מקרא מבואר/תצוגה/ספר דברים/פרשת ראה

וְהָיָ֣ה הַמָּק֗וֹם אֲשֶׁר־יִבְחַר֩ יְהֹוָ֨ה אֱלֹהֵיכֶ֥ם בּוֹ֙ לְשַׁכֵּ֤ן שְׁמוֹ֙ שָׁ֔ם שָׁ֣מָּה תָבִ֔יאוּ אֵ֛ת כׇּל־אֲשֶׁ֥ר אָנֹכִ֖י מְצַוֶּ֣ה אֶתְכֶ֑ם עוֹלֹתֵיכֶ֣ם וְזִבְחֵיכֶ֗ם מַעְשְׂרֹֽתֵיכֶם֙ וּתְרֻמַ֣ת יֶדְכֶ֔ם וְכֹל֙ מִבְחַ֣ר נִדְרֵיכֶ֔ם אֲשֶׁ֥ר תִּדְּר֖וּ לַיהֹוָֽה׃

וְהַמָּקוֹם שֶׁה' אֱלֹהֵיכֶם יִבְחַר בּוֹ לְהַשְׁרוֹת שָׁם אֶת שְׁכִינָתוֹ, לְשָׁם תָּבִיאוּ אֶת כָּל מַה שֶּׁאֲנִי מְצַוֶּה אֶתְכֶם – עוֹלוֹתֵיכֶם וְזִבְחֵיכֶם מַעַשְׂרוֹתֵיכֶם וּתְרוּמוֹתֵיכֶם, וְכָל נִדְרֵיכֶם שֶׁתִּדְּרוּ לַה' מֵהַמּוּבְחָר שֶׁבְּנִכְסֵיכֶם.

וּשְׂמַחְתֶּ֗ם לִפְנֵי֮ יְהֹוָ֣ה אֱלֹֽהֵיכֶם֒ אַתֶּ֗ם וּבְנֵיכֶם֙ וּבְנֹ֣תֵיכֶ֔ם וְעַבְדֵיכֶ֖ם וְאַמְהֹתֵיכֶ֑ם וְהַלֵּוִי֙ אֲשֶׁ֣ר בְּשַֽׁעֲרֵיכֶ֔ם כִּ֣י אֵ֥ין ל֛וֹ חֵ֥לֶק וְנַחֲלָ֖ה אִתְּכֶֽם׃

וְתִשְׂמְחוּ לִפְנֵי ה' אֱלֹהֵיכֶם בַּאֲכִילַת הַקָּרְבָּנוֹת, אַתֶּם וּבְנֵיכֶם וּבְנוֹתֵיכֶם וְעַבְדֵיכֶם וְשִׁפְחוֹתֵיכֶם, וְהַלֵּוִי שֶׁבְּעָרֵיכֶם כִּי אֵין לוֹ חֵלֶק וְנַחֲלָה אִתְּכֶם.

הִשָּׁ֣מֶר לְךָ֔ פֶּֽן־תַּעֲלֶ֖ה עֹלֹתֶ֑יךָ בְּכׇל־מָק֖וֹם אֲשֶׁ֥ר תִּרְאֶֽה׃

הִזָּהֵר לְךָ שֶׁלֹּא תַּעֲלֶה אֶת עוֹלוֹתֶיךָ בְּכָל מָקוֹם שֶׁתִּרְאֶה.

כִּ֣י אִם־בַּמָּק֞וֹם אֲשֶׁר־יִבְחַ֤ר יְהֹוָה֙ בְּאַחַ֣ד שְׁבָטֶ֔יךָ שָׁ֖ם תַּעֲלֶ֣ה עֹלֹתֶ֑יךָ וְשָׁ֣ם תַּעֲשֶׂ֔ה כֹּ֛ל אֲשֶׁ֥ר אָנֹכִ֖י מְצַוֶּֽךָּ׃

אֶלָּא רַק בַּמָּקוֹם שֶׁה' יִבְחַר – בְּנַחֲלַת אֶחָד מִשְּׁבָטֶיךָ, שָׁם תַּעֲלֶה עוֹלוֹתֶיךָ וְשָׁם תַּעֲשֶׂה אֶת כָּל מַה שֶּׁאֲנִי מְצַוֶּה אוֹתְךָ.

