • נו • נז • נח • נט • ס • סא • סב • סג • סד • סה • סו • סז • סח • סט • ע • עא • עב • עג • עד • עה • עו • עז • עח • עט • פ • פא • פב • פג • פד • פה • פו • פז • פח • פט • צ • צא • צב • צג • צד • צה • צו • צז • צח • צט • ק • קא • קב • קג • קד • קה • קו • קז • קח • קט • קי • קיא • קיב • קיג • קיד • קטו • קטז • קיז • קיח • קיט • קכ • קכא • קכב • קכג • קכד • קכה • קכו • קכז • קכח • קכט • קל • קלא • קלב • קלג • קלד • קלה • קלו • קלז • קלח • קלט • קמ • קמא • קמב • קמג • קמד • קמה • קמו • קמז • קמח • קמט • קנ
הפרק במהדורה המוטעמת
כה א לְדָוִ֡ד
אֵלֶ֥יךָ יְ֝הֹוָ֗ה נַפְשִׁ֥י אֶשָּֽׂא׃
ב אֱֽלֹהַ֗י בְּךָ֣ בָ֭טַחְתִּי אַל־אֵב֑וֹשָׁה
אַל־יַעַלְצ֖וּ אוֹיְבַ֣י לִֽי׃
ג גַּ֣ם כׇּל־קֹ֭וֶיךָ לֹ֣א יֵבֹ֑שׁוּ
יֵ֝בֹ֗שׁוּ הַבּוֹגְדִ֥ים רֵיקָֽם׃
ד דְּרָכֶ֣יךָ יְ֭הֹוָה הוֹדִיעֵ֑נִי
אֹ֖רְחוֹתֶ֣יךָ לַמְּדֵֽנִי׃
ה הַדְרִ֘יכֵ֤נִי בַאֲמִתֶּ֨ךָ ׀ וְֽלַמְּדֵ֗נִי
כִּֽי־אַ֭תָּה אֱלֹהֵ֣י יִשְׁעִ֑י
אוֹתְךָ֥ קִ֝וִּ֗יתִי כׇּל־הַיּֽוֹם׃
ו זְכֹר־רַחֲמֶ֣יךָ יְ֭הֹוָה וַחֲסָדֶ֑יךָ
כִּ֖י מֵעוֹלָ֣ם הֵֽמָּה׃
ז חַטֹּ֤אות נְעוּרַ֨י ׀ וּפְשָׁעַ֗י אַל־תִּ֫זְכֹּ֥ר
כְּחַסְדְּךָ֥ זְכׇר־לִי־אַ֑תָּה
לְמַ֖עַן טוּבְךָ֣ יְהֹוָֽה׃
ח טוֹב־וְיָשָׁ֥ר יְהֹוָ֑ה
עַל־כֵּ֤ן יוֹרֶ֖ה חַטָּאִ֣ים בַּדָּֽרֶךְ׃
ט יַדְרֵ֣ךְ עֲ֭נָוִים בַּמִּשְׁפָּ֑ט
וִילַמֵּ֖ד עֲנָוִ֣ים דַּרְכּֽוֹ׃
י כׇּל־אׇרְח֣וֹת יְ֭הֹוָה חֶ֣סֶד וֶאֱמֶ֑ת
לְנֹצְרֵ֥י בְ֝רִית֗וֹ וְעֵדֹתָֽיו׃
יא לְמַֽעַן־שִׁמְךָ֥ יְהֹוָ֑ה
וְֽסָלַחְתָּ֥ לַ֝עֲוֺנִ֗י כִּ֣י רַב־הֽוּא׃
יב מִי־זֶ֣ה הָ֭אִישׁ יְרֵ֣א יְהֹוָ֑ה
י֝וֹרֶ֗נּוּ בְּדֶ֣רֶךְ יִבְחָֽר׃
יג נַ֭פְשׁוֹ בְּט֣וֹב תָּלִ֑ין
וְ֝זַרְע֗וֹ יִ֣ירַשׁ אָֽרֶץ׃
יד ס֣וֹד יְ֭הֹוָה לִירֵאָ֑יו
וּ֝בְרִית֗וֹ לְהוֹדִיעָֽם׃
טו עֵינַ֣י תָּ֭מִיד אֶל־יְהֹוָ֑ה
כִּ֤י הֽוּא־יוֹצִ֖יא מֵרֶ֣שֶׁת רַגְלָֽי׃
טז פְּנֵֽה־אֵלַ֥י וְחׇנֵּ֑נִי
כִּֽי־יָחִ֖יד וְעָנִ֣י אָֽנִי׃
יז צָר֣וֹת לְבָבִ֣י הִרְחִ֑יבוּ
מִ֝מְּצוּקוֹתַ֗י הוֹצִיאֵֽנִי׃
יח רְאֵ֣ה עׇ֭נְיִי וַעֲמָלִ֑י
וְ֝שָׂ֗א לְכׇל־חַטֹּאותָֽי׃
יט רְאֵֽה־אֹיְבַ֥י כִּי־רָ֑בּוּ
