פסוק המתחיל ומסתיים באות ר כ
- רק השמר לך ושמר נפשך מאד פן־תשכח את־הדברים אשר־ראו עיניך ופן־יסורו מלבבך כל ימי חייך והודעתם לבניך ולבני בניך
- רק הנשים והטף והבהמה וכל אשר יהיה בעיר כל־שללה תבז לך ואכלת את־שלל איביך אשר נתן יהוה אלהיך לך
- רק חזק ואמץ מאד לשמר לעשות ככל־התורה אשר צוך משה עבדי אל־תסור ממנו ימין ושמאול למען תשכיל בכל אשר תלך
- רדי מכבוד ישבי [ושבי] בצמא ישבת בת־דיבון כי־שדד מואב עלה בך שחת מבצריך
- רכלי שבא ורעמה המה רכליך בראש כל־בשם ובכל־אבן יקרה וזהב נתנו עזבוניך
- רומה יהוה בעזך נשירה ונזמרה גבורתך
- רומה על־השמים אלהים על כל־הארץ כבודך
- רומה על־שמים אלהים על כל־הארץ כבודך
- רומה על־שמים אלהים ועל כל־הארץ כבודך
- ראש־דברך אמת ולעולם כל־משפט צדקך
- רפאות תהי לשרך ושקוי לעצמותיך