פתיחת התפריט הראשי



ע א לַ֝מְנַצֵּ֗חַ לְדָוִ֥ד לְהַזְכִּֽיר׃
   ב אֱלֹהִ֥ים לְהַצִּילֵ֑נִי
    יְ֝הֹוָ֗ה לְעֶזְרָ֥תִי חֽוּשָׁה׃
ג יֵבֹ֣שׁוּ וְיַחְפְּרוּ֮ מְבַקְשֵׁ֢י נַ֫פְשִׁ֥י
  יִסֹּ֣גוּ אָ֭חוֹר וְיִכָּלְמ֑וּ
  חֲ֝פֵצֵ֗י רָעָתִֽי׃
ד יָ֭שׁוּבוּ עַל־עֵ֣קֶב בׇּשְׁתָּ֑ם
  הָ֝אֹמְרִ֗ים הֶ֘אָ֥ח ׀ הֶאָֽח׃
ה יָ֘שִׂ֤ישׂוּ וְיִשְׂמְח֨וּ ׀ בְּךָ֗ כׇּֽל־מְבַ֫קְשֶׁ֥יךָ
  וְיֹאמְר֣וּ תָ֭מִיד יִגְדַּ֣ל אֱלֹהִ֑ים
  אֹ֝הֲבֵ֗י יְשׁוּעָתֶֽךָ׃
ו וַאֲנִ֤י ׀ עָנִ֣י וְאֶבְיוֹן֮
  אֱלֹהִ֢ים ח֫וּשָׁה לִּ֥י
עֶזְרִ֣י וּמְפַלְטִ֣י אַ֑תָּה
  יְ֝הֹוָ֗ה אַל־תְּאַחַֽר׃

הפרק בלי מספריםעריכה



לַ֝מְנַצֵּ֗חַ לְדָוִ֥ד לְהַזְכִּֽיר׃
  אֱלֹהִ֥ים לְהַצִּילֵ֑נִי
    יְ֝הֹוָ֗ה לְעֶזְרָ֥תִי חֽוּשָׁה׃
יֵבֹ֣שׁוּ וְיַחְפְּרוּ֮ מְבַקְשֵׁ֢י נַ֫פְשִׁ֥י
  יִסֹּ֣גוּ אָ֭חוֹר וְיִכָּלְמ֑וּ
  חֲ֝פֵצֵ֗י רָעָתִֽי׃
יָ֭שׁוּבוּ עַל־עֵ֣קֶב בׇּשְׁתָּ֑ם
  הָ֝אֹמְרִ֗ים הֶ֘אָ֥ח ׀ הֶאָֽח׃
יָ֘שִׂ֤ישׂוּ וְיִשְׂמְח֨וּ ׀ בְּךָ֗ כׇּֽל־מְבַ֫קְשֶׁ֥יךָ
  וְיֹאמְר֣וּ תָ֭מִיד יִגְדַּ֣ל אֱלֹהִ֑ים
  אֹ֝הֲבֵ֗י יְשׁוּעָתֶֽךָ׃
וַאֲנִ֤י ׀ עָנִ֣י וְאֶבְיוֹן֮
  אֱלֹהִ֢ים ח֫וּשָׁה לִּ֥י
עֶזְרִ֣י וּמְפַלְטִ֣י אַ֑תָּה
  יְ֝הֹוָ֗ה אַל־תְּאַחַֽר׃