וְשִׂנְאַ֖ת חָמָ֣ס שְׂנֵאֽוּנִי׃
כ שׇׁמְרָ֣ה נַ֭פְשִׁי וְהַצִּילֵ֑נִי
אַל־אֵ֝ב֗וֹשׁ כִּֽי־חָסִ֥יתִי בָֽךְ׃
כא תֹּם־וָיֹ֥שֶׁר יִצְּר֑וּנִי
כִּ֝֗י קִוִּיתִֽיךָ׃
כב פְּדֵ֣ה אֱ֭לֹהִים אֶת־יִשְׂרָאֵ֑ל
מִ֝כֹּ֗ל צָרוֹתָֽיו׃
מהדורות נוספות
לחץ למטה על [הראה] להצגת התוכן ↓
א לדוד אליך יהוה נפשי אשא
ב אלהי בך בטחתי אל אבושה אל יעלצו איבי לי
ג גם כל קויך לא יבשו יבשו הבוגדים ריקם
ד דרכיך יהוה הודיעני ארחותיך למדני
ה הדריכני באמתך ולמדני כי אתה אלהי ישעי אותך קויתי כל היום
ו זכר רחמיך יהוה וחסדיך כי מעולם המה
ז חטאות נעורי ופשעי אל תזכר כחסדך זכר לי אתה למען טובך יהוה
ח טוב וישר יהוה על כן יורה חטאים בדרך
ט ידרך ענוים במשפט וילמד ענוים דרכו
י כל ארחות יהוה חסד ואמת לנצרי בריתו ועדתיו
יא למען שמך יהוה וסלחת לעוני כי רב הוא
יב מי זה האיש ירא יהוה יורנו בדרך יבחר
יג נפשו בטוב תלין וזרעו יירש ארץ
יד סוד יהוה ליראיו ובריתו להודיעם
טו עיני תמיד אל יהוה כי הוא יוציא מרשת רגלי
טז פנה אלי וחנני כי יחיד ועני אני
יז צרות לבבי הרחיבו ממצוקותי הוציאני
יח ראה עניי ועמלי ושא לכל חטאותי
יט ראה אויבי כי רבו ושנאת חמס שנאוני
כ שמרה נפשי והצילני אל אבוש כי חסיתי בך
כא תם וישר יצרוני כי קויתיך
כב פדה אלהים את ישראל מכל צרותיו
א לְדָוִד אֵלֶיךָ יְהוָה נַפְשִׁי אֶשָּׂא.
ב אֱלֹהַי בְּךָ בָטַחְתִּי אַל אֵבוֹשָׁה אַל יַעַלְצוּ אֹיְבַי לִי.
ג גַּם כָּל קֹוֶיךָ לֹא יֵבֹשׁוּ יֵבֹשׁוּ הַבּוֹגְדִים רֵיקָם.
ד דְּרָכֶיךָ יְהוָה הוֹדִיעֵנִי אֹרְחוֹתֶיךָ לַמְּדֵנִי.
ה הַדְרִיכֵנִי בַאֲמִתֶּךָ וְלַמְּדֵנִי כִּי אַתָּה אֱלֹהֵי יִשְׁעִי אוֹתְךָ קִוִּיתִי כָּל הַיּוֹם.
ו זְכֹר רַחֲמֶיךָ יְהוָה וַחֲסָדֶיךָ כִּי מֵעוֹלָם הֵמָּה.
ז חַטֹּאות נְעוּרַי וּפְשָׁעַי אַל תִּזְכֹּר כְּחַסְדְּךָ זְכָר לִי אַתָּה לְמַעַן טוּבְךָ יְהוָה.
ח טוֹב וְיָשָׁר יְהוָה עַל כֵּן יוֹרֶה חַטָּאִים בַּדָּרֶךְ.
ט יַדְרֵךְ עֲנָוִים בַּמִּשְׁפָּט וִילַמֵּד עֲנָוִים דַּרְכּוֹ.
י כָּל אָרְחוֹת יְהוָה חֶסֶד וֶאֱמֶת לְנֹצְרֵי בְרִיתוֹ וְעֵדֹתָיו.
יא לְמַעַן שִׁמְךָ יְהוָה וְסָלַחְתָּ לַעֲוֺנִי כִּי רַב הוּא.
יב מִי זֶה הָאִישׁ יְרֵא יְהוָה יוֹרֶנּוּ בְּדֶרֶךְ יִבְחָר.
יג נַפְשׁוֹ בְּטוֹב תָּלִין וְזַרְעוֹ יִירַשׁ אָרֶץ.
יד סוֹד יְהוָה לִירֵאָיו וּבְרִיתוֹ לְהוֹדִיעָם.
טו עֵינַי תָּמִיד אֶל יְהוָה כִּי הוּא יוֹצִיא מֵרֶשֶׁת רַגְלָי.
טז פְּנֵה אֵלַי וְחָנֵּנִי כִּי יָחִיד וְעָנִי אָנִי.
יז צָרוֹת לְבָבִי הִרְחִיבוּ מִמְּצוּקוֹתַי הוֹצִיאֵנִי.
יח רְאֵה עָנְיִי וַעֲמָלִי וְשָׂא לְכָל חַטֹּאותָי.
יט רְאֵה אוֹיְבַי כִּי רָבּוּ וְשִׂנְאַת חָמָס שְׂנֵאוּנִי.
כ שָׁמְרָה נַפְשִׁי וְהַצִּילֵנִי אַל אֵבוֹשׁ כִּי חָסִיתִי בָךְ.
כא תֹּם וָיֹשֶׁר יִצְּרוּנִי כִּי קִוִּיתִיךָ.
כב פְּדֵה אֱלֹהִים אֶת יִשְׂרָאֵל מִכֹּל צָרוֹתָיו.
(א) לְדָוִד אֵלֶיךָ יְהוָה נַפְשִׁי אֶשָּׂא.
(ב) אֱלֹהַי בְּךָ בָטַחְתִּי אַל אֵבוֹשָׁה אַל יַעַלְצוּ אֹיְבַי לִי.
(ג) גַּם כָּל קֹוֶיךָ לֹא יֵבֹשׁוּ יֵבֹשׁוּ הַבּוֹגְדִים רֵיקָם.
(ד) דְּרָכֶיךָ יְהוָה הוֹדִיעֵנִי אֹרְחוֹתֶיךָ לַמְּדֵנִי.
(ה) הַדְרִיכֵנִי בַאֲמִתֶּךָ וְלַמְּדֵנִי כִּי אַתָּה אֱלֹהֵי יִשְׁעִי אוֹתְךָ קִוִּיתִי כָּל הַיּוֹם.
(ו) זְכֹר רַחֲמֶיךָ יְהוָה וַחֲסָדֶיךָ כִּי מֵעוֹלָם הֵמָּה.
(ז) חַטֹּאות נְעוּרַי וּפְשָׁעַי אַל תִּזְכֹּר כְּחַסְדְּךָ זְכָר לִי אַתָּה לְמַעַן טוּבְךָ יְהוָה.
(ח) טוֹב וְיָשָׁר יְהוָה עַל כֵּן יוֹרֶה חַטָּאִים בַּדָּרֶךְ.
(ט) יַדְרֵךְ עֲנָוִים בַּמִּשְׁפָּט וִילַמֵּד עֲנָוִים דַּרְכּוֹ.
(י) כָּל אָרְחוֹת יְהוָה חֶסֶד וֶאֱמֶת לְנֹצְרֵי בְרִיתוֹ וְעֵדֹתָיו.
(יא) לְמַעַן שִׁמְךָ יְהוָה וְסָלַחְתָּ לַעֲוֺנִי כִּי רַב הוּא.
(יב) מִי זֶה הָאִישׁ יְרֵא יְהוָה יוֹרֶנּוּ בְּדֶרֶךְ יִבְחָר.
(יג) נַפְשׁוֹ בְּטוֹב תָּלִין וְזַרְעוֹ יִירַשׁ אָרֶץ.
(יד) סוֹד יְהוָה לִירֵאָיו וּבְרִיתוֹ לְהוֹדִיעָם.
(טו) עֵינַי תָּמִיד אֶל יְהוָה כִּי הוּא יוֹצִיא מֵרֶשֶׁת רַגְלָי.
(טז) פְּנֵה אֵלַי וְחָנֵּנִי כִּי יָחִיד וְעָנִי אָנִי.
(יז) צָרוֹת לְבָבִי הִרְחִיבוּ מִמְּצוּקוֹתַי הוֹצִיאֵנִי.
(יח) רְאֵה עָנְיִי וַעֲמָלִי וְשָׂא לְכָל חַטֹּאותָי.
(יט) רְאֵה אוֹיְבַי כִּי רָבּוּ וְשִׂנְאַת חָמָס שְׂנֵאוּנִי.
(כ) שָׁמְרָה נַפְשִׁי וְהַצִּילֵנִי אַל אֵבוֹשׁ כִּי חָסִיתִי בָךְ.
(כא) תֹּם וָיֹשֶׁר יִצְּרוּנִי כִּי קִוִּיתִיךָ.
(כב) פְּדֵה אֱלֹהִים אֶת יִשְׂרָאֵל מִכֹּל צָרוֹתָיו.
א לְדָוִד:
- אֵלֶיךָ יְהוָה נַפְשִׁי אֶשָּׂא את עצמי אנסה להרים לכיוונך (אני משתוקק לקרבתך).
- ב אֱלֹהַי, בְּךָ בָטַחְתִּי, אַל אֵבוֹשָׁה אתאכזב מבטחוני בך. אַל יַעַלְצוּ אֹיְבַי לִי על הצרות שארעו לי.
- ג גַּם כָּל קֹוֶיךָ כל המקווים לך, הבוטחים בך לֹא יֵבֹשׁוּ, יֵבֹשׁוּ הַבּוֹגְדִים רֵיקָם ויעמדו בידיים ריקות.
- ד דְּרָכֶיךָ יְהוָה הוֹדִיעֵנִי, אֹרְחוֹתֶיךָ לַמְּדֵנִי.
- ה הַדְרִיכֵנִי בַאֲמִתֶּךָ בדרכך שהיא דרך האמת וְלַמְּדֵנִי, כִּי אַתָּה אֱלֹהֵי יִשְׁעִי, אוֹתְךָ קִוִּיתִי לך קיויתי, בך שמתי את בטחוני כָּל הַיּוֹם.
- ו זְכֹר רַחֲמֶיךָ יְהוָה וַחֲסָדֶיךָ, כִּי מֵעוֹלָם הֵמָּה שהרי כך היה מאז ומתמיד.
- ז חַטֹּאות נְעוּרַי וּפְשָׁעַי אַל תִּזְכֹּר, כְּחַסְדְּךָ בגלל שאתה רב חסד זְכָר לִי אַתָּה, לְמַעַן טוּבְךָ כפי שיפורט בשלושת הפסוקים הבאים יְהוָה.
- יא לְמַעַן שִׁמְךָ "זְכֹר רַחֲמֶיךָ..." (פסוק ו) וכו' לכבוד שמך הגדול יְהוָה, וְסָלַחְתָּ לַעֲוֺנִי כִּי אשר רַב הוּא.
- יב מִי זֶה כמה רבה זכותו של הָאִישׁ יְרֵא יְהוָה, יוֹרֶנּוּ שהרי ה' מכוון אותו בְּדֶרֶךְ יִבְחָר שה' בוחר בה.
- יג נַפְשׁוֹ בְּטוֹב תָּלִין, וְזַרְעוֹ יִירַשׁ אָרֶץ.
- יד סוֹד יְהוָה לִירֵאָיו, וּבְרִיתוֹ לְהוֹדִיעָם ואת בריתו הוא מראה להם (בכך שהוא שומר את הבטחתו ומגן עליהם).
- טו עֵינַי תָּמִיד אֶל יְהוָה, כִּי הוּא יוֹצִיא מֵרֶשֶׁת רַגְלָי.
- טז פְּנֵה אֵלַי וְחָנֵּנִי, כִּי יָחִיד בודד וְעָנִי אָנִי.
- יז צָרוֹת הצרות שמילאו את ליבי, את לְבָבִי הִרְחִיבוּ, מִמְּצוּקוֹתַי הוֹצִיאֵנִי.
- יח רְאֵה עָנְיִי וַעֲמָלִי וסיבלי, וְשָׂא סלח לְכָל חַטֹּאותָי.
- יט רְאֵה אוֹיְבַי כִּי רָבּוּ, וְשִׂנְאַת חָמָס שינאה שמקורה ברשע (שאין להצדיק אותה) שְׂנֵאוּנִי.
- כ שָׁמְרָה נַפְשִׁי וְהַצִּילֵנִי, אַל אֵבוֹשׁ אתאכזב כִּי חָסִיתִי בָךְ מבטחוני בך.
- כא תֹּם וָיֹשֶׁר יִצְּרוּנִי מידות התום והיושר ישמרו עלי ללכת בדרכם, כִּי קִוִּיתִיךָ אני בוטח בך.
- כב פְּדֵה אֱלֹהִים אֶת יִשְׂרָאֵל כל עם ישראל, מִכֹּל צָרוֹתָיו.
פסוקי הפרק
טקסטים נוספים העוסקים בפרק
פירושים ומאמרים על הפרק:
