ביאור:במדבר א: הבדלים בין גרסאות בדף

וַיְדַבֵּר יְהוָה אֶל מֹשֶׁה בְּמִדְבַּר סִינַי בְּאֹהֶל מוֹעֵד,  בְּאֶחָד לַחֹדֶשׁ {{ב|הַשֵּׁנִי|חודש אייר}} בַּשָּׁנָה הַשֵּׁנִית לְצֵאתָם מֵאֶרֶץ מִצְרַיִם, לֵאמֹר. 

{{ב|שְׂאוּ|מְנוּ, סִפְרוּ}} אֶת רֹאשׁ כָּל עֲדַת בְּנֵי יִשְׂרָאֵל לְמִשְׁפְּחֹתָם לְבֵית אֲבֹתָם, בְּמִסְפַּר שֵׁמוֹת כָּל זָכָר לְגֻלְגְּלֹתָם. 

מִבֶּן עֶשְׂרִים שָׁנָה וָמַעְלָה כָּל {{ב|יֹצֵא צָבָא|הראוי לצאת למלחמה}} בְּיִשְׂרָאֵל, תִּפְקְדוּ אֹתָם {{ב|לְצִבְאֹתָם|לכל שבט, צבא לחוד}} אַתָּה וְאַהֲרֹן. 

וְאִתְּכֶם יִהְיוּ אִישׁ אִישׁ לַמַּטֶּה, אִישׁ רֹאשׁ לְבֵית אֲבֹתָיו הוּא. 

וְאֵלֶּה שְׁמוֹת הָאֲנָשִׁים אֲשֶׁר יַעַמְדוּ אִתְּכֶם,  לִרְאוּבֵן אֱלִיצוּר בֶּן שְׁדֵיאוּר. 

לְשִׁמְעוֹן שְׁלֻמִיאֵל בֶּן צוּרִישַׁדָּי. 

לִיהוּדָה נַחְשׁוֹן בֶּן עַמִּינָדָב. 

לְיִשָּׂשכָר נְתַנְאֵל בֶּן צוּעָר. 

לִזְבוּלֻן אֱלִיאָב בֶּן חֵלֹן. 

לִבְנֵי יוֹסֵף, לְאֶפְרַיִם אֱלִישָׁמָע בֶּן עַמִּיהוּד, לִמְנַשֶּׁה גַּמְלִיאֵל בֶּן פְּדָהצוּר. 

לְבִנְיָמִן אֲבִידָן בֶּן גִּדְעֹנִי. 

לְדָן אֲחִיעֶזֶר בֶּן עַמִּישַׁדָּי. 

לְאָשֵׁר פַּגְעִיאֵל בֶּן עָכְרָן. 

לְגָד אֶלְיָסָף בֶּן דְּעוּאֵל. 

לְנַפְתָּלִי אֲחִירַע בֶּן עֵינָן. 

אֵלֶּה <small>(קריאי)</small> {{ב|קְרוּאֵי הָעֵדָה|הנקראים מטעם העדה לעניינים חשובים}} נְשִׂיאֵי מַטּוֹת אֲבוֹתָם,  רָאשֵׁי {{ב|אַלְפֵי|משפחות גדולות}} יִשְׂרָאֵל הֵם. 

וַיִּקַּח מֹשֶׁה וְאַהֲרֹן אֵת הָאֲנָשִׁים הָאֵלֶּה אֲשֶׁר נִקְּבוּ בְּשֵׁמוֹת. 

וְאֵת כָּל הָעֵדָה הִקְהִילוּ בְּאֶחָד לַחֹדֶשׁ הַשֵּׁנִי {{ב|וַיִּתְיַלְדוּ|ומסרו את ייחוסם}} עַל מִשְׁפְּחֹתָם לְבֵית אֲבֹתָם,  בְּמִסְפַּר שֵׁמוֹת מִבֶּן עֶשְׂרִים שָׁנָה וָמַעְלָה, לְגֻלְגְּלֹתָם. 

כַּאֲשֶׁר צִוָּה יְהוָה אֶת מֹשֶׁה, וַיִּפְקְדֵם בְּמִדְבַּר סִינָי.  {ס}

וַיִּהְיוּ בְנֵי רְאוּבֵן בְּכֹר יִשְׂרָאֵל תּוֹלְדֹתָם לְמִשְׁפְּחֹתָם לְבֵית אֲבֹתָם,  בְּמִסְפַּר שֵׁמוֹת לְגֻלְגְּלֹתָם, כָּל זָכָר מִבֶּן עֶשְׂרִים שָׁנָה וָמַעְלָה כֹּל יֹצֵא צָבָא. 

פְּקֻדֵיהֶם לְמַטֵּה רְאוּבֵן, שִׁשָּׁה וְאַרְבָּעִים אֶלֶף וַחֲמֵשׁ מֵאוֹת.  {פ}

לִבְנֵי שִׁמְעוֹן תּוֹלְדֹתָם לְמִשְׁפְּחֹתָם לְבֵית אֲבֹתָם,  פְּקֻדָיו בְּמִסְפַּר שֵׁמוֹת לְגֻלְגְּלֹתָם, כָּל זָכָר מִבֶּן עֶשְׂרִים שָׁנָה וָמַעְלָה כֹּל יֹצֵא צָבָא. 

פְּקֻדֵיהֶם לְמַטֵּה שִׁמְעוֹן, תִּשְׁעָה וַחֲמִשִּׁים אֶלֶף וּשְׁלֹשׁ מֵאוֹת.  {פ}

לִבְנֵי גָד תּוֹלְדֹתָם לְמִשְׁפְּחֹתָם לְבֵית אֲבֹתָם,  בְּמִסְפַּר שֵׁמוֹת מִבֶּן עֶשְׂרִים שָׁנָה וָמַעְלָה, כֹּל יֹצֵא צָבָא. 

פְּקֻדֵיהֶם לְמַטֵּה גָד, חֲמִשָּׁה וְאַרְבָּעִים אֶלֶף וְשֵׁשׁ מֵאוֹת וַחֲמִשִּׁים.  {פ}

לִבְנֵי יְהוּדָה תּוֹלְדֹתָם לְמִשְׁפְּחֹתָם לְבֵית אֲבֹתָם,  בְּמִסְפַּר שֵׁמֹת מִבֶּן עֶשְׂרִים שָׁנָה וָמַעְלָה, כֹּל יֹצֵא צָבָא. 

פְּקֻדֵיהֶם לְמַטֵּה יְהוּדָה, אַרְבָּעָה וְשִׁבְעִים אֶלֶף וְשֵׁשׁ מֵאוֹת.  {פ}

לִבְנֵי יִשָּׂשכָר תּוֹלְדֹתָם לְמִשְׁפְּחֹתָם לְבֵית אֲבֹתָם,  בְּמִסְפַּר שֵׁמֹת מִבֶּן עֶשְׂרִים שָׁנָה וָמַעְלָה, כֹּל יֹצֵא צָבָא. 

פְּקֻדֵיהֶם לְמַטֵּה יִשָּׂשכָר, אַרְבָּעָה וַחֲמִשִּׁים אֶלֶף וְאַרְבַּע מֵאוֹת.  {פ}

לִבְנֵי זְבוּלֻן תּוֹלְדֹתָם לְמִשְׁפְּחֹתָם לְבֵית אֲבֹתָם,  בְּמִסְפַּר שֵׁמֹת מִבֶּן עֶשְׂרִים שָׁנָה וָמַעְלָה, כֹּל יֹצֵא צָבָא. 

פְּקֻדֵיהֶם לְמַטֵּה זְבוּלֻן, שִׁבְעָה וַחֲמִשִּׁים אֶלֶף וְאַרְבַּע מֵאוֹת.  {פ}

לִבְנֵי יוֹסֵף לִבְנֵי אֶפְרַיִם תּוֹלְדֹתָם לְמִשְׁפְּחֹתָם לְבֵית אֲבֹתָם,  בְּמִסְפַּר שֵׁמֹת מִבֶּן עֶשְׂרִים שָׁנָה וָמַעְלָה, כֹּל יֹצֵא צָבָא. 

פְּקֻדֵיהֶם לְמַטֵּה אֶפְרָיִם, אַרְבָּעִים אֶלֶף וַחֲמֵשׁ מֵאוֹת.  {פ}

לִבְנֵי מְנַשֶּׁה תּוֹלְדֹתָם לְמִשְׁפְּחֹתָם לְבֵית אֲבֹתָם,  בְּמִסְפַּר שֵׁמוֹת מִבֶּן עֶשְׂרִים שָׁנָה וָמַעְלָה, כֹּל יֹצֵא צָבָא. 

פְּקֻדֵיהֶם לְמַטֵּה מְנַשֶּׁה, שְׁנַיִם וּשְׁלֹשִׁים אֶלֶף וּמָאתָיִם.  {פ}

לִבְנֵי בִנְיָמִן תּוֹלְדֹתָם לְמִשְׁפְּחֹתָם לְבֵית אֲבֹתָם,  בְּמִסְפַּר שֵׁמֹת מִבֶּן עֶשְׂרִים שָׁנָה וָמַעְלָה, כֹּל יֹצֵא צָבָא. 

פְּקֻדֵיהֶם לְמַטֵּה בִנְיָמִן, חֲמִשָּׁה וּשְׁלֹשִׁים אֶלֶף וְאַרְבַּע מֵאוֹת.  {פ}

לִבְנֵי דָן תּוֹלְדֹתָם לְמִשְׁפְּחֹתָם לְבֵית אֲבֹתָם,  בְּמִסְפַּר שֵׁמֹת מִבֶּן עֶשְׂרִים שָׁנָה וָמַעְלָה, כֹּל יֹצֵא צָבָא. 

פְּקֻדֵיהֶם לְמַטֵּה דָן, שְׁנַיִם וְשִׁשִּׁים אֶלֶף וּשְׁבַע מֵאוֹת.  {פ}

לִבְנֵי אָשֵׁר תּוֹלְדֹתָם לְמִשְׁפְּחֹתָם לְבֵית אֲבֹתָם,  בְּמִסְפַּר שֵׁמֹת מִבֶּן עֶשְׂרִים שָׁנָה וָמַעְלָה, כֹּל יֹצֵא צָבָא. 

פְּקֻדֵיהֶם לְמַטֵּה אָשֵׁר, אֶחָד וְאַרְבָּעִים אֶלֶף וַחֲמֵשׁ מֵאוֹת.  {פ}

בְּנֵי נַפְתָּלִי תּוֹלְדֹתָם לְמִשְׁפְּחֹתָם לְבֵית אֲבֹתָם,  בְּמִסְפַּר שֵׁמֹת מִבֶּן עֶשְׂרִים שָׁנָה וָמַעְלָה, כֹּל יֹצֵא צָבָא. 

פְּקֻדֵיהֶם לְמַטֵּה נַפְתָּלִי, שְׁלֹשָׁה וַחֲמִשִּׁים אֶלֶף וְאַרְבַּע מֵאוֹת.  {פ}

אֵלֶּה הַפְּקֻדִים אֲשֶׁר פָּקַד מֹשֶׁה וְאַהֲרֹן וּנְשִׂיאֵי יִשְׂרָאֵל, שְׁנֵים עָשָׂר אִישׁ,  אִישׁ אֶחָד לְבֵית אֲבֹתָיו הָיוּ. 

וַיִּהְיוּ כָּל פְּקוּדֵי בְנֵי יִשְׂרָאֵל לְבֵית אֲבֹתָם מִבֶּן עֶשְׂרִים שָׁנָה וָמַעְלָה כָּל יֹצֵא צָבָא בְּיִשְׂרָאֵל. 

וַיִּהְיוּ כָּל הַפְּקֻדִים, שֵׁשׁ מֵאוֹת אֶלֶף וּשְׁלֹשֶׁת אֲלָפִים, וַחֲמֵשׁ מֵאוֹת {{ב|וַחֲמִשִּׁים|המספרים מעוגלים כי זה בשביל יוצאי צבא והמינימום זה 'שרי עשרות'}}. 

{{ב|וְהַלְוִיִּם|המשרתים במשכן במקום בצבא}} לְמַטֵּה אֲבֹתָם, לֹא הָתְפָּקְדוּ בְּתוֹכָם.  {פ}

וַיְדַבֵּר יְהוָה אֶל מֹשֶׁה לֵּאמֹר. 

אַךְ אֶת מַטֵּה לֵוִי לֹא תִפְקֹד וְאֶת רֹאשָׁם לֹא תִשָּׂא בְּתוֹךְ בְּנֵי יִשְׂרָאֵל. 

וְאַתָּה הַפְקֵד אֶת הַלְוִיִּם עַל מִשְׁכַּן הָעֵדֻת וְעַל כָּל כֵּלָיו וְעַל כָּל אֲשֶׁר לוֹ, הֵמָּה יִשְׂאוּ אֶת הַמִּשְׁכָּן וְאֶת כָּל כֵּלָיו וְהֵם {{ב|יְשָׁרְתֻהוּ|בכך שיקימו ויסדרו אותו}}, וְסָבִיב לַמִּשְׁכָּן יַחֲנוּ. 

וּבִנְסֹעַ הַמִּשְׁכָּן יוֹרִידוּ אֹתוֹ הַלְוִיִּם וּבַחֲנֹת הַמִּשְׁכָּן יָקִימוּ אֹתוֹ הַלְוִיִּם, וְהַזָּר הַקָּרֵב יוּמָת. 

וְחָנוּ בְּנֵי יִשְׂרָאֵל אִישׁ עַל מַחֲנֵהוּ וְאִישׁ עַל דִּגְלוֹ לְצִבְאֹתָם. 

וְהַלְוִיִּם יַחֲנוּ סָבִיב לְמִשְׁכַּן הָעֵדֻת וְלֹא יִהְיֶה {{ב|קֶצֶף|כעס, בגלל כניסת זרים}} עַל עֲדַת בְּנֵי יִשְׂרָאֵל, וְשָׁמְרוּ הַלְוִיִּם אֶת מִשְׁמֶרֶת מִשְׁכַּן הָעֵדוּת. 

וַיַּעֲשׂוּ בְּנֵי יִשְׂרָאֵל,  כְּכֹל אֲשֶׁר צִוָּה יְהוָה אֶת מֹשֶׁה, כֵּן עָשׂוּ.  {פ}

{{ביאור:כותרת תחתונה לפרק תנך|במדבר|א}}<section end=פרק א/>