172
אלסארי, אי לייאמארי אין איל נומברי די ה׳׃ 14 מיס פרומיטאס פאגארי אה ה׳, דילאנטי ייה די טודﬞו סו פואיבﬞלו׃ 15 פריסייאדﬞו אין לוס אוזﬞוס די ה׳ איס לה מואירטי די סוס בואינוס׃ 16 רוגו, ה׳! פורקי ייו סויי טו סיירבﬞו, ייו סויי טו סיירבﬞו, איל איזﬞו די טו סיירבﬞה. סולטאסטי מיס אטאדﬞוראס׃ 17 אה טי סאקריפﬞיסייארי סאקריפﬞיסייו די אגראדﬞיסימיינטו, אי אין איל נומברי די ה׳ לייאמארי׃ 18 מיס פרומיטאס פאגארי אה ה׳ דילאנטי ייה די טודﬞו סו פואיבﬞלו׃ 19 אין לאס קורטיס די לה קאזה די ה׳, אינטרי טי, ירושﬞלים. אלאבﬞאדﬞ אה ה׳׃
קיז
1 אלאבאדﬞ אה ה׳, טודﬞאס לאס גﬞינטיס. אלאבﬞאדו טודﬞוס לוס גﬞינטיאוס!׃ 2 פורקי סו מירסידﬞ איס פﬞואירטי סובﬞרי נוסוטרוס. אי לה בﬞירדאדﬞ די ה׳ איס פארה סיימפרי׃
קיח
1 לואדﬞ אה ה׳ פורקי איל איס בואינו. פורקי פארה סיימפרי איס סו מירסידﬞ׃ 2 דיגה אגורה ישראל, קי פארה סיימפרי איס סו מירסידﬞ׃ 3 דיגאן אגורה לה קאזה די אהרון, קי פארא סיימפרי איס סו מירסידﬞ׃ 4 דיגאן אגורה לוס קי טימין אה ה׳, קי פארה סיימפרי
