דברי הימים א ב

קיצור דרך: t25a02

תנ"ך > דברי הימים א > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט

<< | ספר דברי הימים א • פרק ב' | >>

הפרק במהדורה המוטעמת

　　
ב א אֵ֖לֶּה בְּנֵ֣י יִשְׂרָאֵ֑ל רְאוּבֵ֤ן שִׁמְעוֹן֙ לֵוִ֣י וִיהוּדָ֔ה יִשָּׂשכָ֖ר וּזְבֻלֽוּן׃ ב דָּ֚ן יוֹסֵ֣ף וּבִנְיָמִ֔ן נַפְתָּלִ֖י גָּ֥ד וְאָשֵֽׁר׃
　　
ג בְּנֵ֣י יְהוּדָ֗ה עֵ֤ר וְאוֹנָן֙ וְשֵׁלָ֔ה שְׁלוֹשָׁה֙ נ֣וֹלַד ל֔וֹ מִבַּת־שׁ֖וּעַ הַֽכְּנַעֲנִ֑ית וַיְהִ֞י עֵ֣ר ׀ בְּכ֣וֹר יְהוּדָ֗ה רַ֛ע בְּעֵינֵ֥י יְהֹוָ֖ה וַיְמִיתֵֽהוּ׃
　　　 ד וְתָמָר֙ כַּלָּת֔וֹ יָ֥לְדָה לּ֖וֹ אֶת־פֶּ֣רֶץ וְאֶת־זָ֑רַח כׇּל־בְּנֵ֥י יְהוּדָ֖ה חֲמִשָּֽׁה׃
　　　 ה בְּנֵי־פֶ֖רֶץ חֶצְר֥וֹן וְחָמֽוּל׃
　　　 ו וּבְנֵ֣י זֶ֗רַח זִ֠מְרִ֠י וְאֵיתָ֧ן וְהֵימָ֛ן וְכַלְכֹּ֥ל וָדָ֖רַע כֻּלָּ֥ם חֲמִשָּֽׁה׃
　　　 ז וּבְנֵ֖י כַּרְמִ֑י עָכָר֙ עוֹכֵ֣ר יִשְׂרָאֵ֔ל אֲשֶׁ֥ר מָעַ֖ל בַּחֵֽרֶם׃
　　　 ח וּבְנֵ֥י אֵיתָ֖ן עֲזַרְיָֽה׃
　　　 ט וּבְנֵ֥י חֶצְר֖וֹן אֲשֶׁ֣ר נֽוֹלַד־ל֑וֹ אֶת־יְרַחְמְאֵ֥ל וְאֶת־רָ֖ם וְאֶת־כְּלוּבָֽי׃ י וְרָ֖ם הוֹלִ֣יד אֶת־עַמִּֽינָדָ֑ב וְעַמִּֽינָדָב֙ הוֹלִ֣יד אֶת־נַחְשׁ֔וֹן נְשִׂ֖יא בְּנֵ֥י יְהוּדָֽה׃ יא וְנַחְשׁוֹן֙ הוֹלִ֣יד אֶת־שַׂלְמָ֔א וְשַׂלְמָ֖א הוֹלִ֥יד אֶת־בֹּֽעַז׃ יב וּבֹ֙עַז֙ הוֹלִ֣יד אֶת־עוֹבֵ֔ד וְעוֹבֵ֖ד הוֹלִ֥יד אֶת־יִשָֽׁי׃ יג וְאִישַׁ֛י הוֹלִ֥יד אֶת־בְּכֹר֖וֹ אֶת־אֱלִיאָ֑ב וַאֲבִֽינָדָב֙ הַשֵּׁנִ֔י וְשִׁמְעָ֖א הַשְּׁלִשִֽׁי׃ יד נְתַנְאֵל֙ הָרְבִיעִ֔י רַדַּ֖י הַחֲמִישִֽׁי׃ טו אֹ֚צֶם הַשִּׁשִּׁ֔י דָּוִ֖יד הַשְּׁבִעִֽי׃ טז וְאַחְיֹתֵיהֶ֖ם צְרוּיָ֣ה וַאֲבִיגָ֑יִל וּבְנֵ֣י צְרוּיָ֗ה אַבְשַׁ֛י וְיוֹאָ֥ב וַעֲשָׂהאֵ֖ל שְׁלֹשָֽׁה׃ יז וַאֲבִיגַ֕יִל יָלְדָ֖ה אֶת־עֲמָשָׂ֑א וַאֲבִ֣י עֲמָשָׂ֔א יֶ֖תֶר הַיִּשְׁמְעֵאלִֽי׃ יח וְכָלֵ֣ב בֶּן־חֶצְר֗וֹן הוֹלִ֛יד אֶת־עֲזוּבָ֥ה אִשָּׁ֖ה וְאֶת־יְרִיע֑וֹת וְאֵ֣לֶּה בָנֶ֔יהָ יֵ֥שֶׁר וְשׁוֹבָ֖ב וְאַרְדּֽוֹן׃ יט וַתָּ֖מׇת עֲזוּבָ֑ה וַיִּֽקַּֽח־ל֤וֹ כָלֵב֙ אֶת־אֶפְרָ֔ת וַתֵּ֥לֶד ל֖וֹ אֶת־חֽוּר׃ כ וְחוּר֙ הוֹלִ֣יד אֶת־אוּרִ֔י וְאוּרִ֖י הוֹלִ֥יד אֶת־בְּצַלְאֵֽל׃
　　　 כא וְאַחַ֗ר בָּ֤א חֶצְרוֹן֙ אֶל־בַּת־מָכִיר֙ אֲבִ֣י גִלְעָ֔ד וְה֣וּא לְקָחָ֔הּ וְה֖וּא בֶּן־שִׁשִּׁ֣ים שָׁנָ֑ה וַתֵּ֥לֶד ל֖וֹ אֶת־שְׂגֽוּב׃ כב וּשְׂג֖וּב הוֹלִ֣יד אֶת־יָאִ֑יר וַֽיְהִי־ל֗וֹ עֶשְׂרִ֤ים וְשָׁלוֹשׁ֙ עָרִ֔ים בְּאֶ֖רֶץ הַגִּלְעָֽד׃
　　　 כג וַיִּקַּ֣ח גְּשֽׁוּר־וַ֠אֲרָ֠ם אֶת־חַוֺּ֨ת יָאִ֧יר מֵאִתָּ֛ם אֶת־קְנָ֥ת וְאֶת־בְּנֹתֶ֖יהָ שִׁשִּׁ֣ים עִ֑יר כׇּל־אֵ֕לֶּה בְּנֵ֖י מָכִ֥יר אֲבִֽי־גִלְעָֽד׃ כד וְאַחַ֥ר מוֹת־חֶצְר֖וֹן בְּכָלֵ֣ב אֶפְרָ֑תָה וְאֵ֤שֶׁת חֶצְרוֹן֙ אֲבִיָּ֔ה וַתֵּ֣לֶד ל֔וֹ אֶת־אַשְׁח֖וּר אֲבִ֥י תְקֽוֹעַ׃
　　　 כה וַיִּהְי֧וּ בְנֵי־יְרַחְמְאֵ֛ל בְּכ֥וֹר חֶצְר֖וֹן הַבְּכ֣וֹר ׀ רָ֑ם וּבוּנָ֥ה וָאֹ֛רֶן וָאֹ֖צֶם אֲחִיָּֽה׃ כו וַתְּהִ֨י אִשָּׁ֥ה אַחֶ֛רֶת לִֽירַחְמְאֵ֖ל וּשְׁמָ֣הּ עֲטָרָ֑ה הִ֖יא אֵ֥ם אוֹנָֽם׃
　　　 כז וַיִּהְי֥וּ בְנֵי־רָ֖ם בְּכ֣וֹר יְרַחְמְאֵ֑ל מַ֥עַץ וְיָמִ֖ין וָעֵֽקֶר׃ כח וַיִּהְי֥וּ בְנֵי־אוֹנָ֖ם שַׁמַּ֣י וְיָדָ֑ע וּבְנֵ֣י שַׁמַּ֔י נָדָ֖ב וַאֲבִישֽׁוּר׃ כט וְשֵׁ֛ם אֵ֥שֶׁת אֲבִישׁ֖וּר אֲבִיהָ֑יִל וַתֵּ֣לֶד ל֔וֹ אֶת־אַחְבָּ֖ן וְאֶת־מוֹלִֽיד׃ ל וּבְנֵ֥י נָדָ֖ב סֶ֣לֶד וְאַפָּ֑יִם וַיָּ֥מׇת סֶ֖לֶד לֹ֥א בָנִֽים׃ לא וּבְנֵ֥י אַפַּ֖יִם יִשְׁעִ֑י וּבְנֵ֤י יִשְׁעִי֙ שֵׁשָׁ֔ן וּבְנֵ֥י שֵׁשָׁ֖ן אַחְלָֽי׃ לב וּבְנֵ֤י יָדָע֙ אֲחִ֣י שַׁמַּ֔י יֶ֖תֶר וְיוֹנָתָ֑ן וַיָּ֥מׇת יֶ֖תֶר לֹ֥א בָנִֽים׃
　　　 לג וּבְנֵ֥י יוֹנָתָ֖ן פֶּ֣לֶת וְזָזָ֑א אֵ֥לֶּה הָי֖וּ בְּנֵ֥י יְרַחְמְאֵֽל׃ לד וְלֹא־הָיָ֧ה לְשֵׁשָׁ֛ן בָּנִ֖ים כִּ֣י אִם־בָּנ֑וֹת וּלְשֵׁשָׁ֛ן עֶ֥בֶד מִצְרִ֖י וּשְׁמ֥וֹ יַרְחָֽע׃ לה וַיִּתֵּ֨ן שֵׁשָׁ֧ן אֶת־בִּתּ֛וֹ לְיַרְחָ֥ע עַבְדּ֖וֹ לְאִשָּׁ֑ה וַתֵּ֥לֶד ל֖וֹ אֶת־עַתָּֽי׃ לו וְעַתַּי֙ הֹלִ֣יד אֶת־נָתָ֔ן וְנָתָ֖ן הוֹלִ֥יד אֶת־זָבָֽד׃ לז וְזָבָד֙ הוֹלִ֣יד אֶת־אֶפְלָ֔ל וְאֶפְלָ֖ל הוֹלִ֥יד אֶת־עוֹבֵֽד׃ לח וְעוֹבֵד֙ הוֹלִ֣יד אֶת־יֵה֔וּא וְיֵה֖וּא הֹלִ֥יד אֶת־עֲזַרְיָֽה׃ לט וַֽעֲזַרְיָה֙ הֹלִ֣יד אֶת־חָ֔לֶץ וְחֶ֖לֶץ הֹלִ֥יד אֶת־אֶלְעָשָֽׂה׃ מ וְאֶלְעָשָׂה֙ הֹלִ֣יד אֶת־סִֽסְמָ֔י וְסִסְמַ֖י הֹלִ֥יד אֶת־שַׁלּֽוּם׃ מא וְשַׁלּוּם֙ הוֹלִ֣יד אֶת־יְקַמְיָ֔ה וִיקַמְיָ֖ה הֹלִ֥יד אֶת־אֱלִישָׁמָֽע׃
　　　 מב וּבְנֵ֤י כָלֵב֙ אֲחִ֣י יְרַחְמְאֵ֔ל מֵישָׁ֥ע בְּכֹר֖וֹ ה֣וּא אֲבִי־זִ֑יף וּבְנֵ֥י מָרֵשָׁ֖ה אֲבִ֥י חֶבְרֽוֹן׃ מג וּבְנֵ֖י חֶבְר֑וֹן קֹ֥רַח וְתַפֻּ֖חַ וְרֶ֥קֶם וָשָֽׁמַע׃ מד וְשֶׁ֣מַע הוֹלִ֔יד אֶת־רַ֖חַם אֲבִ֣י יׇרְקְﬞעָ֑ם וְרֶ֖קֶם הוֹלִ֥יד אֶת־שַׁמָּֽי׃ מה וּבֶן־שַׁמַּ֖י מָע֑וֹן וּמָע֖וֹן אֲבִ֥י בֵֽית־צֽוּר׃ מו וְעֵיפָה֙ פִּילֶ֣גֶשׁ כָּלֵ֔ב יָ֥לְדָ֛ה אֶת־חָרָ֥ן וְאֶת־מוֹצָ֖א וְאֶת־גָּזֵ֑ז וְחָרָ֖ן הֹלִ֥יד אֶת־גָּזֵֽז׃
　　　 מז וּבְנֵ֖י יׇהְדָּ֑י רֶ֧גֶם וְיוֹתָ֛ם וְגֵישָׁ֥ן וָפֶ֖לֶט וְעֵיפָ֥ה וָשָֽׁעַף׃ מח פִּילֶ֤גֶשׁ כָּלֵב֙ מַֽעֲכָ֔ה יָ֥לַד שֶׁ֖בֶר וְאֶֽת־תִּרְחֲנָֽה׃ מט וַתֵּ֗לֶד שַׁ֚עַף אֲבִ֣י מַדְמַנָּ֔ה אֶת־שְׁוָ֛א אֲבִ֥י מַכְבֵּנָ֖ה וַאֲבִ֣י גִבְעָ֑א וּבַת־כָּלֵ֖ב עַכְסָֽה׃
　　　 נ אֵ֤לֶּה הָיוּ֙ בְּנֵ֣י כָלֵ֔ב בֶּן־ח֖וּר בְּכ֣וֹר אֶפְרָ֑תָה שׁוֹבָ֕ל אֲבִ֖י קִרְיַ֥ת יְעָרִֽים׃ נא שַׂלְמָא֙ אֲבִ֣י בֵֽית־לָ֔חֶם חָרֵ֖ף אֲבִ֥י בֵית־גָּדֵֽר׃ נב וַיִּהְי֤וּ בָנִים֙ לְשׁוֹבָ֔ל אֲבִ֖י קִרְיַ֣ת יְעָרִ֑ים הָרֹאֶ֖ה חֲצִ֥י הַמְּנֻחֽוֹת׃ נג וּמִשְׁפְּחוֹת֙ קִרְיַ֣ת יְעָרִ֔ים הַיִּתְרִי֙ וְהַפּוּתִ֔י וְהַשֻּׁמָתִ֖י וְהַמִּשְׁרָעִ֑י מֵאֵ֗לֶּה יָֽצְאוּ֙ הַצָּ֣רְעָתִ֔י וְהָאֶשְׁתָּ֖אֻֽלִֽי׃
　　　 נד בְּנֵ֣י שַׂלְמָ֗א בֵּ֥ית לֶ֙חֶם֙ וּנְט֣וֹפָתִ֔י עַטְר֖וֹת בֵּ֣ית יוֹאָ֑ב וַחֲצִ֥י הַמָּנַחְתִּ֖י הַצׇּרְעִֽי׃ נה וּמִשְׁפְּח֤וֹת סֹֽפְרִים֙ ישבו יֹשְׁבֵ֣י יַעְבֵּ֔ץ תִּרְעָתִ֥ים שִׁמְעָתִ֖ים שׂוּכָתִ֑ים הֵ֚מָּה הַקִּינִ֣ים הַבָּאִ֔ים מֵחַמַּ֖ת אֲבִ֥י בֵית־רֵכָֽב׃

מהדורות נוספות

לחץ למטה על [הראה] להצגת התוכן ↓

כתיב (אותיות בלבד)

א אלה בני ישראל ראובן שמעון לוי ויהודה יששכר וזבלון ב דן יוסף ובנימן נפתלי גד ואשר ג בני יהודה ער ואונן ושלה שלושה נולד לו מבת שוע הכנענית ויהי ער בכור יהודה רע בעיני יהוה וימיתהו ד ותמר כלתו ילדה לו את פרץ ואת זרח כל בני יהודה חמשה ה בני פרץ חצרון וחמול ו ובני זרח זמרי ואיתן והימן וכלכל ודרע כלם חמשה ז ובני כרמי עכר עוכר ישראל אשר מעל בחרם ח ובני איתן עזריה ט ובני חצרון אשר נולד לו את ירחמאל ואת רם ואת כלובי י ורם הוליד את עמינדב ועמינדב הוליד את נחשון נשיא בני יהודה יא ונחשון הוליד את שלמא ושלמא הוליד את בעז יב ובעז הוליד את עובד ועובד הוליד את ישי יג ואישי הוליד את בכרו את אליאב ואבינדב השני ושמעא השלישי יד נתנאל הרביעי רדי החמישי טו אצם הששי דויד השבעי טז ואחיתיהם [ואחיותיהם] צרויה ואביגיל ובני צרויה אבשי ויואב ועשה אל שלשה יז ואביגיל ילדה את עמשא ואבי עמשא יתר הישמעאלי יח וכלב בן חצרון הוליד את עזובה אשה ואת יריעות ואלה בניה ישר ושובב וארדון יט ותמת עזובה ויקח לו כלב את אפרת ותלד לו את חור כ וחור הוליד את אורי ואורי הוליד את בצלאל כא ואחר בא חצרון אל בת מכיר אבי גלעד והוא לקחה והוא בן ששים שנה ותלד לו את שגוב כב ושגוב הוליד את יאיר ויהי לו עשרים ושלוש ערים בארץ הגלעד כג ויקח גשור וארם את חות יאיר מאתם את קנת ואת בנתיה ששים עיר כל אלה בני מכיר אבי גלעד כד ואחר מות חצרון בכלב אפרתה ואשת חצרון אביה ותלד לו את אשחור אבי תקוע כה ויהיו בני ירחמאל בכור חצרון הבכור רם ובונה וארן ואצם אחיה כו ותהי אשה אחרת לירחמאל ושמה עטרה היא אם אונם כז ויהיו בני רם בכור ירחמאל מעץ וימין ועקר כח ויהיו בני אונם שמי וידע ובני שמי נדב ואבישור כט ושם אשת אבישור אביהיל ותלד לו את אחבן ואת מוליד ל ובני נדב סלד ואפים וימת סלד לא בנים לא ובני אפים ישעי ובני ישעי ששן ובני ששן אחלי לב ובני ידע אחי שמי יתר ויונתן וימת יתר לא בנים לג ובני יונתן פלת וזזא אלה היו בני ירחמאל לד ולא היה לששן בנים כי אם בנות ולששן עבד מצרי ושמו ירחע לה ויתן ששן את בתו לירחע עבדו לאשה ותלד לו את עתי לו ועתי הליד את נתן ונתן הוליד את זבד לז וזבד הוליד את אפלל ואפלל הוליד את עובד לח ועובד הוליד את יהוא ויהוא הוליד את עזריה לט ועזריה הליד את חלץ וחלץ הליד את אלעשה מ ואלעשה הליד את ססמי וססמי הליד את שלום מא ושלום הוליד את יקמיה ויקמיה הליד את אלישמע מב ובני כלב אחי ירחמאל מישע בכרו הוא אבי זיף ובני מרשה אבי חברון מג ובני חברון קרח ותפח ורקם ושמע מד ושמע הוליד את רחם אבי ירקעם ורקם הוליד את שמי מה ובן שמי מעון ומעון אבי בית צור מו ועיפה פילגש כלב ילדה את חרן ואת מוצא ואת גזז וחרן הליד את גזז מז ובני יהדי רגם ויותם וגישן ופלט ועיפה ושעף מח פלגש כלב מעכה ילד שבר ואת תרחנה מט ותלד שעף אבי מדמנה את שוא אבי מכבנה ואבי גבעא ובת כלב עכסה נ אלה היו בני כלב בן חור בכור אפרתה שובל אבי קרית יערים נא שלמא אבי בית לחם חרף אבי בית גדר נב ויהיו בנים לשובל אבי קרית יערים הראה חצי המנחות נג ומשפחות קרית יערים היתרי והפותי והשמתי והמשרעי מאלה יצאו הצרעתי והאשתאלי נד בני שלמא בית לחם ונטופתי עטרות בית יואב וחצי המנחתי הצרעי נה ומשפחות ספרים ישבו [ישבי] יעבץ תרעתים שמעתים שוכתים המה הקינים הבאים מחמת אבי בית רכב

מנוקד

א אֵלֶּה בְּנֵי יִשְׂרָאֵל רְאוּבֵן שִׁמְעוֹן לֵוִי וִיהוּדָה יִשָׂשכָר וּזְבֻלוּן. ב דָּן יוֹסֵף וּבִנְיָמִן נַפְתָּלִי גָּד וְאָשֵׁר. ג בְּנֵי יְהוּדָה עֵר וְאוֹנָן וְשֵׁלָה שְׁלוֹשָׁה נוֹלַד לוֹ מִבַּת שׁוּעַ הַכְּנַעֲנִית וַיְהִי עֵר בְּכוֹר יְהוּדָה רַע בְּעֵינֵי יְהוָה וַיְמִיתֵהוּ. ד וְתָמָר כַּלָּתוֹ יָלְדָה לּוֹ אֶת פֶּרֶץ וְאֶת זָרַח כָּל בְּנֵי יְהוּדָה חֲמִשָּׁה. ה בְּנֵי פֶרֶץ חֶצְרוֹן וְחָמוּל. ו וּבְנֵי זֶרַח זִמְרִי וְאֵיתָן וְהֵימָן וְכַלְכֹּל וָדָרַע כֻּלָּם חֲמִשָּׁה. ז וּבְנֵי כַּרְמִי עָכָר עוֹכֵר יִשְׂרָאֵל אֲשֶׁר מָעַל בַּחֵרֶם. ח וּבְנֵי אֵיתָן עֲזַרְיָה. ט וּבְנֵי חֶצְרוֹן אֲשֶׁר נוֹלַד לוֹ אֶת יְרַחְמְאֵל וְאֶת רָם וְאֶת כְּלוּבָי. י וְרָם הוֹלִיד אֶת עַמִּינָדָב וְעַמִּינָדָב הוֹלִיד אֶת נַחְשׁוֹן נְשִׂיא בְּנֵי יְהוּדָה. יא וְנַחְשׁוֹן הוֹלִיד אֶת שַׂלְמָא וְשַׂלְמָא הוֹלִיד אֶת בֹּעַז. יב וּבֹעַז הוֹלִיד אֶת עוֹבֵד וְעוֹבֵד הוֹלִיד אֶת יִשָׁי. יג וְאִישַׁי הוֹלִיד אֶת בְּכֹרוֹ אֶת אֱלִיאָב וַאֲבִינָדָב הַשֵּׁנִי וְשִׁמְעָא הַשְּׁלִישִׁי. יד נְתַנְאֵל הָרְבִיעִי רַדַּי הַחֲמִישִׁי. טו אֹצֶם הַשִּׁשִּׁי דָּוִיד הַשְּׁבִעִי. טז ואחיתיהם [וְאַחְיוֹתֵיהֶם] צְרוּיָה וַאֲבִיגָיִל וּבְנֵי צְרוּיָה אַבְשַׁי וְיוֹאָב וַעֲשָׂה אֵל שְׁלֹשָׁה. יז וַאֲבִיגַיִל יָלְדָה אֶת עֲמָשָׂא וַאֲבִי עֲמָשָׂא יֶתֶר הַיִּשְׁמְעֵאלִי. יח וְכָלֵב בֶּן חֶצְרוֹן הוֹלִיד אֶת עֲזוּבָה אִשָּׁה וְאֶת יְרִיעוֹת וְאֵלֶּה בָנֶיהָ יֵשֶׁר וְשׁוֹבָב וְאַרְדּוֹן. יט וַתָּמָת עֲזוּבָה וַיִּקַּח לוֹ כָלֵב אֶת אֶפְרָת וַתֵּלֶד לוֹ אֶת חוּר. כ וְחוּר הוֹלִיד אֶת אוּרִי וְאוּרִי הוֹלִיד אֶת בְּצַלְאֵל. כא וְאַחַר בָּא חֶצְרוֹן אֶל בַּת מָכִיר אֲבִי גִלְעָד וְהוּא לְקָחָהּ וְהוּא בֶּן שִׁשִּׁים שָׁנָה וַתֵּלֶד לוֹ אֶת שְׂגוּב. כב וּשְׂגוּב הוֹלִיד אֶת יָאִיר וַיְהִי לוֹ עֶשְׂרִים וְשָׁלוֹשׁ עָרִים בְּאֶרֶץ הַגִּלְעָד. כג וַיִּקַּח גְּשׁוּר וַאֲרָם אֶת חַוֹּת יָאִיר מֵאִתָּם אֶת קְנָת וְאֶת בְּנֹתֶיהָ שִׁשִּׁים עִיר כָּל אֵלֶּה בְּנֵי מָכִיר אֲבִי גִלְעָד. כד וְאַחַר מוֹת חֶצְרוֹן בְּכָלֵב אֶפְרָתָה וְאֵשֶׁת חֶצְרוֹן אֲבִיָּה וַתֵּלֶד לוֹ אֶת אַשְׁחוּר אֲבִי תְקוֹעַ. כה וַיִּהְיוּ בְנֵי יְרַחְמְאֵל בְּכוֹר חֶצְרוֹן הַבְּכוֹר רָם וּבוּנָה וָאֹרֶן וָאֹצֶם אֲחִיָּה. כו וַתְּהִי אִשָּׁה אַחֶרֶת לִירַחְמְאֵל וּשְׁמָהּ עֲטָרָה הִיא אֵם אוֹנָם. כז וַיִּהְיוּ בְנֵי רָם בְּכוֹר יְרַחְמְאֵל מַעַץ וְיָמִין וָעֵקֶר. כח וַיִּהְיוּ בְנֵי אוֹנָם שַׁמַּי וְיָדָע וּבְנֵי שַׁמַּי נָדָב וַאֲבִישׁוּר. כט וְשֵׁם אֵשֶׁת אֲבִישׁוּר אֲבִיהָיִל וַתֵּלֶד לוֹ אֶת אַחְבָּן וְאֶת מוֹלִיד. ל וּבְנֵי נָדָב סֶלֶד וְאַפָּיִם וַיָּמָת סֶלֶד לֹא בָנִים. לא וּבְנֵי אַפַּיִם יִשְׁעִי וּבְנֵי יִשְׁעִי שֵׁשָׁן וּבְנֵי שֵׁשָׁן אַחְלָי. לב וּבְנֵי יָדָע אֲחִי שַׁמַּי יֶתֶר וְיוֹנָתָן וַיָּמָת יֶתֶר לֹא בָנִים. לג וּבְנֵי יוֹנָתָן פֶּלֶת וְזָזָא אֵלֶּה הָיוּ בְּנֵי יְרַחְמְאֵל. לד וְלֹא הָיָה לְשֵׁשָׁן בָּנִים כִּי אִם בָּנוֹת וּלְשֵׁשָׁן עֶבֶד מִצְרִי וּשְׁמוֹ יַרְחָע. לה וַיִּתֵּן שֵׁשָׁן אֶת בִּתּוֹ לְיַרְחָע עַבְדּוֹ לְאִשָּׁה וַתֵּלֶד לוֹ אֶת עַתָּי. לו וְעַתַּי הֹלִיד אֶת נָתָן וְנָתָן הוֹלִיד אֶת זָבָד. לז וְזָבָד הוֹלִיד אֶת אֶפְלָל וְאֶפְלָל הוֹלִיד אֶת עוֹבֵד. לח וְעוֹבֵד הוֹלִיד אֶת יֵהוּא וְיֵהוּא הוֹלִיד אֶת עֲזַרְיָה. לט וַעֲזַרְיָה הֹלִיד אֶת חָלֶץ וְחֶלֶץ הֹלִיד אֶת אֶלְעָשָׂה. מ וְאֶלְעָשָׂה הֹלִיד אֶת סִסְמָי וְסִסְמַי הֹלִיד אֶת שַׁלּוּם. מא וְשַׁלּוּם הוֹלִיד אֶת יְקַמְיָה וִיקַמְיָה הֹלִיד אֶת אֱלִישָׁמָע. מב וּבְנֵי כָלֵב אֲחִי יְרַחְמְאֵל מֵישָׁע בְּכֹרוֹ הוּא אֲבִי זִיף וּבְנֵי מָרֵשָׁה אֲבִי חֶבְרוֹן. מג וּבְנֵי חֶבְרוֹן קֹרַח וְתַפֻּחַ וְרֶקֶם וָשָׁמַע. מד וְשֶׁמַע הוֹלִיד אֶת רַחַם אֲבִי יָרְקֳעָם וְרֶקֶם הוֹלִיד אֶת שַׁמָּי. מה וּבֶן שַׁמַּי מָעוֹן וּמָעוֹן אֲבִי בֵית צוּר. מו וְעֵיפָה פִּילֶגֶשׁ כָּלֵב יָלְדָה אֶת חָרָן וְאֶת מוֹצָא וְאֶת גָּזֵז וְחָרָן הֹלִיד אֶת גָּזֵז. מז וּבְנֵי יָהְדָּי רֶגֶם וְיוֹתָם וְגֵישָׁן וָפֶלֶט וְעֵיפָה וָשָׁעַף. מח פִּלֶגֶשׁ כָּלֵב מַעֲכָה יָלַד שֶׁבֶר וְאֶת תִּרְחֲנָה. מט וַתֵּלֶד שַׁעַף אֲבִי מַדְמַנָּה אֶת שְׁוָא אֲבִי מַכְבֵּנָה וַאֲבִי גִבְעָא וּבַת כָּלֵב עַכְסָה. נ אֵלֶּה הָיוּ בְּנֵי כָלֵב בֶּן חוּר בְּכוֹר אֶפְרָתָה שׁוֹבָל אֲבִי קִרְיַת יְעָרִים. נא שַׂלְמָא אֲבִי בֵית לָחֶם חָרֵף אֲבִי בֵית גָּדֵר. נב וַיִּהְיוּ בָנִים לְשׁוֹבָל אֲבִי קִרְיַת יְעָרִים הָרֹאֶה חֲצִי הַמְּנֻחוֹת. נג וּמִשְׁפְּחוֹת קִרְיַת יְעָרִים הַיִּתְרִי וְהַפּוּתִי וְהַשֻּׁמָתִי וְהַמִּשְׁרָעִי מֵאֵלֶּה יָצְאוּ הַצָּרְעָתִי וְהָאֶשְׁתָּאֻלִי. נד בְּנֵי שַׂלְמָא בֵּית לֶחֶם וּנְטוֹפָתִי עַטְרוֹת בֵּית יוֹאָב וַחֲצִי הַמָּנַחְתִּי הַצָּרְעִי. נה וּמִשְׁפְּחוֹת סֹפְרִים ישבו [יֹשְׁבֵי] יַעְבֵּץ תִּרְעָתִים שִׁמְעָתִים שׂוּכָתִים הֵמָּה הַקִּינִים הַבָּאִים מֵחַמַּת אֲבִי בֵית רֵכָב.

מנוקד ובשורות

(א) אֵלֶּה בְּנֵי יִשְׂרָאֵל רְאוּבֵן שִׁמְעוֹן לֵוִי וִיהוּדָה יִשָׂשכָר וּזְבֻלוּן.

(ב) דָּן יוֹסֵף וּבִנְיָמִן נַפְתָּלִי גָּד וְאָשֵׁר.

(ג) בְּנֵי יְהוּדָה עֵר וְאוֹנָן וְשֵׁלָה שְׁלוֹשָׁה נוֹלַד לוֹ מִבַּת שׁוּעַ הַכְּנַעֲנִית וַיְהִי עֵר בְּכוֹר יְהוּדָה רַע בְּעֵינֵי יְהוָה וַיְמִיתֵהוּ.

(ד) וְתָמָר כַּלָּתוֹ יָלְדָה לּוֹ אֶת פֶּרֶץ וְאֶת זָרַח כָּל בְּנֵי יְהוּדָה חֲמִשָּׁה.

(ה) בְּנֵי פֶרֶץ חֶצְרוֹן וְחָמוּל.

(ו) וּבְנֵי זֶרַח זִמְרִי וְאֵיתָן וְהֵימָן וְכַלְכֹּל וָדָרַע כֻּלָּם חֲמִשָּׁה.

(ז) וּבְנֵי כַּרְמִי עָכָר עוֹכֵר יִשְׂרָאֵל אֲשֶׁר מָעַל בַּחֵרֶם.

(ח) וּבְנֵי אֵיתָן עֲזַרְיָה.

(ט) וּבְנֵי חֶצְרוֹן אֲשֶׁר נוֹלַד לוֹ אֶת יְרַחְמְאֵל וְאֶת רָם וְאֶת כְּלוּבָי.

(י) וְרָם הוֹלִיד אֶת עַמִּינָדָב וְעַמִּינָדָב הוֹלִיד אֶת נַחְשׁוֹן נְשִׂיא בְּנֵי יְהוּדָה.

(יא) וְנַחְשׁוֹן הוֹלִיד אֶת שַׂלְמָא וְשַׂלְמָא הוֹלִיד אֶת בֹּעַז.

(יב) וּבֹעַז הוֹלִיד אֶת עוֹבֵד וְעוֹבֵד הוֹלִיד אֶת יִשָׁי.

(יג) וְאִישַׁי הוֹלִיד אֶת בְּכֹרוֹ אֶת אֱלִיאָב וַאֲבִינָדָב הַשֵּׁנִי וְשִׁמְעָא הַשְּׁלִישִׁי.

(יד) נְתַנְאֵל הָרְבִיעִי רַדַּי הַחֲמִישִׁי.

(טו) אֹצֶם הַשִּׁשִּׁי דָּוִיד הַשְּׁבִעִי.

(טז) ואחיתיהם [וְאַחְיוֹתֵיהֶם] צְרוּיָה וַאֲבִיגָיִל וּבְנֵי צְרוּיָה אַבְשַׁי וְיוֹאָב וַעֲשָׂה אֵל שְׁלֹשָׁה.

(יז) וַאֲבִיגַיִל יָלְדָה אֶת עֲמָשָׂא וַאֲבִי עֲמָשָׂא יֶתֶר הַיִּשְׁמְעֵאלִי.

(יח) וְכָלֵב בֶּן חֶצְרוֹן הוֹלִיד אֶת עֲזוּבָה אִשָּׁה וְאֶת יְרִיעוֹת וְאֵלֶּה בָנֶיהָ יֵשֶׁר וְשׁוֹבָב וְאַרְדּוֹן.

(יט) וַתָּמָת עֲזוּבָה וַיִּקַּח לוֹ כָלֵב אֶת אֶפְרָת וַתֵּלֶד לוֹ אֶת חוּר.

(כ) וְחוּר הוֹלִיד אֶת אוּרִי וְאוּרִי הוֹלִיד אֶת בְּצַלְאֵל.

(כא) וְאַחַר בָּא חֶצְרוֹן אֶל בַּת מָכִיר אֲבִי גִלְעָד וְהוּא לְקָחָהּ וְהוּא בֶּן שִׁשִּׁים שָׁנָה וַתֵּלֶד לוֹ אֶת שְׂגוּב.

(כב) וּשְׂגוּב הוֹלִיד אֶת יָאִיר וַיְהִי לוֹ עֶשְׂרִים וְשָׁלוֹשׁ עָרִים בְּאֶרֶץ הַגִּלְעָד.

(כג) וַיִּקַּח גְּשׁוּר וַאֲרָם אֶת חַוֹּת יָאִיר מֵאִתָּם אֶת קְנָת וְאֶת בְּנֹתֶיהָ שִׁשִּׁים עִיר כָּל אֵלֶּה בְּנֵי מָכִיר אֲבִי גִלְעָד.

(כד) וְאַחַר מוֹת חֶצְרוֹן בְּכָלֵב אֶפְרָתָה וְאֵשֶׁת חֶצְרוֹן אֲבִיָּה וַתֵּלֶד לוֹ אֶת אַשְׁחוּר אֲבִי תְקוֹעַ.

(כה) וַיִּהְיוּ בְנֵי יְרַחְמְאֵל בְּכוֹר חֶצְרוֹן הַבְּכוֹר רָם וּבוּנָה וָאֹרֶן וָאֹצֶם אֲחִיָּה.

(כו) וַתְּהִי אִשָּׁה אַחֶרֶת לִירַחְמְאֵל וּשְׁמָהּ עֲטָרָה הִיא אֵם אוֹנָם.

(כז) וַיִּהְיוּ בְנֵי רָם בְּכוֹר יְרַחְמְאֵל מַעַץ וְיָמִין וָעֵקֶר.

(כח) וַיִּהְיוּ בְנֵי אוֹנָם שַׁמַּי וְיָדָע וּבְנֵי שַׁמַּי נָדָב וַאֲבִישׁוּר.

(כט) וְשֵׁם אֵשֶׁת אֲבִישׁוּר אֲבִיהָיִל וַתֵּלֶד לוֹ אֶת אַחְבָּן וְאֶת מוֹלִיד.

(ל) וּבְנֵי נָדָב סֶלֶד וְאַפָּיִם וַיָּמָת סֶלֶד לֹא בָנִים.

(לא) וּבְנֵי אַפַּיִם יִשְׁעִי וּבְנֵי יִשְׁעִי שֵׁשָׁן וּבְנֵי שֵׁשָׁן אַחְלָי.

(לב) וּבְנֵי יָדָע אֲחִי שַׁמַּי יֶתֶר וְיוֹנָתָן וַיָּמָת יֶתֶר לֹא בָנִים.

(לג) וּבְנֵי יוֹנָתָן פֶּלֶת וְזָזָא אֵלֶּה הָיוּ בְּנֵי יְרַחְמְאֵל.

(לד) וְלֹא הָיָה לְשֵׁשָׁן בָּנִים כִּי אִם בָּנוֹת וּלְשֵׁשָׁן עֶבֶד מִצְרִי וּשְׁמוֹ יַרְחָע.

(לה) וַיִּתֵּן שֵׁשָׁן אֶת בִּתּוֹ לְיַרְחָע עַבְדּוֹ לְאִשָּׁה וַתֵּלֶד לוֹ אֶת עַתָּי.

(לו) וְעַתַּי הֹלִיד אֶת נָתָן וְנָתָן הוֹלִיד אֶת זָבָד.

(לז) וְזָבָד הוֹלִיד אֶת אֶפְלָל וְאֶפְלָל הוֹלִיד אֶת עוֹבֵד.

(לח) וְעוֹבֵד הוֹלִיד אֶת יֵהוּא וְיֵהוּא הוֹלִיד אֶת עֲזַרְיָה.

(לט) וַעֲזַרְיָה הֹלִיד אֶת חָלֶץ וְחֶלֶץ הֹלִיד אֶת אֶלְעָשָׂה.

(מ) וְאֶלְעָשָׂה הֹלִיד אֶת סִסְמָי וְסִסְמַי הֹלִיד אֶת שַׁלּוּם.

(מא) וְשַׁלּוּם הוֹלִיד אֶת יְקַמְיָה וִיקַמְיָה הֹלִיד אֶת אֱלִישָׁמָע.

(מב) וּבְנֵי כָלֵב אֲחִי יְרַחְמְאֵל מֵישָׁע בְּכֹרוֹ הוּא אֲבִי זִיף וּבְנֵי מָרֵשָׁה אֲבִי חֶבְרוֹן.

(מג) וּבְנֵי חֶבְרוֹן קֹרַח וְתַפֻּחַ וְרֶקֶם וָשָׁמַע.

(מד) וְשֶׁמַע הוֹלִיד אֶת רַחַם אֲבִי יָרְקֳעָם וְרֶקֶם הוֹלִיד אֶת שַׁמָּי.

(מה) וּבֶן שַׁמַּי מָעוֹן וּמָעוֹן אֲבִי בֵית צוּר.

(מו) וְעֵיפָה פִּילֶגֶשׁ כָּלֵב יָלְדָה אֶת חָרָן וְאֶת מוֹצָא וְאֶת גָּזֵז וְחָרָן הֹלִיד אֶת גָּזֵז.

(מז) וּבְנֵי יָהְדָּי רֶגֶם וְיוֹתָם וְגֵישָׁן וָפֶלֶט וְעֵיפָה וָשָׁעַף.

(מח) פִּלֶגֶשׁ כָּלֵב מַעֲכָה יָלַד שֶׁבֶר וְאֶת תִּרְחֲנָה.

(מט) וַתֵּלֶד שַׁעַף אֲבִי מַדְמַנָּה אֶת שְׁוָא אֲבִי מַכְבֵּנָה וַאֲבִי גִבְעָא וּבַת כָּלֵב עַכְסָה.

(נ) אֵלֶּה הָיוּ בְּנֵי כָלֵב בֶּן חוּר בְּכוֹר אֶפְרָתָה שׁוֹבָל אֲבִי קִרְיַת יְעָרִים.

(נא) שַׂלְמָא אֲבִי בֵית לָחֶם חָרֵף אֲבִי בֵית גָּדֵר.

(נב) וַיִּהְיוּ בָנִים לְשׁוֹבָל אֲבִי קִרְיַת יְעָרִים הָרֹאֶה חֲצִי הַמְּנֻחוֹת.

(נג) וּמִשְׁפְּחוֹת קִרְיַת יְעָרִים הַיִּתְרִי וְהַפּוּתִי וְהַשֻּׁמָתִי וְהַמִּשְׁרָעִי מֵאֵלֶּה יָצְאוּ הַצָּרְעָתִי וְהָאֶשְׁתָּאֻלִי.

(נד) בְּנֵי שַׂלְמָא בֵּית לֶחֶם וּנְטוֹפָתִי עַטְרוֹת בֵּית יוֹאָב וַחֲצִי הַמָּנַחְתִּי הַצָּרְעִי.

(נה) וּמִשְׁפְּחוֹת סֹפְרִים ישבו [יֹשְׁבֵי] יַעְבֵּץ תִּרְעָתִים שִׁמְעָתִים שׂוּכָתִים הֵמָּה הַקִּינִים הַבָּאִים מֵחַמַּת אֲבִי בֵית רֵכָב.

עם ביאור

קישור לפרק זה במהדורה המבוארת

א אֵלֶּה בְּנֵי יִשְׂרָאֵל, רְאוּבֵן שִׁמְעוֹן לֵוִי וִיהוּדָה יִשָׂשכָר וּזְבֻלוּן. ב דָּן יוֹסֵף וּבִנְיָמִן נַפְתָּלִי גָּד וְאָשֵׁר. {ס}

תולדות יהודה ומלכי בית דוד

ג בְּנֵי יְהוּדָה תולדותיו נמנו לפני אחיו מפאת חשיבותו: "כִּי יְהוּדָה גָּבַר בְּאֶחָיו וּלְנָגִיד מִמֶּנּוּ" - לקמן ה, ב: עֵר וְאוֹנָן וְשֵׁלָה. שְׁלוֹשָׁה נוֹלַד נולדו לוֹ מִבַּת שׁוּעַ הַכְּנַעֲנִית ר' בראשית לח, וַיְהִי עֵר בְּכוֹר יְהוּדָה רַע בְּעֵינֵי יְהוָה וַיְמִיתֵהוּ. {ס}
ד וְתָמָר כַּלָּתוֹ יָלְדָה לּוֹ אֶת פֶּרֶץ וְאֶת זָרַח. כָּל בְּנֵי יְהוּדָה חֲמִשָּׁה. {ס}
ה בְּנֵי פֶרֶץ: חֶצְרוֹן וְחָמוּל. {ס}
ו וּבְנֵי זֶרַח: זִמְרִי וְאֵיתָן וְהֵימָן וְכַלְכֹּל וָדָרַע - כֻּלָּם חֲמִשָּׁה. {ס}
ז וּבְנֵי לעיתים נכתב בלשון רבים גם כאשר מדובר בבן אחד בלבד כַּרְמִי נכדו של זרח ("וַיִּמְעֲלוּ בְנֵי יִשְׂרָאֵל מַעַל בַּחֵרֶם וַיִּקַּח עָכָן בֶּן כַּרְמִי בֶן זַבְדִּי בֶן זֶרַח לְמַטֵּה יְהוּדָה מִן הַחֵרֶם" - הושע ז א). ונראה שזַבְדִּי הוא זמרי מהפסוק הקודם: עָכָר עכן (רי"ש ונו"ן לפעמים מתחלפות) ואולי נשתבש שמו בכוונה כי היה "עוכר ישראל", עוֹכֵר יִשְׂרָאֵל אֲשֶׁר מָעַל בַּחֵרֶם. {ס}
ח וּבְנֵי אֵיתָן עֲזַרְיָה. ט וּבְנֵי חֶצְרוֹן אֲשֶׁר נוֹלַד לוֹ: אֶת יְרַחְמְאֵל וְאֶת רָם וְאֶת כְּלוּבָי הוא כלב בן חצרון שמוזכר לקמן, פסוק יח. י וְרָם הוֹלִיד אֶת עַמִּינָדָב, וְעַמִּינָדָב הוֹלִיד אֶת נַחְשׁוֹן נְשִׂיא בְּנֵי יְהוּדָה. יא וְנַחְשׁוֹן הוֹלִיד אֶת שַׂלְמָא, וְשַׂלְמָא הוֹלִיד אֶת בֹּעַז. יב וּבֹעַז הוֹלִיד אֶת עוֹבֵד, וְעוֹבֵד הוֹלִיד אֶת יִשָׁי. יג וְאִישַׁי הוֹלִיד אֶת בְּכֹרוֹ, אֶת אֱלִיאָב, וַאֲבִינָדָב הַשֵּׁנִי, וְשִׁמְעָא הַשְּׁלִישִׁי. יד נְתַנְאֵל הָרְבִיעִי, רַדַּי הַחֲמִישִׁי. טו אֹצֶם הַשִּׁשִּׁי, דָּוִיד הַשְּׁבִעִי. טז (ואחיתיהם) וְאַחְיוֹתֵיהֶם: צְרוּיָה וַאֲבִיגָיִל; וּבְנֵי צְרוּיָה: אַבְשַׁי וְיוֹאָב וַעֲשָׂה אֵל - שְׁלֹשָׁה. יז וַאֲבִיגַיִל יָלְדָה אֶת עֲמָשָׂא, וַאֲבִי עֲמָשָׂא יֶתֶר הַיִּשְׁמְעֵאלִי בשמואל ב יז כה מכונה "יִתְרָא הַיִּשְׂרְאֵלִי", וכיון שבא מארץ הישמעאלים נקרא הישמעאלי. יח וְכָלֵב בֶּן חֶצְרוֹן הוֹלִיד אֶת עֲזוּבָה אִשָּׁה עֲזוּבָה היתה אשתו (ר' בפסוק הבא) ולאחר שנפטרה קרא לביתו על שמה (והכתוב מדגיש שהיא "אִשָּׁה" כי בדרך כלל נכתבים שמות הבנים לפני הבנות) וְאֶת יְרִיעוֹת שם בתו השנייה, וְאֵלֶּה בָנֶיהָ של עֲזוּבָה אשתו: יֵשֶׁר וְשׁוֹבָב וְאַרְדּוֹן. יט וַתָּמָת עֲזוּבָה שמה של אשת כלב, וַיִּקַּח לוֹ כָלֵב אֶת אֶפְרָת וַתֵּלֶד לוֹ אֶת חוּר. כ וְחוּר הוֹלִיד אֶת אוּרִי, וְאוּרִי הוֹלִיד אֶת בְּצַלְאֵל הוא אדריכל המשכן. {ס}
כא וְאַחַר בָּא חֶצְרוֹן לאחר שנולדו לו שלושה בנים מאשתו הראשונה (פסוק ט) אֶל בַּת מָכִיר משבט מנשה. הוא מכיר בן מנשה שמשה נתן לו את הגלעד במדבר לב מ אֲבִי גִלְעָד מכיר היה אביו של גלעד (ואולי קרא לבנו על שם חבל הארץ - ר' ביאור:גלעד) וְהוּא לְקָחָהּ וְהוּא בֶּן שִׁשִּׁים שָׁנָה, וַתֵּלֶד לוֹ אֶת שְׂגוּב. כב וּשְׂגוּב הוֹלִיד אֶת יָאִיר, וַיְהִי לוֹ עֶשְׂרִים וְשָׁלוֹשׁ עָרִים בְּאֶרֶץ הַגִּלְעָד ירושה מאשתו. כג וַיִּקַּח גְּשׁוּר וַאֲרָם ובזמן השופטים כשישראל חטאו לקחו במלחמה גשור וארם שהיו אומות שגרו סמוך לגלעד אֶת חַוֹּת יָאִיר את מחנות האוהלים שהיו שייכים ליאיר בן מנשה בגלעד במדבר לב מא מֵאִתָּם מיאיר בן מנשה לקח את חוות יאיר, ומיאיר בן שגוב המוזכר כאן לקח את העשרים ושלש ערים אֶת קְנָת וְאֶת בְּנֹתֶיהָ והם לקחו גם את קנת ובנותיה (ערים קטנות שכנות) שנבח לקח בגלעד במדבר לב מב - שִׁשִּׁים עִיר, כָּל אֵלֶּה יאיר בן מנשה, ויאיר בן שגוב, ונבח, כולם היו בְּנֵי מָכִיר בנים וצאצאים של מכיר (עיין ביאורי פסוקים) אֲבִי גִלְעָד. כד וְאַחַר מוֹת חֶצְרוֹן בְּכָלֵב אֶפְרָתָה בבית בנו כלב שגר באפרת, וְאֵשֶׁת חֶצְרוֹן בת מכיר, שמה היה אֲבִיָּה והיא היתה מעוברת בשעה שחצרון נפטר וַתֵּלֶד לוֹ אֶת אַשְׁחוּר. כה וַיִּהְיוּ בְנֵי יְרַחְמְאֵל בְּכוֹר חֶצְרוֹן: הַבְּכוֹר רָם, וּבוּנָה וָאֹרֶן וָאֹצֶם, אֲחִיָּה. כו וַתְּהִי אִשָּׁה אַחֶרֶת לִירַחְמְאֵל וּשְׁמָהּ עֲטָרָה, הִיא אֵם אוֹנָם. {ס}
