חנוך ב/ח
פרק ח
א וַיִּקָּחוּנִי הָאֲנָשִׁים הָהֵם מִפֹּה וַיַּעֲלוּנִי אֶל־הָרָקִיעַ הַשִּׁשִּׁי. וָאֵרֶא שָׁם שִׁבְעָה גְדוּדֵי מַלְאָכִים מַזְהִירִים מְאֹד וְנִכְבָּדִים מְאֹד, וּפְנֵיהֶם מַזְהִירִים יוֹתֵר מִקַּרְנֵי הַשֶּׁמֶשׁ הַמְּאִירוֹת וְאֵין שִׁנּוּי לֹא בִפְנֵיהֶם וְלֹא בִדְמוּתָם וְלֹא בְמִִשְׁפַּט בִּגְדֵיהֶם: ב וְהֵם עוֹמְדִים בְּסֵדֶר וְלוֹמְדִים אֶת־מַהֲלַךְ הַכּוֹכָבִים וּתְקוּפַת הַשֶּׁמֶשׁ וְשִׁנּוּי הַיָּרֵחַ, וַהֲטָבַת הָעוֹלָם וַהֲרָעָתוֹ הֵם רוֹאִים, וּמְסַדְּרִים הֵם מִצְוֹת וְתוֹכָחוֹת וְשִׁיר נְעִימוֹת וְכָל־שֶׁבַח נִכְבָּד: ג הֵם הֵם רָאשֵׁי הַמַּלְאָכִים אֲשֶׁר עַל־הַמַּלְאָכִים, וְכָל־הַחַיִּים כּוֹבְשִׁים הֵם בַּשָּׁמַיִם וּבָאָרֶץ: ד וְהַמַּלְאָכִים אֲשֶׁר עַל־הָעִתִּים וְהַשָּׁנִים, וְהַמַּלְאָכִים אֲשֶׁר עַל־הַנְּהָרוֹת וְהַיָּם, וְהַמַּלְאָכִים אֲשֶׁר עַל־פְּרִי הָאֲדָמָה וְעַל־כָּל־דֶּשֶׁא הַנּוֹתֵן כָּל־מַאֲכָל לְכָל־חָי: ה וְהַמַּלְאָכִים עַל־כָּל־נַפְשׁוֹת אָדָם הַכּוֹתְבִים כָּל־מַעֲשֵׂיהֶן וְחַיֵּיהֶן לִפְנֵי יְיָ: ו וּבָהֶם שִׁבְעָה חוּלִים וְשִׁבְעָה כְרוּבִים וְשִׁבְעָה בַעֲלֵי שֵׁשׁ כְּנָפַיִם, וּבְקוֹל אֶחָד הֵם שָׁרִים, וְאֵין לְתָאֵר אֶת שִׁירָם: ז וְשָׂמַח יְיָ לַהֲדוֹם רַגְלָיו: