מקרא מבואר/תצוגה/ספר דברים/פרשת שופטים

פָּרָשַׁת שֹׁפְטִים
מִקְרָא עַל־פִּי הַמָּסוֹרָה · "וַיָּבִינוּ בַּמִּקְרָא" (אוֹדְיוֹ)
מִקְרָא וְתַרְגּוּם וְרַשִׁ"י · מִקְרָא מְבוֹאָר
מִקְרָא וְתַרְגּוּם · שְׁנַֽיִם מִקְרָא וְאֶחָד תַּרְגּוּם
הבהרה: הטקסט מיובא כאן מתוך הדפים המקוריים של מקרא, תרגום (תאג') ו/או רש"י. נא להציע תיקונים והערות בדף השיחה בלבד.

ראשון

ס

פָּרָשַׁת הַשּׁוֹפְטִים

טז יח

שֹׁפְטִ֣ים וְשֹֽׁטְרִ֗ים תִּֽתֶּן־לְךָ֙ בְּכׇל־שְׁעָרֶ֔יךָ אֲשֶׁ֨ר יְהֹוָ֧ה אֱלֹהֶ֛יךָ נֹתֵ֥ן לְךָ֖ לִשְׁבָטֶ֑יךָ וְשָׁפְט֥וּ אֶת־הָעָ֖ם מִשְׁפַּט־צֶֽדֶק׃

מַנֵּה שׁוֹפְטִים וְשׁוֹטְרִים לִשְׁבָטֶיךָ בְּכָל עָרֶיךָ שֶׁה' אֱלֹהֶיךָ נוֹתֵן לְךָ, וְהֵם יִשְׁפְּטוּ אֶת הָעָם בְּמִשְׁפַּט צֶדֶק.

יט

לֹא־תַטֶּ֣ה מִשְׁפָּ֔ט לֹ֥א תַכִּ֖יר פָּנִ֑ים וְלֹא־תִקַּ֣ח שֹׁ֔חַד כִּ֣י הַשֹּׁ֗חַד יְעַוֵּר֙ עֵינֵ֣י חֲכָמִ֔ים וִֽיסַלֵּ֖ף דִּבְרֵ֥י צַדִּיקִֽם׃

אַל תְּעַוֵּת מִשְׁפָּט, אַל תִּתֵּן עֲדִיפוּת לְחָבֵר, וְאַל תִּקַּח שׁוֹחַד כִּי הַשּׁוֹחַד יְעַוֵּר עֵינֵי חֲכָמִים וִיסַלֵּף דְּבָרִים צוֹדְקִים.

כ

צֶ֥דֶק צֶ֖דֶק תִּרְדֹּ֑ף לְמַ֤עַן תִּֽחְיֶה֙ וְיָרַשְׁתָּ֣ אֶת־הָאָ֔רֶץ אֲשֶׁר־יְהֹוָ֥ה אֱלֹהֶ֖יךָ נֹתֵ֥ן לָֽךְ׃

תִּרְדּוֹף אַחַר הַצֶּדֶק כְּדֵי שֶׁתִּחְיֶה וְתִכְבּוֹשׁ אֶת הָאָרֶץ שֶׁה' אֱלֹהֶיךָ נוֹתֵן לְךָ.

ס

פָּרָשַׁת דֶּרֶךְ עֲבוֹדַת ה'

כא

לֹֽא־תִטַּ֥ע לְךָ֛ אֲשֵׁרָ֖ה כׇּל־עֵ֑ץ אֵ֗צֶל מִזְבַּ֛ח יְהֹוָ֥ה אֱלֹהֶ֖יךָ אֲשֶׁ֥ר תַּעֲשֶׂה־לָּֽךְ׃

אַל תִּטַּע לְךָ אֲשֵׁרָה – שׁוּם מִין שֶׁל עֵץ, לְיַד מִזְבַּח ה' אֱלֹהֶיךָ שֶׁתַּעֲשֶׂה לְךָ.

כב

וְלֹֽא־תָקִ֥ים לְךָ֖ מַצֵּבָ֑ה אֲשֶׁ֥ר שָׂנֵ֖א יְהֹוָ֥ה אֱלֹהֶֽיךָ׃

וְאַל תִּזְקוֹף אֶבֶן לְצוֹרֶךְ עֲבוֹדָה לְאֵל – מַה שֶּׁה' אֱלֹהֶיךָ שׂוֹנֵא.

ס

יז א

לֹא־תִזְבַּח֩ לַיהֹוָ֨ה אֱלֹהֶ֜יךָ שׁ֣וֹר וָשֶׂ֗ה אֲשֶׁ֨ר יִהְיֶ֥ה בוֹ֙ מ֔וּם כֹּ֖ל דָּבָ֣ר רָ֑ע כִּ֧י תוֹעֲבַ֛ת יְהֹוָ֥ה אֱלֹהֶ֖יךָ הֽוּא׃

אַל תִּשְׁחַט לַה' אֱלֹהֶיךָ שׁוֹר אוֹ שֶׂה שֶׁיֵּשׁ בּוֹ מוּם – כָּל דָּבָר רָע, כִּי זֶה תּוֹעֵבָה לַה' אֱלֹהֶיךָ.

ס

פָּרָשַׁת עֲבוֹדָה זָרָה

ב

כִּֽי־יִמָּצֵ֤א בְקִרְבְּךָ֙ בְּאַחַ֣ד שְׁעָרֶ֔יךָ אֲשֶׁר־יְהֹוָ֥ה אֱלֹהֶ֖יךָ נֹתֵ֣ן לָ֑ךְ אִ֣ישׁ אוֹ־אִשָּׁ֗ה אֲשֶׁ֨ר יַעֲשֶׂ֧ה אֶת־הָרַ֛ע בְּעֵינֵ֥י יְהֹוָה־אֱלֹהֶ֖יךָ לַעֲבֹ֥ר בְּרִיתֽוֹ׃

אִם יִמָּצֵא אֶצְלְךָ בְּאַחַת מֵעָרֶיךָ שֶׁה' אֱלֹהֶיךָ נוֹתֵן לְךָ, אִישׁ אוֹ אִשָּׁה שֶׁיַּעֲשֶׂה אֶת הָרַע בְּעֵינֵי ה' אֱלֹהֶיךָ לַעֲבוֹר עַל הַהֶסְכֵּם אִתּוֹ.

ג

וַיֵּ֗לֶךְ וַֽיַּעֲבֹד֙ אֱלֹהִ֣ים אֲחֵרִ֔ים וַיִּשְׁתַּ֖חוּ לָהֶ֑ם וְלַשֶּׁ֣מֶשׁ ׀ א֣וֹ לַיָּרֵ֗חַ א֛וֹ לְכׇל־צְבָ֥א הַשָּׁמַ֖יִם אֲשֶׁ֥ר לֹא־צִוִּֽיתִי׃

וְהָלַךְ וְעָבַד אֱלֹהִים אֲחֵרִים וְהִשְׁתַּחֲוָה לָהֶם –לַשֶּׁמֶשׁ אוֹ לַיָּרֵחַ אוֹ לְכָל גַּרְמֵי הַשָּׁמַיִם שֶׁצִּוִּיתִי לֹא לַעֲבוֹד אוֹתָם.

ד

וְהֻֽגַּד־לְךָ֖ וְשָׁמָ֑עְתָּ וְדָרַשְׁתָּ֣ הֵיטֵ֔ב וְהִנֵּ֤ה אֱמֶת֙ נָכ֣וֹן הַדָּבָ֔ר נֶעֶשְׂתָ֛ה הַתּוֹעֵבָ֥ה הַזֹּ֖את בְּיִשְׂרָאֵֽל׃

וְסִפְּרוּ לְךָ וְשָׁמָעְתָּ, וְחָקַרְתָּ הֵיטֵב וְהִנֵּה הַדָּבָר אֱמֶת וְנָכוֹן – הַתּוֹעֵבָה הַזֹּאת נֶעֶשְׂתָה בְּיִשְׂרָאֵל.

ה

וְהֽוֹצֵאתָ֣ אֶת־הָאִ֣ישׁ הַה֡וּא אוֹ֩ אֶת־הָאִשָּׁ֨ה הַהִ֜וא אֲשֶׁ֣ר עָ֠שׂ֠וּ אֶת־הַדָּבָ֨ר הָרָ֤ע הַזֶּה֙ אֶל־שְׁעָרֶ֔יךָ אֶת־הָאִ֕ישׁ א֖וֹ אֶת־הָאִשָּׁ֑ה וּסְקַלְתָּ֥ם בָּאֲבָנִ֖ים וָמֵֽתוּ׃

תּוֹצִיא לְבֵית הַדִּין אֶת הָאִישׁ הַהוּא אוֹ אֶת הָאִשָּׁה הַהִיא שֶׁעָשׂוּ אֶת הַדָּבָר הָרָע הַזֶּה, וְתִסְקוֹל אוֹתָם בָּאֲבָנִים וְיָמוּתוּ.

ו

עַל־פִּ֣י ׀ שְׁנַ֣יִם עֵדִ֗ים א֛וֹ שְׁלֹשָׁ֥ה עֵדִ֖ים יוּמַ֣ת הַמֵּ֑ת לֹ֣א יוּמַ֔ת עַל־פִּ֖י עֵ֥ד אֶחָֽד׃

עַל פִּי שְׁנֵי עֵדִים אוֹ שְׁלוֹשָׁה עֵדִים יֵהָרֵג הַנִּדּוֹן לְמִיתָה, הוּא לֹא יֵהָרֵג עַל פִּי עֵד אֶחָד.

ז

יַ֣ד הָעֵדִ֞ים תִּֽהְיֶה־בּ֤וֹ בָרִאשֹׁנָה֙ לַהֲמִית֔וֹ וְיַ֥ד כׇּל־הָעָ֖ם בָּאַחֲרֹנָ֑ה וּבִֽעַרְתָּ֥ הָרָ֖ע מִקִּרְבֶּֽךָ׃

יַד הָעֵדִים תִּפְגַּע בּוֹ תְּחִלָּה לְהָרְגוֹ וְאַחַר כָּךְ יַד כָּל הָעָם, וּתְבַעֵר מִתּוֹכְךָ אֶת הָרָע.

פ

פָּרָשַׁת בֵּית דִּין הַגָּדוֹל

ח

כִּ֣י יִפָּלֵא֩ מִמְּךָ֨ דָבָ֜ר לַמִּשְׁפָּ֗ט בֵּֽין־דָּ֨ם ׀ לְדָ֜ם בֵּֽין־דִּ֣ין לְדִ֗ין וּבֵ֥ין נֶ֙גַע֙ לָנֶ֔גַע דִּבְרֵ֥י רִיבֹ֖ת בִּשְׁעָרֶ֑יךָ וְקַמְתָּ֣ וְעָלִ֔יתָ אֶ֨ל־הַמָּק֔וֹם אֲשֶׁ֥ר יִבְחַ֛ר יְהֹוָ֥ה אֱלֹהֶ֖יךָ בּֽוֹ׃

אִם יֵעָלֵם מִמְּךָ מַה הַדִּין בַּמִּשְׁפָּט, אִם לְהָמִית אוֹ לֹא, אוֹ אִם לְחַיֵּב מָמוֹן אוֹ לֹא, אוֹ בֵּין נֶגַע טָמֵא לְטָהוֹר, אוֹ שֶׁתִּפּוֹל מַחֲלוֹקֶת בְּבֵית דִּין בְּעִירְךָ, תָּקוּם וְתַעֲלֶה לַמָּקוֹם שֶׁה' אֱלֹהֶיךָ יִבְחַר בּוֹ.

ט

וּבָאתָ֗ אֶל־הַכֹּהֲנִים֙ הַלְוִיִּ֔ם וְאֶ֨ל־הַשֹּׁפֵ֔ט אֲשֶׁ֥ר יִהְיֶ֖ה בַּיָּמִ֣ים הָהֵ֑ם וְדָרַשְׁתָּ֙ וְהִגִּ֣ידוּ לְךָ֔ אֵ֖ת דְּבַ֥ר הַמִּשְׁפָּֽט׃

תָּבוֹא לַכֹּהֲנִים הַלְוִיִּים וְלַשּׁוֹפֵט שֶׁיִּהְיֶה בַּיָּמִים הָהֵם, תִּשְׁאַל וְיַגִּידוּ לְךָ אֶת דְּבַר הַמִּשְׁפָּט.

י

וְעָשִׂ֗יתָ עַל־פִּ֤י הַדָּבָר֙ אֲשֶׁ֣ר יַגִּ֣ידֽוּ לְךָ֔ מִן־הַמָּק֣וֹם הַה֔וּא אֲשֶׁ֖ר יִבְחַ֣ר יְהֹוָ֑ה וְשָׁמַרְתָּ֣ לַעֲשׂ֔וֹת כְּכֹ֖ל אֲשֶׁ֥ר יוֹרֽוּךָ׃

תִּנְהַג עַל פִּי הַדָּבָר שֶׁיַּגִּידוּ לְךָ מֵהַמָּקוֹם הַהוּא שֶׁה' יִבְחַר, וְתַקְפִּיד לַעֲשׂוֹת כְּכָל מַה שֶּׁיּוֹרוּךָ.

יא

עַל־פִּ֨י הַתּוֹרָ֜ה אֲשֶׁ֣ר יוֹר֗וּךָ וְעַל־הַמִּשְׁפָּ֛ט אֲשֶׁר־יֹאמְר֥וּ לְךָ֖ תַּעֲשֶׂ֑ה לֹ֣א תָס֗וּר מִן־הַדָּבָ֛ר אֲשֶׁר־יַגִּ֥ידֽוּ לְךָ֖ יָמִ֥ין וּשְׂמֹֽאל׃

עַל פִּי הַהוֹרָאָה שֶׁיּוֹרוּ לְךָ וּלְפִי הַמִּשְׁפָּט שֶׁיֹּאמְרוּ לְךָ – תַּעֲשֶׂה, אַל תָּסוּר מֵהַדָּבָר שֶׁיַּגִּידוּ לְךָ יָמִינָה אוֹ שְׂמֹאלָה.

יב

וְהָאִ֞ישׁ אֲשֶׁר־יַעֲשֶׂ֣ה בְזָד֗וֹן לְבִלְתִּ֨י שְׁמֹ֤עַ אֶל־הַכֹּהֵן֙ הָעֹמֵ֞ד לְשָׁ֤רֶת שָׁם֙ אֶת־יְהֹוָ֣ה אֱלֹהֶ֔יךָ א֖וֹ אֶל־הַשֹּׁפֵ֑ט וּמֵת֙ הָאִ֣ישׁ הַה֔וּא וּבִֽעַרְתָּ֥ הָרָ֖ע מִיִּשְׂרָאֵֽל׃

וְהָאִישׁ שֶׁיַּעֲשֶׂה בְּרִשְׁעוּת וְלֹא יִשְׁמַע לַכֹּהֵן שֶׁעוֹמֵד שָׁם לְשָׁרֵת אֶת ה' אֱלֹהֶיךָ, אוֹ לַשּׁוֹפֵט – הָאִישׁ הַהוּא יָמוּת, וּתְבַעֵר אֶת הָרָע מִיִּשְׂרָאֵל.

יג

וְכׇל־הָעָ֖ם יִשְׁמְע֣וּ וְיִרָ֑אוּ וְלֹ֥א יְזִיד֖וּן עֽוֹד׃

וְכָל הָעָם יִשְׁמְעוּ וְיִפְחֲדוּ וְלֹא יַרְשִׁיעוּ עוֹד.

שני

ס

פָּרָשַׁת הַמֶּלֶךְ

יד

כִּֽי־תָבֹ֣א אֶל־הָאָ֗רֶץ אֲשֶׁ֨ר יְהֹוָ֤ה אֱלֹהֶ֙יךָ֙ נֹתֵ֣ן לָ֔ךְ וִֽירִשְׁתָּ֖הּ וְיָשַׁ֣בְתָּה בָּ֑הּ וְאָמַרְתָּ֗ אָשִׂ֤ימָה עָלַי֙ מֶ֔לֶךְ כְּכׇל־הַגּוֹיִ֖ם אֲשֶׁ֥ר סְבִיבֹתָֽי׃

כְּשֶׁתָּבוֹא לָאָרֶץ שֶׁה' אֱלֹהֶיךָ נוֹתֵן לְךָ, וְתִכְבּוֹשׁ אוֹתָהּ וְתִתְיַשֵּׁב בָּהּ, וְתֹאמַר אַמְלִיךְ עָלַי מֶלֶךְ כְּכָל הָעַמִּים שֶׁסְּבִיבִי.

טו

שׂ֣וֹם תָּשִׂ֤ים עָלֶ֙יךָ֙ מֶ֔לֶךְ אֲשֶׁ֥ר יִבְחַ֛ר יְהֹוָ֥ה אֱלֹהֶ֖יךָ בּ֑וֹ מִקֶּ֣רֶב אַחֶ֗יךָ תָּשִׂ֤ים עָלֶ֙יךָ֙ מֶ֔לֶךְ לֹ֣א תוּכַ֗ל לָתֵ֤ת עָלֶ֙יךָ֙ אִ֣ישׁ נׇכְרִ֔י אֲשֶׁ֥ר לֹֽא־אָחִ֖יךָ הֽוּא׃

מַנֵּה עָלֶיךָ מֶלֶךְ שֶׁה' אֱלֹהֶיךָ יִבְחַר בּוֹ, תָּשִׂים עָלֶיךָ מֶלֶךְ מִתּוֹךְ אַחֶיךָ – אֵינְךָ רַשָּׁאי לְמַנּוֹת עָלֶיךָ אִישׁ זָר שֶׁאֵינוֹ אָחִיךָ.

טז

רַק֮ לֹא־יַרְבֶּה־לּ֣וֹ סוּסִים֒ וְלֹֽא־יָשִׁ֤יב אֶת־הָעָם֙ מִצְרַ֔יְמָה לְמַ֖עַן הַרְבּ֣וֹת ס֑וּס וַֽיהֹוָה֙ אָמַ֣ר לָכֶ֔ם לֹ֣א תֹסִפ֗וּן לָשׁ֛וּב בַּדֶּ֥רֶךְ הַזֶּ֖ה עֽוֹד׃

רַק שֶׁלֹּא יַרְבֶּה לוֹ סוּסִים, כְּדֵי שֶׁלֹּא יַחֲזִיר אֶת הָעָם לְמִצְרַיִם כְּדֵי לְהַרְבּוֹת סוּסִים, וַה' אָמַר לָכֶם אַל תַּחְזְרוּ בַּדֶּרֶךְ הַזּוֹ שׁוּב.

יז

וְלֹ֤א יַרְבֶּה־לּוֹ֙ נָשִׁ֔ים וְלֹ֥א יָס֖וּר לְבָב֑וֹ וְכֶ֣סֶף וְזָהָ֔ב לֹ֥א יַרְבֶּה־לּ֖וֹ מְאֹֽד׃

וְלֹא יַרְבֶּה לוֹ נָשִׁים כְּדֵי שֶׁלֹּא יִתְפַּתֶּה לַעֲבוֹר עֲבֵרוֹת בִּגְלָלָן, וְלֹא יַרְבֶּה לוֹ מְאוֹד כֶּסֶף וְזָהָב.