רַק֩ בְּכׇל־אַוַּ֨ת נַפְשְׁךָ֜ תִּזְבַּ֣ח ׀ וְאָכַלְתָּ֣ בָשָׂ֗ר כְּבִרְכַּ֨ת יְהֹוָ֧ה אֱלֹהֶ֛יךָ אֲשֶׁ֥ר נָֽתַן־לְךָ֖ בְּכׇל־שְׁעָרֶ֑יךָ הַטָּמֵ֤א וְהַטָּהוֹר֙ יֹאכְלֶ֔נּוּ כַּצְּבִ֖י וְכָאַיָּֽל׃

אֲבָל כְּשֶׁתִּתְאַוֶּה לֶאֱכוֹל בָּשָׂר שֶׁאֵינוֹ קָרְבָּן, תִּשְׁחַט וְתֹאכַל בְּכָל עָרֶיךָ, כְּבִרְכַּת ה' אֱלֹהֶיךָ שֶׁנָּתַן לְךָ, גַּם טָמֵא וְגַם טָהוֹר מֻתָּרִים לְאוֹכְלוֹ, כְּמוֹ שֶׁהֵם אוֹכְלִים אֶת הַצְּבִי וְהָאַיָּל.

רַ֥ק הַדָּ֖ם לֹ֣א תֹאכֵ֑לוּ עַל־הָאָ֥רֶץ תִּשְׁפְּכֶ֖נּוּ כַּמָּֽיִם׃

רַק אֶת הַדָּם אַל תֹּאכְלוּ, אֶלָּא תִּשְׁפּוֹךְ אוֹתוֹ עַל הָאָרֶץ כְּמוֹ מַיִם.

לֹֽא־תוּכַ֞ל לֶאֱכֹ֣ל בִּשְׁעָרֶ֗יךָ מַעְשַׂ֤ר דְּגָֽנְךָ֙ וְתִירֹשְׁךָ֣ וְיִצְהָרֶ֔ךָ וּבְכֹרֹ֥ת בְּקָרְךָ֖ וְצֹאנֶ֑ךָ וְכׇל־נְדָרֶ֙יךָ֙ אֲשֶׁ֣ר תִּדֹּ֔ר וְנִדְבֹתֶ֖יךָ וּתְרוּמַ֥ת יָדֶֽךָ׃

אֵין לְךָ רְשׁוּת לֶאֱכוֹל בְּעָרֶיךָ אֶת הַמַּעֲשֵׂר שֶׁל הַתְּבוּאָה וְהַיַּיִן וְהַשֶּׁמֶן שֶׁלְּךָ, וְאֶת בְּכוֹרוֹת הַבָּקָר וְהַצֹּאן שֶׁלְּךָ, וְאֶת כָּל נְדָרֶיךָ שֶׁתִּדּוֹר, וְהַנְּדָבוֹת וְהַתְּרוּמוֹת שֶׁלְּךָ.

כִּ֡י אִם־לִפְנֵי֩ יְהֹוָ֨ה אֱלֹהֶ֜יךָ תֹּאכְלֶ֗נּוּ בַּמָּקוֹם֙ אֲשֶׁ֨ר יִבְחַ֜ר יְהֹוָ֣ה אֱלֹהֶ֘יךָ֮ בּוֹ֒ אַתָּ֨ה וּבִנְךָ֤ וּבִתֶּ֙ךָ֙ וְעַבְדְּךָ֣ וַאֲמָתֶ֔ךָ וְהַלֵּוִ֖י אֲשֶׁ֣ר בִּשְׁעָרֶ֑יךָ וְשָׂמַחְתָּ֗ לִפְנֵי֙ יְהֹוָ֣ה אֱלֹהֶ֔יךָ בְּכֹ֖ל מִשְׁלַ֥ח יָדֶֽךָ׃

