איוב ז
קיצור דרך: t2707
תנ"ך > איוב > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב
הפרק במהדורה המוטעמת
ז א הֲלֹֽא־צָבָ֣א לֶֽאֱנ֣וֹשׁ על עֲלֵי־אָ֑רֶץ
וְכִימֵ֖י שָׂכִ֣יר יָמָֽיו׃
ב כְּעֶ֥בֶד יִשְׁאַף־צֵ֑ל
וּ֝כְשָׂכִ֗יר יְקַוֶּ֥ה פׇעֳלֽוֹ׃
ג כֵּ֤ן הׇנְחַ֣לְתִּי לִ֭י יַרְחֵי־שָׁ֑וְא
וְלֵיל֥וֹת עָ֝מָ֗ל מִנּוּ־לִֽי׃
ד אִם־שָׁכַ֗בְתִּי וְאָמַ֗רְתִּי
מָתַ֣י אָ֭קוּם וּמִדַּד־עָ֑רֶב
וְשָׂבַ֖עְתִּי נְדֻדִ֣ים עֲדֵי־נָֽשֶׁף׃
ה לָ֘בַ֤שׁ בְּשָׂרִ֣י רִ֭מָּה וגיש וְג֣וּשׁ עָפָ֑ר
עוֹרִ֥י רָ֝גַ֗ע וַיִּמָּאֵֽס׃
ו יָמַ֣י קַ֭לּוּ מִנִּי־אָ֑רֶג
וַ֝יִּכְל֗וּ בְּאֶ֣פֶס תִּקְוָֽה׃
ז זְ֭כֹר כִּי־ר֣וּחַ חַיָּ֑י
לֹא־תָשׁ֥וּב עֵ֝ינִ֗י לִרְא֥וֹת טֽוֹב׃
ח לֹא־תְ֭שׁוּרֵנִי עֵ֣ין רֹ֑אִי
עֵינֶ֖יךָ בִּ֣י וְאֵינֶֽנִּי׃
ט כָּלָ֣ה עָ֭נָן וַיֵּלַ֑ךְ
כֵּ֥ן יוֹרֵ֥ד שְׁ֝א֗וֹל לֹ֣א יַעֲלֶֽה׃
י לֹא־יָשׁ֣וּב ע֣וֹד לְבֵית֑וֹ
וְלֹא־יַכִּירֶ֖נּוּ ע֣וֹד מְקֹמֽוֹ׃
יא גַּם־אֲנִי֮ לֹ֤א אֶחֱשׇׂ֫ךְ־פִּ֥י
אֲֽ֭דַבְּרָה בְּצַ֣ר רוּחִ֑י
אָ֝שִׂ֗יחָה בְּמַ֣ר נַפְשִֽׁי׃
יב הֲֽיָם־אָ֭נִי אִם־תַּנִּ֑ין
כִּֽי־תָשִׂ֖ים עָלַ֣י מִשְׁמָֽר׃
יג כִּֽי־אָ֭מַרְתִּי תְּנַחֲמֵ֣נִי עַרְשִׂ֑י
יִשָּׂ֥א בְ֝שִׂיחִ֗י מִשְׁכָּבִֽי׃
יד וְחִתַּתַּ֥נִי בַחֲלֹמ֑וֹת
וּֽמֵחֶזְיֹנ֥וֹת תְּבַעֲתַֽנִּי׃
טו וַתִּבְחַ֣ר מַחֲנָ֣ק נַפְשִׁ֑י
מָ֗֝וֶת מֵעַצְמוֹתָֽי׃
טז מָ֭אַסְתִּי לֹא־לְעֹלָ֣ם אֶחְיֶ֑ה
חֲדַ֥ל מִ֝מֶּ֗נִּי כִּי־הֶ֥בֶל יָמָֽי׃
יז מָֽה־אֱ֭נוֹשׁ כִּ֣י תְגַדְּלֶ֑נּוּ
וְכִֽי־תָשִׁ֖ית אֵלָ֣יו לִבֶּֽךָ׃
יח וַתִּפְקְדֶ֥נּוּ לִבְקָרִ֑ים
לִ֝רְגָעִ֗ים תִּבְחָנֶֽנּוּ׃
יט כַּ֭מָּה לֹא־תִשְׁעֶ֣ה מִמֶּ֑נִּי
לֹֽא־תַ֝רְפֵּ֗נִי עַד־בִּלְעִ֥י רֻקִּֽי׃
כ חָטָ֡אתִי מָ֤ה אֶפְעַ֨ל ׀ לָךְ֮ נֹצֵ֢ר הָ֫אָדָ֥ם
לָ֤מָה שַׂמְתַּ֣נִי לְמִפְגָּ֣ע לָ֑ךְ
וָאֶהְיֶ֖ה עָלַ֣י לְמַשָּֽׂא׃
כא וּמֶ֤ה ׀ לֹא־תִשָּׂ֣א פִשְׁעִי֮
וְתַעֲבִ֢יר אֶת־עֲוֺ֫נִ֥י
כִּֽי־עַ֭תָּה לֶעָפָ֣ר אֶשְׁכָּ֑ב
וְשִׁ֖חַרְתַּ֣נִי וְאֵינֶֽנִּי׃
מהדורות נוספות
לחץ למטה על [הראה] להצגת התוכן ↓
א הלא צבא לאנוש על [עלי] ארץ וכימי שכיר ימיו
ב כעבד ישאף צל וכשכיר יקוה פעלו
ג כן הנחלתי לי ירחי שוא ולילות עמל מנו לי
ד אם שכבתי ואמרתי מתי אקום ומדד ערב ושבעתי נדדים עדי נשף
ה לבש בשרי רמה וגיש [וגוש] עפר עורי רגע וימאס
ו ימי קלו מני ארג ויכלו באפס תקוה
ז זכר כי רוח חיי לא תשוב עיני לראות טוב
ח לא תשורני עין ראי עיניך בי ואינני
ט כלה ענן וילך כן יורד שאול לא יעלה
י לא ישוב עוד לביתו ולא יכירנו עוד מקמו
יא גם אני לא אחשך פי אדברה בצר רוחי אשיחה במר נפשי
יב הים אני אם תנין כי תשים עלי משמר
יג כי אמרתי תנחמני ערשי ישא בשיחי משכבי
יד וחתתני בחלמות ומחזינות תבעתני
טו ותבחר מחנק נפשי מות מעצמותי
טז מאסתי לא לעלם אחיה חדל ממני כי הבל ימי
יז מה אנוש כי תגדלנו וכי תשית אליו לבך
יח ותפקדנו לבקרים לרגעים תבחננו
יט כמה לא תשעה ממני לא תרפני עד בלעי רקי
כ חטאתי מה אפעל לך נצר האדם למה שמתני למפגע לך ואהיה עלי למשא
כא ומה לא תשא פשעי ותעביר את עוני כי עתה לעפר אשכב ושחרתני ואינני
א הֲלֹא צָבָא לֶאֱנוֹשׁ על [עֲלֵי] אָרֶץ וְכִימֵי שָׂכִיר יָמָיו.
ב כְּעֶבֶד יִשְׁאַף צֵל וּכְשָׂכִיר יְקַוֶּה פָעֳלוֹ.
ג כֵּן הָנְחַלְתִּי לִי יַרְחֵי שָׁוְא וְלֵילוֹת עָמָל מִנּוּ לִי.
ד אִם שָׁכַבְתִּי וְאָמַרְתִּי מָתַי אָקוּם וּמִדַּד עָרֶב וְשָׂבַעְתִּי נְדֻדִים עֲדֵי נָשֶׁף.
ה לָבַשׁ בְּשָׂרִי רִמָּה וגיש [וְגוּשׁ] עָפָר עוֹרִי רָגַע וַיִּמָּאֵס.
ו יָמַי קַלּוּ מִנִּי אָרֶג וַיִּכְלוּ בְּאֶפֶס תִּקְוָה.
ז זְכֹר כִּי רוּחַ חַיָּי לֹא תָשׁוּב עֵינִי לִרְאוֹת טוֹב.
ח לֹא תְשׁוּרֵנִי עֵין רֹאִי עֵינֶיךָ בִּי וְאֵינֶנִּי.
ט כָּלָה עָנָן וַיֵּלַךְ כֵּן יוֹרֵד שְׁאוֹל לֹא יַעֲלֶה.
י לֹא יָשׁוּב עוֹד לְבֵיתוֹ וְלֹא יַכִּירֶנּוּ עוֹד מְקֹמוֹ.
יא גַּם אֲנִי לֹא אֶחֱשָׂךְ פִּי אֲדַבְּרָה בְּצַר רוּחִי אָשִׂיחָה בְּמַר נַפְשִׁי.
יב הֲיָם אָנִי אִם תַּנִּין כִּי תָשִׂים עָלַי מִשְׁמָר.
יג כִּי אָמַרְתִּי תְּנַחֲמֵנִי עַרְשִׂי יִשָּׂא בְשִׂיחִי מִשְׁכָּבִי.
יד וְחִתַּתַּנִי בַחֲלֹמוֹת וּמֵחֶזְיֹנוֹת תְּבַעֲתַנִּי.
טו וַתִּבְחַר מַחֲנָק נַפְשִׁי מָוֶת מֵעַצְמוֹתָי.
טז מָאַסְתִּי לֹא לְעֹלָם אֶחְיֶה חֲדַל מִמֶּנִּי כִּי הֶבֶל יָמָי.
יז מָה אֱנוֹשׁ כִּי תְגַדְּלֶנּוּ וְכִי תָשִׁית אֵלָיו לִבֶּךָ.
יח וַתִּפְקְדֶנּוּ לִבְקָרִים לִרְגָעִים תִּבְחָנֶנּוּ.
יט כַּמָּה לֹא תִשְׁעֶה מִמֶּנִּי לֹא תַרְפֵּנִי עַד בִּלְעִי רֻקִּי.
כ חָטָאתִי מָה אֶפְעַל לָךְ נֹצֵר הָאָדָם לָמָה שַׂמְתַּנִי לְמִפְגָּע לָךְ וָאֶהְיֶה עָלַי לְמַשָּׂא.
כא וּמֶה לֹא תִשָּׂא פִשְׁעִי וְתַעֲבִיר אֶת עֲוֺנִי כִּי עַתָּה לֶעָפָר אֶשְׁכָּב וְשִׁחֲרְתַּנִי וְאֵינֶנִּי.
(א) הֲלֹא צָבָא לֶאֱנוֹשׁ על [עֲלֵי] אָרֶץ וְכִימֵי שָׂכִיר יָמָיו.
(ב) כְּעֶבֶד יִשְׁאַף צֵל וּכְשָׂכִיר יְקַוֶּה פָעֳלוֹ.
(ג) כֵּן הָנְחַלְתִּי לִי יַרְחֵי שָׁוְא וְלֵילוֹת עָמָל מִנּוּ לִי.
(ד) אִם שָׁכַבְתִּי וְאָמַרְתִּי מָתַי אָקוּם וּמִדַּד עָרֶב וְשָׂבַעְתִּי נְדֻדִים עֲדֵי נָשֶׁף.
(ה) לָבַשׁ בְּשָׂרִי רִמָּה וגיש [וְגוּשׁ] עָפָר עוֹרִי רָגַע וַיִּמָּאֵס.
(ו) יָמַי קַלּוּ מִנִּי אָרֶג וַיִּכְלוּ בְּאֶפֶס תִּקְוָה.
(ז) זְכֹר כִּי רוּחַ חַיָּי לֹא תָשׁוּב עֵינִי לִרְאוֹת טוֹב.
(ח) לֹא תְשׁוּרֵנִי עֵין רֹאִי עֵינֶיךָ בִּי וְאֵינֶנִּי.
(ט) כָּלָה עָנָן וַיֵּלַךְ כֵּן יוֹרֵד שְׁאוֹל לֹא יַעֲלֶה.
(י) לֹא יָשׁוּב עוֹד לְבֵיתוֹ וְלֹא יַכִּירֶנּוּ עוֹד מְקֹמוֹ.
(יא) גַּם אֲנִי לֹא אֶחֱשָׂךְ פִּי אֲדַבְּרָה בְּצַר רוּחִי אָשִׂיחָה בְּמַר נַפְשִׁי.
(יב) הֲיָם אָנִי אִם תַּנִּין כִּי תָשִׂים עָלַי מִשְׁמָר.
(יג) כִּי אָמַרְתִּי תְּנַחֲמֵנִי עַרְשִׂי יִשָּׂא בְשִׂיחִי מִשְׁכָּבִי.
(יד) וְחִתַּתַּנִי בַחֲלֹמוֹת וּמֵחֶזְיֹנוֹת תְּבַעֲתַנִּי.
(טו) וַתִּבְחַר מַחֲנָק נַפְשִׁי מָוֶת מֵעַצְמוֹתָי.
(טז) מָאַסְתִּי לֹא לְעֹלָם אֶחְיֶה חֲדַל מִמֶּנִּי כִּי הֶבֶל יָמָי.
(יז) מָה אֱנוֹשׁ כִּי תְגַדְּלֶנּוּ וְכִי תָשִׁית אֵלָיו לִבֶּךָ.
(יח) וַתִּפְקְדֶנּוּ לִבְקָרִים לִרְגָעִים תִּבְחָנֶנּוּ.
(יט) כַּמָּה לֹא תִשְׁעֶה מִמֶּנִּי לֹא תַרְפֵּנִי עַד בִּלְעִי רֻקִּי.
(כ) חָטָאתִי מָה אֶפְעַל לָךְ נֹצֵר הָאָדָם לָמָה שַׂמְתַּנִי לְמִפְגָּע לָךְ וָאֶהְיֶה עָלַי לְמַשָּׂא.
(כא) וּמֶה לֹא תִשָּׂא פִשְׁעִי וְתַעֲבִיר אֶת עֲוֺנִי כִּי עַתָּה לֶעָפָר אֶשְׁכָּב וְשִׁחֲרְתַּנִי וְאֵינֶנִּי.
א הֲלֹא צָבָא עבודה לזמן קצוב לֶאֱנוֹשׁ (על) עֲלֵי אָרֶץ, וְכִימֵי שָׂכִיר קצרים כמו ימים ששכיר מתחייב לעבודה מסויימת יָמָיו. ב כְּעֶבֶד יִשְׁאַף צֵל לשעות בהם השמש שוקעת, לסיום מלאכתו בערב, וּכְשָׂכִיר יְקַוֶּה פָעֳלוֹ לקבל את שכר עבודתו. ג כֵּן הָנְחַלְתִּי לִי נפלו לי בנחלה יַרְחֵי שָׁוְא חודשים של עבודה ללא תועלת, וְלֵילוֹת עָמָל מִנּוּ נתנו למנה לִי. ד אִם שָׁכַבְתִּי, וְאָמַרְתִּי: "מָתַי אָקוּם אצפה לבוקר כי בלילה אני סובל מנדודי שינה", וּמִדַּד עָרֶב ומידתו של הערב בעיני (ובוודאי כל הלילה) התארכה, וְשָׂבַעְתִּי נְדֻדִים עֲדֵי נָשֶׁף עד הבוקר. ה לָבַשׁ בְּשָׂרִי רִמָּה תולעים (וגיש) וְגוּשׁ עָפָר וגם עפר הוא לבושי (דימויים של מת הקבור באדמה), עוֹרִי רָגַע מקומט כמו גלי ים וַיִּמָּאֵס נמס, זב מפצעי. ו יָמַי קַלּוּ מיהרו להגמר מִנִּי אָרֶג יותר ממכשיר האריגה (בוכיר) המועבר במהירות בין החוטים, וַיִּכְלוּ בְּאֶפֶס תִּקְוָה.
ז
זְכֹר כִּי רוּחַ כמו רוח הנושבת ונעלמת חַיָּי, לֹא תָשׁוּב עֵינִי לִרְאוֹת טוֹב לחיות.
ח
לֹא תְשׁוּרֵנִי עֵין רֹאִי כל עין שיש בה יכולת ראיה, עֵינֶיךָ בִּי אם תרצה לראות אותי וְאֵינֶנִּי.
ט
כָּלָה עָנָן וַיֵּלַךְ - כֵּן יוֹרֵד שְׁאוֹל לֹא יַעֲלֶה.
י
לֹא יָשׁוּב עוֹד לְבֵיתוֹ, וְלֹא יַכִּירֶנּוּ עוֹד מְקֹמוֹ.
יא
גַּם אֲנִי לֹא אֶחֱשָׂךְ פִּי אמנע מלדבר, אֲדַבְּרָה בְּצַר רוּחִי בתחושה מרה, אָשִׂיחָה בְּמַר נַפְשִׁי.
יב
הֲיָם אָנִי האם אני שר הים, אִם תַּנִּין, כִּי תָשִׂים עָלַי מִשְׁמָר.
יג
כִּי אָמַרְתִּי תְּנַחֲמֵנִי עַרְשִׂי מיטתי (בשנתי לא ארגיש את יסורי), יִשָּׂא בְשִׂיחִי יעזור לסחוב את רוגזי מִשְׁכָּבִי.
יד
וְחִתַּתַּנִי אך במקום זאת, אתה תפחיד אותו בַחֲלֹמוֹת, וּמֵחֶזְיֹנוֹת ובגלל חזיונות הלילה תְּבַעֲתַנִּי.
טו
וַתִּבְחַר מַחֲנָק נַפְשִׁי, מָוֶת מֵעַצְמוֹתָי ונפשי תבחר לי מוות מאשר את קיום עצמותי.
טז
מָאַסְתִּי נמאס לי מחיי הקשים, שהרי ממילא לֹא לְעֹלָם אֶחְיֶה, חֲדַל מִמֶּנִּי הפסק מלפנות אלי כִּי הֶבֶל יָמָי.
יז
מָה אֱנוֹשׁ כִּי תְגַדְּלֶנּוּ שאתה עושה אותו לגדול ומכובד בכך שאתה מתייחס אליו, וְכִי תָשִׁית אֵלָיו לִבֶּךָ.
יח
וַתִּפְקְדֶנּוּ לִבְקָרִים בכל בוקר, לִרְגָעִים בכל רגע תִּבְחָנֶנּוּ.
יט
כַּמָּה עד מתי לֹא תִשְׁעֶה תסור מִמֶּנִּי, לֹא תַרְפֵּנִי עַד בִּלְעִי רֻקִּי גם לזמן קצר.
כ
חָטָאתִי - מָה אֶפְעַל לָךְ אך מה גרמתי לך בכך נֹצֵר הָאָדָם? לָמָה שַׂמְתַּנִי לְמִפְגָּע לָךְ כביכול חטאי פוגעים בך, וָאֶהְיֶה עָלַי עליך (תיקון סופרים) לְמַשָּׂא?
כא
וּמֶה לֹא תִשָּׂא פִשְׁעִי וְתַעֲבִיר אֶת עֲוֺנִי, כִּי עַתָּה שהרי אם היית נושא את פשעי (אם היית סולח לי הייתי יכול למות בשלווה) לֶעָפָר אֶשְׁכָּב, וְשִׁחֲרְתַּנִי (ולאחר שאמות) אם תבקשני וְאֵינֶנִּי.
{פ}
פסוקי הפרק
טקסטים נוספים העוסקים בפרק
פירושים ומאמרים על הפרק: