פתיחת התפריט הראשי

ביאור:יחזקאל יד - מעומד

המשך נבואת סוף חזון השקר

סיום הנבואות הכלליות והקדמה לדיבור אל האנשים שהגיעו לבקרו

המשך הדברים וסיום קטע הנבואה הקודם

וַיָּבוֹא אֵלַי אֲנָשִׁים מִזִּקְנֵי יִשְׂרָאֵל, וַיֵּשְׁבוּ לְפָנָי.

{פ}

הנבואה לפני שומעי לקחו

וַיְהִי דְבַר יְהוָה אֵלַי: לֵאמֹר -
בֶּן אָדָם!
הָאֲנָשִׁים הָאֵלֶּה הֶעֱלוּ גִלּוּלֵיהֶם עַל לִבָּם וּמִכְשׁוֹל עֲֹנָם נָתְנוּ נֹכַח פְּנֵיהֶם, הַאִדָּרֹשׁ אִדָּרֵשׁ לָהֶם?

{ס}

לָכֵן!
דַּבֵּר אוֹתָם וְאָמַרְתָּ אֲלֵיהֶם:
כֹּה אָמַר אֲדֹנָי - יְהוִה:
אִישׁ אִישׁ מִבֵּית יִשְׂרָאֵל על פי הכתובים בספר ויקרא אֲשֶׁר יַעֲלֶה אֶת גִּלּוּלָיו אֶל לִבּוֹ
וּמִכְשׁוֹל עֲֹנוֹ יָשִׂים נֹכַח פָּנָיו, וּבָא אֶל הַנָּבִיא?
אֲנִי יְהוָה נַעֲנֵיתִי לוֹ! (בה) בָא בְּרֹב גִּלּוּלָיו?
לְמַעַן תְּפֹשׂ אֶת בֵּית יִשְׂרָאֵל בְּלִבָּם, אֲשֶׁר נָזֹרוּ מֵעָלַי בְּגִלּוּלֵיהֶם כֻּלָּם.

{ס}

לָכֵן!
אֱמֹר אֶל בֵּית יִשְׂרָאֵל:
כֹּה אָמַר אֲדֹנָי - יְהוִה:
שׁוּבוּ, וְהָשִׁיבוּ מֵעַל גִּלּוּלֵיכֶם, וּמֵעַל כָּל תּוֹעֲבֹתֵיכֶם - הָשִׁיבוּ פְנֵיכֶם.
כִּי אִישׁ אִישׁ מִבֵּית יִשְׂרָאֵל וּמֵהַגֵּר אֲשֶׁר יָגוּר בְּיִשְׂרָאֵל - וְיִנָּזֵר מֵאַחֲרַי?
וְיַעַל גִּלּוּלָיו אֶל לִבּוֹ וּמִכְשׁוֹל עֲֹנוֹ יָשִׂים נֹכַח פָּנָיו...
וּבָא אֶל הַנָּבִיא לִדְרָשׁ לוֹ בִי משחק מלים עם לא בי? אֲנִי יְהוָה נַעֲנֶה לּוֹ בִּי!!
וְנָתַתִּי פָנַי בָּאִישׁ הַהוּא - וַהֲשִׂמֹתִיהוּ לְאוֹת וְלִמְשָׁלִים!
וְהִכְרַתִּיו מִתּוֹךְ עַמִּי!!
וִידַעְתֶּם כִּי אֲנִי יְהוָה.

{ס}

וְהַנָּבִיא - כִי יְפֻתֶּה, וְדִבֶּר דָּבָר?
אֲנִי יְהוָה פִּתֵּיתִי אֵת הַנָּבִיא הַהוּא!
וְנָטִיתִי אֶת יָדִי עָלָיו, וְהִשְׁמַדְתִּיו מִתּוֹךְ עַמִּי יִשְׂרָאֵל!!
וְנָשְׂאוּ עֲֹנָם, כַּעֲֹן הַדֹּרֵשׁ כַּעֲֹן הַנָּבִיא יִהְיֶה.
לְמַעַן לֹא יִתְעוּ עוֹד בֵּית יִשְׂרָאֵל מֵאַחֲרַי
וְלֹא יִטַּמְּאוּ עוֹד בְּכָל פִּשְׁעֵיהֶם,
וְהָיוּ לִי לְעָם וַאֲנִי אֶהְיֶה לָהֶם לֵאלֹהִים מתוך פרשת עקב
- נְאֻם אֲדֹנָי - יְהוִה!

