קינות/אאדה עד חוג שמים

ח עריכה

אַאֲדֶה עַד חוּג שָׁמַיִם.
אַאֲלֶה אִתִּי שָׁמַיִם.
אָאֹר יוֹם מַחֲרִיבִי פַּעֲמַיִם.
אֶתְאוֹנֵן מִי יִתֵּן רֹאשִׁי מַיִם:

אַבְחִין בִּבְכִי יְלֵל מִדְבָּר.
אֶבְחֲנָה לֵיל מִלֵּיל וּמִדְבָּר מִמִּדְבָּר.
אֲבַכֶּה אִתִּי עוֹלַת מִדְבָּר.
אֶשְׁאַג מִי יִתְּנֵנִי בַמִּדְבָּר:

אֶגָּדַע וְאֶנָּשֵׁל כְּנֹקֶף זַיִת.
אֲגָרֶה אִתִּי כָּל בְּנֵי בַיִת.
אֶגְרֹם שֶׁיֹּאמַר בַּעַל הַבַּיִת.
אֵרָשֶׁה מִי יִתְּנֵנִי שָׁמִיר וָשַׁיִת:

אַדְוֶה בְּכָל לֵב לְהַמְצִיאֵהוּ.
אֵדְעָה מִלִּין בָּם לְאַמְּצֵהוּ.
אֶדְאַג אַיֵּה רוֹעֶה וְלֹא אֶמְצָאֵהוּ.
אֲקוֹנֵן מִי יִתֵּן יָדַעְתִּי אֶמְצָאֵהוּ:

אֵהָפְכָה וְאֶתְהַפְּכָה כְּאוֹפָן בְּמִלַּי.
אֶהְגֶּה פָּנִים בְּפָנִים לְתַנּוֹת עֲמָלַי.
אָהֲהוּ חֶרֶס וְסַהַר מִלְּהַגִּיהַּ לְמוּלַי.
אֶצְרַח מִי יִתֵּן אֵפוֹא וְיִכָּתְבוּן מִלָּי:

אוֹרַח מִשְׁפְּטֵי גּוֹנְבֵי עֲלִי.
אוֹדִיעַ בְּבִצְעִי וּמַעֲלִי.
אוּמְלְלוּ מַזָּלוֹת בְּקָרְעִי מְעִילִי.
אֶפְעֶה מִי יִתֵּן שׁוֹמֵעַ לִי:

אָזְדָה כְּהוּפְרָה הָאֲבִיּוֹנָה.
אֶזְכְּרָה כִּי הָיִיתִי מְחֻתָּנָה.
אַזִּיל פְּלָגִים כִּבְרֵכָה הָעֶלְיוֹנָה.
אֶעֱגוֹר מִי יִתֶּן לִי אֵבֶר כַּיּוֹנָה:

אָח נִפְשָׁע מִקִּרְיַת עֹז אֶל צֹר.
אָחוּ בְּלִי מַיִם בְּאַף לַעֲצֹר.
אָחַז קָמוֹת לִקְצֹר וְעוֹלְלוֹת לִבְצֹר.
אָשִׂיחָה מִי יוֹבִילֵנִי עִיר מָצוֹר:

אֶטַּע אָהֳלֵי אַפַּדְנִי בְּצַלְמָוֶת.
אָטוּסָה וְאֶשְׁכֹּנָה עַד חֲצַר מָוֶת.
אֶטָּפֵל אֶת הַמְּחַכִּים לַמָּוֶת.
אֶנְהֶה מִי גֶבֶר יִחְיֶה וְלֹא יִרְאֶה מָּוֶת:

אֱיָלוּתִי לְעֶזְרָתִי תַּרְתִּי חֲזוֹת.
אֲיוּמָתִי בְּכָל שָׁנָה אוֹמֶרֶת הִיא הַשָּׁנָה הַזֹּאת.
אֲיַדַּע לַכֹּל כִּי מוּדַעַת זֹאת.
אִם לֹא כִּי יַד יְיָ עָשְׂתָה זֹאת:

אֶכֹּף לְךָ רֹאשׁ יְיָ חֵילִי.
אֶכְרַע לְךָ בֶּרֶךְ לְחַתֵּל מַחֲלִי.
אַכְתִּירְךָ בְּשִׁיר מִשִּׁירֵי מְחוֹלִי.
אֲכַוֵּן מִי יִתֶּנְךָ כְּאָח לִי:

אַל תִּשְׁכַּח צַעֲקַת אֲרִיאֵל.
אֵלָיו לֶאֱגֹר יְהוּדָה וְיִשְׂרָאֵל.
אַלְפֵי שִׁנְאָן אֲשֶׁר מָסַר אֵל.
לֵאמֹר מִי יִתֵּן מִצִּיּוֹן יְשׁוּעַת יִשְׂרָאֵל:

יִשְׂרָאֵל מֵעֵת בִּדְרָכַי לֹא הָלָכוּ.
עֲזָבוּנִי וַעֲזַבְתִּים וּפָנַי מֵהֶם נֶהְפָּכוּ.
רָגַנְתִּי וְהֵילַלְתִּי וּמֵעַי וְלִבִּי נִשְׁפָּכוּ.
אֵיכָה תִּפְאַרְתִּי מֵרַאֲשׁוֹתַי הִשְׁלִיכוּ: