שמואל ב כב

תנ"ך > שמואל ב > א ב ג ד ה ו ז ח ט י יא יב יג יד טו טז יז יח יט כ כא כב כג כד

לחץ למטה על [הראה] להצגת התוכן ↓

כתיב (אותיות בלבד) (לפי מהדורת וסטמינסטר)

א וידבר דוד ליהוה את דברי השירה הזאת ביום הציל יהוה אתו מכף כל איביו ומכף שאול ב ויאמר יהוה סלעי ומצדתי ומפלטי לי ג אלהי צורי אחסה בו מגני וקרן ישעי משגבי ומנוסי משעי מחמס תשעני ד מהלל אקרא יהוה ומאיבי אושע ה כי אפפני משברי מות נחלי בליעל יבעתני ו חבלי שאול סבני קדמני מקשי מות ז בצר לי אקרא יהוה ואל אלהי אקרא וישמע מהיכלו קולי ושועתי באזניו ח ותגעש [ויתגעש] ותרעש הארץ מוסדות השמים ירגזו ויתגעשו כי חרה לו ט עלה עשן באפו ואש מפיו תאכל גחלים בערו ממנו י ויט שמים וירד וערפל תחת רגליו יא וירכב על כרוב ויעף וירא על כנפי רוח יב וישת חשך סביבתיו סכות חשרת מים עבי שחקים יג מנגה נגדו בערו גחלי אש יד ירעם מן שמים יהוה ועליון יתן קולו טו וישלח חצים ויפיצם ברק ויהמם [ויהם] טז ויראו אפקי ים יגלו מסדות תבל בגערת יהוה מנשמת רוח אפו יז ישלח ממרום יקחני ימשני ממים רבים יח יצילני מאיבי עז משנאי כי אמצו ממני יט יקדמני ביום אידי ויהי יהוה משען לי כ ויצא למרחב אתי יחלצני כי חפץ בי כא יגמלני יהוה כצדקתי כבר ידי ישיב לי כב כי שמרתי דרכי יהוה ולא רשעתי מאלהי כג כי כל משפטו [משפטיו] לנגדי וחקתיו לא אסור ממנה כד ואהיה תמים לו ואשתמרה מעוני כה וישב יהוה לי כצדקתי כברי לנגד עיניו כו עם חסיד תתחסד עם גבור תמים תתמם כז עם נבר תתבר ועם עקש תתפל כח ואת עם עני תושיע ועיניך על רמים תשפיל כט כי אתה נירי יהוה ויהוה יגיה חשכי ל כי בכה ארוץ גדוד באלהי אדלג שור לא האל תמים דרכו אמרת יהוה צרופה מגן הוא לכל החסים בו לב כי מי אל מבלעדי יהוה ומי צור מבלעדי אלהינו לג האל מעוזי חיל ויתר תמים דרכו [דרכי] לד משוה רגליו [רגלי] כאילות ועל במותי יעמדני לה מלמד ידי למלחמה ונחת קשת נחושה זרעתי לו ותתן לי מגן ישעך וענתך תרבני לז תרחיב צעדי תחתני ולא מעדו קרסלי לח ארדפה איבי ואשמידם ולא אשוב עד כלותם לט ואכלם ואמחצם ולא יקומון ויפלו תחת רגלי מ ותזרני חיל למלחמה תכריע קמי תחתני מא ואיבי תתה לי ערף משנאי ואצמיתם מב ישעו ואין משיע אל יהוה ולא ענם מג ואשחקם כעפר ארץ כטיט חוצות אדקם ארקעם מד ותפלטני מריבי עמי תשמרני לראש גוים עם לא ידעתי יעבדני מה בני נכר יתכחשו לי לשמוע אזן ישמעו לי מו בני נכר יבלו ויחגרו ממסגרותם מז חי יהוה וברוך צורי וירם אלהי צור ישעי מח האל הנתן נקמת לי ומוריד עמים תחתני מט ומוציאי מאיבי ומקמי תרוממני מאיש חמסים תצילני נ על כן אודך יהוה בגוים ולשמך אזמר נא מגדיל [מגדול] ישועות מלכו ועשה חסד למשיחו לדוד ולזרעו עד עולם

מנוקד (לפי מהדורת וסטמינסטר)

א וַיְדַבֵּר דָּוִד לַיהוָה אֶת דִּבְרֵי הַשִּׁירָה הַזֹּאת בְּיוֹם הִצִּיל יְהוָה אֹתוֹ מִכַּף כָּל אֹיְבָיו וּמִכַּף שָׁאוּל. ב וַיֹּאמַר יְהוָה סַלְעִי וּמְצֻדָתִי וּמְפַלְטִי לִי. ג אֱלֹהֵי צוּרִי אֶחֱסֶה בּוֹ מָגִנִּי וְקֶרֶן יִשְׁעִי מִשְׂגַּבִּי וּמְנוּסִי מֹשִׁעִי מֵחָמָס תֹּשִׁעֵנִי. ד מְהֻלָּל אֶקְרָא יְהוָה וּמֵאֹיְבַי אִוָּשֵׁעַ. ה כִּי אֲפָפֻנִי מִשְׁבְּרֵי מָוֶת נַחֲלֵי בְלִיַּעַל יְבַעֲתֻנִי. ו חֶבְלֵי שְׁאוֹל סַבֻּנִי קִדְּמֻנִי מֹקְשֵׁי מָוֶת. ז בַּצַּר לִי אֶקְרָא יְהוָה וְאֶל אֱלֹהַי אֶקְרָא וַיִּשְׁמַע מֵהֵיכָלוֹ קוֹלִי וְשַׁוְעָתִי בְּאָזְנָיו. ח ותגעש [וַיִּתְגָּעַשׁ] וַתִּרְעַשׁ הָאָרֶץ מוֹסְדוֹת הַשָּׁמַיִם יִרְגָּזוּ וַיִּתְגָּעֲשׁוּ כִּי חָרָה לוֹ. ט עָלָה עָשָׁן בְּאַפּוֹ וְאֵשׁ מִפִּיו תֹּאכֵל גֶּחָלִים בָּעֲרוּ מִמֶּנּוּ. י וַיֵּט שָׁמַיִם וַיֵּרַד וַעֲרָפֶל תַּחַת רַגְלָיו. יא וַיִּרְכַּב עַל כְּרוּב וַיָּעֹף וַיֵּרָא עַל כַּנְפֵי רוּחַ. יב וַיָּשֶׁת חֹשֶׁךְ סְבִיבֹתָיו סֻכּוֹת חַשְׁרַת מַיִם עָבֵי שְׁחָקִים. יג מִנֹּגַהּ נֶגְדּוֹ בָּעֲרוּ גַּחֲלֵי אֵשׁ. יד יַרְעֵם מִן שָׁמַיִם יְהוָה וְעֶלְיוֹן יִתֵּן קוֹלוֹ. טו וַיִּשְׁלַח חִצִּים וַיְפִיצֵם בָּרָק ויהמם [וַיָּהֹם]. טז וַיֵּרָאוּ אֲפִקֵי יָם יִגָּלוּ מֹסְדוֹת תֵּבֵל בְּגַעֲרַת יְהוָה מִנִּשְׁמַת רוּחַ אַפּוֹ. יז יִשְׁלַח מִמָּרוֹם יִקָּחֵנִי יַמְשֵׁנִי מִמַּיִם רַבִּים. יח יַצִּילֵנִי מֵאֹיְבִי עָז מִשֹּׂנְאַי כִּי אָמְצוּ מִמֶּנִּי. יט יְקַדְּמֻנִי בְּיוֹם אֵידִי וַיְהִי יְהוָה מִשְׁעָן לִי. כ וַיֹּצֵא לַמֶּרְחָב אֹתִי יְחַלְּצֵנִי כִּי חָפֵץ בִּי. כא יִגְמְלֵנִי יְהוָה כְּצִדְקָתִי כְּבֹר יָדַי יָשִׁיב לִי. כב כִּי שָׁמַרְתִּי דַּרְכֵי יְהוָה וְלֹא רָשַׁעְתִּי מֵאֱלֹהָי. כג כִּי כָל משפטו [מִשְׁפָּטָיו] לְנֶגְדִּי וְחֻקֹּתָיו לֹא אָסוּר מִמֶּנָּה. כד וָאֶהְיֶה תָמִים לוֹ וָאֶשְׁתַּמְּרָה מֵעֲו‍ֹנִי. כה וַיָּשֶׁב יְהוָה לִי כְּצִדְקָתִי כְּבֹרִי לְנֶגֶד עֵינָיו. כו עִם חָסִיד תִּתְחַסָּד עִם גִּבּוֹר תָּמִים תִּתַּמָּם. כז עִם נָבָר תִּתָּבָר וְעִם עִקֵּשׁ תִּתַּפָּל. כח וְאֶת עַם עָנִי תּוֹשִׁיעַ וְעֵינֶיךָ עַל רָמִים תַּשְׁפִּיל. כט כִּי אַתָּה נֵירִי יְהוָה וַיהוָה יַגִּיהַּ חָשְׁכִּי. ל כִּי בְכָה אָרוּץ גְּדוּד בֵּאלֹהַי אֲדַלֶּג שׁוּר. לא הָאֵל תָּמִים דַּרְכּוֹ אִמְרַת יְהוָה צְרוּפָה מָגֵן הוּא לְכֹל הַחֹסִים בּוֹ. לב כִּי מִי אֵל מִבַּלְעֲדֵי יְהוָה וּמִי צוּר מִבַּלְעֲדֵי אֱלֹהֵינוּ. לג הָאֵל מָעוּזִּי חָיִל וַיַּתֵּר תָּמִים דרכו [דַּרְכִּי]. לד מְשַׁוֶּה רגליו [רַגְלַי] כָּאַיָּלוֹת וְעַל בָּמוֹתַי יַעֲמִדֵנִי. לה מְלַמֵּד יָדַי לַמִּלְחָמָה וְנִחַת קֶשֶׁת נְחוּשָׁה זְרֹעֹתָי. לו וַתִּתֶּן לִי מָגֵן יִשְׁעֶךָ וַעֲנֹתְךָ תַּרְבֵּנִי. לז תַּרְחִיב צַעֲדִי תַּחְתֵּנִי וְלֹא מָעֲדוּ קַרְסֻלָּי. לח אֶרְדְּפָה אֹיְבַי וָאַשְׁמִידֵם וְלֹא אָשׁוּב עַד כַּלּוֹתָם. לט וָאֲכַלֵּם וָאֶמְחָצֵם וְלֹא יְקוּמוּן וַיִּפְּלוּ תַּחַת רַגְלָי. מ וַתַּזְרֵנִי חַיִל לַמִּלְחָמָה תַּכְרִיעַ קָמַי תַּחְתֵּנִי. מא וְאֹיְבַי תַּתָּה לִּי עֹרֶף מְשַׂנְאַי וָאַצְמִיתֵם. מב יִשְׁעוּ וְאֵין מֹשִׁיעַ אֶל יְהוָה וְלֹא עָנָם. מג וְאֶשְׁחָקֵם כַּעֲפַר אָרֶץ כְּטִיט חוּצוֹת אֲדִקֵּם אֶרְקָעֵם. מד וַתְּפַלְּטֵנִי מֵרִיבֵי עַמִּי תִּשְׁמְרֵנִי לְרֹאשׁ גּוֹיִם עַם לֹא יָדַעְתִּי יַעַבְדֻנִי. מה בְּנֵי נֵכָר יִתְכַּחֲשׁוּ לִי לִשְׁמוֹעַ אֹזֶן יִשָּׁמְעוּ לִי. מו בְּנֵי נֵכָר יִבֹּלוּ וְיַחְגְּרוּ מִמִּסְגְּרוֹתָם. מז חַי יְהוָה וּבָרוּךְ צוּרִי וְיָרֻם אֱלֹהֵי צוּר יִשְׁעִי. מח הָאֵל הַנֹּתֵן נְקָמֹת לִי וּמוֹרִיד עַמִּים תַּחְתֵּנִי. מט וּמוֹצִיאִי מֵאֹיְבָי וּמִקָּמַי תְּרוֹמְמֵנִי מֵאִישׁ חֲמָסִים תַּצִּילֵנִי. נ עַל כֵּן אוֹדְךָ יְהוָה בַּגּוֹיִם וּלְשִׁמְךָ אֲזַמֵּר. נא מגדיל [מִגְדּוֹל] יְשׁוּעוֹת מַלְכּוֹ וְעֹשֶׂה חֶסֶד לִמְשִׁיחוֹ לְדָוִד וּלְזַרְעוֹ עַד עוֹלָם.

