תהלים פט
קיצור דרך: t2689
תנ"ך > תהלים > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב • מג • מד • מה • מו • מז • מח • מט • נ • נא • נב • נג • נד • נה • נו • נז • נח • נט • ס • סא • סב • סג • סד • סה • סו • סז • סח • סט • ע • עא • עב • עג • עד • עה • עו • עז • עח • עט • פ • פא • פב • פג • פד • פה • פו • פז • פח • פט • צ • צא • צב • צג • צד • צה • צו • צז • צח • צט • ק • קא • קב • קג • קד • קה • קו • קז • קח • קט • קי • קיא • קיב • קיג • קיד • קטו • קטז • קיז • קיח • קיט • קכ • קכא • קכב • קכג • קכד • קכה • קכו • קכז • קכח • קכט • קל • קלא • קלב • קלג • קלד • קלה • קלו • קלז • קלח • קלט • קמ • קמא • קמב • קמג • קמד • קמה • קמו • קמז • קמח • קמט • קנ
הפרק במהדורה המוטעמת
פט א מַ֝שְׂכִּ֗יל לְאֵיתָ֥ן הָאֶזְרָחִֽי׃
ב חַֽסְדֵ֣י יְ֭הֹוָה עוֹלָ֣ם אָשִׁ֑ירָה
לְדֹ֥ר וָדֹ֓ר ׀ אוֹדִ֖יעַ אֱמוּנָתְךָ֣ בְּפִֽי׃
ג כִּֽי־אָמַ֗רְתִּי ע֭וֹלָם חֶ֣סֶד יִבָּנֶ֑ה
שָׁמַ֓יִם ׀ תָּכִ֖ן אֱמוּנָתְךָ֣ בָהֶֽם׃
ד כָּרַ֣תִּי בְ֭רִית לִבְחִירִ֑י
נִ֝שְׁבַּ֗עְתִּי לְדָוִ֥ד עַבְדִּֽי׃
ה עַד־ע֭וֹלָם אָכִ֣ין זַרְעֶ֑ךָ
וּבָנִ֨יתִי לְדֹר־וָד֖וֹר כִּסְאֲךָ֣ סֶֽלָה׃
ו וְי֘וֹד֤וּ שָׁמַ֣יִם פִּלְאֲךָ֣ יְהֹוָ֑ה
אַף־אֱ֝מ֥וּנָתְךָ֗ בִּקְהַ֥ל קְדֹשִֽׁים׃
ז כִּ֤י מִ֣י בַ֭שַּׁחַק יַעֲרֹ֣ךְ לַיהֹוָ֑ה
יִדְמֶ֥ה לַ֝יהֹוָ֗ה בִּבְנֵ֥י אֵלִֽים׃
ח אֵ֣ל נַ֭עֲרָץ בְּסוֹד־קְדֹשִׁ֣ים רַבָּ֑ה
וְ֝נוֹרָ֗א עַל־כׇּל־סְבִיבָֽיו׃
ט יְהֹוָ֤ה ׀ אֱלֹ֘הֵ֤י צְבָא֗וֹת
מִי־כָמ֖וֹךָֽ חֲסִ֥ין ׀ יָ֑הּ
וֶ֝אֱמ֥וּנָתְךָ֗ סְבִיבוֹתֶֽיךָ׃
י אַתָּ֣ה מ֭וֹשֵׁל בְּגֵא֣וּת הַיָּ֑ם
בְּשׂ֥וֹא גַ֝לָּ֗יו אַתָּ֥ה תְשַׁבְּחֵֽם׃
יא אַתָּ֤ה דִכִּ֣אתָ כֶחָלָ֣ל רָ֑הַב
בִּזְר֥וֹעַ עֻ֝זְּךָ֗ פִּזַּ֥רְתָּ אוֹיְבֶֽיךָ׃
יב לְךָ֣ שָׁ֭מַיִם אַף־לְךָ֥ אָ֑רֶץ
תֵּבֵ֥ל וּ֝מְלֹאָ֗הּ אַתָּ֥ה יְסַדְתָּֽם׃
יג צָפ֣וֹן וְ֭יָמִין אַתָּ֣ה בְרָאתָ֑ם
תָּב֥וֹר וְ֝חֶרְמ֗וֹן בְּשִׁמְךָ֥ יְרַנֵּֽנוּ׃
יד לְךָ֣ זְ֭רוֹעַ עִם־גְּבוּרָ֑ה
תָּעֹ֥ז יָ֝דְךָ֗ תָּר֥וּם יְמִינֶֽךָ׃
טו צֶ֣דֶק וּ֭מִשְׁפָּט מְכ֣וֹן כִּסְאֶ֑ךָ
חֶ֥סֶד וֶ֝אֱמֶ֗ת יְֽקַדְּמ֥וּ פָנֶֽיךָ׃
טז אַשְׁרֵ֣י הָ֭עָם יֹדְעֵ֣י תְרוּעָ֑ה
יְ֝הֹוָ֗ה בְּֽאוֹר־פָּנֶ֥יךָ יְהַלֵּכֽוּן׃
יז בְּ֭שִׁמְךָ יְגִיל֣וּן כׇּל־הַיּ֑וֹם
וּבְצִדְקָתְךָ֥ יָרֽוּמוּ׃
יח כִּי־תִפְאֶ֣רֶת עֻזָּ֣מוֹ אָ֑תָּה
וּ֝בִרְצוֹנְךָ֗ תרים תָּר֥וּם קַרְנֵֽינוּ׃
יט כִּ֣י לַ֭יהֹוָה מָגִנֵּ֑נוּ
וְלִקְד֖וֹשׁ יִשְׂרָאֵ֣ל מַלְכֵּֽנוּ׃
כ אָ֤ז דִּבַּ֥רְתָּֽ־בְחָז֡וֹן לַחֲסִידֶ֗יךָ
וַתֹּ֗אמֶר שִׁוִּ֣יתִי עֵ֭זֶר עַל־גִּבּ֑וֹר
הֲרִימ֖וֹתִי בָח֣וּר מֵעָֽם׃
כא מָ֭צָאתִי דָּוִ֣ד עַבְדִּ֑י
בְּשֶׁ֖מֶן קׇדְשִׁ֣י מְשַׁחְתִּֽיו׃
כב אֲשֶׁ֣ר יָ֭דִי תִּכּ֣וֹן עִמּ֑וֹ
אַף־זְרוֹעִ֥י תְאַמְּצֶֽנּוּ׃
כג לֹא־יַשִּׁ֣יא אוֹיֵ֣ב בּ֑וֹ
וּבֶן־עַ֝וְלָ֗ה לֹ֣א יְעַנֶּֽנּוּ׃
כד וְכַתּוֹתִ֣י מִפָּנָ֣יו צָרָ֑יו
וּמְשַׂנְאָ֥יו אֶגּֽוֹף׃
כה וֶ֥אֱֽמוּנָתִ֣י וְחַסְדִּ֣י עִמּ֑וֹ
וּ֝בִשְׁמִ֗י תָּר֥וּם קַרְנֽוֹ׃
כו וְשַׂמְתִּ֣י בַיָּ֣ם יָד֑וֹ
וּֽבַנְּהָר֥וֹת יְמִינֽוֹ׃
כז ה֣וּא יִ֭קְרָאֵנִי אָ֣בִי אָ֑תָּה
אֵ֝לִ֗י וְצ֣וּר יְשׁוּעָתִֽי׃
כח אַף־אָ֭נִי בְּכ֣וֹר אֶתְּנֵ֑הוּ
עֶ֝לְי֗וֹן לְמַלְכֵי־אָֽרֶץ׃
כט לְ֭עוֹלָם אשמור אֶשְׁמׇר־ל֣וֹ חַסְדִּ֑י
וּ֝בְרִיתִ֗י נֶאֱמֶ֥נֶת לֽוֹ׃
ל וְשַׂמְתִּ֣י לָעַ֣ד זַרְע֑וֹ
וְ֝כִסְא֗וֹ כִּימֵ֥י שָׁמָֽיִם׃
לא אִם־יַעַזְב֣וּ בָ֭נָיו תּוֹרָתִ֑י
וּ֝בְמִשְׁפָּטַ֗י לֹ֣א יֵלֵכֽוּן׃
לב אִם־חֻקֹּתַ֥י יְחַלֵּ֑לוּ
וּ֝מִצְוֺתַ֗י לֹ֣א יִשְׁמֹֽרוּ׃
לג וּפָקַדְתִּ֣י בְשֵׁ֣בֶט פִּשְׁעָ֑ם
וּבִנְגָעִ֥ים עֲוֺנָֽם׃
לד וְ֭חַסְדִּי לֹא־אָפִ֣יר מֵעִמּ֑וֹ
וְלֹֽא־אֲ֝שַׁקֵּ֗ר בֶּאֱמוּנָתִֽי׃
לה לֹֽא־אֲחַלֵּ֥ל בְּרִיתִ֑י
וּמוֹצָ֥א שְׂ֝פָתַ֗י לֹ֣א אֲשַׁנֶּֽה׃
לו אַ֭חַת נִשְׁבַּ֣עְתִּי בְקׇדְשִׁ֑י
אִֽם־לְדָוִ֥ד אֲכַזֵּֽב׃
לז זַ֭רְעוֹ לְעוֹלָ֣ם יִהְיֶ֑ה
וְכִסְא֖וֹ כַשֶּׁ֣מֶשׁ נֶגְדִּֽי׃
לח כְּ֭יָרֵחַ יִכּ֣וֹן עוֹלָ֑ם
וְעֵ֥ד בַּ֝שַּׁ֗חַק נֶאֱמָ֥ן סֶֽלָה׃
לט וְאַתָּ֣ה זָ֭נַחְתָּ וַתִּמְאָ֑ס
הִ֝תְעַבַּ֗רְתָּ עִם־מְשִׁיחֶֽךָ׃
מ נֵ֭אַרְתָּה בְּרִ֣ית עַבְדֶּ֑ךָ
חִלַּ֖לְתָּ לָאָ֣רֶץ נִזְרֽוֹ׃
מא פָּרַ֥צְתָּ כׇל־גְּדֵרֹתָ֑יו
שַׂ֖מְתָּ מִבְצָרָ֣יו מְחִתָּֽה׃
מב שַׁ֭סֻּהוּ כׇּל־עֹ֣בְרֵי דָ֑רֶךְ
הָיָ֥ה חֶ֝רְפָּ֗ה לִשְׁכֵנָֽיו׃
מג הֲ֭רִימוֹתָ יְמִ֣ין צָרָ֑יו
הִ֝שְׂמַ֗חְתָּ כׇּל־אוֹיְבָֽיו׃
מד אַף־תָּ֭שִׁיב צ֣וּר חַרְבּ֑וֹ
וְלֹ֥א הֲ֝קֵימֹת֗וֹ בַּמִּלְחָמָֽה׃
מה הִשְׁבַּ֥תָּ מִטְּהָר֑וֹ
וְ֝כִסְא֗וֹ לָאָ֥רֶץ מִגַּֽרְתָּה׃
מו הִ֭קְצַרְתָּ יְמֵ֣י עֲלוּמָ֑יו
הֶ֥עֱטִ֨יתָ עָלָ֖יו בּוּשָׁ֣ה סֶֽלָה׃
מז עַד־מָ֣ה יְ֭הֹוָה תִּסָּתֵ֣ר לָנֶ֑צַח
תִּבְעַ֖ר כְּמוֹ־אֵ֣שׁ חֲמָתֶֽךָ׃
מח זְכׇר־אֲנִ֥י מֶה־חָ֑לֶד
עַל־מַה־שָּׁ֝֗וְא בָּרָ֥אתָ כׇל־בְּנֵֽי־אָדָֽם׃
מט מִ֤י גֶ֣בֶר יִֽ֭חְיֶה וְלֹ֣א יִרְאֶה־מָּ֑וֶת
יְמַלֵּ֨ט נַפְשׁ֖וֹ מִיַּד־שְׁא֣וֹל סֶֽלָה׃
נ אַיֵּ֤ה ׀ חֲסָדֶ֖יךָ הָרִאשֹׁנִ֥ים ׀ אֲדֹנָ֑י
נִשְׁבַּ֥עְתָּ לְ֝דָוִ֗ד בֶּאֱמוּנָתֶֽךָ׃
נא זְכֹ֣ר אֲ֭דֹנָי חֶרְפַּ֣ת עֲבָדֶ֑יךָ
שְׂאֵתִ֥י בְ֝חֵיקִ֗י כׇּל־רַבִּ֥ים עַמִּֽים׃
נב אֲשֶׁ֤ר חֵרְפ֖וּ אוֹיְבֶ֥יךָ ׀ יְהֹוָ֑ה
אֲשֶׁ֥ר חֵ֝רְפ֗וּ עִקְּב֥וֹת מְשִׁיחֶֽךָ׃
נג בָּר֖וּךְ יְהֹוָ֥ה לְעוֹלָ֗ם
אָ֘מֵ֥ן ׀ וְאָמֵֽן׃
מהדורות נוספות
לחץ למטה על [הראה] להצגת התוכן ↓
א משכיל לאיתן האזרחי
ב חסדי יהוה עולם אשירה לדר ודר אודיע אמונתך בפי
ג כי אמרתי עולם חסד יבנה שמים תכן אמונתך בהם
ד כרתי ברית לבחירי נשבעתי לדוד עבדי
ה עד עולם אכין זרעך ובניתי לדר ודור כסאך סלה
ו ויודו שמים פלאך יהוה אף אמונתך בקהל קדשים
ז כי מי בשחק יערך ליהוה ידמה ליהוה בבני אלים
ח אל נערץ בסוד קדשים רבה ונורא על כל סביביו
ט יהוה אלהי צבאות מי כמוך חסין יה ואמונתך סביבותיך
י אתה מושל בגאות הים בשוא גליו אתה תשבחם
יא אתה דכאת כחלל רהב בזרוע עזך פזרת אויביך
יב לך שמים אף לך ארץ תבל ומלאה אתה יסדתם
יג צפון וימין אתה בראתם תבור וחרמון בשמך ירננו
יד לך זרוע עם גבורה תעז ידך תרום ימינך
טו צדק ומשפט מכון כסאך חסד ואמת יקדמו פניך
טז אשרי העם יודעי תרועה יהוה באור פניך יהלכון
יז בשמך יגילון כל היום ובצדקתך ירומו
יח כי תפארת עזמו אתה וברצנך תרים [תרום] קרננו
יט כי ליהוה מגננו ולקדוש ישראל מלכנו
כ אז דברת בחזון לחסידיך ותאמר שויתי עזר על גבור הרימותי בחור מעם
כא מצאתי דוד עבדי בשמן קדשי משחתיו
כב אשר ידי תכון עמו אף זרועי תאמצנו
כג לא ישיא אויב בו ובן עולה לא יעננו
כד וכתותי מפניו צריו ומשנאיו אגוף
כה ואמונתי וחסדי עמו ובשמי תרום קרנו
כו ושמתי בים ידו ובנהרות ימינו
כז הוא יקראני אבי אתה אלי וצור ישועתי
כח אף אני בכור אתנהו עליון למלכי ארץ
כט לעולם אשמור [אשמר] לו חסדי ובריתי נאמנת לו
ל ושמתי לעד זרעו וכסאו כימי שמים
לא אם יעזבו בניו תורתי ובמשפטי לא ילכון
לב אם חקתי יחללו ומצותי לא ישמרו
לג ופקדתי בשבט פשעם ובנגעים עונם
לד וחסדי לא אפיר מעמו ולא אשקר באמונתי
לה לא אחלל בריתי ומוצא שפתי לא אשנה
לו אחת נשבעתי בקדשי אם לדוד אכזב
לז זרעו לעולם יהיה וכסאו כשמש נגדי
לח כירח יכון עולם ועד בשחק נאמן סלה
לט ואתה זנחת ותמאס התעברת עם משיחך
מ נארתה ברית עבדך חללת לארץ נזרו
מא פרצת כל גדרתיו שמת מבצריו מחתה
מב שסהו כל עברי דרך היה חרפה לשכניו
מג הרימות ימין צריו השמחת כל אויביו
מד אף תשיב צור חרבו ולא הקימתו במלחמה
מה השבת מטהרו וכסאו לארץ מגרתה
מו הקצרת ימי עלומיו העטית עליו בושה סלה
מז עד מה יהוה תסתר לנצח תבער כמו אש חמתך
מח זכר אני מה חלד על מה שוא בראת כל בני אדם
מט מי גבר יחיה ולא יראה מות ימלט נפשו מיד שאול סלה
נ איה חסדיך הראשנים אדני נשבעת לדוד באמונתך
נא זכר אדני חרפת עבדיך שאתי בחיקי כל רבים עמים
נב אשר חרפו אויביך יהוה אשר חרפו עקבות משיחך
נג ברוך יהוה לעולם אמן ואמן
א מַשְׂכִּיל לְאֵיתָן הָאֶזְרָחִי.
ב חַסְדֵי יְהוָה עוֹלָם אָשִׁירָה לְדֹר וָדֹר אוֹדִיעַ אֱמוּנָתְךָ בְּפִי.
ג כִּי אָמַרְתִּי עוֹלָם חֶסֶד יִבָּנֶה שָׁמַיִם תָּכִן אֱמוּנָתְךָ בָהֶם.
ד כָּרַתִּי בְרִית לִבְחִירִי נִשְׁבַּעְתִּי לְדָוִד עַבְדִּי.
ה עַד עוֹלָם אָכִין זַרְעֶךָ וּבָנִיתִי לְדֹר וָדוֹר כִּסְאֲךָ סֶלָה.
ו וְיוֹדוּ שָׁמַיִם פִּלְאֲךָ יְהוָה אַף אֱמוּנָתְךָ בִּקְהַל קְדֹשִׁים.
ז כִּי מִי בַשַּׁחַק יַעֲרֹךְ לַיהוָה יִדְמֶה לַיהוָה בִּבְנֵי אֵלִים.
ח אֵל נַעֲרָץ בְּסוֹד קְדֹשִׁים רַבָּה וְנוֹרָא עַל כָּל סְבִיבָיו.
ט יְהוָה אֱלֹהֵי צְבָאוֹת מִי כָמוֹךָ חֲסִין יָהּ וֶאֱמוּנָתְךָ סְבִיבוֹתֶיךָ.
י אַתָּה מוֹשֵׁל בְּגֵאוּת הַיָּם בְּשׂוֹא גַלָּיו אַתָּה תְשַׁבְּחֵם.
יא אַתָּה דִכִּאתָ כֶחָלָל רָהַב בִּזְרוֹעַ עֻזְּךָ פִּזַּרְתָּ אוֹיְבֶיךָ.
יב לְךָ שָׁמַיִם אַף לְךָ אָרֶץ תֵּבֵל וּמְלֹאָהּ אַתָּה יְסַדְתָּם.
יג צָפוֹן וְיָמִין אַתָּה בְרָאתָם תָּבוֹר וְחֶרְמוֹן בְּשִׁמְךָ יְרַנֵּנוּ.
יד לְךָ זְרוֹעַ עִם גְּבוּרָה תָּעֹז יָדְךָ תָּרוּם יְמִינֶךָ.
טו צֶדֶק וּמִשְׁפָּט מְכוֹן כִּסְאֶךָ חֶסֶד וֶאֱמֶת יְקַדְּמוּ פָנֶיךָ.
טז אַשְׁרֵי הָעָם יוֹדְעֵי תְרוּעָה יְהוָה בְּאוֹר פָּנֶיךָ יְהַלֵּכוּן.
יז בְּשִׁמְךָ יְגִילוּן כָּל הַיּוֹם וּבְצִדְקָתְךָ יָרוּמוּ.
יח כִּי תִפְאֶרֶת עֻזָּמוֹ אָתָּה וּבִרְצֹנְךָ תרים [תָּרוּם] קַרְנֵנוּ.
יט כִּי לַיהוָה מָגִנֵּנוּ וְלִקְדוֹשׁ יִשְׂרָאֵל מַלְכֵּנוּ.
כ אָז דִּבַּרְתָּ בְחָזוֹן לַחֲסִידֶיךָ וַתֹּאמֶר שִׁוִּיתִי עֵזֶר עַל גִּבּוֹר הֲרִימוֹתִי בָחוּר מֵעָם.
כא מָצָאתִי דָּוִד עַבְדִּי בְּשֶׁמֶן קָדְשִׁי מְשַׁחְתִּיו.
כב אֲשֶׁר יָדִי תִּכּוֹן עִמּוֹ אַף זְרוֹעִי תְאַמְּצֶנּוּ.
כג לֹא יַשִּׁיא אוֹיֵב בּוֹ וּבֶן עַוְלָה לֹא יְעַנֶּנּוּ.
כד וְכַתּוֹתִי מִפָּנָיו צָרָיו וּמְשַׂנְאָיו אֶגּוֹף.
כה וֶאֶמוּנָתִי וְחַסְדִּי עִמּוֹ וּבִשְׁמִי תָּרוּם קַרְנוֹ.
כו וְשַׂמְתִּי בַיָּם יָדוֹ וּבַנְּהָרוֹת יְמִינוֹ.
כז הוּא יִקְרָאֵנִי אָבִי אָתָּה אֵלִי וְצוּר יְשׁוּעָתִי.
כח אַף אָנִי בְּכוֹר אֶתְּנֵהוּ עֶלְיוֹן לְמַלְכֵי אָרֶץ.
כט לְעוֹלָם אשמור [אֶשְׁמָר] לוֹ חַסְדִּי וּבְרִיתִי נֶאֱמֶנֶת לוֹ.
ל וְשַׂמְתִּי לָעַד זַרְעוֹ וְכִסְאוֹ כִּימֵי שָׁמָיִם.
לא אִם יַעַזְבוּ בָנָיו תּוֹרָתִי וּבְמִשְׁפָּטַי לֹא יֵלֵכוּן.
לב אִם חֻקֹּתַי יְחַלֵּלוּ וּמִצְוֺתַי לֹא יִשְׁמֹרוּ.
לג וּפָקַדְתִּי בְשֵׁבֶט פִּשְׁעָם וּבִנְגָעִים עֲוֺנָם.
לד וְחַסְדִּי לֹא אָפִיר מֵעִמּוֹ וְלֹא אֲשַׁקֵּר בֶּאֱמוּנָתִי.
לה לֹא אֲחַלֵּל בְּרִיתִי וּמוֹצָא שְׂפָתַי לֹא אֲשַׁנֶּה.
לו אַחַת נִשְׁבַּעְתִּי בְקָדְשִׁי אִם לְדָוִד אֲכַזֵּב.
לז זַרְעוֹ לְעוֹלָם יִהְיֶה וְכִסְאוֹ כַשֶּׁמֶשׁ נֶגְדִּי.
לח כְּיָרֵחַ יִכּוֹן עוֹלָם וְעֵד בַּשַּׁחַק נֶאֱמָן סֶלָה.
לט וְאַתָּה זָנַחְתָּ וַתִּמְאָס הִתְעַבַּרְתָּ עִם מְשִׁיחֶךָ.
מ נֵאַרְתָּה בְּרִית עַבְדֶּךָ חִלַּלְתָּ לָאָרֶץ נִזְרוֹ.
מא פָּרַצְתָּ כָל גְּדֵרֹתָיו שַׂמְתָּ מִבְצָרָיו מְחִתָּה.
מב שַׁסֻּהוּ כָּל עֹבְרֵי דָרֶךְ הָיָה חֶרְפָּה לִשְׁכֵנָיו.
מג הֲרִימוֹתָ יְמִין צָרָיו הִשְׂמַחְתָּ כָּל אוֹיְבָיו.
מד אַף תָּשִׁיב צוּר חַרְבּוֹ וְלֹא הֲקֵימֹתוֹ בַּמִּלְחָמָה.
מה הִשְׁבַּתָּ מִטְּהָרוֹ וְכִסְאוֹ לָאָרֶץ מִגַּרְתָּה.
מו הִקְצַרְתָּ יְמֵי עֲלוּמָיו הֶעֱטִיתָ עָלָיו בּוּשָׁה סֶלָה.
מז עַד מָה יְהוָה תִּסָּתֵר לָנֶצַח תִּבְעַר כְּמוֹ אֵשׁ חֲמָתֶךָ.
מח זְכָר אֲנִי מֶה חָלֶד עַל מַה שָּׁוְא בָּרָאתָ כָל בְּנֵי אָדָם.
מט מִי גֶבֶר יִחְיֶה וְלֹא יִרְאֶה מָּוֶת יְמַלֵּט נַפְשׁוֹ מִיַּד שְׁאוֹל סֶלָה.
נ אַיֵּה חֲסָדֶיךָ הָרִאשֹׁנִים אֲדֹנָי נִשְׁבַּעְתָּ לְדָוִד בֶּאֱמוּנָתֶךָ.
נא זְכֹר אֲדֹנָי חֶרְפַּת עֲבָדֶיךָ שְׂאֵתִי בְחֵיקִי כָּל רַבִּים עַמִּים.
נב אֲשֶׁר חֵרְפוּ אוֹיְבֶיךָ יְהוָה אֲשֶׁר חֵרְפוּ עִקְּבוֹת מְשִׁיחֶךָ.
נג בָּרוּךְ יְהוָה לְעוֹלָם אָמֵן וְאָמֵן.
(א) מַשְׂכִּיל לְאֵיתָן הָאֶזְרָחִי.
(ב) חַסְדֵי יְהוָה עוֹלָם אָשִׁירָה לְדֹר וָדֹר אוֹדִיעַ אֱמוּנָתְךָ בְּפִי.
(ג) כִּי אָמַרְתִּי עוֹלָם חֶסֶד יִבָּנֶה שָׁמַיִם תָּכִן אֱמוּנָתְךָ בָהֶם.
(ד) כָּרַתִּי בְרִית לִבְחִירִי נִשְׁבַּעְתִּי לְדָוִד עַבְדִּי.
(ה) עַד עוֹלָם אָכִין זַרְעֶךָ וּבָנִיתִי לְדֹר וָדוֹר כִּסְאֲךָ סֶלָה.
(ו) וְיוֹדוּ שָׁמַיִם פִּלְאֲךָ יְהוָה אַף אֱמוּנָתְךָ בִּקְהַל קְדֹשִׁים.
(ז) כִּי מִי בַשַּׁחַק יַעֲרֹךְ לַיהוָה יִדְמֶה לַיהוָה בִּבְנֵי אֵלִים.
(ח) אֵל נַעֲרָץ בְּסוֹד קְדֹשִׁים רַבָּה וְנוֹרָא עַל כָּל סְבִיבָיו.
(ט) יְהוָה אֱלֹהֵי צְבָאוֹת מִי כָמוֹךָ חֲסִין יָהּ וֶאֱמוּנָתְךָ סְבִיבוֹתֶיךָ.
(י) אַתָּה מוֹשֵׁל בְּגֵאוּת הַיָּם בְּשׂוֹא גַלָּיו אַתָּה תְשַׁבְּחֵם.
(יא) אַתָּה דִכִּאתָ כֶחָלָל רָהַב בִּזְרוֹעַ עֻזְּךָ פִּזַּרְתָּ אוֹיְבֶיךָ.
(יב) לְךָ שָׁמַיִם אַף לְךָ אָרֶץ תֵּבֵל וּמְלֹאָהּ אַתָּה יְסַדְתָּם.
(יג) צָפוֹן וְיָמִין אַתָּה בְרָאתָם תָּבוֹר וְחֶרְמוֹן בְּשִׁמְךָ יְרַנֵּנוּ.
(יד) לְךָ זְרוֹעַ עִם גְּבוּרָה תָּעֹז יָדְךָ תָּרוּם יְמִינֶךָ.
(טו) צֶדֶק וּמִשְׁפָּט מְכוֹן כִּסְאֶךָ חֶסֶד וֶאֱמֶת יְקַדְּמוּ פָנֶיךָ.
(טז) אַשְׁרֵי הָעָם יוֹדְעֵי תְרוּעָה יְהוָה בְּאוֹר פָּנֶיךָ יְהַלֵּכוּן.
(יז) בְּשִׁמְךָ יְגִילוּן כָּל הַיּוֹם וּבְצִדְקָתְךָ יָרוּמוּ.
(יח) כִּי תִפְאֶרֶת עֻזָּמוֹ אָתָּה וּבִרְצֹנְךָ תרים [תָּרוּם] קַרְנֵנוּ.
(יט) כִּי לַיהוָה מָגִנֵּנוּ וְלִקְדוֹשׁ יִשְׂרָאֵל מַלְכֵּנוּ.
(כ) אָז דִּבַּרְתָּ בְחָזוֹן לַחֲסִידֶיךָ וַתֹּאמֶר שִׁוִּיתִי עֵזֶר עַל גִּבּוֹר הֲרִימוֹתִי בָחוּר מֵעָם.
(כא) מָצָאתִי דָּוִד עַבְדִּי בְּשֶׁמֶן קָדְשִׁי מְשַׁחְתִּיו.
(כב) אֲשֶׁר יָדִי תִּכּוֹן עִמּוֹ אַף זְרוֹעִי תְאַמְּצֶנּוּ.
(כג) לֹא יַשִּׁיא אוֹיֵב בּוֹ וּבֶן עַוְלָה לֹא יְעַנֶּנּוּ.
(כד) וְכַתּוֹתִי מִפָּנָיו צָרָיו וּמְשַׂנְאָיו אֶגּוֹף.
(כה) וֶאֶמוּנָתִי וְחַסְדִּי עִמּוֹ וּבִשְׁמִי תָּרוּם קַרְנוֹ.
(כו) וְשַׂמְתִּי בַיָּם יָדוֹ וּבַנְּהָרוֹת יְמִינוֹ.
(כז) הוּא יִקְרָאֵנִי אָבִי אָתָּה אֵלִי וְצוּר יְשׁוּעָתִי.
(כח) אַף אָנִי בְּכוֹר אֶתְּנֵהוּ עֶלְיוֹן לְמַלְכֵי אָרֶץ.
(כט) לְעוֹלָם אשמור [אֶשְׁמָר] לוֹ חַסְדִּי וּבְרִיתִי נֶאֱמֶנֶת לוֹ.
(ל) וְשַׂמְתִּי לָעַד זַרְעוֹ וְכִסְאוֹ כִּימֵי שָׁמָיִם.
(לא) אִם יַעַזְבוּ בָנָיו תּוֹרָתִי וּבְמִשְׁפָּטַי לֹא יֵלֵכוּן.
(לב) אִם חֻקֹּתַי יְחַלֵּלוּ וּמִצְוֺתַי לֹא יִשְׁמֹרוּ.
(לג) וּפָקַדְתִּי בְשֵׁבֶט פִּשְׁעָם וּבִנְגָעִים עֲוֺנָם.
(לד) וְחַסְדִּי לֹא אָפִיר מֵעִמּוֹ וְלֹא אֲשַׁקֵּר בֶּאֱמוּנָתִי.
(לה) לֹא אֲחַלֵּל בְּרִיתִי וּמוֹצָא שְׂפָתַי לֹא אֲשַׁנֶּה.
(לו) אַחַת נִשְׁבַּעְתִּי בְקָדְשִׁי אִם לְדָוִד אֲכַזֵּב.
(לז) זַרְעוֹ לְעוֹלָם יִהְיֶה וְכִסְאוֹ כַשֶּׁמֶשׁ נֶגְדִּי.
(לח) כְּיָרֵחַ יִכּוֹן עוֹלָם וְעֵד בַּשַּׁחַק נֶאֱמָן סֶלָה.
(לט) וְאַתָּה זָנַחְתָּ וַתִּמְאָס הִתְעַבַּרְתָּ עִם מְשִׁיחֶךָ.
(מ) נֵאַרְתָּה בְּרִית עַבְדֶּךָ חִלַּלְתָּ לָאָרֶץ נִזְרוֹ.
(מא) פָּרַצְתָּ כָל גְּדֵרֹתָיו שַׂמְתָּ מִבְצָרָיו מְחִתָּה.
(מב) שַׁסֻּהוּ כָּל עֹבְרֵי דָרֶךְ הָיָה חֶרְפָּה לִשְׁכֵנָיו.
(מג) הֲרִימוֹתָ יְמִין צָרָיו הִשְׂמַחְתָּ כָּל אוֹיְבָיו.
(מד) אַף תָּשִׁיב צוּר חַרְבּוֹ וְלֹא הֲקֵימֹתוֹ בַּמִּלְחָמָה.
(מה) הִשְׁבַּתָּ מִטְּהָרוֹ וְכִסְאוֹ לָאָרֶץ מִגַּרְתָּה.
(מו) הִקְצַרְתָּ יְמֵי עֲלוּמָיו הֶעֱטִיתָ עָלָיו בּוּשָׁה סֶלָה.
(מז) עַד מָה יְהוָה תִּסָּתֵר לָנֶצַח תִּבְעַר כְּמוֹ אֵשׁ חֲמָתֶךָ.
(מח) זְכָר אֲנִי מֶה חָלֶד עַל מַה שָּׁוְא בָּרָאתָ כָל בְּנֵי אָדָם.
(מט) מִי גֶבֶר יִחְיֶה וְלֹא יִרְאֶה מָּוֶת יְמַלֵּט נַפְשׁוֹ מִיַּד שְׁאוֹל סֶלָה.
(נ) אַיֵּה חֲסָדֶיךָ הָרִאשֹׁנִים אֲדֹנָי נִשְׁבַּעְתָּ לְדָוִד בֶּאֱמוּנָתֶךָ.
(נא) זְכֹר אֲדֹנָי חֶרְפַּת עֲבָדֶיךָ שְׂאֵתִי בְחֵיקִי כָּל רַבִּים עַמִּים.
(נב) אֲשֶׁר חֵרְפוּ אוֹיְבֶיךָ יְהוָה אֲשֶׁר חֵרְפוּ עִקְּבוֹת מְשִׁיחֶךָ.
(נג) בָּרוּךְ יְהוָה לְעוֹלָם אָמֵן וְאָמֵן.
א מַשְׂכִּיל מזמור שמלמד מוסר השכל לְאֵיתָן הָאֶזְרָחִי:
- ב חַסְדֵי יְהוָה עוֹלָם לעולם אָשִׁירָה, לְדֹר וָדֹר אוֹדִיעַ אֱמוּנָתְךָ בְּפִי.
- ג כִּי אָמַרְתִּי עוֹלָם חֶסֶד יִבָּנֶה החסד של ה' יהיה בנוי ביציבות לעולם, שָׁמַיִם תָּכִן בשמים, שיהיו קיימים לעד, קבעת את אֱמוּנָתְךָ בָהֶם.
- ד "כָּרַתִּי בְרִית לִבְחִירִי עם המלך שבחרתי לישראל, נִשְׁבַּעְתִּי לְדָוִד עַבְדִּי.
- ה עַד עוֹלָם אָכִין זַרְעֶךָ, וּבָנִיתִי לְדֹר וָדוֹר כִּסְאֲךָ", סֶלָה.
| ציטוט המילה "תבור" מפסוק יג - כתובת בבית תבור בירושלים |
- ו וְיוֹדוּ מודים לך על פלאך שָׁמַיִם פִּלְאֲךָ יְהוָה, אַף אֱמוּנָתְךָ וגם יודו על נאמנותך בִּקְהַל קְדֹשִׁים בקרב המלאכים.
- ז כִּי מִי בַשַּׁחַק בשמים יַעֲרֹךְ ישווה לַיהוָה, יִדְמֶה לַיהוָה בִּבְנֵי אֵלִים.
- ח אֵל נַעֲרָץ בְּסוֹד קְדֹשִׁים רַבָּה בקהל קדושים רבים, וְנוֹרָא עַל כָּל סְבִיבָיו.
- ט יְהוָה אֱלֹהֵי צְבָאוֹת, מִי כָמוֹךָ חֲסִין בלתי מנוצח יָהּ, וֶאֱמוּנָתְךָ ומי נאמן כמוך ב- סְבִיבוֹתֶיךָ.
- י אַתָּה מוֹשֵׁל בְּגֵאוּת הַיָּם, בְּשׂוֹא בהנשא גַלָּיו אַתָּה תְשַׁבְּחֵם משקיט אותם.
- יא אַתָּה דִכִּאתָ כֶחָלָל כפצוע, הרוג רָהַב כינוי ל"שר הים", בִּזְרוֹעַ עֻזְּךָ בזרועך החזקה פִּזַּרְתָּ אוֹיְבֶיךָ.
- יב לְךָ שָׁמַיִם אַף לְךָ אָרֶץ, תֵּבֵל וּמְלֹאָהּ אַתָּה יְסַדְתָּם.
- יג צָפוֹן וְיָמִין דרום
להרחבה אַתָּה בְרָאתָם, תָּבוֹר וְחֶרְמוֹן בְּשִׁמְךָ יְרַנֵּנוּ. - יד לְךָ זְרוֹעַ עִם גְּבוּרָה, תָּעֹז יָדְךָ תָּרוּם יְמִינֶךָ.
- טו צֶדֶק וּמִשְׁפָּט מְכוֹן כִּסְאֶךָ, חֶסֶד וֶאֱמֶת יְקַדְּמוּ פָנֶיךָ.
- טז אַשְׁרֵי הָעָם יוֹדְעֵי תְרוּעָה היודעים את התרועה הראויה להריע לך, כלומר שזכו להמליך אותך עליהם, יְהוָה - בְּאוֹר פָּנֶיךָ הם זכו שתאיר את פניך אליהם יְהַלֵּכוּן.
- יז בְּשִׁמְךָ יְגִילוּן כָּל הַיּוֹם, וּבְצִדְקָתְךָ יָרוּמוּ הם מנצחים.
- יח כִּי תִפְאֶרֶת עֻזָּמוֹ העוז שלהם אָתָּה, וּבִרְצֹנְךָ (תרים) תָּרוּם קַרְנֵנוּ הקרן שלנו מתרוממת, אנו מנצחים.
- יט כִּי לַיהוָה אכן לה' אנו קוראים "מָגִנֵּנוּ", וְלִקְדוֹשׁ יִשְׂרָאֵל "מַלְכֵּנוּ".
- כ אָז דִּבַּרְתָּ בְחָזוֹן בנבואה לַחֲסִידֶיךָ, וַתֹּאמֶר: "שִׁוִּיתִי עֵזֶר שמתי גבורה עַל גִּבּוֹר, הֲרִימוֹתִי בָחוּר מֵעָם מעל העם, המלכתי אותו.
- כא מָצָאתִי דָּוִד עַבְדִּי, בְּשֶׁמֶן קָדְשִׁי מְשַׁחְתִּיו.
- כב אֲשֶׁר יָדִי תִּכּוֹן עִמּוֹ תהיה תמיד מוכנה לבא לעזרתו, אַף זְרוֹעִי תְאַמְּצֶנּוּ.
- כג לֹא יַשִּׁיא יחריב (מלשון שואה) אוֹיֵב בּוֹ, וּבֶן עַוְלָה לֹא יְעַנֶּנּוּ.
- כד וְכַתּוֹתִי מִפָּנָיו צָרָיו, וּמְשַׂנְאָיו אֶגּוֹף ואת משנאיו אפיל במלחמה.
- כה וֶאֶמוּנָתִי וְחַסְדִּי עִמּוֹ, וּבִשְׁמִי תָּרוּם קַרְנוֹ.
- כו וְשַׂמְתִּי בַיָּם יָדוֹ את שליטתו, וּבַנְּהָרוֹת יְמִינוֹ.
- כז הוּא יִקְרָאֵנִי 'אָבִי אָתָּה, אֵלִי וְצוּר יְשׁוּעָתִי'.
- כח אַף אָנִי בְּכוֹר כמו בן בכור שאביו נותן לו אחריות על נחלתו אֶתְּנֵהוּ, עֶלְיוֹן לְמַלְכֵי אָרֶץ.
- כט לְעוֹלָם (אשמור) אֶשְׁמָר לוֹ חַסְדִּי, וּבְרִיתִי נֶאֱמֶנֶת לוֹ.
- ל וְשַׂמְתִּי לָעַד זַרְעוֹ, וְכִסְאוֹ כִּימֵי שָׁמָיִם לתקופת ארוכה כמו זמן קיומם של השמים.
- לא אִם יַעַזְבוּ בָנָיו תּוֹרָתִי, וּבְמִשְׁפָּטַי לֹא יֵלֵכוּן.
- לב אִם חֻקֹּתַי יְחַלֵּלוּ, וּמִצְוֺתַי לֹא יִשְׁמֹרוּ.
- לג וּפָקַדְתִּי בְשֵׁבֶט אעניש אותם במכות על ידי מקל פִּשְׁעָם, וּבִנְגָעִים עֲוֺנָם.
- לד וְחַסְדִּי אבל את חסדי (הבטחתי לשמור עליו) לֹא אָפִיר מֵעִמּוֹ, וְלֹא אֲשַׁקֵּר בֶּאֱמוּנָתִי.
- לה לֹא אֲחַלֵּל בְּרִיתִי, וּמוֹצָא שְׂפָתַי לֹא אֲשַׁנֶּה.
- לו אַחַת נִשְׁבַּעְתִּי בְקָדְשִׁי בי עצמי, קדוש ישראל: אִם לְדָוִד אֲכַזֵּב.
- לז זַרְעוֹ לְעוֹלָם יִהְיֶה, וְכִסְאוֹ כַשֶּׁמֶשׁ כל עוד שהשמש קיימת נֶגְדִּי.
- לח כְּיָרֵחַ יִכּוֹן עוֹלָם שנכון וקיים לעולם, וְעֵד בַּשַּׁחַק והירח הנמצא בשמים משמש כעד נֶאֱמָן", סֶלָה.
- לט וְאַתָּה זָנַחְתָּ וַתִּמְאָס, הִתְעַבַּרְתָּ עִם התנהגת בכעס מְשִׁיחֶךָ.
- מ נֵאַרְתָּה הרחקת בְּרִית עַבְדֶּךָ, חִלַּלְתָּ לָאָרֶץ נִזְרוֹ את כיתרו.
- מא פָּרַצְתָּ כָל גְּדֵרֹתָיו, שַׂמְתָּ מִבְצָרָיו מְחִתָּה להרס.
- מב שַׁסֻּהוּ בזזו אותו כָּל עֹבְרֵי דָרֶךְ, הָיָה חֶרְפָּה לִשְׁכֵנָיו.
- מג הֲרִימוֹתָ יְמִין צָרָיו, הִשְׂמַחְתָּ כָּל אוֹיְבָיו.
- מד אַף תָּשִׁיב צוּר חַרְבּוֹ את חרבו הקשה, וְלֹא הֲקֵימֹתוֹ בַּמִּלְחָמָה.
- מה הִשְׁבַּתָּ מִטְּהָרוֹ את זוהרו, וְכִסְאוֹ - לָאָרֶץ מִגַּרְתָּה הפלת.
- מו הִקְצַרְתָּ קיצרת יְמֵי עֲלוּמָיו, הֶעֱטִיתָ עָלָיו בּוּשָׁה, סֶלָה.
- מז עַד מָה יְהוָה תִּסָּתֵר לָנֶצַח, תִּבְעַר כְּמוֹ אֵשׁ חֲמָתֶךָ.
- מח זְכָר אֲנִי - מֶה חָלֶד כמה שנות חיי? עַל מַה שָּׁוְא לאיזו סיבה בָּרָאתָ כָל בְּנֵי אָדָם?
- מט מִי גֶבֶר יִחְיֶה וְלֹא יִרְאֶה מָּוֶת? יְמַלֵּט נַפְשׁוֹ מִיַּד שְׁאוֹל מהמוות (כלומר, בסוף כולם מתים ואם כן, מה תכלית החיים)? סֶלָה.
- נ אַיֵּה חֲסָדֶיךָ הָרִאשֹׁנִים אֲדֹנָי, נִשְׁבַּעְתָּ לְדָוִד בֶּאֱמוּנָתֶךָ.
- נא זְכֹר אֲדֹנָי חֶרְפַּת עֲבָדֶיךָ, שְׂאֵתִי בְחֵיקִי כיצד אני נושא בחיקי כָּל רַבִּים עַמִּים את כל החרפה שחרפו אותי עמים גדולים.
- נב אֲשֶׁר חֵרְפוּ זכור את החרפה אשר חרפו אותי אוֹיְבֶיךָ יְהוָה, אֲשֶׁר חֵרְפוּ עִקְּבוֹת מְשִׁיחֶךָ את דרכי משיחך (את דוד המלך והדרכים בהם הוא מושל על ישראל).
- נג בָּרוּךְ יְהוָה לְעוֹלָם, אָמֵן וְאָמֵן.
פסוקי הפרק
טקסטים נוספים העוסקים בפרק
פירושים ומאמרים על הפרק:
