משתמש:Dovi/נביאים וכתובים על פי המסורה/ספר איוב/יח

דף זה מיושן!
שים לב: דף זה התחיל כדף ניסיוני במרחב האישי של משתמש.
מאז שולב התוכן שלו במקום אחר.
יש לשמור את הדף הזה במתכונתו כתיעוד היסטורי,
ואין לבצע בו שינויים נוספים.

שער מקרא · שער תורה · שער נביאים · שער כתובים · מקראי מועד · ויבינו במקרא (אודיו) · מידע על גופנים · English
תקציר המבוא למהדורה · המבוא המלא למהדורה · הערות הנוסח · הבסיס הטכני לפרויקט בגליון נתונים · GitHub · תעתיק (מקרא פונטי) · ייבין · מדריך טכני · דיווח על טעות
♦ תורה: בראשית · שמות · ויקרא · במדבר · דברים ♦ נביאים: יהושע · שופטים · שמואל · מלכים · ישעיהו · ירמיהו · יחזקאל · תרי עשר ♦ כתובים: תהלים · משלי · איוב · שיר השירים · רות · איכה · קֹהלת · אסתר · דניאל · עזרא · דברי הימים

　　
יח א    וַ֭יַּעַן בִּלְדַּ֥ד הַשֻּׁחִ֗י וַיֹּאמַֽר׃
ב עַד־אָ֤נָה ׀ תְּשִׂימ֣וּן קִנְצֵ֣י לְמִלִּ֑ין
  תָּ֝בִ֗ינוּ וְאַחַ֥ר נְדַבֵּֽר׃
ג מַ֭דּוּעַ נֶחְשַׁ֣בְנוּ כַבְּהֵמָ֑ה
  נִ֝טְמִ֗ינוּ בְּעֵינֵיכֶֽם׃
ד טֹרֵ֥ף נַפְשׁ֗וֹ בְּאַ֫פּ֥וֹ
  הַֽ֭לְמַעַנְךָ תֵּעָ֣זַב אָ֑רֶץ
    וְיֶעְתַּק־צ֗֝וּר מִמְּקֹמֽוֹ׃
ה גַּ֤ם א֣וֹר רְשָׁעִ֣ים יִדְעָ֑ךְ
  וְלֹא־יִ֝גַּ֗הּ שְׁבִ֣יב אִשּֽׁוֹ׃
ו א֭וֹר חָשַׁ֣ךְ בְּאׇהֳל֑וֹ
  וְ֝נֵר֗וֹ עָלָ֥יו יִדְעָֽךְ׃
ז יֵ֭צְרוּ צַעֲדֵ֣י אוֹנ֑וֹ
  וְֽתַשְׁלִיכֵ֥הוּ עֲצָתֽוֹ׃
ח כִּֽי־שֻׁלַּ֣ח בְּרֶ֣שֶׁת בְּרַגְלָ֑יו
  וְעַל־שְׂ֝בָכָ֗ה יִתְהַלָּֽךְ׃
ט יֹאחֵ֣ז בְּעָקֵ֣ב פָּ֑ח
  יַחֲזֵ֖ק עָלָ֣יו צַמִּֽים׃
י טָמ֣וּן בָּאָ֣רֶץ חַבְל֑וֹ
  וּ֝מַלְכֻּדְתּ֗וֹ עֲלֵ֣י נָתִֽיב׃
יא סָ֭בִיב בִּעֲתֻ֣הוּ בַלָּה֑וֹת
  וֶהֱפִיצֻ֥הוּ לְרַגְלָֽיו׃
יב יְהִֽי־רָעֵ֥ב אֹנ֑וֹ
  וְ֝אֵ֗יד נָכ֥וֹן לְצַלְעֽוֹ׃
יג יֹ֭אכַל בַּדֵּ֣י עוֹר֑וֹ
  יֹאכַ֥ל בַּ֝דָּ֗יו בְּכ֣וֹר מָֽוֶת׃
יד יִנָּתֵ֣ק מֵ֭אׇהֳלוֹ מִבְטַח֑וֹ
  וְ֝תַצְעִדֵ֗הוּ לְמֶ֣לֶךְ בַּלָּהֽוֹת׃
טו תִּשְׁכּ֣וֹן בְּ֭אׇהֳלוֹ מִבְּלִיל֑וֹ
  יְזֹרֶ֖ה עַל־נָוֵ֣הוּ גׇפְרִֽית׃
טז מִ֭תַּחַת שׇׁרָשָׁ֣יו יִבָ֑שׁוּ
  וּ֝מִמַּ֗עַל יִמַּ֥ל קְצִירֽוֹ׃
יז זִֽכְרוֹ־אָ֭בַד מִנִּי־אָ֑רֶץ
  וְלֹא־שֵׁ֥ם ל֗֝וֹ עַל־פְּנֵי־חֽוּץ׃
יח יֶ֭הְדְּפֻהוּ מֵא֣וֹר אֶל־חֹ֑שֶׁךְ
  וּֽמִתֵּבֵ֥ל יְנִדֻּֽהוּ׃
יט לֹ֘א נִ֤ין ל֣וֹ וְלֹא־נֶ֣כֶד בְּעַמּ֑וֹ
  וְאֵ֥ין שָׂ֝רִ֗יד בִּמְגוּרָֽיו׃
כ עַל־י֭וֹמוֹ נָשַׁ֣מּוּ אַחֲרֹנִ֑ים
  וְ֝קַדְמֹנִ֗ים אָ֣חֲזוּ שָֽׂעַר׃
כא אַךְ־אֵ֭לֶּה מִשְׁכְּנ֣וֹת עַוָּ֑ל
  וְ֝זֶ֗ה מְק֣וֹם לֹֽא־יָדַֽע־אֵֽל׃

