משתמש:Dovi/נביאים וכתובים על פי המסורה/ספר תהלים/פז

שער מקרא · שער תורה · שער נביאים · שער כתובים · מקראי מועד · ויבינו במקרא (אודיו) · מידע על גופנים · English
תקציר המבוא למהדורה · המבוא המלא למהדורה · הערות הנוסח · הבסיס הטכני לפרויקט בגליון נתונים · GitHub · מדריך טכני · דיווח על טעות
♦ תורה: בראשית · שמות · ויקרא · במדבר · דברים ♦ נביאים: יהושע · שופטים · שמואל · מלכים · ישעיהו · ירמיהו · יחזקאל · תרי עשר ♦ כתובים: תהלים · משלי · איוב · שיר השירים · רות · איכה · קֹהלת · אסתר · דניאל · עזרא · דברי הימים

פז א לִבְנֵי־קֹ֭רַח מִזְמ֣וֹר שִׁ֑יר
  יְ֝סוּדָת֗וֹ בְּהַרְרֵי־קֹֽדֶשׁ׃
ב אֹהֵ֣ב יְ֭הֹוָה שַׁעֲרֵ֣י צִיּ֑וֹן
  מִ֝כֹּ֗ל מִשְׁכְּנ֥וֹת יַעֲקֹֽב׃
ג נִ֭כְבָּדוֹת מְדֻבָּ֣ר בָּ֑ךְ
  עִ֖יר הָאֱלֹהִ֣ים סֶֽלָה׃
ד אַזְכִּ֤יר ׀ רַ֥הַב וּבָבֶ֗ל לְֽיֹ֫דְעָ֥י
  הִנֵּ֤ה פְלֶ֣שֶׁת וְצֹ֣ר עִם־כּ֑וּשׁ
  זֶ֗֝ה יֻלַּד־שָֽׁם׃
ה וּ֥לְצִיּ֨וֹן ׀  יֵאָמַ֗ר אִ֣ישׁ וְ֭אִישׁ יֻלַּד־בָּ֑הּ
  וְה֖וּא יְכוֹנְנֶ֣הָ עֶלְיֽוֹן׃
ו יְֽהֹוָ֗ה יִ֭סְפֹּר בִּכְת֣וֹב עַמִּ֑ים
  זֶ֖ה יֻלַּד־שָׁ֣ם סֶֽלָה׃
ז וְשָׁרִ֥ים כְּחֹלְלִ֑ים
  כׇּֽל־מַעְיָנַ֥י בָּֽךְ׃

הפרק בלי מספרים

לִבְנֵי־קֹ֭רַח מִזְמ֣וֹר שִׁ֑יר
  יְ֝סוּדָת֗וֹ בְּהַרְרֵי־קֹֽדֶשׁ׃
אֹהֵ֣ב יְ֭הֹוָה שַׁעֲרֵ֣י צִיּ֑וֹן
  מִ֝כֹּ֗ל מִשְׁכְּנ֥וֹת יַעֲקֹֽב׃
נִ֭כְבָּדוֹת מְדֻבָּ֣ר בָּ֑ךְ
  עִ֖יר הָאֱלֹהִ֣ים סֶֽלָה׃
אַזְכִּ֤יר ׀ רַ֥הַב וּבָבֶ֗ל לְֽיֹ֫דְעָ֥י
  הִנֵּ֤ה פְלֶ֣שֶׁת וְצֹ֣ר עִם־כּ֑וּשׁ
  זֶ֗֝ה יֻלַּד־שָֽׁם׃
וּ֥לְצִיּ֨וֹן ׀  יֵאָמַ֗ר אִ֣ישׁ וְ֭אִישׁ יֻלַּד־בָּ֑הּ
  וְה֖וּא יְכוֹנְנֶ֣הָ עֶלְיֽוֹן׃
יְֽהֹוָ֗ה יִ֭סְפֹּר בִּכְת֣וֹב עַמִּ֑ים
  זֶ֖ה יֻלַּד־שָׁ֣ם סֶֽלָה׃
וְשָׁרִ֥ים כְּחֹלְלִ֑ים
  כׇּֽל־מַעְיָנַ֥י בָּֽךְ׃