20
או ה׳! די לוס בﬞארוניס קי סון דיל מונדו. סו פארטי איסטה אין איסטה בﬞידﬞה. אי די טו טיסורו אינגﬞיס סו בﬞיינטרי. סי ארטאן די איזﬞוס. אי דישﬞאן סו סובﬞרה אה סוס גﬞיקיטוס׃ 15 מה ייו אין גﬞוסטידﬞאדﬞ בﬞירי טוס פﬞאסיס. מי ארטארי קואנדו מי דיספירטארי סיגון טו סימיזﬞאנסה׃
יח
1 אל פרימיר קאנטאדﬞור. דיל סיירבﬞו די ה׳, די דויד. קי אבﬞלו אה ה׳ לאס פאלאבﬞראס די איסטה קאנטיגה, אין איל דיאה קואנדו לו אבﬞיאה איסקאפאדﬞו ה׳ די לה מאנו די טודﬞוס סוס אינימיגוס, אי די לה מאנו די שﬞאול׃ 2 אי דישﬞו. טי אמארי, ה׳ מי פﬞורטאליזה׃ 3 ה׳ מי פינייה אי מי אינקאסטילייאדﬞורה, אי מי איסקאפאדﬞור, מי דייו, מי פינייה קי אין איל מי אבריגו, מי מאמפארו אי קואירנו די מי סאלבﬞאסייון, מי אלטורה׃ 4 לייאמארי אה ה׳, איל אלאבﬞאדﬞו. אי די מיס אינימיגוס סירי סאלבﬞו׃ 5 מי רודﬞיארון קואירדאס די מואירטי, אי ארוייוס די טורטאבﬞינייו מי אטורבﬞארון׃ 6 לאס קואירדאס די לה פﬞוייה מי רודﬞיארון. מי אקונאנטארון לאזוס די מואירטי׃ 7 אין מי אנגוסטייה לייאמו אה ה׳, אי אה מי דייו איסקלאמו. איל אויי די סו פאלאסייו מי בוז. אי מי איסקלאמאסייון בﬞייני דילאנטי די איל אין סוס אוריזﬞאס׃ 8 אי סי קונמובﬞייו
