עמוד:Tehilim, o los Salmos, trezladados del leshon ha-ḳodesh en la lingua Sefaradit.pdf/27

מאנייאנה. סאלמו די דויד׃

2 מי דייו, מי דייו! פור קי מידישﬞאסטי, אי טי פאראס לישﬞוס די מי סאלבﬞאסייון, די לאס פאלאבﬞראס די מי גﬞימידﬞו?׃

3 מי דייו! ייו לייאמו די דיאה, אי נון ריספונדיס. אי די נוגﬞי, אי נון איי קאלייאדﬞורה אה מי׃

4 מה טו איריס סאנטו קי איסטאס אסינטאדﬞו אינטרי לוס לואוריס די ישראל׃

5 אין טי סי אינפﬞיגוזייארון נואיסטרוס פאדﬞריס. סי אינפיגוזייארון אי לוס איסקאפאסטי׃

6 אה טי לייאמארון , אי פﬞואירון איסקאפאדﬞוס. אין טי סי אינפﬞיגוזייארון, אי נון קידﬞארון אבﬞירגואינסאדﬞוס׃

7 מה ייו סויי גוזאנו אי נון בﬞאדון. ריפודﬞייו די אומבריס אי מינוספריסייאדﬞו דיל פואיבﬞלו׃

8 טודﬞוס לוס קי מי בﬞין איסקארניסין אה מי. אבﬞרין אנגﬞאמינטי לוס לאבﬞייוס. מיניאן לה קאבﬞיסה׃

9 סי ריבואילבﬞה אה ה׳, דיזין. איל לו איסקאפי. לו ליבﬞרי. פורקי סי אינבﬞילונטה אין איל׃

10 פורקי טו מי סאקאסטי דיל בﬞינטרי. טו איריס איל קי מי איזו איספיראר סובﬞרי לוס פיגﬞוס די מי מאדﬞרי׃

11 סובﬞרי טי סויי איגﬞאדﬞו דיזדי לה בולבה. דיזדי איל בﬞיינטרי די מי מאדﬞרי מי דייו איריס טו׃

12 נון טי אלישﬞיס די מי. פורקי אנגוסטייה איסטה שירקאנה. פורקי נון איי אייולדﬞאדﬞור׃

13 מי רודﬞיאן טורוס מוגﬞוס. לוס פﬞואירטיס די בשﬞן מי סירקאן׃

14 אבﬞרי סובﬞרי מי סו בוקה קומו ליאון אריבﬞאטאדﬞור אי ברא-