יח

וְהָיָ֣ה כְשִׁבְתּ֔וֹ עַ֖ל כִּסֵּ֣א מַמְלַכְתּ֑וֹ וְכָ֨תַב ל֜וֹ אֶת־מִשְׁנֵ֨ה הַתּוֹרָ֤ה הַזֹּאת֙ עַל־סֵ֔פֶר מִלִּפְנֵ֖י הַכֹּהֲנִ֥ים הַלְוִיִּֽם׃

וּכְשֶׁיֵּשֵׁב עַל כִּסֵּא מַמְלַכְתּוֹ יִכְתּוֹב לוֹ עוֹתֶק שֶׁל הַתּוֹרָה הַזֹּאת עַל סֵפֶר – מֵהַסֵּפֶר שֶׁלִּפְנֵי הַכֹּהֲנִים הַלְוִיִּים.

יט

וְהָיְתָ֣ה עִמּ֔וֹ וְקָ֥רָא ב֖וֹ כׇּל־יְמֵ֣י חַיָּ֑יו לְמַ֣עַן יִלְמַ֗ד לְיִרְאָה֙ אֶת־יְהֹוָ֣ה אֱלֹהָ֔יו לִ֠שְׁמֹ֠ר אֶֽת־כׇּל־דִּבְרֵ֞י הַתּוֹרָ֥ה הַזֹּ֛את וְאֶת־הַחֻקִּ֥ים הָאֵ֖לֶּה לַעֲשֹׂתָֽם׃

וְהַתּוֹרָה תִּהְיֶה אִתּוֹ וְהוּא יִקְרָא בַּסֵּפֶר כָּל יְמֵי חַיָּיו, כְּדֵי שֶׁיִּלְמַד לְכַבֵּד אֶת ה' אֱלֹהָיו וְיַקְפִּיד עַל כָּל דִּבְרֵי הַתּוֹרָה הַזֹּאת וְעַל הַחֻקִּים הָאֵלֶּה לַעֲשׂוֹת אוֹתָם.

כ

לְבִלְתִּ֤י רוּם־לְבָבוֹ֙ מֵֽאֶחָ֔יו וּלְבִלְתִּ֛י ס֥וּר מִן־הַמִּצְוָ֖ה יָמִ֣ין וּשְׂמֹ֑אול לְמַ֩עַן֩ יַאֲרִ֨יךְ יָמִ֧ים עַל־מַמְלַכְתּ֛וֹ ה֥וּא וּבָנָ֖יו בְּקֶ֥רֶב יִשְׂרָאֵֽל׃

כְּדֵי שֶׁלֹּא יִתְגָּאֶה בִּלְבָבוֹ עַל אֶחָיו וְשֶׁלֹּא יִסְטֶה מִקִּיּוּם הַמִּצְווֹת יָמִינָה אוֹ שְׂמֹאלָה, כְּדֵי שֶׁיַּאֲרִיךְ יָמִים עַל מַמְלַכְתּוֹ הוּא וּבָנָיו בְּתוֹךְ יִשְׂרָאֵל.

שלישי

ס

פָּרָשַׁת מַתְּנוֹת כְּהֻנָּה

יח א

לֹֽא־יִ֠הְיֶ֠ה לַכֹּהֲנִ֨ים הַלְוִיִּ֜ם כׇּל־שֵׁ֧בֶט לֵוִ֛י חֵ֥לֶק וְנַחֲלָ֖ה עִם־יִשְׂרָאֵ֑ל אִשֵּׁ֧י יְהֹוָ֛ה וְנַחֲלָת֖וֹ יֹאכֵלֽוּן׃

לַכֹּהֲנִים הַלְוִיִּים וּלְכָל שֵׁבֶט לֵוִי לֹא יִהְיֶה חֵלֶק וְנַחֲלָה בָּאָרֶץ עִם יִשְׂרָאֵל, אֶלָּא הֵם יֹאכְלוּ מִקָּרְבְּנוֹת ה' וּמֵחֶלְקוֹ.

ב

וְנַחֲלָ֥ה לֹא־יִֽהְיֶה־לּ֖וֹ בְּקֶ֣רֶב אֶחָ֑יו יְהֹוָה֙ ה֣וּא נַחֲלָת֔וֹ כַּאֲשֶׁ֖ר דִּבֶּר־לֽוֹ׃

לֹא יִהְיֶה לְשֵׁבֶט לֵוִי נַחֲלָה שֶׁל קַרְקַע בְּתוֹךְ אֶחָיו, אֶלָּא ה' הוּא נַחֲלָתוֹ כְּמוֹ שֶׁצִּוָּה עָלָיו.

ס

ג

וְזֶ֡ה יִהְיֶה֩ מִשְׁפַּ֨ט הַכֹּהֲנִ֜ים מֵאֵ֣ת הָעָ֗ם מֵאֵ֛ת זֹבְחֵ֥י הַזֶּ֖בַח אִם־שׁ֣וֹר אִם־שֶׂ֑ה וְנָתַן֙ לַכֹּהֵ֔ן הַזְּרֹ֥עַ וְהַלְּחָיַ֖יִם וְהַקֵּבָֽה׃

וְזֶה יִהְיֶה דִּין הַכֹּהֲנִים שֶׁיְּקַבְּלוּ מֵהָעָם – מֵאֵלֶּה שֶׁשּׁוֹחֲטִים שׁוֹר אוֹ שֶׂה: הַשּׁוֹחֵט יִתֵּן לַכֹּהֵן אֶת הַזְּרוֹעַ הַלְּחָיַיִם וְהַקֵּבָה.

ד

רֵאשִׁ֨ית דְּגָֽנְךָ֜ תִּירֹשְׁךָ֣ וְיִצְהָרֶ֗ךָ וְרֵאשִׁ֛ית גֵּ֥ז צֹאנְךָ֖ תִּתֶּן־לֽוֹ׃

תִּתֶּן לוֹ תְּחִלָּה מִתְּבוּאָתְךָ וְיֵינְךָ וְשַׁמְנְךָ, וְאֶת תְּחִלַּת גְּזִיזַת צֹאנְךָ.

ה

כִּ֣י ב֗וֹ בָּחַ֛ר יְהֹוָ֥ה אֱלֹהֶ֖יךָ מִכׇּל־שְׁבָטֶ֑יךָ לַעֲמֹ֨ד לְשָׁרֵ֧ת בְּשֵׁם־יְהֹוָ֛ה ה֥וּא וּבָנָ֖יו כׇּל־הַיָּמִֽים׃

כִּי ה' אֱלֹהֶיךָ בָּחַר בּוֹ מִכָּל שְׁבָטֶיךָ לַעֲמוֹד לְשָׁרֵת בְּשֵׁם ה' – הוּא וּבָנָיו, כָּל הַיָּמִים.

רביעי

ס

ו

וְכִֽי־יָבֹ֨א הַלֵּוִ֜י מֵאַחַ֤ד שְׁעָרֶ֙יךָ֙ מִכׇּל־יִשְׂרָאֵ֔ל אֲשֶׁר־ה֖וּא גָּ֣ר שָׁ֑ם וּבָא֙ בְּכׇל־אַוַּ֣ת נַפְשׁ֔וֹ אֶל־הַמָּק֖וֹם אֲשֶׁר־יִבְחַ֥ר יְהֹוָֽה׃

כְּשֶׁלֵּוִי יָבוֹא מֵאַחַת מֵעָרֶיךָ שֶׁבְּכָל יִשְׂרָאֵל שֶׁהוּא גָּר שָׁם לַמָּקוֹם שֶׁה' יִבְחַר – הוּא יָבוֹא כְּכָל שֶׁיַּחְפּוֹץ.

ז

וְשֵׁרֵ֕ת בְּשֵׁ֖ם יְהֹוָ֣ה אֱלֹהָ֑יו כְּכׇל־אֶחָיו֙ הַלְוִיִּ֔ם הָעֹמְדִ֥ים שָׁ֖ם לִפְנֵ֥י יְהֹוָֽה׃

וְהוּא יְשָׁרֵת בְּשֵׁם ה' אֱלֹהָיו כְּכָל אֶחָיו הַלְוִיִּים שֶׁעוֹמְדִים שָׁם לִפְנֵי ה'.

ח

חֵ֥לֶק כְּחֵ֖לֶק יֹאכֵ֑לוּ לְבַ֥ד מִמְכָּרָ֖יו עַל־הָאָבֽוֹת׃

הַכּוֹהֲנִים יִתְחַלְּקוּ בְּשָׁוֶה בַּאֲכִילַת הַקָּרְבָּנוֹת, חוּץ מִמַּה שֶּׁהַמִּשְׁפָּחוֹת מוֹכְרוֹת זוֹ לָזוֹ שֶׁיְּקַבְּלוּ אֶת חֶלְקָם בְּתוֹרָם.

ס

ט

כִּ֤י אַתָּה֙ בָּ֣א אֶל־הָאָ֔רֶץ אֲשֶׁר־יְהֹוָ֥ה אֱלֹהֶ֖יךָ נֹתֵ֣ן לָ֑ךְ לֹֽא־תִלְמַ֣ד לַעֲשׂ֔וֹת כְּתוֹעֲבֹ֖ת הַגּוֹיִ֥ם הָהֵֽם׃

כְּשֶׁתָּבוֹא לָאָרֶץ שֶׁה' אֱלֹהֶיךָ נוֹתֵן לְךָ, אַל תִּלְמַד לַעֲשׂוֹת כְּמוֹ הַתּוֹעֲבוֹת שֶׁל אוֹתָם עַמִּים.

י

לֹֽא־יִמָּצֵ֣א בְךָ֔ מַעֲבִ֥יר בְּנֽוֹ־וּבִתּ֖וֹ בָּאֵ֑שׁ קֹסֵ֣ם קְסָמִ֔ים מְעוֹנֵ֥ן וּמְנַחֵ֖שׁ וּמְכַשֵּֽׁף׃

לֹא יִהְיֶה בָּכֶם מִי שֶׁמַּעֲבִיר אֶת בְּנוֹ אוֹ בִּתּוֹ בָּאֵשׁ, מַגִּיד עֲתִידוֹת, אוֹחֵז עֵינַיִם, נוֹתֵן הַדְרָכוֹת עַל פִּי סִימָנִים, אוֹ מְכַשֵּׁף.

יא

וְחֹבֵ֖ר חָ֑בֶר וְשֹׁאֵ֥ל אוֹב֙ וְיִדְּעֹנִ֔י וְדֹרֵ֖שׁ אֶל־הַמֵּתִֽים׃

מְהַפְּנֵט נְחָשִׁים, מַעֲלֶה רוּחוֹת שֶׁל מֵתִים, מַגִּיד עֲתִידוֹת בְּכִשּׁוּף, אוֹ פּוֹנֶה אֶל מֵתִים.

יב

כִּֽי־תוֹעֲבַ֥ת יְהֹוָ֖ה כׇּל־עֹ֣שֵׂה אֵ֑לֶּה וּבִגְלַל֙ הַתּוֹעֵבֹ֣ת הָאֵ֔לֶּה יְהֹוָ֣ה אֱלֹהֶ֔יךָ מוֹרִ֥ישׁ אוֹתָ֖ם מִפָּנֶֽיךָ׃

כִּי כָּל עוֹשֵׂי הַדְּבָרִים הָאֵלֶּה הֵם תּוֹעֵבָה לַה', וּבִגְלַל הַתּוֹעֵבוֹת הָאֵלֶּה ה' אֱלֹהֶיךָ מַשְׁמִיד אוֹתָם מִלְּפָנֶיךָ.

יג

תָּמִ֣ים תִּֽהְיֶ֔ה עִ֖ם יְהֹוָ֥ה אֱלֹהֶֽיךָ׃

הֱיֵה שָׁלֵם בֶּאֱמוּנָתְךָ בַּה' אֱלֹהֶיךָ.

חמישי

יד

כִּ֣י ׀ הַגּוֹיִ֣ם הָאֵ֗לֶּה אֲשֶׁ֤ר אַתָּה֙ יוֹרֵ֣שׁ אוֹתָ֔ם אֶל־מְעֹנְנִ֥ים וְאֶל־קֹסְמִ֖ים יִשְׁמָ֑עוּ וְאַתָּ֕ה לֹ֣א כֵ֔ן נָ֥תַן לְךָ֖ יְהֹוָ֥ה אֱלֹהֶֽיךָ׃

כִּי הָעַמִּים הָאֵלֶּה שֶׁאַתָּה כּוֹבֵשׁ אוֹתָם שׁוֹמְעִים בְּקוֹל אוֹחֲזֵי עֵינַיִם וְמַגִּידֵי עֲתִידוֹת, וְאִלּוּ אַתָּה – לֹא כָּךְ נָתַן לְךָ ה' אֱלֹהֶיךָ.

טו

נָבִ֨יא מִקִּרְבְּךָ֤ מֵאַחֶ֙יךָ֙ כָּמֹ֔נִי יָקִ֥ים לְךָ֖ יְהֹוָ֣ה אֱלֹהֶ֑יךָ אֵלָ֖יו תִּשְׁמָעֽוּן׃

אֶלָּא, ה' אֱלֹהֶיךָ יָקִים לְךָ נָבִיא מִתּוֹךְ אֲנָשֶׁיךָ מֵאַחֶיךָ – כָּמוֹנִי, אֵלָיו תִּשְׁמְעוּ.

טז

כְּכֹ֨ל אֲשֶׁר־שָׁאַ֜לְתָּ מֵעִ֨ם יְהֹוָ֤ה אֱלֹהֶ֙יךָ֙ בְּחֹרֵ֔ב בְּי֥וֹם הַקָּהָ֖ל לֵאמֹ֑ר לֹ֣א אֹסֵ֗ף לִשְׁמֹ֙עַ֙ אֶת־קוֹל֙ יְהֹוָ֣ה אֱלֹהָ֔י וְאֶת־הָאֵ֨שׁ הַגְּדֹלָ֥ה הַזֹּ֛את לֹֽא־אֶרְאֶ֥ה ע֖וֹד וְלֹ֥א אָמֽוּת׃

כְּמוֹ שֶׁבִּקַּשְׁתָּ מֵה' אֱלֹהֶיךָ בְּחוֹרֵב בְּיוֹם הִתְכַּנְּסוּת הַקָּהָל: "לֹא אוֹסִיף לִשְׁמוֹעַ אֶת קוֹל ה' אֱלֹהַי וְלֹא אֶרְאֶה עוֹד אֶת הָאֵשׁ הַגְּדוֹלָה הַזֹּאת, וְלֹא אָמוּת".

יז

וַיֹּ֥אמֶר יְהֹוָ֖ה אֵלָ֑י הֵיטִ֖יבוּ אֲשֶׁ֥ר דִּבֵּֽרוּ׃

וַה' אָמַר לִי: טוֹב עָשׂוּ בְּמַה שֶּׁאָמְרוּ.

יח

נָבִ֨יא אָקִ֥ים לָהֶ֛ם מִקֶּ֥רֶב אֲחֵיהֶ֖ם כָּמ֑וֹךָ וְנָתַתִּ֤י דְבָרַי֙ בְּפִ֔יו וְדִבֶּ֣ר אֲלֵיהֶ֔ם אֵ֖ת כׇּל־אֲשֶׁ֥ר אֲצַוֶּֽנּוּ׃

לָכֵן אַעֲמִיד לָהֶם נָבִיא מִתּוֹךְ אֲחֵיהֶם – כָּמוֹךָ, וְאָשִׂים אֶת דְּבָרַי בְּפִיו וְהוּא יְדַבֵּר אֲלֵיהֶם אֶת כָּל מַה שֶּׁאֲצַוֶּה אוֹתוֹ.

יט

וְהָיָ֗ה הָאִישׁ֙ אֲשֶׁ֤ר לֹֽא־יִשְׁמַע֙ אֶל־דְּבָרַ֔י אֲשֶׁ֥ר יְדַבֵּ֖ר בִּשְׁמִ֑י אָנֹכִ֖י אֶדְרֹ֥שׁ מֵעִמּֽוֹ׃

וְהָאִישׁ שֶׁלֹּא יִשְׁמַע לִדְבָרַי שֶׁהַנָּבִיא יְדַבֵּר בִּשְׁמִי, אֲנִי אֶתְבַּע אֶת עָנְשׁוֹ.

כ

אַ֣ךְ הַנָּבִ֡יא אֲשֶׁ֣ר יָזִיד֩ לְדַבֵּ֨ר דָּבָ֜ר בִּשְׁמִ֗י אֵ֣ת אֲשֶׁ֤ר לֹֽא־צִוִּיתִיו֙ לְדַבֵּ֔ר וַאֲשֶׁ֣ר יְדַבֵּ֔ר בְּשֵׁ֖ם אֱלֹהִ֣ים אֲחֵרִ֑ים וּמֵ֖ת הַנָּבִ֥יא הַהֽוּא׃

אֲבָל הַנָּבִיא שֶׁיַּרְשִׁיע וִידַבֵּר בִּשְׁמִי דָּבָר שֶׁלֹּא צִוִּיתִי אוֹתוֹ לְדַבֵּר, אוֹ שֶׁיְּדַבֵּר בְּשֵׁם אֱלֹהִים אֲחֵרִים – הַנָּבִיא הַהוּא יָמוּת.

כא

וְכִ֥י תֹאמַ֖ר בִּלְבָבֶ֑ךָ אֵיכָה֙ נֵדַ֣ע אֶת־הַדָּבָ֔ר אֲשֶׁ֥ר לֹא־דִבְּר֖וֹ יְהֹוָֽה׃

וְאִם תִּשְׁאַל אֶת עַצְמְךָ: אֵיךְ נְזַהֶה אֶת הַדָּבָר שֶׁה' לֹא אָמַר אוֹתוֹ?

כב

אֲשֶׁר֩ יְדַבֵּ֨ר הַנָּבִ֜יא בְּשֵׁ֣ם יְהֹוָ֗ה וְלֹֽא־יִהְיֶ֤ה הַדָּבָר֙ וְלֹ֣א יָבֹ֔א ה֣וּא הַדָּבָ֔ר אֲשֶׁ֥ר לֹא־דִבְּר֖וֹ יְהֹוָ֑ה בְּזָדוֹן֙ דִּבְּר֣וֹ הַנָּבִ֔יא לֹ֥א תָג֖וּר מִמֶּֽנּוּ׃

דָּבָר שֶׁהַנָּבִיא יֹאמַר בְּשֵׁם ה' וְלֹא יִתְקַיֵּם וְלֹא יִקְרֶה – הוּא דָּבָר שֶׁלֹּא ה' אֲמָרוֹ, הַנָּבִיא אָמַר אוֹתוֹ בְּרִשְׁעוּת, אַל תִּפְחַד מִמֶּנּוּ לְהָרְגוֹ.

ס

פָּרָשַׁת מַתְּנוֹת כְּהֻנָּה

יט א

כִּֽי־יַכְרִ֞ית יְהֹוָ֤ה אֱלֹהֶ֙יךָ֙ אֶת־הַגּוֹיִ֔ם אֲשֶׁר֙ יְהֹוָ֣ה אֱלֹהֶ֔יךָ נֹתֵ֥ן לְךָ֖ אֶת־אַרְצָ֑ם וִֽירִשְׁתָּ֕ם וְיָשַׁבְתָּ֥ בְעָרֵיהֶ֖ם וּבְבָתֵּיהֶֽם׃

כְּשֶׁה' אֱלֹהֶיךָ יַשְׁמִיד אֶת הָעַמִּים שֶׁהוּא נוֹתֵן לְךָ אֶת אַרְצָם וְתִכְבּוֹשׁ אוֹתָם וְתִתְיַשֵּׁב בְּעָרֵיהֶם וּבְבָתֵּיהֶם.

ב

שָׁל֥וֹשׁ עָרִ֖ים תַּבְדִּ֣יל לָ֑ךְ בְּת֣וֹךְ אַרְצְךָ֔ אֲשֶׁר֙ יְהֹוָ֣ה אֱלֹהֶ֔יךָ נֹתֵ֥ן לְךָ֖ לְרִשְׁתָּֽהּ׃

תַּבְדִּיל לְךָ שָׁלוֹשׁ עָרִים בְּתוֹךְ אַרְצְךָ שֶׁה' אֱלֹהֶיךָ נוֹתֵן לְךָ לִכְבּוֹשׁ אוֹתָהּ.

ג

תָּכִ֣ין לְךָ֮ הַדֶּ֒רֶךְ֒ וְשִׁלַּשְׁתָּ֙ אֶת־גְּב֣וּל אַרְצְךָ֔ אֲשֶׁ֥ר יַנְחִֽילְךָ֖ יְהֹוָ֣ה אֱלֹהֶ֑יךָ וְהָיָ֕ה לָנ֥וּס שָׁ֖מָּה כׇּל־רֹצֵֽחַ׃

תָּכִין לְךָ דֶּרֶךְ נוֹחָה אֲלֵיהֶם, וּתְחַלֵּק אֶת שֶׁטַח אַרְצְךָ שֶׁה' אֱלֹהֶיךָ יַנְחִיל לְךָ לִשְׁלוֹשָׁה – עִיר לְכָל חֵלֶק, וְכָל רוֹצֵחַ יוּכַל לִבְרוֹחַ לְשָׁם.

ד

וְזֶה֙ דְּבַ֣ר הָרֹצֵ֔חַ אֲשֶׁר־יָנ֥וּס שָׁ֖מָּה וָחָ֑י אֲשֶׁ֨ר יַכֶּ֤ה אֶת־רֵעֵ֙הוּ֙ בִּבְלִי־דַ֔עַת וְה֛וּא לֹא־שֹׂנֵ֥א ל֖וֹ מִתְּמֹ֥ל שִׁלְשֹֽׁם׃

וְזֶה דִּין הָרוֹצֵחַ שֶׁיִּבְרַח לְשָׁם וְיִחְיֶה, מִי שֶׁיַּכֶּה אֶת חֲבֵרוֹ בְּלִי כַּוָּנָה וְהוּא לֹא שׂוֹנֵא אוֹתוֹ מֵאֶתְמוֹל שִׁלְשׁוֹם.

ה

וַאֲשֶׁר֩ יָבֹ֨א אֶת־רֵעֵ֥הוּ בַיַּ֘עַר֮ לַחְטֹ֣ב עֵצִים֒ וְנִדְּחָ֨ה יָד֤וֹ בַגַּרְזֶן֙ לִכְרֹ֣ת הָעֵ֔ץ וְנָשַׁ֤ל הַבַּרְזֶל֙ מִן־הָעֵ֔ץ וּמָצָ֥א אֶת־רֵעֵ֖הוּ וָמֵ֑ת ה֗וּא יָנ֛וּס אֶל־אַחַ֥ת הֶעָרִים־הָאֵ֖לֶּה וָחָֽי׃

וּמִי שֶׁיָּבוֹא עִם חֲבֵרוֹ לַיַּעַר לַחֲטוֹב עֵצִים וְתִשָּׁמֵט יָדוֹ שֶׁאוֹחֶזֶת בַּגַּרְזֶן לִכְרוֹת אֶת הָעֵץ, וְהַבַּרְזֶל יִשָּׁמֵט מֵהָעֵץ וְיִפּוֹל עַל חֲבֵרוֹ וְיָמוּת, הוּא יִבְרַח לְאַחַת הֶעָרִים הָאֵלֶּה וְיִחְיֶה.

ו

פֶּן־יִרְדֹּף֩ גֹּאֵ֨ל הַדָּ֜ם אַחֲרֵ֣י הָרֹצֵ֗חַ כִּי־יֵחַם֮ לְבָבוֹ֒ וְהִשִּׂיג֛וֹ כִּֽי־יִרְבֶּ֥ה הַדֶּ֖רֶךְ וְהִכָּ֣הוּ נָ֑פֶשׁ וְלוֹ֙ אֵ֣ין מִשְׁפַּט־מָ֔וֶת כִּ֠י לֹ֣א שֹׂנֵ֥א ה֛וּא ל֖וֹ מִתְּמ֥וֹל שִׁלְשֽׁוֹם׃

כְּדֵי שֶׁלֹּא יִרְדּוֹף גּוֹאֵל הַדָּם אַחֲרֵי הָרוֹצֵחַ כְּשֶׁיִּרְתַּח בְּכַעֲסוֹ וְיַשִּׂיג אוֹתוֹ כְּשֶׁהַדֶּרֶךְ תִּהְיֶה אֲרוּכָּה, וְיַהֲרוֹג אוֹתוֹ; וְאֵין לוֹ דִּין מָוֶת, כִּי הוּא לֹא הָיָה שׂוֹנֵא אוֹתוֹ מֵאֶתְמוֹל וְשִׁלְשׁוֹם.

ז

עַל־כֵּ֛ן אָנֹכִ֥י מְצַוְּךָ֖ לֵאמֹ֑ר שָׁלֹ֥שׁ עָרִ֖ים תַּבְדִּ֥יל לָֽךְ׃

לָכֵן אֲנִי מְצַוֶּה אוֹתְךָ וְאוֹמֵר: תַּבְדִּיל לְךָ שָׁלוֹשׁ עָרִים.

ח

וְאִם־יַרְחִ֞יב יְהֹוָ֤ה אֱלֹהֶ֙יךָ֙ אֶת־גְּבֻ֣לְךָ֔ כַּאֲשֶׁ֥ר נִשְׁבַּ֖ע לַאֲבֹתֶ֑יךָ וְנָ֤תַן לְךָ֙ אֶת־כׇּל־הָאָ֔רֶץ אֲשֶׁ֥ר דִּבֶּ֖ר לָתֵ֥ת לַאֲבֹתֶֽיךָ׃

וְאִם ה' אֱלֹהֶיךָ יַרְחִיב אֶת גְּבוּלְךָ כְּמוֹ שֶׁנִּשְׁבַּע לַאֲבוֹתֶיךָ, וְיִתֵּן לְךָ אֶת כָּל הָאָרֶץ שֶׁאָמַר שֶׁיִּתֵּן לַאֲבוֹתֶיךָ.

ט

כִּֽי־תִשְׁמֹר֩ אֶת־כׇּל־הַמִּצְוָ֨ה הַזֹּ֜את לַעֲשֹׂתָ֗הּ אֲשֶׁ֨ר אָנֹכִ֣י מְצַוְּךָ֮ הַיּוֹם֒ לְאַהֲבָ֞ה אֶת־יְהֹוָ֧ה אֱלֹהֶ֛יךָ וְלָלֶ֥כֶת בִּדְרָכָ֖יו כׇּל־הַיָּמִ֑ים וְיָסַפְתָּ֨ לְךָ֥ עוֹד֙ שָׁלֹ֣שׁ עָרִ֔ים עַ֖ל הַשָּׁלֹ֥שׁ הָאֵֽלֶּה׃

כְּשֶׁתַּקְפִּיד לְקַיֵּם אֶת כָּל הַמִּצְווֹת הָאֵלֶּה שֶׁאֲנִי מְצַוֶּה אוֹתְךָ הַיּוֹם – לֶאֱהוֹב אֶת ה' אֱלֹהֶיךָ וְלָלֶכֶת כָּל הַיָּמִים בִּדְרָכָיו, תּוֹסִיף לְךָ עוֹד שָׁלוֹשׁ עָרִים בְּנוֹסַף לַשָּׁלוֹשׁ הָאֵלֶּה.

י

וְלֹ֤א יִשָּׁפֵךְ֙ דָּ֣ם נָקִ֔י בְּקֶ֣רֶב אַרְצְךָ֔ אֲשֶׁר֙ יְהֹוָ֣ה אֱלֹהֶ֔יךָ נֹתֵ֥ן לְךָ֖ נַחֲלָ֑ה וְהָיָ֥ה עָלֶ֖יךָ דָּמִֽים׃

וְכָךְ הָרוֹצֵחַ יַסְפִּיק לְהִמָּלֵט, וְלֹא יִשָּׁפֵךְ דָּם נָקִי בְּתוֹךְ אַרְצְךָ שֶׁה' אֱלֹהֶיךָ נוֹתֵן לְךָ לְנַחֲלָה וְתִתְחַיֵּב אָז עַל הָרֶצַח.

פ

יא

וְכִֽי־יִהְיֶ֥ה אִישׁ֙ שֹׂנֵ֣א לְרֵעֵ֔הוּ וְאָ֤רַב לוֹ֙ וְקָ֣ם עָלָ֔יו וְהִכָּ֥הוּ נֶ֖פֶשׁ וָמֵ֑ת וְנָ֕ס אֶל־אַחַ֖ת הֶעָרִ֥ים הָאֵֽל׃

וְאִם יִהְיֶה אִישׁ שֶׁשּׂוֹנֵא אֶת חֲבֵרוֹ וְיֶאֱרוֹב לוֹ וְיָקוּם עָלָיו וְיַכֶּה אוֹתוֹ כְּדֵי לְהָרְגוֹ וְהוּא יָמוּת, וְהוּא יִבְרַח לְאַחַת מֵהֶעָרִים הָאֵלֶּה.

יב

וְשָֽׁלְחוּ֙ זִקְנֵ֣י עִיר֔וֹ וְלָקְח֥וּ אֹת֖וֹ מִשָּׁ֑ם וְנָתְנ֣וּ אֹת֗וֹ בְּיַ֛ד גֹּאֵ֥ל הַדָּ֖ם וָמֵֽת׃

חַכְמֵי עִירוֹ יִשְׁלְחוּ שְׁלִיחִים שֶׁיִּקְחוּ אוֹתוֹ מִשָּׁם, וְיִמְסְרוּ אוֹתוֹ לִידֵי גּוֹאֵל הַדָּם, וְהוּא יוּמַת.

יג

לֹא־תָח֥וֹס עֵֽינְךָ֖ עָלָ֑יו וּבִֽעַרְתָּ֧ דַֽם־הַנָּקִ֛י מִיִּשְׂרָאֵ֖ל וְט֥וֹב לָֽךְ׃

אַל תְּרַחֵם עָלָיו, תְּבַעֵר מִיִּשְׂרָאֵל אֶת רוֹצֵחַ הַחַף מִפֶּשַׁע, וְיִהְיֶה לְךָ טוֹב.

ששי

ס

פָּרָשַׁת הַסָּגַת גְּבוּל

יד

לֹ֤א תַסִּיג֙ גְּב֣וּל רֵֽעֲךָ֔ אֲשֶׁ֥ר גָּבְל֖וּ רִאשֹׁנִ֑ים בְּנַחֲלָֽתְךָ֙ אֲשֶׁ֣ר תִּנְחַ֔ל בָּאָ֕רֶץ אֲשֶׁר֙ יְהֹוָ֣ה אֱלֹהֶ֔יךָ נֹתֵ֥ן לְךָ֖ לְרִשְׁתָּֽהּ׃

אַל תָּזִיז לְאָחוֹר אֶת הַגְּבוּל שֶׁל חֲבֵרְךָ שֶׁמְּחַלְּקֵי הַנַּחֲלוֹת הָרִאשׁוֹנִים סִימְנוּ, בְּנַחֲלַתְכֶם שֶׁתִּנְחֲלוּ בָּאָרֶץ שֶׁה' אֱלֹהֶיךָ נוֹתֵן לְךָ לִכְבּוֹשׁ אוֹתָהּ.

ס

פָּרָשַׁת מִשְׁפַּט הָעֵדִים

טו

לֹֽא־יָקוּם֩ עֵ֨ד אֶחָ֜ד בְּאִ֗ישׁ לְכׇל־עָוֺן֙ וּלְכׇל־חַטָּ֔את בְּכׇל־חֵ֖טְא אֲשֶׁ֣ר יֶֽחֱטָ֑א עַל־פִּ֣י ׀ שְׁנֵ֣י עֵדִ֗ים א֛וֹ עַל־פִּ֥י שְׁלֹשָֽׁה־עֵדִ֖ים יָק֥וּם דָּבָֽר׃

עֵד יָחִיד לֹא יָבוֹא לְהָעִיד עַל אִישׁ עַל שׁוּם עָווֹן וְשׁוּם חֵטְא – בְּשׁוּם חֵטְא שֶׁיֶּחֱטָא, רַק עַל פִּי שְׁנֵי עֵדִים אוֹ עַל פִּי שְׁלוֹשָׁה עֵדִים יִתְקַיֵּם דָּבָר.

טז

כִּֽי־יָק֥וּם עֵד־חָמָ֖ס בְּאִ֑ישׁ לַעֲנ֥וֹת בּ֖וֹ סָרָֽה׃

אִם עֵד רָשָׁע יָקוּם עַל אִישׁ לְהָעִיד נֶגְדּוֹ עֵדוּת.

יז

וְעָמְד֧וּ שְׁנֵֽי־הָאֲנָשִׁ֛ים אֲשֶׁר־לָהֶ֥ם הָרִ֖יב לִפְנֵ֣י יְהֹוָ֑ה לִפְנֵ֤י הַכֹּֽהֲנִים֙ וְהַשֹּׁ֣פְטִ֔ים אֲשֶׁ֥ר יִהְי֖וּ בַּיָּמִ֥ים הָהֵֽם׃

שְׁנֵי הָאֲנָשִׁים שֶׁבֵּינֵיהֶם הָרִיב יַעַמְדוּ לִפְנֵי ה' – לִפְנֵי הַכֹּהֲנִים וְהַשּׁוֹפְטִים שֶׁיִּהְיוּ בְּאוֹתָם הַיָּמִים.

יח

וְדָרְשׁ֥וּ הַשֹּׁפְטִ֖ים הֵיטֵ֑ב וְהִנֵּ֤ה עֵֽד־שֶׁ֙קֶר֙ הָעֵ֔ד שֶׁ֖קֶר עָנָ֥ה בְאָחִֽיו׃

הַשּׁוֹפְטִים יַחְקְרוּ הֵיטֵב, וְהִנֵּה הָעֵד שַׁקְרָן – הוּא הֵעִיד שֶׁקֶר עַל אָחִיו.

יט

וַעֲשִׂ֣יתֶם ל֔וֹ כַּאֲשֶׁ֥ר זָמַ֖ם לַעֲשׂ֣וֹת לְאָחִ֑יו וּבִֽעַרְתָּ֥ הָרָ֖ע מִקִּרְבֶּֽךָ׃

תַּעֲשׂוּ לוֹ כְּמוֹ שֶׁהוּא תִּכְנֵן לַעֲשׂוֹת לְאָחִיו, וּתְסַלֵּק אֶת הָרָע מֵאֶצְלְךָ.

כ

וְהַנִּשְׁאָרִ֖ים יִשְׁמְע֣וּ וְיִרָ֑אוּ וְלֹֽא־יֹסִ֨פוּ לַעֲשׂ֜וֹת ע֗וֹד כַּדָּבָ֥ר הָרָ֛ע הַזֶּ֖ה בְּקִרְבֶּֽךָ׃

וְהַנִּשְׁאָרִים יִשְׁמְעוּ וְיִפְחֲדוּ, וְלֹא יוֹסִיפוּ לַעֲשׂוֹת אֶצְלְךָ עוֹד כְּמוֹ הַדָּבָר הָרָע הַזֶּה.

כא

וְלֹ֥א תָח֖וֹס עֵינֶ֑ךָ נֶ֣פֶשׁ בְּנֶ֗פֶשׁ עַ֤יִן בְּעַ֙יִן֙ שֵׁ֣ן בְּשֵׁ֔ן יָ֥ד בְּיָ֖ד רֶ֥גֶל בְּרָֽגֶל׃

אַל תְּרַחֵם, תַּעֲנִישׁ נֶפֶשׁ עַל נֶפֶשׁ, עַיִן עַל עַיִן, שֵׁן עַל שֵׁן, יָד עַל יָד, רֶגֶל עַל רֶגֶל.

ס

פָּרָשַׁת יְצִיאָה לַמִּלְחָמָה

כ א

כִּֽי־תֵצֵ֨א לַמִּלְחָמָ֜ה עַל־אֹיְבֶ֗ךָ וְֽרָאִ֜יתָ ס֤וּס וָרֶ֙כֶב֙ עַ֚ם רַ֣ב מִמְּךָ֔ לֹ֥א תִירָ֖א מֵהֶ֑ם כִּֽי־יְהֹוָ֤ה אֱלֹהֶ֙יךָ֙ עִמָּ֔ךְ הַמַּֽעַלְךָ֖ מֵאֶ֥רֶץ מִצְרָֽיִם׃

כְּשֶׁתֵּצֵא לַמִּלְחָמָה מוּל אוֹיְבֶיךָ וְתִרְאֶה סוּסִים וּמֶרְכָּבוֹת – עַם גָּדוֹל מִמְּךָ, אַל תִּפְחַד מֵהֶם, כִּי ה' אֱלֹהֶיךָ שֶׁהֶעֱלָה אוֹתְךָ מֵאֶרֶץ מִצְרַיִם נִמְצָא אִתְּךָ.

ב

וְהָיָ֕ה כְּקָֽרׇבְכֶ֖ם אֶל־הַמִּלְחָמָ֑ה וְנִגַּ֥שׁ הַכֹּהֵ֖ן וְדִבֶּ֥ר אֶל־הָעָֽם׃

וּכְשֶׁתִּגְּשׁוּ לַמִּלְחָמָה, הַכֹּהֵן יִגַּשׁ וִידַבֵּר אֶל הָעָם.

ג

וְאָמַ֤ר אֲלֵהֶם֙ שְׁמַ֣ע יִשְׂרָאֵ֔ל אַתֶּ֨ם קְרֵבִ֥ים הַיּ֛וֹם לַמִּלְחָמָ֖ה עַל־אֹיְבֵיכֶ֑ם אַל־יֵרַ֣ךְ לְבַבְכֶ֗ם אַל־תִּֽירְא֧וּ וְאַֽל־תַּחְפְּז֛וּ וְאַל־תַּֽעַרְצ֖וּ מִפְּנֵיהֶֽם׃

וְיֹאמַר לָהֶם: שְׁמַע יִשְׂרָאֵל, אַתֶּם מִתְקָרְבִים הַיּוֹם לַמִּלְחָמָה מוּל אוֹיְבֵיכֶם, אַל תִּהְיוּ פַּחְדָּנִים, אַל תִּפְחֲדוּ וְאַל תִּלָּחֲצוּ וְאַל תִּשָּׁבְרוּ מִפְּנֵיהֶם.

ד

כִּ֚י יְהֹוָ֣ה אֱלֹֽהֵיכֶ֔ם הַהֹלֵ֖ךְ עִמָּכֶ֑ם לְהִלָּחֵ֥ם לָכֶ֛ם עִם־אֹיְבֵיכֶ֖ם לְהוֹשִׁ֥יעַ אֶתְכֶֽם׃

כִּי ה' אֱלֹהֵיכֶם הוּא שֶׁהוֹלֵךְ אִתְּכֶם לְהִלָּחֵם עֲבוּרְכֶם נֶגֶד אוֹיְבֵיכֶם וּלְהוֹשִׁיעַ אֶתְכֶם.

ה

וְדִבְּר֣וּ הַשֹּֽׁטְרִים֮ אֶל־הָעָ֣ם לֵאמֹר֒ מִֽי־הָאִ֞ישׁ אֲשֶׁ֨ר בָּנָ֤ה בַֽיִת־חָדָשׁ֙ וְלֹ֣א חֲנָכ֔וֹ יֵלֵ֖ךְ וְיָשֹׁ֣ב לְבֵית֑וֹ פֶּן־יָמוּת֙ בַּמִּלְחָמָ֔ה וְאִ֥ישׁ אַחֵ֖ר יַחְנְכֶֽנּוּ׃

וְהַשּׁוֹטְרִים יְדַבְּרוּ אֶל הָעָם וְיֹאמְרוּ: מִי הָאִישׁ שֶׁבָּנָה בַּיִת חָדָשׁ וְלֹא הִתְחִיל לָגוּר בּוֹ – יֵלֵךְ וְיַחֲזוֹר לְבֵיתוֹ, שֶׁלֹּא יָמוּת בַּמִּלְחָמָה וְאִישׁ אַחֵר יָגוּר בּוֹ.

ו

וּמִֽי־הָאִ֞ישׁ אֲשֶׁר־נָטַ֥ע כֶּ֙רֶם֙ וְלֹ֣א חִלְּל֔וֹ יֵלֵ֖ךְ וְיָשֹׁ֣ב לְבֵית֑וֹ פֶּן־יָמוּת֙ בַּמִּלְחָמָ֔ה וְאִ֥ישׁ אַחֵ֖ר יְחַלְּלֶֽנּוּ׃

וּמִי הָאִישׁ שֶׁנָּטַע כֶּרֶם וְלֹא פָּדָה אוֹתוֹ בַּשָּׁנָה הָרְבִיעִית – יֵלֵךְ וְיַחֲזוֹר לְבֵיתוֹ שֶׁלֹּא יָמוּת בַּמִּלְחָמָה וְאִישׁ אַחֵר יִפְדֶּה אוֹתוֹ.

ז

וּמִֽי־הָאִ֞ישׁ אֲשֶׁר־אֵרַ֤שׂ אִשָּׁה֙ וְלֹ֣א לְקָחָ֔הּ יֵלֵ֖ךְ וְיָשֹׁ֣ב לְבֵית֑וֹ פֶּן־יָמוּת֙ בַּמִּלְחָמָ֔ה וְאִ֥ישׁ אַחֵ֖ר יִקָּחֶֽנָּה׃

וּמִי הָאִישׁ שֶׁקִּדֵּשׁ אִשָּׁה וְלֹא נָשָׂא אוֹתָהּ – יֵלֵךְ וְיַחֲזוֹר לְבֵיתוֹ, שֶׁלֹּא יָמוּת בַּמִּלְחָמָה וְאִישׁ אַחֵר יִשָּׂא אוֹתָהּ.

ח

וְיָסְפ֣וּ הַשֹּׁטְרִים֮ לְדַבֵּ֣ר אֶל־הָעָם֒ וְאָמְר֗וּ מִי־הָאִ֤ישׁ הַיָּרֵא֙ וְרַ֣ךְ הַלֵּבָ֔ב יֵלֵ֖ךְ וְיָשֹׁ֣ב לְבֵית֑וֹ וְלֹ֥א יִמַּ֛ס אֶת־לְבַ֥ב אֶחָ֖יו כִּלְבָבֽוֹ׃

וְהַשּׁוֹטְרִים יַמְשִׁיכוּ לְדַבֵּר אֶל הָעָם וְיֹאמְרוּ: מִי הָאִישׁ שֶׁפּוֹחֵד וְרָגִישׁ – יֵלֵךְ וְיָשׁוּב לְבֵיתוֹ, וְלֹא יַמִּיס אֶת הַלֵּב שֶׁל אֶחָיו כְּמוֹ לִבּוֹ.

ט

וְהָיָ֛ה כְּכַלֹּ֥ת הַשֹּׁטְרִ֖ים לְדַבֵּ֣ר אֶל־הָעָ֑ם וּפָ֥קְד֛וּ שָׂרֵ֥י צְבָא֖וֹת בְּרֹ֥אשׁ הָעָֽם׃

וּכְשֶׁיִּגְמְרוּ הַשּׁוֹטְרִים לְדַבֵּר אֶל הָעָם יְמַנּוּ מְפַקְּדִים בְּרָאשׁוּת הָעָם.

שביעי

ס

פָּרָשַׁת הַמִּלְחָמָה

י

כִּֽי־תִקְרַ֣ב אֶל־עִ֔יר לְהִלָּחֵ֖ם עָלֶ֑יהָ וְקָרָ֥אתָ אֵלֶ֖יהָ לְשָׁלֽוֹם׃

כְּשֶׁתִּגַּשׁ אֶל עִיר לְהִלָּחֵם בָּהּ, קְרָא לָהּ לְשָׁלוֹם.

יא

וְהָיָה֙ אִם־שָׁל֣וֹם תַּֽעַנְךָ֔ וּפָתְחָ֖ה לָ֑ךְ וְהָיָ֞ה כׇּל־הָעָ֣ם הַנִּמְצָא־בָ֗הּ יִהְי֥וּ לְךָ֛ לָמַ֖ס וַעֲבָדֽוּךָ׃

אִם הִיא תָּשִׁיב לְךָ בְּשָׁלוֹם וְתִפְתַּח לְךָ אֶת שְׁעָרֶיהָ, כָּל הָעָם שֶׁנִּמְצָא בָּהּ יִהְיוּ מְשֻׁעְבָּדִים לְךָ וְיַעַבְדוּ עֲבוּרְךָ.

יב

וְאִם־לֹ֤א תַשְׁלִים֙ עִמָּ֔ךְ וְעָשְׂתָ֥ה עִמְּךָ֖ מִלְחָמָ֑ה וְצַרְתָּ֖ עָלֶֽיהָ׃

וְאִם הִיא לֹא תַּשְׁלִים אִתְּךָ וְתַעֲשֶׂה אִתְּךָ מִלְחָמָה, תַּעֲשֶׂה עָלֶיהָ מָצוֹר.

יג

וּנְתָנָ֛הּ יְהֹוָ֥ה אֱלֹהֶ֖יךָ בְּיָדֶ֑ךָ וְהִכִּיתָ֥ אֶת־כׇּל־זְכוּרָ֖הּ לְפִי־חָֽרֶב׃

וַה' אֱלֹהֶיךָ יִתֵּן אוֹתָהּ בְּיָדְךָ, וְתַכֶּה אֶת כָּל הַזְּכָרִים שֶׁבָּהּ בְּלַהַב הַחֶרֶב.

יד

רַ֣ק הַ֠נָּשִׁ֠ים וְהַטַּ֨ף וְהַבְּהֵמָ֜ה וְכֹל֩ אֲשֶׁ֨ר יִהְיֶ֥ה בָעִ֛יר כׇּל־שְׁלָלָ֖הּ תָּבֹ֣ז לָ֑ךְ וְאָֽכַלְתָּ֙ אֶת־שְׁלַ֣ל אֹיְבֶ֔יךָ אֲשֶׁ֥ר נָתַ֛ן יְהֹוָ֥ה אֱלֹהֶ֖יךָ לָֽךְ׃

תִּקַּח לְךָ רַק אֶת הַנָּשִׁים הַיְּלָדִים וְהַבְּהֵמוֹת וְאֶת כָּל מַה שֶּׁיִּהְיֶה בָּעִיר – כָּל שְׁלָלָהּ, וְתִשְׁתַּמֵּשׁ בַּשָּׁלָל שֶׁל אוֹיְבֶיךָ שֶׁה' אֱלֹהֶיךָ נָתַן לְךָ.

טו

כֵּ֤ן תַּעֲשֶׂה֙ לְכׇל־הֶ֣עָרִ֔ים הָרְחֹקֹ֥ת מִמְּךָ֖ מְאֹ֑ד אֲשֶׁ֛ר לֹא־מֵעָרֵ֥י הַגּֽוֹיִם־הָאֵ֖לֶּה הֵֽנָּה׃

כָּךְ תַּעֲשֶׂה לְכָל הֶעָרִים שֶׁרְחוֹקוֹת מִמְּךָ מְאוֹד שֶׁאֵינָן מֵעָרֵי הָעַמִּים הָאֵלֶּה.

טז

רַ֗ק מֵעָרֵ֤י הָֽעַמִּים֙ הָאֵ֔לֶּה אֲשֶׁר֙ יְהֹוָ֣ה אֱלֹהֶ֔יךָ נֹתֵ֥ן לְךָ֖ נַחֲלָ֑ה לֹ֥א תְחַיֶּ֖ה כׇּל־נְשָׁמָֽה׃

אֲבָל מֵעָרֵי הָעַמִּים הָאֵלֶּה שֶׁה' אֱלֹהֶיךָ נוֹתֵן לְךָ נַחֲלָה אַל תַּשְׁאִיר בַּחַיִּים שׁוּם אִישׁ.

יז

כִּֽי־הַחֲרֵ֣ם תַּחֲרִימֵ֗ם הַחִתִּ֤י וְהָאֱמֹרִי֙ הַכְּנַעֲנִ֣י וְהַפְּרִזִּ֔י הַחִוִּ֖י וְהַיְבוּסִ֑י כַּאֲשֶׁ֥ר צִוְּךָ֖ יְהֹוָ֥ה אֱלֹהֶֽיךָ׃

תַּשְׁמִיד אוֹתָם, אֶת הַחִתִּי וְהָאֱמוֹרִי הַכְּנַעֲנִי וְהַפְּרִזִּי הַחִוִּי וְהַיְּבוּסִי, כְּמוֹ שֶׁה' אֱלֹהֶיךָ צִוָּה אוֹתְךָ.

