פתיחת התפריט הראשי

מפרשי הושע יד

א ב ג ד ה ו ז ח ט י יא יב יג יד

א תאשם שמרון כי מרתה באלהיה בחרב יפלו עלליהם ירטשו והריותיו יבקעו

ב שובה ישראל עד יהוה אלהיך כי כשלת בעונך ג קחו עמכם דברים ושובו אל יהוה אמרו אליו כל תשא עון וקח טוב ונשלמה פרים שפתינו ד אשור לא יושיענו על סוס לא נרכב ולא נאמר עוד אלהינו למעשה ידינו אשר בך ירחם יתום ה ארפא משובתם אהבם נדבה כי שב אפי ממנו ו אהיה כטל לישראל יפרח כשושנה ויך שרשיו כלבנון ז ילכו ינקותיו ויהי כזית הודו וריח לו כלבנון ח ישבו ישבי בצלו יחיו דגן ויפרחו כגפן זכרו כיין לבנון    ט אפרים מה לי עוד לעצבים אני עניתי ואשורנו אני כברוש רענן ממני פריך נמצא י מי חכם ויבן אלה נבון וידעם כי ישרים דרכי יהוה וצדקים ילכו בם ופשעים יכשלו בם