פתיחת התפריט הראשי

מפרשי ישעיהו ד

א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו לז לח לט מ מא מב מג מד מה מו מז מח מט נ נא נב נג נד נה נו נז נח נט ס סא סב סג סד סה סו

א וְ/הֶחֱזִיקוּ֩ שֶׁ֨בַע נָשִׁ֜ים בְּ/אִ֣ישׁ אֶחָ֗ד בַּ/יּ֤וֹם הַ/הוּא֙ לֵ/אמֹ֔ר לַחְמֵ֣/נוּ נֹאכֵ֔ל וְ/שִׂמְלָתֵ֖/נוּ נִלְבָּ֑שׁ רַ֗ק יִקָּרֵ֤א שִׁמְ/ךָ֙ עָלֵ֔י/נוּ אֱסֹ֖ף חֶרְפָּתֵֽ/נוּ׃    ב בַּ/יּ֣וֹם הַ/ה֗וּא יִֽהְיֶה֙ צֶ֣מַח יְהוָ֔ה לִ/צְבִ֖י וּ/לְ/כָב֑וֹד וּ/פְרִ֤י הָ/אָ֙רֶץ֙ לְ/גָא֣וֹן וּ/לְ/תִפְאֶ֔רֶת לִ/פְלֵיטַ֖ת יִשְׂרָאֵֽל׃ ג וְ/הָיָ֣ה׀ הַ/נִּשְׁאָ֣ר בְּ/צִיּ֗וֹן וְ/הַ/נּוֹתָר֙ בִּ/יר֣וּשָׁלַ‍ִ֔ם קָד֖וֹשׁ יֵאָ֣מֶר ל֑/וֹ כָּל־הַ/כָּת֥וּב לַ/חַיִּ֖ים בִּ/ירוּשָׁלָ‍ִֽם׃ ד אִ֣ם׀ רָחַ֣ץ אֲדֹנָ֗/י אֵ֚ת צֹאַ֣ת בְּנוֹת־צִיּ֔וֹן וְ/אֶת־דְּמֵ֥י יְרוּשָׁלַ֖‍ִם יָדִ֣יחַ מִ/קִּרְבָּ֑/הּ בְּ/ר֥וּחַ מִשְׁפָּ֖ט וּ/בְ/ר֥וּחַ בָּעֵֽר׃ ה וּ/בָרָ֣א יְהוָ֡ה עַל֩ כָּל־מְכ֨וֹן הַר־צִיּ֜וֹן וְ/עַל־מִקְרָאֶ֗/הָ עָנָ֤ן׀ יוֹמָם֙ וְ/עָשָׁ֔ן וְ/נֹ֛גַהּ אֵ֥שׁ לֶהָבָ֖ה לָ֑יְלָה כִּ֥י עַל־כָּל־כָּב֖וֹד חֻפָּֽה׃ ו וְ/סֻכָּ֛ה תִּהְיֶ֥ה לְ/צֵל־יוֹמָ֖ם מֵ/חֹ֑רֶב וּ/לְ/מַחְסֶה֙ וּ/לְ/מִסְתּ֔וֹר מִ/זֶּ֖רֶם וּ/מִ/מָּטָֽר׃