אֶלָּא תֹּאכַל אוֹתָם רַק לִפְנֵי ה' אֱלֹהֶיךָ – בַּמָּקוֹם שֶׁה' אֱלֹהֶיךָ יִבְחַר בּוֹ, אַתָּה וּבִנְךָ וּבִתְּךָ וְעַבְדְּךָ וְשִׁפְחָתְךָ וְהַלֵּוִי שֶׁבְּעָרֶיךָ, וְתִשְׂמַח לִפְנֵי ה' אֱלֹהֶיךָ בְּכָל מַעֲשֶׂיךָ.

הִשָּׁ֣מֶר לְךָ֔ פֶּֽן־תַּעֲזֹ֖ב אֶת־הַלֵּוִ֑י כׇּל־יָמֶ֖יךָ עַל־אַדְמָתֶֽךָ׃

הִזָּהֵר לְךָ שֶׁלֹּא תַּעֲזֹב אֶת הַלֵּוִי, כָּל יָמֶיךָ כְּשֶׁאַתָּה עַל אַדְמָתְךָ.

ס

פָּרָשַׁת בְּשַׂר תַּאֲוָה

כ

כִּֽי־יַרְחִיב֩ יְהֹוָ֨ה אֱלֹהֶ֥יךָ אֶֽת־גְּבֻלְךָ֮ כַּאֲשֶׁ֣ר דִּבֶּר־לָךְ֒ וְאָמַרְתָּ֙ אֹכְלָ֣ה בָשָׂ֔ר כִּֽי־תְאַוֶּ֥ה נַפְשְׁךָ֖ לֶאֱכֹ֣ל בָּשָׂ֑ר בְּכׇל־אַוַּ֥ת נַפְשְׁךָ֖ תֹּאכַ֥ל בָּשָֽׂר׃

כְּשֶׁה' אֱלֹהֶיךָ יַרְחִיב אֶת גְּבוּלְךָ כְּמוֹ שֶׁהִבְטִיחַ לְךָ, וְתִרְצֶה לֶאֱכוֹל בָּשָׂר כִּי תִּתְאַוֶּה לֶאֱכוֹל בָּשָׂר – מוּתָּר לְךָ לֶאֱכוֹל בָּשָׂר כְּכָל שֶׁתִּרְצֶה.

כא

כִּֽי־יִרְחַ֨ק מִמְּךָ֜ הַמָּק֗וֹם אֲשֶׁ֨ר יִבְחַ֜ר יְהֹוָ֣ה אֱלֹהֶ֘יךָ֮ לָשׂ֣וּם שְׁמ֣וֹ שָׁם֒ וְזָבַחְתָּ֞ מִבְּקָרְךָ֣ וּמִצֹּֽאנְךָ֗ אֲשֶׁ֨ר נָתַ֤ן יְהֹוָה֙ לְךָ֔ כַּאֲשֶׁ֖ר צִוִּיתִ֑ךָ וְאָֽכַלְתָּ֙ בִּשְׁעָרֶ֔יךָ בְּכֹ֖ל אַוַּ֥ת נַפְשֶֽׁךָ׃

אִם הַמָּקוֹם שֶׁה' אֱלֹהֶיךָ יִבְחַר לְהַשְׁרוֹת שָׁם אֶת שְׁכִינָתוֹ יִהְיֶה רָחוֹק מִמְּךָ, תּוּכַל לִשְׁחוֹט מִבְּקָרְךָ וּמִצֹּאנְךָ שֶׁה' נָתַן לְךָ כְּמוֹ שֶׁצִּוִּיתִי אוֹתְךָ, וְתֹאכַל בְּעָרֶיךָ כְּכָל שֶׁתִּרְצֶה.

כב

אַ֗ךְ כַּאֲשֶׁ֨ר יֵאָכֵ֤ל אֶֽת־הַצְּבִי֙ וְאֶת־הָ֣אַיָּ֔ל כֵּ֖ן תֹּאכְלֶ֑נּוּ הַטָּמֵא֙ וְהַטָּה֔וֹר יַחְדָּ֖ו יֹאכְלֶֽנּוּ׃

אֵין חוֹבָה לְהַקְרִיבָם, אֶלָּא, כְּמוֹ שֶׁאוֹכְלִים אֶת הַצְּבִי וְאֶת הָאַיָּל – כָּךְ תֹּאכַל גַּם אוֹתָם, הַטָּמֵא וְהַטָּהוֹר יְכוֹלִים לְאוֹכְלָם יַחַד.

כג

רַ֣ק חֲזַ֗ק לְבִלְתִּי֙ אֲכֹ֣ל הַדָּ֔ם כִּ֥י הַדָּ֖ם ה֣וּא הַנָּ֑פֶשׁ וְלֹא־תֹאכַ֥ל הַנֶּ֖פֶשׁ עִם־הַבָּשָֽׂר׃

רַק תִּתְחַזֵּק שֶׁלֹּא לֶאֱכוֹל אֶת הַדָּם כִּי הַדָּם הוּא הַנֶּפֶשׁ, וְאַל תֹּאכַל אֶת הַנֶּפֶשׁ עִם הַבָּשָׂר.

כד

לֹ֖א תֹּאכְלֶ֑נּוּ עַל־הָאָ֥רֶץ תִּשְׁפְּכֶ֖נּוּ כַּמָּֽיִם׃

אַל תֹּאכַל אוֹתוֹ – שְׁפוֹךְ אוֹתוֹ לָאָרֶץ כְּמוֹ מַיִם.

כה

לֹ֖א תֹּאכְלֶ֑נּוּ לְמַ֨עַן יִיטַ֤ב לְךָ֙ וּלְבָנֶ֣יךָ אַחֲרֶ֔יךָ כִּֽי־תַעֲשֶׂ֥ה הַיָּשָׁ֖ר בְּעֵינֵ֥י יְהֹוָֽה׃

אַל תֹּאכַל אוֹתוֹ – כְּדֵי שֶׁיִּיטַב לְךָ וּלְבָנֶיךָ אַחֲרֶיךָ כְּשֶׁתַּעֲשֶׂה אֶת הַיָּשָׁר בְּעֵינֵי ה'.

כו

רַ֧ק קׇֽדָשֶׁ֛יךָ אֲשֶׁר־יִהְי֥וּ לְךָ֖ וּנְדָרֶ֑יךָ תִּשָּׂ֣א וּבָ֔אתָ אֶל־הַמָּק֖וֹם אֲשֶׁר־יִבְחַ֥ר יְהֹוָֽה׃

רַק אֶת הַקֳּדָשִׁים שֶׁיִּהְיוּ לְךָ וְאֶת הַנְּדָרִים שֶׁלְּךָ תִּקַּח אִתְּךָ וְתָבוֹא לַמָּקוֹם שֶׁה' יִבְחַר.

כז

וְעָשִׂ֤יתָ עֹלֹתֶ֙יךָ֙ הַבָּשָׂ֣ר וְהַדָּ֔ם עַל־מִזְבַּ֖ח יְהֹוָ֣ה אֱלֹהֶ֑יךָ וְדַם־זְבָחֶ֗יךָ יִשָּׁפֵךְ֙ עַל־מִזְבַּח֙ יְהֹוָ֣ה אֱלֹהֶ֔יךָ וְהַבָּשָׂ֖ר תֹּאכֵֽל׃

הַקְרֵב אֶת עוֹלוֹתֶיךָ הַבָּשָׂר וְהַדָּם עַל הַמִּזְבֵּחַ שֶׁל ה' אֱלֹהֶיךָ, וְהַדָּם שֶׁל הַזְּבָחִים שֶׁלְּךָ יִשָּׁפֵךְ עַל הַמִּזְבֵּחַ שֶׁל ה' אֱלֹהֶיךָ וְתֹאכַל אֶת הַבָּשָׂר.

כח

שְׁמֹ֣ר וְשָׁמַעְתָּ֗ אֵ֚ת כׇּל־הַדְּבָרִ֣ים הָאֵ֔לֶּה אֲשֶׁ֥ר אָנֹכִ֖י מְצַוֶּ֑ךָּ לְמַ֩עַן֩ יִיטַ֨ב לְךָ֜ וּלְבָנֶ֤יךָ אַחֲרֶ֙יךָ֙ עַד־עוֹלָ֔ם כִּ֤י תַעֲשֶׂה֙ הַטּ֣וֹב וְהַיָּשָׁ֔ר בְּעֵינֵ֖י יְהֹוָ֥ה אֱלֹהֶֽיךָ׃

הַקְפֵּד לְקַיֵּם אֶת כָּל הַדְּבָרִים הָאֵלֶּה שֶׁאֲנִי מְצַוֶּה אוֹתְךָ, כְּדֵי שֶׁיִּיטַב לְךָ וּלְבָנֶיךָ אַחֲרֶיךָ לְעוֹלָם, כְּשֶׁתַּעֲשֶׂה אֶת הַטּוֹב וְהַיָּשָׁר בְּעֵינֵי ה' אֱלֹהֶיךָ.

שלישי עריכה

ס

פָּרָשַׁת חֻקּוֹת הַגּוֹיִם

כט

כִּֽי־יַכְרִית֩ יְהֹוָ֨ה אֱלֹהֶ֜יךָ אֶת־הַגּוֹיִ֗ם אֲשֶׁ֨ר אַתָּ֥ה בָא־שָׁ֛מָּה לָרֶ֥שֶׁת אוֹתָ֖ם מִפָּנֶ֑יךָ וְיָרַשְׁתָּ֣ אֹתָ֔ם וְיָשַׁבְתָּ֖ בְּאַרְצָֽם׃

כְּשֶׁה' אֱלֹהֶיךָ יַשְׁמִיד מִפָּנֶיךָ אֶת הָעַמִּים שֶׁאַתָּה בָּא לְשָׁם לִכְבּוֹשׁ אוֹתָם – תִּכְבּוֹשׁ אוֹתָם וְתִתְיַשֵּׁב בְּאַרְצָם.

ל

הִשָּׁ֣מֶר לְךָ֗ פֶּן־תִּנָּקֵשׁ֙ אַחֲרֵיהֶ֔ם אַחֲרֵ֖י הִשָּׁמְדָ֣ם מִפָּנֶ֑יךָ וּפֶן־תִּדְרֹ֨שׁ לֵאלֹֽהֵיהֶ֜ם לֵאמֹ֗ר אֵיכָ֨ה יַעַבְד֜וּ הַגּוֹיִ֤ם הָאֵ֙לֶּה֙ אֶת־אֱלֹ֣הֵיהֶ֔ם וְאֶעֱשֶׂה־כֵּ֖ן גַּם־אָֽנִי׃

הִזָּהֵר לְךָ שֶׁלֹּא תִּכָּשֵׁל וְתֵלֵךְ אַחֲרֵיהֶם אַחֲרֵי שֶׁיֻּשְׁמְדוּ מִפָּנֶיךָ, וְשֶׁלֹּא תַּחְקוֹר עַל אֱלֹהֵיהֶם וְתֹאמַר: אֵיךְ הָעַמִּים הָאֵלֶּה הָיוּ עוֹבְדִים אֶת אֱלֹהֵיהֶם? – אֶעֱשֶׂה כָּךְ גַּם אָנִי.