הפרק בלי מספרים

דף זה מיושן!
שים לב: דף זה התחיל כדף ניסיוני במרחב האישי של משתמש.
מאז שולב התוכן שלו במקום אחר.
יש לשמור את הדף הזה במתכונתו כתיעוד היסטורי,
ואין לבצע בו שינויים נוספים.

　　
   וַ֭יַּעַן בִּלְדַּ֥ד הַשֻּׁחִ֗י וַיֹּאמַֽר׃
עַד־אָ֤נָה ׀ תְּשִׂימ֣וּן קִנְצֵ֣י לְמִלִּ֑ין
  תָּ֝בִ֗ינוּ וְאַחַ֥ר נְדַבֵּֽר׃
מַ֭דּוּעַ נֶחְשַׁ֣בְנוּ כַבְּהֵמָ֑ה
  נִ֝טְמִ֗ינוּ בְּעֵינֵיכֶֽם׃
טֹרֵ֥ף נַפְשׁ֗וֹ בְּאַ֫פּ֥וֹ
  הַֽ֭לְמַעַנְךָ תֵּעָ֣זַב אָ֑רֶץ
    וְיֶעְתַּק־צ֗֝וּר מִמְּקֹמֽוֹ׃
גַּ֤ם א֣וֹר רְשָׁעִ֣ים יִדְעָ֑ךְ
  וְלֹא־יִ֝גַּ֗הּ שְׁבִ֣יב אִשּֽׁוֹ׃
א֭וֹר חָשַׁ֣ךְ בְּאׇהֳל֑וֹ
  וְ֝נֵר֗וֹ עָלָ֥יו יִדְעָֽךְ׃
יֵ֭צְרוּ צַעֲדֵ֣י אוֹנ֑וֹ
  וְֽתַשְׁלִיכֵ֥הוּ עֲצָתֽוֹ׃
כִּֽי־שֻׁלַּ֣ח בְּרֶ֣שֶׁת בְּרַגְלָ֑יו
  וְעַל־שְׂ֝בָכָ֗ה יִתְהַלָּֽךְ׃
יֹאחֵ֣ז בְּעָקֵ֣ב פָּ֑ח
  יַחֲזֵ֖ק עָלָ֣יו צַמִּֽים׃
טָמ֣וּן בָּאָ֣רֶץ חַבְל֑וֹ
  וּ֝מַלְכֻּדְתּ֗וֹ עֲלֵ֣י נָתִֽיב׃
סָ֭בִיב בִּעֲתֻ֣הוּ בַלָּה֑וֹת
  וֶהֱפִיצֻ֥הוּ לְרַגְלָֽיו׃
יְהִֽי־רָעֵ֥ב אֹנ֑וֹ
  וְ֝אֵ֗יד נָכ֥וֹן לְצַלְעֽוֹ׃
יֹ֭אכַל בַּדֵּ֣י עוֹר֑וֹ
  יֹאכַ֥ל בַּ֝דָּ֗יו בְּכ֣וֹר מָֽוֶת׃
יִנָּתֵ֣ק מֵ֭אׇהֳלוֹ מִבְטַח֑וֹ
  וְ֝תַצְעִדֵ֗הוּ לְמֶ֣לֶךְ בַּלָּהֽוֹת׃
תִּשְׁכּ֣וֹן בְּ֭אׇהֳלוֹ מִבְּלִיל֑וֹ
  יְזֹרֶ֖ה עַל־נָוֵ֣הוּ גׇפְרִֽית׃
מִ֭תַּחַת שׇׁרָשָׁ֣יו יִבָ֑שׁוּ
  וּ֝מִמַּ֗עַל יִמַּ֥ל קְצִירֽוֹ׃
זִֽכְרוֹ־אָ֭בַד מִנִּי־אָ֑רֶץ
  וְלֹא־שֵׁ֥ם ל֗֝וֹ עַל־פְּנֵי־חֽוּץ׃
יֶ֭הְדְּפֻהוּ מֵא֣וֹר אֶל־חֹ֑שֶׁךְ
  וּֽמִתֵּבֵ֥ל יְנִדֻּֽהוּ׃
לֹ֘א נִ֤ין ל֣וֹ וְלֹא־נֶ֣כֶד בְּעַמּ֑וֹ
  וְאֵ֥ין שָׂ֝רִ֗יד בִּמְגוּרָֽיו׃
עַל־י֭וֹמוֹ נָשַׁ֣מּוּ אַחֲרֹנִ֑ים
  וְ֝קַדְמֹנִ֗ים אָ֣חֲזוּ שָֽׂעַר׃
אַךְ־אֵ֭לֶּה מִשְׁכְּנ֣וֹת עַוָּ֑ל
  וְ֝זֶ֗ה מְק֣וֹם לֹֽא־יָדַֽע־אֵֽל׃