{פ}

הארצות החוטאות (חזון נח דניאל ואיוב)

וַיְהִי דְבַר יְהוָה אֵלַי: לֵאמֹר -
בֶּן אָדָם אֶרֶץ כִּי תֶחֱטָא לִי לִמְעָל מַעַל
וְנָטִיתִי יָדִי עָלֶיהָ וְשָׁבַרְתִּי לָהּ מַטֵּה לָחֶם,
וְהִשְׁלַחְתִּי בָהּ רָעָב וְהִכְרַתִּי מִמֶּנָּה אָדָם וּבְהֵמָה.
וְהָיוּ שְׁלֹשֶׁת הָאֲנָשִׁים הָאֵלֶּה בְּתוֹכָהּ נֹחַ דָּנִאֵל וְאִיּוֹב,
הֵמָּה בְצִדְקָתָם יְנַצְּלוּ נַפְשָׁם נְאֻם אֲדֹנָי יְהוִה.
לוּ חַיָּה רָעָה אַעֲבִיר בָּאָרֶץ - וְשִׁכְּלָתָּה?
וְהָיְתָה שְׁמָמָה מִבְּלִי עוֹבֵר מִפְּנֵי הַחַיָּה?
שְׁלֹשֶׁת הָאֲנָשִׁים הָאֵלֶּה בְּתוֹכָהּ - חַי אָנִי נְאֻם אֲדֹנָי יְהוִה אִם בָּנִים וְאִם בָּנוֹת יַצִּילוּ,
הֵמָּה לְבַדָּם יִנָּצֵלוּ - וְהָאָרֶץ תִּהְיֶה שְׁמָמָה.
אוֹ חֶרֶב אָבִיא עַל הָאָרֶץ הַהִיא?
וְאָמַרְתִּי: 'חֶרֶב תַּעֲבֹר בָּאָרֶץ!' ?
- וְהִכְרַתִּי מִמֶּנָּה אָדָם וּבְהֵמָה?
וּשְׁלֹשֶׁת הָאֲנָשִׁים הָאֵלֶּה בְּתוֹכָהּ -
"חַי אָנִי!" - נְאֻם אֲדֹנָי - יְהוִה:
לֹא יַצִּילוּ בָּנִים וּבָנוֹת, כִּי הֵם לְבַדָּם יִנָּצֵלוּ.
אוֹ דֶּבֶר אֲשַׁלַּח אֶל הָאָרֶץ הַהִיא?
וְשָׁפַכְתִּי חֲמָתִי עָלֶיהָ בְּדָם - לְהַכְרִית מִמֶּנָּה אָדָם וּבְהֵמָה?
וְנֹחַ דָּנִאֵל וְאִיּוֹב בְּתוֹכָהּ...
"חַי אָנִי!" - נְאֻם אֲדֹנָי יְהוִה: אִם בֵּן אִם בַּת יַצִּילוּ?
הֵמָּה - בְצִדְקָתָם יַצִּילוּ נַפְשָׁם.

{פ}

שארית הפליטה

כִּי כֹה אָמַר אֲדֹנָי יְהֹוִה
אַף כִּי אַרְבַּעַת שְׁפָטַי הָרָעִים: חֶרֶב וְרָעָב וְחַיָּה רָעָה וָדֶבֶר שִׁלַּחְתִּי אֶל יְרוּשָׁלָ‍ִם,
לְהַכְרִית מִמֶּנָּה אָדָם וּבְהֵמָה.
וְהִנֵּה נוֹתְרָה בָּהּ פְּלֵטָה הַמּוּצָאִים: בָּנִים וּבָנוֹת - הִנָּם יוֹצְאִים אֲלֵיכֶם
וּרְאִיתֶם אֶת דַּרְכָּם וְאֶת עֲלִילוֹתָם,
וְנִחַמְתֶּם עַל הָרָעָה אֲשֶׁר הֵבֵאתִי עַל יְרוּשָׁלַ‍ִם
- אֵת כָּל אֲשֶׁר הֵבֵאתִי עָלֶיהָ.
וְנִחֲמוּ אֶתְכֶם כִּי תִרְאוּ אֶת דַּרְכָּם וְאֶת עֲלִילוֹתָם,
וִידַעְתֶּם כִּי לֹא חִנָּם עָשִׂיתִי אֵת כָּל אֲשֶׁר עָשִׂיתִי בָהּ!
- נְאֻם אֲדֹנָי יְהֹוִה.

{פ}