יח

לְמַ֗עַן אֲשֶׁ֨ר לֹֽא־יְלַמְּד֤וּ אֶתְכֶם֙ לַעֲשׂ֔וֹת כְּכֹל֙ תּֽוֹעֲבֹתָ֔ם אֲשֶׁ֥ר עָשׂ֖וּ לֵאלֹֽהֵיהֶ֑ם וַחֲטָאתֶ֖ם לַיהֹוָ֥ה אֱלֹהֵיכֶֽם׃

כְּדֵי שֶׁלֹּא יְלַמְּדוּ אֶתְכֶם לַעֲשׂוֹת כְּכָל הַתּוֹעֵבוֹת שֶׁלָּהֶם שֶׁעָשׂוּ לֵאלֹהֵיהֶם, וְתֶחֶטְאוּ לַה' אֱלֹהֵיכֶם.

ס

יט

כִּֽי־תָצ֣וּר אֶל־עִיר֩ יָמִ֨ים רַבִּ֜ים לְֽהִלָּחֵ֧ם עָלֶ֣יהָ לְתׇפְשָׂ֗הּ לֹֽא־תַשְׁחִ֤ית אֶת־עֵצָהּ֙ לִנְדֹּ֤חַ עָלָיו֙ גַּרְזֶ֔ן כִּ֚י מִמֶּ֣נּוּ תֹאכֵ֔ל וְאֹת֖וֹ לֹ֣א תִכְרֹ֑ת כִּ֤י הָֽאָדָם֙ עֵ֣ץ הַשָּׂדֶ֔ה לָבֹ֥א מִפָּנֶ֖יךָ בַּמָּצֽוֹר׃

כְּשֶׁתַּעֲשֶׂה מָצוֹר עַל עִיר יָמִים רַבִּים לְהִלָּחֵם עָלֶיהָ לִכְבּוֹשׁ אוֹתָהּ, אַל תַּשְׁחִית אֶת הָעֵצִים שֶׁלָּהּ לְהַכּוֹת בָּהֶם בְּגַרְזֶן, תֹּאכַל מֵהֶם וְאַל תִּכְרוֹת אוֹתָם, וְכִי עֵץ הַשָּׂדֶה הוּא כְּמוֹ אָדָם שֶׁמִּסְתַּתֵּר מִפָּנֶיךָ בַּמָּצוֹר?!

כ

רַ֞ק עֵ֣ץ אֲשֶׁר־תֵּדַ֗ע כִּֽי־לֹא־עֵ֤ץ מַאֲכָל֙ ה֔וּא אֹת֥וֹ תַשְׁחִ֖ית וְכָרָ֑תָּ וּבָנִ֣יתָ מָצ֗וֹר עַל־הָעִיר֙ אֲשֶׁר־הִ֨וא עֹשָׂ֧ה עִמְּךָ֛ מִלְחָמָ֖ה עַ֥ד רִדְתָּֽהּ׃

רַק עֵץ שֶׁתֵּדַע שֶׁהוּא אֵינוֹ עֵץ מַאֲכָל – אוֹתוֹ תַּשְׁחִית וְתִכְרוֹת, וְתִבְנֶה מָצוֹר עַל הָעִיר שֶׁעוֹשָׂה אִתְּךָ מִלְחָמָה עַד שֶׁהִיא תִּפּוֹל בְּיָדְךָ.

פ

פָּרָשַׁת עֶגְלָה עֲרוּפָה

כא א

כִּי־יִמָּצֵ֣א חָלָ֗ל בָּאֲדָמָה֙ אֲשֶׁר֩ יְהֹוָ֨ה אֱלֹהֶ֜יךָ נֹתֵ֤ן לְךָ֙ לְרִשְׁתָּ֔הּ נֹפֵ֖ל בַּשָּׂדֶ֑ה לֹ֥א נוֹדַ֖ע מִ֥י הִכָּֽהוּ׃

אִם יִמָּצֵא הָרוּג נוֹפֵל בַּשָּׂדֶה בָּאֲדָמָה שֶׁה' אֱלֹהֶיךָ נוֹתֵן לְךָ לִכְבּוֹשׁ אוֹתָהּ, וְלֹא יָדוּעַ מִי הִכָּה אוֹתוֹ לָמָוֶת.

ב

וְיָצְא֥וּ זְקֵנֶ֖יךָ וְשֹׁפְטֶ֑יךָ וּמָדְדוּ֙ אֶל־הֶ֣עָרִ֔ים אֲשֶׁ֖ר סְבִיבֹ֥ת הֶחָלָֽל׃

זְקֵנֶיךָ וְשׁוֹפְטֶיךָ יֵצְאוּ וְיִמְדְּדוּ אֶל הֶעָרִים שֶׁנִּמְצָאוֹת סָבִיב לֶחָלָל.

ג

וְהָיָ֣ה הָעִ֔יר הַקְּרֹבָ֖ה אֶל־הֶחָלָ֑ל וְלָֽקְח֡וּ זִקְנֵי֩ הָעִ֨יר הַהִ֜וא עֶגְלַ֣ת בָּקָ֗ר אֲשֶׁ֤ר לֹֽא־עֻבַּד֙ בָּ֔הּ אֲשֶׁ֥ר לֹא־מָשְׁכָ֖ה בְּעֹֽל׃

הָעִיר הַקְּרוֹבָה לֶחָלָל – זִקְנֵי אוֹתָהּ הָעִיר יִקְחוּ עֶגְלָה שֶׁל בָּקָר שֶׁלֹּא עָבְדוּ אִתָּהּ – שֶׁלֹּא מָשְׁכָה בְּעוֹל.

ד

וְהוֹרִ֡דוּ זִקְנֵי֩ הָעִ֨יר הַהִ֤וא אֶת־הָֽעֶגְלָה֙ אֶל־נַ֣חַל אֵיתָ֔ן אֲשֶׁ֛ר לֹא־יֵעָבֵ֥ד בּ֖וֹ וְלֹ֣א יִזָּרֵ֑עַ וְעָֽרְפוּ־שָׁ֥ם אֶת־הָעֶגְלָ֖ה בַּנָּֽחַל׃

זִקְנֵי הָעִיר הַהִיא יוֹרִידוּ אֶת הָעֶגְלָה אֶל שְׂפַת נַחַל שֶׁאַדְמָתוֹ קָשָׁה – שֶׁאֵין מְעַבְּדִים אוֹתוֹ וְאֵינוֹ נִזְרַע, וְיַעַרְפוּ שָׁם אֶת הָעֶגְלָה בַּנַּחַל.

ה

וְנִגְּשׁ֣וּ הַכֹּהֲנִים֮ בְּנֵ֣י לֵוִי֒ כִּ֣י בָ֗ם בָּחַ֞ר יְהֹוָ֤ה אֱלֹהֶ֙יךָ֙ לְשָׁ֣רְת֔וֹ וּלְבָרֵ֖ךְ בְּשֵׁ֣ם יְהֹוָ֑ה וְעַל־פִּיהֶ֥ם יִהְיֶ֖ה כׇּל־רִ֥יב וְכׇל־נָֽגַע׃

וְהַכֹּהֲנִים בְּנֵי לֵוִי יִגְּשׁוּ, כִּי בָּהֶם ה' אֱלֹהֶיךָ בָּחַר לְשָׁרֵת אוֹתוֹ וּלְבָרֵךְ בְּשֵׁם ה', וְעַל פִּיהֶם יָדוּנוּ כָּל מִשְׁפָּט וְכָל נֶגַע צָרַעַת.

ו

וְכֹ֗ל זִקְנֵי֙ הָעִ֣יר הַהִ֔וא הַקְּרֹבִ֖ים אֶל־הֶחָלָ֑ל יִרְחֲצוּ֙ אֶת־יְדֵיהֶ֔ם עַל־הָעֶגְלָ֖ה הָעֲרוּפָ֥ה בַנָּֽחַל׃

וְכָל זִקְנֵי הָעִיר הַהִיא הַקְּרוֹבִים לֶחָלָל, יִרְחֲצוּ אֶת יְדֵיהֶם מֵעַל הָעֶגְלָה הָעֲרוּפָה, בַּנַּחַל.

מפטיר

ז

וְעָנ֖וּ וְאָמְר֑וּ יָדֵ֗ינוּ לֹ֤א שפכה שָֽׁפְכוּ֙ אֶת־הַדָּ֣ם הַזֶּ֔ה וְעֵינֵ֖ינוּ לֹ֥א רָאֽוּ׃

וְיַעֲנוּ וְיֹאמְרוּ: יָדֵינוּ לֹא שָׁפְכוּ אֶת הַדָּם הַזֶּה וְעֵינֵינוּ לֹא רָאוּ מִי עָשָׂה אֶת זֶה.

ח

כַּפֵּר֩ לְעַמְּךָ֨ יִשְׂרָאֵ֤ל אֲשֶׁר־פָּדִ֙יתָ֙ יְהֹוָ֔ה וְאַל־תִּתֵּן֙ דָּ֣ם נָקִ֔י בְּקֶ֖רֶב עַמְּךָ֣ יִשְׂרָאֵ֑ל וְנִכַּפֵּ֥ר לָהֶ֖ם הַדָּֽם׃

ה', כַּפֵּר לְעַמְּךָ יִשְׂרָאֵל שֶׁפָּדִיתָ מִמִּצְרַיִם, וְאַל תְּחַיֵּב אֶת עַמְּךָ יִשְׂרָאֵל כְּרוֹצְחֵי חַף מִפֶּשַׁע, וְאָז יִתְכַּפֵּר לָהֶם עַל הָרֶצַח.

ט

וְאַתָּ֗ה תְּבַעֵ֛ר הַדָּ֥ם הַנָּקִ֖י מִקִּרְבֶּ֑ךָ כִּֽי־תַעֲשֶׂ֥ה הַיָּשָׁ֖ר בְּעֵינֵ֥י יְהֹוָֽה׃

וְאַתָּה תְּבַעֵר אֶת רוֹצֵחַ הַחַף מִפֶּשַׁע מִתּוֹכְךָ, כִּי עָלֶיךָ לַעֲשׂוֹת אֶת מַה שֶּׁיָּשָׁר בְּעֵינֵי ה'.