כז וַיִּהְיוּ בְנֵי רָם בְּכוֹר יְרַחְמְאֵל: מַעַץ וְיָמִין וָעֵקֶר. כח וַיִּהְיוּ בְנֵי אוֹנָם: שַׁמַּי וְיָדָע, וּבְנֵי שַׁמַּי: נָדָב וַאֲבִישׁוּר. כט וְשֵׁם אֵשֶׁת אֲבִישׁוּר: אֲבִיהָיִל, וַתֵּלֶד לוֹ אֶת אַחְבָּן וְאֶת מוֹלִיד. ל וּבְנֵי נָדָב: סֶלֶד וְאַפָּיִם, וַיָּמָת סֶלֶד לֹא בָנִים ללא שנולדו לו בנים. {ס}
לא וּבְנֵי אַפַּיִם: יִשְׁעִי, וּבְנֵי יִשְׁעִי: שֵׁשָׁן, וּבְנֵי שֵׁשָׁן: אַחְלָי. לב וּבְנֵי יָדָע אֲחִי האח של שַׁמַּי: יֶתֶר וְיוֹנָתָן, וַיָּמָת יֶתֶר לֹא בָנִים. {ס}
לג וּבְנֵי יוֹנָתָן: פֶּלֶת וְזָזָא, אֵלֶּה הָיוּ בְּנֵי יְרַחְמְאֵל. לד וְלֹא הָיָה לְשֵׁשָׁן בָּנִים כִּי אִם בָּנוֹת בנו אחלי שמוזכר בפסוק ל"א מת או נולד אחר כך, או שמדובר בבת, וּלְשֵׁשָׁן עֶבֶד מִצְרִי וּשְׁמוֹ יַרְחָע. לה וַיִּתֵּן שֵׁשָׁן אֶת בִּתּוֹ לְיַרְחָע עַבְדּוֹ לְאִשָּׁה לאחר ששחרר אותו שאז דינו כישראל (אך עבר על איסור שמצרי אסור בקהל עד דור שלישי - דברים כג ט), וַתֵּלֶד לוֹ אֶת עַתָּי. לו וְעַתַּי הֹלִיד אֶת נָתָן, וְנָתָן הוֹלִיד אֶת זָבָד. לז וְזָבָד הוֹלִיד אֶת אֶפְלָל, וְאֶפְלָל הוֹלִיד אֶת עוֹבֵד. לח וְעוֹבֵד הוֹלִיד אֶת יֵהוּא, וְיֵהוּא הוֹלִיד אֶת עֲזַרְיָה. לט וַעֲזַרְיָה הֹלִיד אֶת חָלֶץ, וְחֶלֶץ הֹלִיד אֶת אֶלְעָשָׂה. מ וְאֶלְעָשָׂה הֹלִיד אֶת סִסְמָי, וְסִסְמַי הֹלִיד אֶת שַׁלּוּם. מא וְשַׁלּוּם הוֹלִיד אֶת יְקַמְיָה, וִיקַמְיָה הֹלִיד אֶת אֱלִישָׁמָע. מב וּבְנֵי כָלֵב אֲחִי יְרַחְמְאֵל הנוספים שלא הוזכרו קודם בפסוק יח: מֵישָׁע בְּכֹרוֹ הוּא אֲבִי זִיף השר של מקום ששמו זיף, וּבְנֵי מָרֵשָׁה מישע היה גם כן השר של האנשים שגרו במירשה אֲבִי חֶבְרוֹן למישע בן ושמו חברון. מג וּבְנֵי חֶבְרוֹן: קֹרַח וְתַפֻּחַ וְרֶקֶם וָשָׁמַע. מד וְשֶׁמַע הוֹלִיד אֶת רַחַם אֲבִי יָרְקֳעָם, וְרֶקֶם הוֹלִיד אֶת שַׁמָּי. מה וּבֶן שַׁמַּי מָעוֹן, וּמָעוֹן אֲבִי בֵית צוּר השר של בית צור. מו וְעֵיפָה פִּילֶגֶשׁ כָּלֵב יָלְדָה אֶת חָרָן וְאֶת מוֹצָא וְאֶת גָּזֵז, וְחָרָן הֹלִיד אֶת גָּזֵז. {ס}
מז וּבְנֵי יָהְדָּי גם הוא היה הבן של פילגש כלב, או של גזז: רֶגֶם וְיוֹתָם וְגֵישָׁן וָפֶלֶט וְעֵיפָה וָשָׁעַף. מח פִּלֶגֶשׁ כָּלֵב: מַעֲכָה, יָלַד כלב ילד ממעכה את שֶׁבֶר וְאֶת תִּרְחֲנָה. מט וַתֵּלֶד תרחנה ילדה את שַׁעַף אֲבִי מַדְמַנָּה שעף היה השר של מדמנה, אֶת שְׁוָא אֲבִי מַכְבֵּנָה וַאֲבִי גִבְעָא, וּבַת כָּלֵב כלב בין יפונה שיפורט לגביו להלן ד, טו עַכְסָה. {ס}
נ אֵלֶּה הָיוּ בְּנֵי כָלֵב בֶּן חוּר חור בן כלב המוזכר בפסוק יט קרא לבנו כלב בְּכוֹר אֶפְרָתָה חור היה הבכור לאמו אפרת ולא בכור לאביו כלב. הבכור של כלב מאשה אחרת היה מישע המוזכר בפסוק מב, שׁוֹבָל אֲבִי השר של קִרְיַת יְעָרִים. נא שַׂלְמָא אֲבִי בֵית לָחֶם, חָרֵף אֲבִי בֵית גָּדֵר. נב וַיִּהְיוּ בָנִים לְשׁוֹבָל אֲבִי קִרְיַת יְעָרִים: הָרֹאֶה שם בן שובל, שהיה מושל על חֲצִי הַמְּנֻחוֹת חצי מעיר ששמה מנוחות. נג וּמִשְׁפְּחוֹת שמות המשפחות שגרו ב- קִרְיַת יְעָרִים: הַיִּתְרִי וְהַפּוּתִי וְהַשֻּׁמָתִי וְהַמִּשְׁרָעִי, מֵאֵלֶּה יָצְאוּ מצאצאי משפחות אלו יצאו תושבי הערים של הַצָּרְעָתִי וְהָאֶשְׁתָּאֻלִי. {ס}
נד בְּנֵי שַׂלְמָא וצאצאיו גרו ב- בֵּית לֶחֶם וּנְטוֹפָתִי עַטְרוֹת בֵּית יוֹאָב וגם בשלשה מקומות אלו, וַחֲצִי הַמָּנַחְתִּי ובחצי השני של העיר מנחת הַצָּרְעִי ובעיר ששמה הצרעי. נה וּמִשְׁפְּחוֹת סֹפְרִים מבנות שלמא יצאו משפחות של יודעי קרוא וכתוב (ישבו) יֹשְׁבֵי יַעְבֵּץ: תִּרְעָתִים, שִׁמְעָתִים, שׂוּכָתִים - הֵמָּה הַקִּינִים הגרים בקַּיִן (יהושע טו נז הַבָּאִים מֵחַמַּת אֲבִי בֵית רֵכָב וראש המקום הנקרא בית רכב - ירמיהו לה ב. {ס}

המהדורה המוטעמת מציגה את נוסח המקרא על פי המסורה. יתר מהדורות המקרא בוויקיטקסט מציגות את נוסח כתב יד לנינגרד (מהדורת וסטמינסטר). לפרטים מלאים ראו את ויקיטקסט:מקרא.

פסוקי הפרק

• א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב • מג • מד • מה • מו • מז • מח • מט • נ • נא • נב • נג • נד • נה •