מנוקד ובשורות (לפי מהדורת וסטמינסטר)

(א) וַיְדַבֵּר דָּוִד לַיהוָה אֶת דִּבְרֵי הַשִּׁירָה הַזֹּאת בְּיוֹם הִצִּיל יְהוָה אֹתוֹ מִכַּף כָּל אֹיְבָיו וּמִכַּף שָׁאוּל.

(ב) וַיֹּאמַר יְהוָה סַלְעִי וּמְצֻדָתִי וּמְפַלְטִי לִי.

(ג) אֱלֹהֵי צוּרִי אֶחֱסֶה בּוֹ מָגִנִּי וְקֶרֶן יִשְׁעִי מִשְׂגַּבִּי וּמְנוּסִי מֹשִׁעִי מֵחָמָס תֹּשִׁעֵנִי.

(ד) מְהֻלָּל אֶקְרָא יְהוָה וּמֵאֹיְבַי אִוָּשֵׁעַ.

(ה) כִּי אֲפָפֻנִי מִשְׁבְּרֵי מָוֶת נַחֲלֵי בְלִיַּעַל יְבַעֲתֻנִי.

(ו) חֶבְלֵי שְׁאוֹל סַבֻּנִי קִדְּמֻנִי מֹקְשֵׁי מָוֶת.

(ז) בַּצַּר לִי אֶקְרָא יְהוָה וְאֶל אֱלֹהַי אֶקְרָא וַיִּשְׁמַע מֵהֵיכָלוֹ קוֹלִי וְשַׁוְעָתִי בְּאָזְנָיו.

(ח)

ותגעש [וַיִּתְגָּעַשׁ] וַתִּרְעַשׁ הָאָרֶץ מוֹסְדוֹת הַשָּׁמַיִם יִרְגָּזוּ וַיִּתְגָּעֲשׁוּ כִּי חָרָה לוֹ.

(ט) עָלָה עָשָׁן בְּאַפּוֹ וְאֵשׁ מִפִּיו תֹּאכֵל גֶּחָלִים בָּעֲרוּ מִמֶּנּוּ.

(י) וַיֵּט שָׁמַיִם וַיֵּרַד וַעֲרָפֶל תַּחַת רַגְלָיו.

(יא) וַיִּרְכַּב עַל כְּרוּב וַיָּעֹף וַיֵּרָא עַל כַּנְפֵי רוּחַ.

(יב) וַיָּשֶׁת חֹשֶׁךְ סְבִיבֹתָיו סֻכּוֹת חַשְׁרַת מַיִם עָבֵי שְׁחָקִים.

(יג) מִנֹּגַהּ נֶגְדּוֹ בָּעֲרוּ גַּחֲלֵי אֵשׁ.

(יד) יַרְעֵם מִן שָׁמַיִם יְהוָה וְעֶלְיוֹן יִתֵּן קוֹלוֹ.

(טו) וַיִּשְׁלַח חִצִּים וַיְפִיצֵם בָּרָק ויהמם [וַיָּהֹם].

(טז) וַיֵּרָאוּ אֲפִקֵי יָם יִגָּלוּ מֹסְדוֹת תֵּבֵל בְּגַעֲרַת יְהוָה מִנִּשְׁמַת רוּחַ אַפּוֹ.

(יז) יִשְׁלַח מִמָּרוֹם יִקָּחֵנִי יַמְשֵׁנִי מִמַּיִם רַבִּים.

(יח) יַצִּילֵנִי מֵאֹיְבִי עָז מִשֹּׂנְאַי כִּי אָמְצוּ מִמֶּנִּי.

(יט) יְקַדְּמֻנִי בְּיוֹם אֵידִי וַיְהִי יְהוָה מִשְׁעָן לִי.

(כ) וַיֹּצֵא לַמֶּרְחָב אֹתִי יְחַלְּצֵנִי כִּי חָפֵץ בִּי.

(כא) יִגְמְלֵנִי יְהוָה כְּצִדְקָתִי כְּבֹר יָדַי יָשִׁיב לִי.

(כב) כִּי שָׁמַרְתִּי דַּרְכֵי יְהוָה וְלֹא רָשַׁעְתִּי מֵאֱלֹהָי.

(כג) כִּי כָל משפטו [מִשְׁפָּטָיו] לְנֶגְדִּי וְחֻקֹּתָיו לֹא אָסוּר מִמֶּנָּה.

(כד) וָאֶהְיֶה תָמִים לוֹ וָאֶשְׁתַּמְּרָה מֵעֲו‍ֹנִי.

(כה) וַיָּשֶׁב יְהוָה לִי כְּצִדְקָתִי כְּבֹרִי לְנֶגֶד עֵינָיו.

(כו) עִם חָסִיד תִּתְחַסָּד עִם גִּבּוֹר תָּמִים תִּתַּמָּם.

(כז) עִם נָבָר תִּתָּבָר וְעִם עִקֵּשׁ תִּתַּפָּל.

(כח) וְאֶת עַם עָנִי תּוֹשִׁיעַ וְעֵינֶיךָ עַל רָמִים תַּשְׁפִּיל.

(כט) כִּי אַתָּה נֵירִי יְהוָה וַיהוָה יַגִּיהַּ חָשְׁכִּי.

(ל) כִּי בְכָה אָרוּץ גְּדוּד בֵּאלֹהַי אֲדַלֶּג שׁוּר.

(לא) הָאֵל תָּמִים דַּרְכּוֹ אִמְרַת יְהוָה צְרוּפָה מָגֵן הוּא לְכֹל הַחֹסִים בּוֹ.

(לב) כִּי מִי אֵל מִבַּלְעֲדֵי יְהוָה וּמִי צוּר מִבַּלְעֲדֵי אֱלֹהֵינוּ.

(לג) הָאֵל מָעוּזִּי חָיִל וַיַּתֵּר תָּמִים דרכו [דַּרְכִּי].

(לד) מְשַׁוֶּה רגליו [רַגְלַי] כָּאַיָּלוֹת וְעַל בָּמוֹתַי יַעֲמִדֵנִי.

(לה) מְלַמֵּד יָדַי לַמִּלְחָמָה וְנִחַת קֶשֶׁת נְחוּשָׁה זְרֹעֹתָי.

(לו) וַתִּתֶּן לִי מָגֵן יִשְׁעֶךָ וַעֲנֹתְךָ תַּרְבֵּנִי.

(לז) תַּרְחִיב צַעֲדִי תַּחְתֵּנִי וְלֹא מָעֲדוּ קַרְסֻלָּי.

(לח) אֶרְדְּפָה אֹיְבַי וָאַשְׁמִידֵם וְלֹא אָשׁוּב עַד כַּלּוֹתָם.

(לט) וָאֲכַלֵּם וָאֶמְחָצֵם וְלֹא יְקוּמוּן וַיִּפְּלוּ תַּחַת רַגְלָי.

(מ) וַתַּזְרֵנִי חַיִל לַמִּלְחָמָה תַּכְרִיעַ קָמַי תַּחְתֵּנִי.

(מא) וְאֹיְבַי תַּתָּה לִּי עֹרֶף מְשַׂנְאַי וָאַצְמִיתֵם.

(מב) יִשְׁעוּ וְאֵין מֹשִׁיעַ אֶל יְהוָה וְלֹא עָנָם.

(מג) וְאֶשְׁחָקֵם כַּעֲפַר אָרֶץ כְּטִיט חוּצוֹת אֲדִקֵּם אֶרְקָעֵם.

(מד) וַתְּפַלְּטֵנִי מֵרִיבֵי עַמִּי תִּשְׁמְרֵנִי לְרֹאשׁ גּוֹיִם עַם לֹא יָדַעְתִּי יַעַבְדֻנִי.

(מה) בְּנֵי נֵכָר יִתְכַּחֲשׁוּ לִי לִשְׁמוֹעַ אֹזֶן יִשָּׁמְעוּ לִי.

(מו) בְּנֵי נֵכָר יִבֹּלוּ וְיַחְגְּרוּ מִמִּסְגְּרוֹתָם.

(מז) חַי יְהוָה וּבָרוּךְ צוּרִי וְיָרֻם אֱלֹהֵי צוּר יִשְׁעִי.

(מח) הָאֵל הַנֹּתֵן נְקָמֹת לִי וּמוֹרִיד עַמִּים תַּחְתֵּנִי.

(מט) וּמוֹצִיאִי מֵאֹיְבָי וּמִקָּמַי תְּרוֹמְמֵנִי מֵאִישׁ חֲמָסִים תַּצִּילֵנִי.

(נ) עַל כֵּן אוֹדְךָ יְהוָה בַּגּוֹיִם וּלְשִׁמְךָ אֲזַמֵּר.

(נא)

מגדיל [מִגְדּוֹל] יְשׁוּעוֹת מַלְכּוֹ וְעֹשֶׂה חֶסֶד לִמְשִׁיחוֹ לְדָוִד וּלְזַרְעוֹ עַד עוֹלָם.

עם טעמי המקרא (לפי מקרא על פי המסורה)

כב א וַיְדַבֵּ֤ר דָּוִד֙ לַיהֹוָ֔ה אֶת־דִּבְרֵ֖י הַשִּׁירָ֣ה הַזֹּ֑את בְּיוֹם֩ הִצִּ֨יל יְהֹוָ֥ה אֹת֛וֹ
מִכַּ֥ף כׇּל־אֹיְבָ֖יו וּמִכַּ֥ף שָׁאֽוּל׃ ב וַיֹּאמַ֑ר יְהֹוָ֛ה סַֽלְעִ֥י וּמְצֻדָתִ֖י
וּמְפַלְטִי־לִֽי׃ ג אֱלֹהֵ֥י צוּרִ֖י אֶחֱסֶה־בּ֑וֹ מָגִנִּ֞י וְקֶ֣רֶן יִשְׁעִ֗י
מִשְׂגַּבִּי֙ וּמְנוּסִ֔י מֹשִׁעִ֕י מֵחָמָ֖ס תֹּשִׁעֵֽנִי׃
ד מְהֻלָּ֖ל אֶקְרָ֣א יְהֹוָ֑ה וּמֵאֹיְבַ֖י אִוָּשֵֽׁעַ׃
ה כִּ֥י אֲפָפֻ֖נִי מִשְׁבְּרֵי־מָ֑וֶת נַחֲלֵ֥י בְלִיַּ֖עַל יְבַעֲתֻֽנִי׃
ו חֶבְלֵ֥י שְׁא֖וֹל סַבֻּ֑נִי קִדְּמֻ֖נִי מֹ֥קְשֵׁי מָֽוֶת׃
ז בַּצַּר־לִי֙ אֶקְרָ֣א יְהֹוָ֔ה וְאֶל־אֱלֹהַ֖י אֶקְרָ֑א וַיִּשְׁמַ֤ע מֵהֵֽיכָלוֹ֙ קוֹלִ֔י וְשַׁוְעָתִ֖י בְּאׇזְנָֽיו׃
ח ותגעש וַיִּתְגָּעַ֤שׁ וַתִּרְעַשׁ֙ הָאָ֔רֶץ מוֹסְד֥וֹת הַשָּׁמַ֖יִם יִרְגָּ֑זוּ וַיִּֽתְגָּעֲשׁ֖וּ כִּי־חָ֥רָה לֽוֹ׃
ט עָלָ֤ה עָשָׁן֙ בְּאַפּ֔וֹ וְאֵ֥שׁ מִפִּ֖יו תֹּאכֵ֑ל גֶּחָלִ֖ים בָּעֲר֥וּ מִמֶּֽנּוּ׃
י וַיֵּ֥ט שָׁמַ֖יִם וַיֵּרַ֑ד וַעֲרָפֶ֖ל תַּ֥חַת רַגְלָֽיו׃
יא וַיִּרְכַּ֥ב עַל־כְּר֖וּב וַיָּעֹ֑ף וַיֵּרָ֖א עַל־כַּנְפֵי־רֽוּחַ׃
יב וַיָּ֥שֶׁת חֹ֛שֶׁךְ סְבִיבֹתָ֖יו סֻכּ֑וֹת חַֽשְׁﬞרַת־מַ֖יִם עָבֵ֥י שְׁחָקִֽים׃
יג מִנֹּ֖גַהּ נֶגְדּ֑וֹ בָּעֲר֖וּ גַּחֲלֵי־אֵֽשׁ׃ יד יַרְעֵ֥ם מִן־שָׁמַ֖יִם יְהֹוָ֑ה
וְעֶלְי֖וֹן יִתֵּ֥ן קוֹלֽוֹ׃ טו וַיִּשְׁלַ֥ח חִצִּ֖ים וַיְפִיצֵ֑ם בָּרָ֖ק ויהמם וַיָּהֹֽם׃
טז וַיֵּֽרָאוּ֙ אֲפִ֣קֵי יָ֔ם יִגָּל֖וּ מֹסְד֣וֹת תֵּבֵ֑ל בְּגַעֲרַ֣ת יְהֹוָ֔ה מִנִּשְׁמַ֖ת ר֥וּחַ אַפּֽוֹ׃
יז יִשְׁלַ֥ח מִמָּר֖וֹם יִקָּחֵ֑נִי יַֽמְשֵׁ֖נִי מִמַּ֥יִם רַבִּֽים׃
יח יַצִּילֵ֕נִי מֵאֹיְבִ֖י עָ֑ז מִשֹּׂ֣נְאַ֔י כִּ֥י אָמְצ֖וּ מִמֶּֽנִּי׃
יט יְקַדְּמֻ֖נִי בְּי֣וֹם אֵידִ֑י וַיְהִ֧י יְהֹוָ֛ה מִשְׁעָ֖ן לִֽי׃ כ וַיֹּצֵ֥א לַמֶּרְחָ֖ב אֹתִ֑י
יְחַלְּצֵ֖נִי כִּי־חָ֥פֵֽץ בִּֽי׃ כא יִגְמְלֵ֥נִי יְהֹוָ֖ה כְּצִדְקָתִ֑י
כְּבֹ֥ר יָדַ֖י יָשִׁ֥יב לִֽי׃ כב כִּ֥י שָׁמַ֖רְתִּי דַּרְכֵ֣י יְהֹוָ֑ה
וְלֹ֥א רָשַׁ֖עְתִּי מֵאֱלֹהָֽי׃ כג כִּ֥י כׇל־מִשְׁפָּטָ֖ו לְנֶגְדִּ֑י וְחֻקֹּתָ֖יו לֹא־אָס֥וּר מִמֶּֽנָּה׃
כד וָאֶהְיֶ֥ה תָמִ֖ים ל֑וֹ וָאֶשְׁתַּמְּרָ֖ה מֵעֲוֺנִֽי׃
כה וַיָּ֧שֶׁב יְהֹוָ֛ה לִ֖י כְּצִדְקָתִ֑י כְּבֹרִ֖י לְנֶ֥גֶד עֵינָֽיו׃
