תהלים נב
קיצור דרך: t2652
תנ"ך > תהלים > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב • מג • מד • מה • מו • מז • מח • מט • נ • נא • נב • נג • נד • נה • נו • נז • נח • נט • ס • סא • סב • סג • סד • סה • סו • סז • סח • סט • ע • עא • עב • עג • עד • עה • עו • עז • עח • עט • פ • פא • פב • פג • פד • פה • פו • פז • פח • פט • צ • צא • צב • צג • צד • צה • צו • צז • צח • צט • ק • קא • קב • קג • קד • קה • קו • קז • קח • קט • קי • קיא • קיב • קיג • קיד • קטו • קטז • קיז • קיח • קיט • קכ • קכא • קכב • קכג • קכד • קכה • קכו • קכז • קכח • קכט • קל • קלא • קלב • קלג • קלד • קלה • קלו • קלז • קלח • קלט • קמ • קמא • קמב • קמג • קמד • קמה • קמו • קמז • קמח • קמט • קנ
הפרק במהדורה המוטעמת
נב א לַמְנַצֵּ֗חַ מַשְׂכִּ֥יל לְדָוִֽד׃
ב בְּב֤וֹא ׀ דּוֹאֵ֣ג הָאֲדֹמִי֮ וַיַּגֵּ֢ד לְשָׁ֫א֥וּל
וַיֹּ֥אמֶר ל֑וֹ
בָּ֥א דָ֝וִ֗ד אֶל־בֵּ֥ית אֲחִימֶֽלֶךְ׃
ג מַה־תִּתְהַלֵּ֣ל בְּ֭רָעָה הַגִּבּ֑וֹר
חֶ֥סֶד אֵ֗֝ל כׇּל־הַיּֽוֹם׃
ד הַ֭וּוֹת תַּחְשֹׁ֣ב לְשׁוֹנֶ֑ךָ
כְּתַ֥עַר מְ֝לֻטָּ֗שׁ עֹשֵׂ֥ה רְמִיָּֽה׃
ה אָהַ֣בְתָּ רָּ֣ע מִטּ֑וֹב
שֶׁ֓קֶר ׀ מִדַּבֵּ֖ר צֶ֣דֶק סֶֽלָה׃
ו אָהַ֥בְתָּ כׇֽל־דִּבְרֵי־בָ֗לַע
לְשׁ֣וֹן מִרְמָֽה׃
ז גַּם־אֵל֮ יִתׇּצְךָ֢ לָ֫נֶ֥צַח
יַחְתְּךָ֣ וְיִסָּחֲךָ֣ מֵאֹ֑הֶל
וְשֵׁרֶשְׁךָ֨ מֵאֶ֖רֶץ חַיִּ֣ים סֶֽלָה׃
ח וְיִרְא֖וּ צַדִּיקִ֥ים וְיִירָ֗אוּ
וְעָלָ֥יו יִשְׂחָֽקוּ׃
ט הִנֵּ֤ה הַגֶּ֗בֶר לֹ֤א יָשִׂ֥ים אֱלֹהִ֗ים מָ֫עוּזּ֥וֹ
וַ֭יִּבְטַח בְּרֹ֣ב עׇשְׁר֑וֹ
יָ֝עֹ֗ז בְּהַוָּתֽוֹ׃
י וַאֲנִ֤י ׀ כְּזַ֣יִת רַ֭עֲנָן בְּבֵ֣ית אֱלֹהִ֑ים
בָּטַ֥חְתִּי בְחֶסֶד־אֱ֝לֹהִ֗ים עוֹלָ֥ם וָעֶֽד׃
יא אוֹדְךָ֣ לְ֭עוֹלָם כִּ֣י עָשִׂ֑יתָ
וַאֲקַוֶּ֥ה שִׁמְךָ֥ כִי־ט֗֝וֹב נֶ֣גֶד חֲסִידֶֽיךָ׃
מהדורות נוספות
לחץ למטה על [הראה] להצגת התוכן ↓
א למנצח משכיל לדוד
ב בבוא דואג האדמי ויגד לשאול ויאמר לו בא דוד אל בית אחימלך
ג מה תתהלל ברעה הגבור חסד אל כל היום
ד הוות תחשב לשונך כתער מלטש עשה רמיה
ה אהבת רע מטוב שקר מדבר צדק סלה
ו אהבת כל דברי בלע לשון מרמה
ז גם אל יתצך לנצח יחתך ויסחך מאהל ושרשך מארץ חיים סלה
ח ויראו צדיקים וייראו ועליו ישחקו
ט הנה הגבר לא ישים אלהים מעוזו ויבטח ברב עשרו יעז בהותו
י ואני כזית רענן בבית אלהים בטחתי בחסד אלהים עולם ועד
יא אודך לעולם כי עשית ואקוה שמך כי טוב נגד חסידיך
א לַמְנַצֵּחַ מַשְׂכִּיל לְדָוִד.
ב בְּבוֹא דּוֹאֵג הָאֲדֹמִי וַיַּגֵּד לְשָׁאוּל וַיֹּאמֶר לוֹ בָּא דָוִד אֶל בֵּית אֲחִימֶלֶךְ.
ג מַה תִּתְהַלֵּל בְּרָעָה הַגִּבּוֹר חֶסֶד אֵל כָּל הַיּוֹם.
ד הַוּוֹת תַּחְשֹׁב לְשׁוֹנֶךָ כְּתַעַר מְלֻטָּשׁ עֹשֵׂה רְמִיָּה.
ה אָהַבְתָּ רָּע מִטּוֹב שֶׁקֶר מִדַּבֵּר צֶדֶק סֶלָה.
ו אָהַבְתָּ כָל דִּבְרֵי בָלַע לְשׁוֹן מִרְמָה.
ז גַּם אֵל יִתָּצְךָ לָנֶצַח יַחְתְּךָ וְיִסָּחֲךָ מֵאֹהֶל וְשֵׁרֶשְׁךָ מֵאֶרֶץ חַיִּים סֶלָה.
ח וְיִרְאוּ צַדִּיקִים וְיִירָאוּ וְעָלָיו יִשְׂחָקוּ.
ט הִנֵּה הַגֶּבֶר לֹא יָשִׂים אֱלֹהִים מָעוּזּוֹ וַיִּבְטַח בְּרֹב עָשְׁרוֹ יָעֹז בְּהַוָּתוֹ.
י וַאֲנִי כְּזַיִת רַעֲנָן בְּבֵית אֱלֹהִים בָּטַחְתִּי בְחֶסֶד אֱלֹהִים עוֹלָם וָעֶד.
יא אוֹדְךָ לְעוֹלָם כִּי עָשִׂיתָ וַאֲקַוֶּה שִׁמְךָ כִי טוֹב נֶגֶד חֲסִידֶיךָ.
(א) לַמְנַצֵּחַ מַשְׂכִּיל לְדָוִד.
(ב) בְּבוֹא דּוֹאֵג הָאֲדֹמִי וַיַּגֵּד לְשָׁאוּל וַיֹּאמֶר לוֹ בָּא דָוִד אֶל בֵּית אֲחִימֶלֶךְ.
(ג) מַה תִּתְהַלֵּל בְּרָעָה הַגִּבּוֹר חֶסֶד אֵל כָּל הַיּוֹם.
(ד) הַוּוֹת תַּחְשֹׁב לְשׁוֹנֶךָ כְּתַעַר מְלֻטָּשׁ עֹשֵׂה רְמִיָּה.
(ה) אָהַבְתָּ רָּע מִטּוֹב שֶׁקֶר מִדַּבֵּר צֶדֶק סֶלָה.
(ו) אָהַבְתָּ כָל דִּבְרֵי בָלַע לְשׁוֹן מִרְמָה.
(ז) גַּם אֵל יִתָּצְךָ לָנֶצַח יַחְתְּךָ וְיִסָּחֲךָ מֵאֹהֶל וְשֵׁרֶשְׁךָ מֵאֶרֶץ חַיִּים סֶלָה.
(ח) וְיִרְאוּ צַדִּיקִים וְיִירָאוּ וְעָלָיו יִשְׂחָקוּ.
(ט) הִנֵּה הַגֶּבֶר לֹא יָשִׂים אֱלֹהִים מָעוּזּוֹ וַיִּבְטַח בְּרֹב עָשְׁרוֹ יָעֹז בְּהַוָּתוֹ.
(י) וַאֲנִי כְּזַיִת רַעֲנָן בְּבֵית אֱלֹהִים בָּטַחְתִּי בְחֶסֶד אֱלֹהִים עוֹלָם וָעֶד.
(יא) אוֹדְךָ לְעוֹלָם כִּי עָשִׂיתָ וַאֲקַוֶּה שִׁמְךָ כִי טוֹב נֶגֶד חֲסִידֶיךָ.
| "וַאֲנִי כְּזַיִת רַעֲנָן" (פסוק י) - עץ הזית הינו ירוק-עד, כלומר איננו משיר את עליו בעונת שלכת אלא מחליף את עליו בהדרגה במשך כל השנה |
א לַמְנַצֵּחַ, מַשְׂכִּיל לְדָוִד, ב בְּבוֹא ראה שמואל א כב, ט דּוֹאֵג הָאֲדֹמִי וַיַּגֵּד לְשָׁאוּל, וַיֹּאמֶר זה לא נכתב בספר שמואל, אך רמוז לוֹ: "בָּא דָוִד אֶל בֵּית אֲחִימֶלֶךְ":
- ג מַה תִּתְהַלֵּל בְּרָעָה במעשיך הרעים הַגִּבּוֹר אתה, החושב את עצמך לגיבור ובלתי מנוצח? חֶסֶד אֵל ומה אתה מתהלל בכך שחסדו של ה' מופנה אליך כָּל הַיּוֹם?
- ד הַוּוֹת רישעות תַּחְשֹׁב לְשׁוֹנֶךָ, כְּתַעַר מְלֻטָּשׁ דבריך פוגעים כמו סכין מחודדת עֹשֵׂה רְמִיָּה כתער העושה מעשה רמאות.
- ה אָהַבְתָּ רָּע מִטּוֹב יותר מהטוב, שֶׁקֶר מִדַּבֵּר צֶדֶק, סֶלָה.
- ו אָהַבְתָּ כָל דִּבְרֵי בָלַע דיבורים מזיקים, לְשׁוֹן מִרְמָה.
- ז גַּם וכעונש על מעשיך אֵל יִתָּצְךָ ה' ינפץ אותך לָנֶצַח, יַחְתְּךָ ישבור אותך וְיִסָּחֲךָ יעקור אותך מֵאֹהֶל מביתך, וְשֵׁרֶשְׁךָ ולא ישאר לך שורש מֵאֶרֶץ חַיִּים, סֶלָה.
- ח וְיִרְאוּ צַדִּיקִים וְיִירָאוּ ויתחזקו ביראת ה', וְעָלָיו יִשְׂחָקוּ:
- ט "הִנֵּה הַגֶּבֶר לֹא יָשִׂים אֱלֹהִים מָעוּזּוֹ, וַיִּבְטַח בְּרֹב עָשְׁרוֹ, יָעֹז בְּהַוָּתוֹ הוא מבקש לעצמו מקלט ברכושו".
- י וַאֲנִי כְּזַיִת רַעֲנָן בְּבֵית אֱלֹהִים, בָּטַחְתִּי בְחֶסֶד אֱלֹהִים, עוֹלָם וָעֶד.
- יא אוֹדְךָ לְעוֹלָם כִּי עָשִׂיתָ על מה שעשית, וַאֲקַוֶּה שִׁמְךָ כִי טוֹב כי שימך הוא טוב נֶגֶד חֲסִידֶיךָ ואפרסם זאת מול האנשים החוסים בך.
פסוקי הפרק
טקסטים נוספים העוסקים בפרק
פירושים ומאמרים על הפרק:
