פתיחת התפריט הראשי



קיא א הַ֥לְלוּ יָ֨הּ ׀
אוֹדֶ֣ה יְ֭הֹוָה בְּכׇל־לֵבָ֑ב
  בְּס֖וֹד יְשָׁרִ֣ים וְעֵדָֽה׃
ב גְּ֭דֹלִים מַעֲשֵׂ֣י יְהֹוָ֑ה
  דְּ֝רוּשִׁ֗ים לְכׇל־חֶפְצֵיהֶֽם׃
ג הוֹד־וְהָדָ֥ר פׇּעֳל֑וֹ
  וְ֝צִדְקָת֗וֹ עֹמֶ֥דֶת לָעַֽד׃
ד זֵ֣כֶר עָ֭שָׂה לְנִפְלְאוֹתָ֑יו
  חַנּ֖וּן וְרַח֣וּם יְהֹוָֽה׃
ה טֶ֭רֶף נָתַ֣ן לִירֵאָ֑יו
  יִזְכֹּ֖ר לְעוֹלָ֣ם בְּרִיתֽוֹ׃
ו כֹּ֣חַ מַ֭עֲשָׂיו הִגִּ֣יד לְעַמּ֑וֹ
  לָתֵ֥ת לָ֝הֶ֗ם נַחֲלַ֥ת גּוֹיִֽם׃
ז מַעֲשֵׂ֣י יָ֭דָיו אֱמֶ֣ת וּמִשְׁפָּ֑ט
  נֶ֝אֱמָנִ֗ים כׇּל־פִּקּוּדָֽיו׃
ח סְמוּכִ֣ים לָעַ֣ד לְעוֹלָ֑ם
  עֲ֝שׂוּיִ֗ם בֶּאֱמֶ֥ת וְיָשָֽׁר׃
ט פְּד֤וּת ׀ שָׁ֘לַ֤ח לְעַמּ֗וֹ
  צִוָּֽה־לְעוֹלָ֥ם בְּרִית֑וֹ
    קָד֖וֹשׁ וְנוֹרָ֣א שְׁמֽוֹ׃
טז י רֵ֘אשִׁ֤ית חׇכְמָ֨ה ׀ יִרְאַ֬ת יְהֹוָ֗ה
  שֵׂ֣כֶל ט֭וֹב לְכׇל־עֹֽשֵׂיהֶ֑ם
    תְּ֝הִלָּת֗וֹ עֹמֶ֥דֶת לָעַֽד׃

הפרק בלי מספריםעריכה



הַ֥לְלוּ יָ֨הּ ׀
אוֹדֶ֣ה יְ֭הֹוָה בְּכׇל־לֵבָ֑ב
  בְּס֖וֹד יְשָׁרִ֣ים וְעֵדָֽה׃
גְּ֭דֹלִים מַעֲשֵׂ֣י יְהֹוָ֑ה
  דְּ֝רוּשִׁ֗ים לְכׇל־חֶפְצֵיהֶֽם׃
הוֹד־וְהָדָ֥ר פׇּעֳל֑וֹ
  וְ֝צִדְקָת֗וֹ עֹמֶ֥דֶת לָעַֽד׃
זֵ֣כֶר עָ֭שָׂה לְנִפְלְאוֹתָ֑יו
  חַנּ֖וּן וְרַח֣וּם יְהֹוָֽה׃
טֶ֭רֶף נָתַ֣ן לִירֵאָ֑יו
  יִזְכֹּ֖ר לְעוֹלָ֣ם בְּרִיתֽוֹ׃
כֹּ֣חַ מַ֭עֲשָׂיו הִגִּ֣יד לְעַמּ֑וֹ
  לָתֵ֥ת לָ֝הֶ֗ם נַחֲלַ֥ת גּוֹיִֽם׃
מַעֲשֵׂ֣י יָ֭דָיו אֱמֶ֣ת וּמִשְׁפָּ֑ט
  נֶ֝אֱמָנִ֗ים כׇּל־פִּקּוּדָֽיו׃
סְמוּכִ֣ים לָעַ֣ד לְעוֹלָ֑ם
  עֲ֝שׂוּיִ֗ם בֶּאֱמֶ֥ת וְיָשָֽׁר׃
פְּד֤וּת ׀ שָׁ֘לַ֤ח לְעַמּ֗וֹ
  צִוָּֽה־לְעוֹלָ֥ם בְּרִית֑וֹ
    קָד֖וֹשׁ וְנוֹרָ֣א שְׁמֽוֹ׃
רֵ֘אשִׁ֤ית חׇכְמָ֨ה ׀ יִרְאַ֬ת יְהֹוָ֗ה
  שֵׂ֣כֶל ט֭וֹב לְכׇל־עֹֽשֵׂיהֶ֑ם
    תְּ֝הִלָּת֗וֹ עֹמֶ֥דֶת לָעַֽד׃