הדף הזה עבר הגהה
הַזְכָּרַת נְשָׁמוֹת
מזכירים נשמות באחרון של פסח, שבועות (ביום השני בחו"ל), יום הכיפורים ושמיני עצרת.
ש"ץ וקהל:
- יְיָ, מָה אָדָם וַתֵּדָעֵֽהוּ, בֶּן אֱנוֹשׁ וַתְּחַשְּׁבֵֽהוּ.
- אָדָם לַהֶֽבֶל דָּמָה, יָמָיו כְּצֵל עוֹבֵר.
- בַּבֹּֽקֶר יָצִיץ וְחָלָף, לָעֶֽרֶב יְמוֹלֵל וְיָבֵשׁ.
- לִמְנוֹת יָמֵֽינוּ כֵּן הוֹדַע, וְנָבִא לְבַב חׇכְמָה.
- שְׁמׇר־תָּם וּרְאֵה יָשָׁר, כִּי אַחֲרִית לְאִישׁ שָׁלוֹם.
- אַךְ אֱלֹהִים יִפְדֶּה נַפְשִׁי מִיַּד שְׁאוֹל, כִּי יִקָּחֵֽנִי סֶֽלָה.
- כָּלָה שְׁאֵרִי וּלְבָבִי, צוּר לְבָבִי וְחֶלְקִי אֱלֹהִים לְעוֹלָם.
- וְיָשֹׁב הֶעָפָר עַל הָאָֽרֶץ כְּשֶׁהָיָה, וְהָרֽוּחַ תָּשׁוּב אֶל הָאֱלֹהִים אֲשֶׁר נְתָנָהּ.
אֹמַר לַייָ, מַחְסִי וּמְצוּדָתִי, אֱלֹהַי אֶבְטַח בּוֹ.
כִּי הוּא יַצִּילְךָ מִפַּח יָקוּשׁ, מִדֶּֽבֶר הַוּוֹת.
בְּאֶבְרָתוֹ יָֽסֶךְ לָךְ, וְתַֽחַת כְּנָפָיו תֶּחְסֶה; צִנָּה וְסֹחֵרָה אֲמִתּוֹ.
לֹא תִירָא מִפַּֽחַד לָֽיְלָה, מֵחֵץ יָעוּף יוֹמָם.
מִדֶּֽבֶר בָּאֹֽפֶל יַהֲלֹךְ, מִקֶּֽטֶב יָשׁוּד צׇהֳרָֽיִם.
601