משתמש:Dovi/תורה על פי המסורה/ספר תהלים/כד

שער מקרא · שער תורה · שער נביאים · שער כתובים · מקראי מועד · ויבינו במקרא (אודיו) · מידע על גופנים · English
תקציר המבוא למהדורה · המבוא המלא למהדורה · הערות הנוסח · הבסיס הטכני לפרויקט בגליון נתונים · GitHub · מדריך טכני · דיווח על טעות
♦ תורה: בראשית · שמות · ויקרא · במדבר · דברים ♦ נביאים: יהושע · שופטים · שמואל · מלכים · ישעיהו · ירמיהו · יחזקאל · תרי עשר ♦ כתובים: תהלים · משלי · איוב · שיר השירים · רות · איכה · קֹהלת · אסתר · דניאל · עזרא · דברי הימים

חזרה לספר תהלים

לְדָוִ֗ד מִ֫זְמ֥וֹר
לַֽ֭יהֹוָה הָאָ֣רֶץ וּמְלוֹאָ֑הּ	תֵּ֝בֵ֗ל וְיֹ֣שְׁבֵי בָֽהּ׃
כִּי־ה֭וּא עַל־יַמִּ֣ים יְסָדָ֑הּ	וְעַל־נְ֝הָר֗וֹת יְכוֹנְנֶֽהָ׃
מִֽי־יַעֲלֶ֥ה בְהַר־יְהֹוָ֑ה	וּמִי־יָ֝קוּם בִּמְק֥וֹם קׇדְשֽׁוֹ׃
נְקִ֥י כַפַּ֗יִם וּֽבַר־לֵ֫בָ֥ב	אֲשֶׁ֤ר ׀ לֹא־נָשָׂ֣א לַשָּׁ֣וְא נַפְשִׁ֑י
וְלֹ֖א נִשְׁבַּ֣ע לְמִרְמָֽה׃	יִשָּׂ֣א בְ֭רָכָה מֵאֵ֣ת יְהֹוָ֑ה
וּ֝צְדָקָ֗ה מֵאֱלֹהֵ֥י יִשְׁעֽוֹ׃	זֶ֭ה דּ֣וֹר דֹּרְשָׁ֑ו
מְבַקְשֵׁ֨י פָנֶ֖יךָ יַעֲקֹ֣ב סֶֽלָה׃	שְׂא֤וּ שְׁעָרִ֨ים ׀ רָֽאשֵׁיכֶ֗ם
וְֽ֭הִנָּשְׂאוּ פִּתְחֵ֣י עוֹלָ֑ם	וְ֝יָב֗וֹא מֶ֣לֶךְ הַכָּבֽוֹד׃
מִ֥י זֶה֮ מֶ֤לֶךְ הַכָּ֫ב֥וֹד	יְ֭הֹוָה עִזּ֣וּז וְגִבּ֑וֹר
יְ֝הֹוָ֗ה גִּבּ֥וֹר מִלְחָמָֽה׃	שְׂא֤וּ שְׁעָרִ֨ים ׀ רָֽאשֵׁיכֶ֗ם
וּ֭שְׂאוּ פִּתְחֵ֣י עוֹלָ֑ם	וְ֝יָבֹ֗א מֶ֣לֶךְ הַכָּבֽוֹד׃
מִ֤י ה֣וּא זֶה֮	מֶ֤לֶךְ הַכָּ֫ב֥וֹד
יְהֹוָ֥ה צְבָא֑וֹת	ה֤וּא מֶ֖לֶךְ הַכָּב֣וֹד סֶֽלָה׃

<poem> לְדָוִ֗ד מִ֫זְמ֥וֹר לַֽ֭יהֹוָה הָאָ֣רֶץ וּמְלוֹאָ֑הּ   תֵּ֝בֵ֗ל וְיֹ֣שְׁבֵי בָֽהּ׃ כִּי־ה֭וּא עַל־יַמִּ֣ים יְסָדָ֑הּ   וְעַל־נְ֝הָר֗וֹת יְכוֹנְנֶֽהָ׃ מִֽי־יַעֲלֶ֥ה בְהַר־יְהֹוָ֑ה   וּמִי־יָ֝קוּם בִּמְק֥וֹם קׇדְשֽׁוֹ׃ נְקִ֥י כַפַּ֗יִם וּֽבַר־לֵ֫בָ֥ב   אֲשֶׁ֤ר ׀ לֹא־נָשָׂ֣א לַשָּׁ֣וְא נַפְשִׁ֑י     וְלֹ֖א נִשְׁבַּ֣ע לְמִרְמָֽה׃ יִשָּׂ֣א בְ֭רָכָה מֵאֵ֣ת יְהֹוָ֑ה   וּ֝צְדָקָ֗ה מֵאֱלֹהֵ֥י יִשְׁעֽוֹ׃ זֶ֭ה דּ֣וֹר דֹּרְשָׁ֑ו   מְבַקְשֵׁ֨י פָנֶ֖יךָ יַעֲקֹ֣ב סֶֽלָה׃ שְׂא֤וּ שְׁעָרִ֨ים ׀ רָֽאשֵׁיכֶ֗ם   וְֽ֭הִנָּשְׂאוּ פִּתְחֵ֣י עוֹלָ֑ם     וְ֝יָב֗וֹא מֶ֣לֶךְ הַכָּבֽוֹד׃ מִ֥י זֶה֮ מֶ֤לֶךְ הַכָּ֫ב֥וֹד   יְ֭הֹוָה עִזּ֣וּז וְגִבּ֑וֹר     יְ֝הֹוָ֗ה גִּבּ֥וֹר מִלְחָמָֽה׃ שְׂא֤וּ שְׁעָרִ֨ים ׀ רָֽאשֵׁיכֶ֗ם   וּ֭שְׂאוּ פִּתְחֵ֣י עוֹלָ֑ם     וְ֝יָבֹ֗א מֶ֣לֶךְ הַכָּבֽוֹד׃ מִ֤י ה֣וּא זֶה֮ מֶ֤לֶךְ הַכָּ֫ב֥וֹד   יְהֹוָ֥ה צְבָא֑וֹת ה֤וּא מֶ֖לֶךְ הַכָּב֣וֹד סֶֽלָה׃