פתיחת התפריט הראשי



קלא א שִׁ֥יר הַֽמַּעֲל֗וֹת לְדָ֫וִ֥ד
יְהֹוָ֤ה ׀ לֹא־גָבַ֣הּ לִ֭בִּי
  וְלֹא־רָמ֣וּ עֵינַ֑י
    וְלֹֽא־הִלַּ֓כְתִּי ׀
    בִּגְדֹל֖וֹת וּבְנִפְלָא֣וֹת מִמֶּֽנִּי׃
ב אִם־לֹ֤א שִׁוִּ֨יתִי ׀ וְדוֹמַ֗מְתִּי נַ֫פְשִׁ֥י
  כְּ֭גָמֻל עֲלֵ֣י אִמּ֑וֹ
    כַּגָּמֻ֖ל עָלַ֣י נַפְשִֽׁי׃
ג יַחֵ֣ל יִ֭שְׂרָאֵל אֶל־יְהֹוָ֑ה
  מֵ֝עַתָּ֗ה וְעַד־עוֹלָֽם׃

הפרק בלי מספריםעריכה



שִׁ֥יר הַֽמַּעֲל֗וֹת לְדָ֫וִ֥ד
יְהֹוָ֤ה ׀ לֹא־גָבַ֣הּ לִ֭בִּי
  וְלֹא־רָמ֣וּ עֵינַ֑י
    וְלֹֽא־הִלַּ֓כְתִּי ׀
    בִּגְדֹל֖וֹת וּבְנִפְלָא֣וֹת מִמֶּֽנִּי׃
אִם־לֹ֤א שִׁוִּ֨יתִי ׀ וְדוֹמַ֗מְתִּי נַ֫פְשִׁ֥י
  כְּ֭גָמֻל עֲלֵ֣י אִמּ֑וֹ
    כַּגָּמֻ֖ל עָלַ֣י נַפְשִֽׁי׃
יַחֵ֣ל יִ֭שְׂרָאֵל אֶל־יְהֹוָ֑ה
  מֵ֝עַתָּ֗ה וְעַד־עוֹלָֽם׃