כו עִם־חָסִ֖יד תִּתְחַסָּ֑ד עִם־גִּבּ֥וֹר תָּמִ֖ים תִּתַּמָּֽם׃
כז עִם־נָבָ֖ר תִּתָּבָ֑ר וְעִם־עִקֵּ֖שׁ תִּתַּפָּֽל׃
כח וְאֶת־עַ֥ם עָנִ֖י תּוֹשִׁ֑יעַ וְעֵינֶ֥יךָ עַל־רָמִ֖ים תַּשְׁפִּֽיל׃
כט כִּֽי־אַתָּ֥ה נֵירִ֖י יְהֹוָ֑ה וַיהֹוָ֖ה יַגִּ֥יהַּ חׇשְׁכִּֽי׃
ל כִּ֥י בְכָ֖ה אָר֣וּץ גְּד֑וּד בֵּאלֹהַ֖י אֲדַלֶּג־שֽׁוּר׃
לא הָאֵ֖ל תָּמִ֣ים דַּרְכּ֑וֹ אִמְרַ֤ת יְהֹוָה֙ צְרוּפָ֔ה מָגֵ֣ן ה֔וּא לְכֹ֖ל הַֽחֹסִ֥ים בּֽוֹ׃
לב כִּ֥י מִי־אֵ֖ל מִבַּלְעֲדֵ֣י יְהֹוָ֑ה וּמִ֥י צ֖וּר מִֽבַּלְעֲדֵ֥י אֱלֹהֵֽינוּ׃
לג הָאֵ֥ל מָֽעוּזִּ֖י חָ֑יִל וַיַּתֵּ֥ר תָּמִ֖ים דרכו דַּרְכִּֽי׃
לד מְשַׁוֶּ֥ה רגליו רַגְלַ֖י כָּאַיָּל֑וֹת וְעַ֥ל בָּמֹתַ֖י יַעֲמִדֵֽנִי׃
לה מְלַמֵּ֥ד יָדַ֖י לַמִּלְחָמָ֑ה וְנִחַ֥ת קֶשֶׁת־נְחוּשָׁ֖ה זְרֹעֹתָֽי׃
לו וַתִּתֶּן־לִ֖י מָגֵ֣ן יִשְׁעֶ֑ךָ וַעֲנֹתְךָ֖ תַּרְבֵּֽנִי׃ לז תַּרְחִ֥יב צַעֲדִ֖י תַּחְתֵּ֑נִי וְלֹ֥א מָעֲד֖וּ קַרְסֻלָּֽי׃
לח אֶרְדְּפָ֥ה אֹיְבַ֖י וָאַשְׁמִידֵ֑ם וְלֹ֥א אָשׁ֖וּב עַד־כַּלּוֹתָֽם׃
לט וָאֲכַלֵּ֥ם וָאֶמְחָצֵ֖ם וְלֹ֣א יְקוּמ֑וּן וַֽיִּפְּל֖וּ תַּ֥חַת רַגְלָֽי׃
מ וַתַּזְרֵ֥נִי חַ֖יִל לַמִּלְחָמָ֑ה תַּכְרִ֥יעַ קָמַ֖י תַּחְתֵּֽנִי׃
מא וְאֹ֣יְבַ֔י תַּ֥תָּה לִּ֖י עֹ֑רֶף מְשַׂנְאַ֖י וָאַצְמִיתֵֽם׃ מב יִשְׁע֖וּ וְאֵ֣ין מֹשִׁ֑יעַ אֶל־יְהֹוָ֖ה וְלֹ֥א עָנָֽם׃
מג וְאֶשְׁחָקֵ֖ם כַּעֲפַר־אָ֑רֶץ כְּטִיט־חוּצ֥וֹת אֲדִקֵּ֖ם אֶרְקָעֵֽם׃
מד וַֽתְּפַלְּטֵ֔נִי מֵרִיבֵ֖י עַמִּ֑י תִּשְׁמְרֵ֙נִי֙ לְרֹ֣אשׁ גּוֹיִ֔ם עַ֥ם לֹא־יָדַ֖עְתִּי יַעַבְדֻֽנִי׃
מה בְּנֵ֥י נֵכָ֖ר יִתְכַּחֲשׁוּ־לִ֑י לִשְׁמ֥וֹעַ אֹ֖זֶן יִשָּׁ֥מְעוּ לִֽי׃ מו בְּנֵ֥י נֵכָ֖ר יִבֹּ֑לוּ וְיַחְגְּר֖וּ מִמִּסְגְּרוֹתָֽם׃
מז חַי־יְהֹוָ֖ה וּבָר֣וּךְ צוּרִ֑י וְיָרֻ֕ם אֱלֹהֵ֖י צ֥וּר יִשְׁעִֽי׃
מח הָאֵ֕ל הַנֹּתֵ֥ן נְקָמֹ֖ת לִ֑י וּמֹרִ֥יד עַמִּ֖ים תַּחְתֵּֽנִי׃
מט וּמוֹצִיאִ֖י מֵאֹֽיְבָ֑י וּמִקָּמַי֙ תְּר֣וֹמְמֵ֔נִי מֵאִ֥ישׁ חֲמָסִ֖ים תַּצִּילֵֽנִי׃
נ עַל־כֵּ֛ן אֽוֹדְךָ֥ יְהֹוָ֖ה בַּגּוֹיִ֑ם וּלְשִׁמְךָ֖ אֲזַמֵּֽר׃
לד נא מגדיל מִגְדּ֖וֹל יְשׁוּע֣וֹת מַלְכּ֑וֹ וְעֹֽשֶׂה־חֶ֧סֶד לִמְשִׁיח֛וֹ לְדָוִ֥ד וּלְזַרְע֖וֹ עַד־עוֹלָֽם׃

עם ביאור

קישור לפרק זה במהדורה המבוארת

א וַיְדַבֵּר דָּוִד לַיהוָה אֶת דִּבְרֵי הַשִּׁירָה הַזֹּאת, בְּיוֹם הִצִּיל יְהוָה אֹתוֹ מִכַּף כָּל אֹיְבָיו וּמִכַּף שָׁאוּל. ב וַיֹּאמַר:

יְהוָה סַלְעִי הסלע שמאחוריו אני מסתתר וּמְצֻדָתִי המחבוא שלי וּמְפַלְטִי לִי המציל אותי.

ג אֱלֹהֵי צוּרִי הסלע שלי אֶחֱסֶה בּוֹ, מָגִנִּי וְקֶרֶן יִשְׁעִי הגבורה שבזכותה אני נושע, מִשְׂגַּבִּי המקום הגבוה בו אני מוגן וּמְנוּסִי מקום שנסים אליו להמלט מאויבים, מֹשִׁעִי מציל אותי מֵחָמָס תֹּשִׁעֵנִי.

ד "מְהֻלָּל מלא תשבחות!" אֶקְרָא יְהוָה לה', וּמֵאֹיְבַי אִוָּשֵׁעַ ומיד, בזכות שאני מהלל את ה', אני ניצל מאויבי.

ה כִּי אֲפָפֻנִי הקיפו אותי מִשְׁבְּרֵי מָוֶת גלים גבוהים שהורסים כל מה שבדרכם, נַחֲלֵי בְלִיַּעַל נחלי שיטפון הרסניים יְבַעֲתֻנִי יפחידו אותי.

ו חֶבְלֵי שְׁאוֹל יסורים המביאים למוות סַבֻּנִי, קִדְּמֻנִי עמדו לפני, בדרכי מֹקְשֵׁי מָוֶת.

ז בַּצַּר כשהיה רע לִי אֶקְרָא יְהוָה, וְאֶל אֱלֹהַי אֶקְרָא, וַיִּשְׁמַע מֵהֵיכָלוֹ קוֹלִי וְשַׁוְעָתִי בְּאָזְנָיו.

צילום השירה כפי שהיא נכתבת בתנ"ך

ח (ותגעש) וַיִּתְגָּעַשׁ וַתִּרְעַשׁ הָאָרֶץ, מוֹסְדוֹת העמודים שעליהם מבוססים הַשָּׁמַיִם יִרְגָּזוּ יזדעזעו, וַיִּתְגָּעֲשׁוּ כִּי חָרָה לוֹ הצרות שלי כאבו לו ,לה'.

ט עָלָה עָשָׁן בְּאַפּוֹ וְאֵשׁ מִפִּיו תֹּאכֵל יצאה לאכול, לשרוף, גֶּחָלִים בָּעֲרוּ מִמֶּנּוּ מהאש שיצאה מפיו.

י וַיֵּט שָׁמַיִם כופף את השמים, המקום בו הוא שוכן וַיֵּרַד, וַעֲרָפֶל והניח ענן (להעזר בו כדי לרדת) תַּחַת רַגְלָיו.

יא וַיִּרְכַּב עַל כְּרוּב מלאך וַיָּעֹף, וַיֵּרָא ראו אותו כשהוא עף עַל כַּנְפֵי רוּחַ.

יב וַיָּשֶׁת הוא שם מסביבו חֹשֶׁךְ, סְבִיבֹתָיו סֻכּוֹת החושך משמש כסוכה שמסתירה אותו, חַשְׁרַת ענני מַיִם עָבֵי שְׁחָקִים עננים בשמים (מרכיבים את סוכתו).

יג מִנֹּגַהּ נֶגְדּוֹ מהאור שמולו, מהאש שיצאה מפיו, בָּעֲרוּ גַּחֲלֵי אֵשׁ.

יד יַרְעֵם הרעיש, עשה קול של רעם מִן שָׁמַיִם יְהוָה, וְעֶלְיוֹן יִתֵּן קוֹלוֹ.

טו וַיִּשְׁלַח חִצִּים וַיְפִיצֵם ובכך פיזר את אויביו, בָּרָק (ויהמם) וַיָּהֹם הטיל בהם מהומה.

טז וַיֵּרָאוּ מהרעש שגרם ה' נחשפו אֲפִקֵי יָם קרקעיות הים, יִגָּלוּ מֹסְדוֹת תֵּבֵל יסודות העולם, בְּגַעֲרַת יְהוָה, מִנִּשְׁמַת רוּחַ אַפּוֹ.

יז יִשְׁלַח ה' ישלח את ידו מִמָּרוֹם יִקָּחֵנִי, יַמְשֵׁנִי מִמַּיִם רַבִּים.

יח יַצִּילֵנִי מֵאֹיְבִי עָז שהוא עז, מִשֹּׂנְאַי כִּי אָמְצוּ היו יותר חזקים מִמֶּנִּי.

יט יְקַדְּמֻנִי אויבי יצאו מולי למלחמה בְּיוֹם אֵידִי האסון שלי, וַיְהִי יְהוָה מִשְׁעָן לִי.

כ וַיֹּצֵא לַמֶּרְחָב למקום פתוח, ההפך ממיצר, מקום לא מסוכן אֹתִי, יְחַלְּצֵנִי כִּי חָפֵץ בִּי.

כא יִגְמְלֵנִי יְהוָה כְּצִדְקָתִי כראוי למעשי הצדק שעשיתי, כְּבֹר יָדַי כשם שהידיים שלי נקיות מעבירות יָשִׁיב לִי.

כב כִּי שָׁמַרְתִּי דַּרְכֵי יְהוָה, וְלֹא רָשַׁעְתִּי מֵאֱלֹהָי לסור מדרך ה'.

כג כִּי כָל (משפטו) מִשְׁפָּטָיו לְנֶגְדִּי כאילו כתובים מולי, אני זוכר אותם תמיד, וְחֻקֹּתָיו לֹא אָסוּר מִמֶּנָּה.

כד וָאֶהְיֶה תָמִים לוֹ שלם במעשי שציוה לי ה', וָאֶשְׁתַּמְּרָה מֵעֲו‍ֹנִי מלהלכד בעוונות.

כה וַיָּשֶׁב יְהוָה לִי כְּצִדְקָתִי, כְּבֹרִי על פי נקיון כפי שגלוי לְנֶגֶד עֵינָיו.

כו עִם חָסִיד תִּתְחַסָּד תנהג איתו בנאמנות, עִם גִּבּוֹר איש מלחמה תָּמִים שלם במעשיו, לא חוטא תִּתַּמָּם תהיה שלם ביחסך אליו.

כז עִם נָבָר איש בר לבב, טהור תִּתָּבָר, וְעִם עִקֵּשׁ ההולך בדרך עקומה תִּתַּפָּל תלך איתו בדרך עקומה.

כח וְאֶת עַם עָנִי תּוֹשִׁיעַ, וְעֵינֶיךָ ושים עיניך עַל רָמִים על החושבים עצמם למכובדים תַּשְׁפִּיל ותשפיל אותם.

כט כִּי אַתָּה נֵירִי יְהוָה, וַיהוָה יַגִּיהַּ יאיר את חָשְׁכִּי.

ל כִּי בְכָה בזכותך אָרוּץ גְּדוּד ארדוף אחרי גדודי האויבים, בֵּאלֹהַי בזכות אלוהי אֲדַלֶּג שׁוּר אקפוץ מעל חומות הערים שלהם.

לא הָאֵל תָּמִים דַּרְכּוֹ, אִמְרַת יְהוָה צְרוּפָה טהורה, מָגֵן הוּא לְכֹל הַחֹסִים בּוֹ.

לב כִּי מִי אֵל מִבַּלְעֲדֵי יְהוָה, וּמִי צוּר מִבַּלְעֲדֵי אֱלֹהֵינוּ.

לג הָאֵל מָעוּזִּי חָיִל המביא לי חיל, כח, וַיַּתֵּר תָּמִים הכין וסידר בשלמות את (דרכו) דַּרְכִּי.

לד מְשַׁוֶּה (רגליו) רַגְלַי כָּאַיָּלוֹת, וְעַל בָּמוֹתַי מקומות גבוהים בשדה הקרב, עליהם אני בטוח יַעֲמִדֵנִי.

לה מְלַמֵּד יָדַי מאמן את ידי לַמִּלְחָמָה, וְנִחַת הניח על קֶשֶׁת נְחוּשָׁה עשויה מנחושת, את זְרֹעֹתָי.

לו וַתִּתֶּן לִי מָגֵן יִשְׁעֶךָ את המגן (מחיצים) המושיע אותי, וַעֲנֹתְךָ היסורים מחשלים אותי, קריאת העידוד שלך תַּרְבֵּנִי תגדל אותי.

לז תַּרְחִיב צַעֲדִי תן לי כח ללכת בצעדים גדולים תַּחְתֵּנִי, וְלֹא מָעֲדוּ קַרְסֻלָּי.

לח אֶרְדְּפָה אֹיְבַי וָאַשְׁמִידֵם, וְלֹא אָשׁוּב עַד כַּלּוֹתָם.

לט וָאֲכַלֵּם וָאֶמְחָצֵם וְלֹא יְקוּמוּן, וַיִּפְּלוּ תַּחַת רַגְלָי.

מ וַתַּזְרֵנִי תאזרני, תחגור את מותני חַיִל לַמִּלְחָמָה, תַּכְרִיעַ קָמַי את אויבי תַּחְתֵּנִי.

מא וְאֹיְבַי תַּתָּה גרמת לאויבי להפנות לִּי עֹרֶף, מְשַׂנְאַי וָאַצְמִיתֵם אשמיד אותם.

מב יִשְׁעוּ יבקשו עזרה וְאֵין מֹשִׁיעַ, אֶל יתפללו ל- יְהוָה וְלֹא עָנָם.

מג וְאֶשְׁחָקֵם אפורר אותם כַּעֲפַר אָרֶץ, כְּטִיט חוּצוֹת כמו בוץ שדורכים עליו ברחובות אֲדִקֵּם אמעך אותם אֶרְקָעֵם ארמוס אותם.

מד וַתְּפַלְּטֵנִי מֵרִיבֵי מהרבים עִם עַמִּי, תִּשְׁמְרֵנִי תשמור עלי כדי להפוך אותי לְרֹאשׁ גּוֹיִם, עַם לֹא יָדַעְתִּי רחוק מאוד שלא הכרתי יַעַבְדֻנִי.

מה בְּנֵי נֵכָר יִתְכַּחֲשׁוּ לִי מרוב שיפחדו ממני ידברו אלי דברי חנופה, לִשְׁמוֹעַ אֹזֶן מיד כשישמעו את רצוני יִשָּׁמְעוּ לִי יעשו את בקשתי.

מו בְּנֵי נֵכָר יִבֹּלוּ, וְיַחְגְּרוּ מִמִּסְגְּרוֹתָם ירעדו וינועו מהמקומות בהם הם בטוחים.

מז חַי יְהוָה וּבָרוּךְ צוּרִי, וְיָרֻם אֱלֹהֵי צוּר יִשְׁעִי.

מח הָאֵל הַנֹּתֵן נְקָמֹת לִי הנותן לי לראות בנקמות שנעשות באויבי, וּמוֹרִיד עַמִּים תַּחְתֵּנִי.

מט וּמוֹצִיאִי מֵאֹיְבָי, וּמִקָּמַי ומאויבי, הקים עלי להורגני תְּרוֹמְמֵנִי, מֵאִישׁ חֲמָסִים רשע תַּצִּילֵנִי.

נ עַל כֵּן אוֹדְךָ יְהוָה בַּגּוֹיִם בקרב הגויים ולמראה עיניהם, וּלְשִׁמְךָ אֲזַמֵּר.

נא (מגדיל) מִגְדּוֹל ה' הוא כמו מגדל של יְשׁוּעוֹת מַלְכּוֹ למלך שלו, לי, וְעֹשֶׂה חֶסֶד לִמְשִׁיחוֹ למלך שלו (שנמשח בשמן) לְדָוִד וּלְזַרְעוֹ עַד עוֹלָם. {פ}

פירושים ומאמרים באתר דעת • מקראות גדולות על פרק זה • מקראות גדולות הכתר • מ"ג הכתר צילום כתר אר"צ • מקראות גדולות "על־התורה" • מקראות גדולות "ספריא" • האזנה לפרק זה • הרשימה המלאה של דפים מכל רחבי ויקיטקסט שמקשרים לפרק זה

פירושים ומאמרים על הפרק:

שיעורים בספר שמואל ב כב