לא

לֹא־תַעֲשֶׂ֣ה כֵ֔ן לַיהֹוָ֖ה אֱלֹהֶ֑יךָ כִּי֩ כׇל־תּוֹעֲבַ֨ת יְהֹוָ֜ה אֲשֶׁ֣ר שָׂנֵ֗א עָשׂוּ֙ לֵאלֹ֣הֵיהֶ֔ם כִּ֣י גַ֤ם אֶת־בְּנֵיהֶם֙ וְאֶת־בְּנֹ֣תֵיהֶ֔ם יִשְׂרְפ֥וּ בָאֵ֖שׁ לֵאלֹֽהֵיהֶֽם׃

אַל תַּעֲשֶׂה לִפְנֵי ה' אֱלֹהֶיךָ כַּעֲבוֹדוֹתֵיהֶם, כִּי הֵם עָשׂוּ לֵאלֹהֵיהֶם אֶת כָּל תּוֹעֲבַת ה' שֶׁהוּא שָׂנֵא, הֲרֵי גַּם אֶת בְּנֵיהֶם וְאֶת בְּנוֹתֵיהֶם הֵם שׂוֹרְפִים בָּאֵשׁ לֵאלֹהֵיהֶם.

יג א

אֵ֣ת כׇּל־הַדָּבָ֗ר אֲשֶׁ֤ר אָנֹכִי֙ מְצַוֶּ֣ה אֶתְכֶ֔ם אֹת֥וֹ תִשְׁמְר֖וּ לַעֲשׂ֑וֹת לֹא־תֹסֵ֣ף עָלָ֔יו וְלֹ֥א תִגְרַ֖ע מִמֶּֽנּוּ׃

כָּל הַדָּבָר שֶׁאֲנִי מְצַוֶּה אֶתְכֶם – הַקְפִּידוּ לְקַיֵּם אוֹתוֹ, אַל תּוֹסִיף עָלָיו וְאַל תַּחְסִיר מִמֶּנּוּ.

פ

פָּרָשַׁת נְבִיא הַשֶּׁקֶר

ב

כִּֽי־יָק֤וּם בְּקִרְבְּךָ֙ נָבִ֔יא א֖וֹ חֹלֵ֣ם חֲל֑וֹם וְנָתַ֥ן אֵלֶ֛יךָ א֖וֹת א֥וֹ מוֹפֵֽת׃

אִם יָקוּם אֶצְלְךָ נָבִיא אוֹ חוֹלֵם חֲלוֹם נְבוּאָה, וְיִתֵּן לְךָ סִימָן אוֹ נֵס לְהוֹכָחַת נְבוּאָתוֹ.

ג

וּבָ֤א הָאוֹת֙ וְהַמּוֹפֵ֔ת אֲשֶׁר־דִּבֶּ֥ר אֵלֶ֖יךָ לֵאמֹ֑ר נֵֽלְכָ֞ה אַחֲרֵ֨י אֱלֹהִ֧ים אֲחֵרִ֛ים אֲשֶׁ֥ר לֹֽא־יְדַעְתָּ֖ם וְנׇֽעׇבְדֵֽם׃

וְהַסִּימָן אוֹ הַנֵּס שֶׁהוּא דִּבֵּר אֵלֶיךָ יִתְקַיֵּם, וְהוּא יֹאמַר: נֵלֵךְ אַחֲרֵי אֱלֹהִים אֲחֵרִים שֶׁאֵינְךָ מַכִּיר וְנַעֲבוֹד אוֹתָם.

ד

לֹ֣א תִשְׁמַ֗ע אֶל־דִּבְרֵי֙ הַנָּבִ֣יא הַה֔וּא א֛וֹ אֶל־חוֹלֵ֥ם הַחֲל֖וֹם הַה֑וּא כִּ֣י מְנַסֶּ֞ה יְהֹוָ֤ה אֱלֹֽהֵיכֶם֙ אֶתְכֶ֔ם לָדַ֗עַת הֲיִשְׁכֶ֤ם אֹֽהֲבִים֙ אֶת־יְהֹוָ֣ה אֱלֹהֵיכֶ֔ם בְּכׇל־לְבַבְכֶ֖ם וּבְכׇל־נַפְשְׁכֶֽם׃

אַל תַּקְשִׁיב לְדִבְרֵי הַנָּבִיא הַהוּא אוֹ לְחוֹלֵם הַחֲלוֹם הַהוּא, כִּי ה' אֱלֹהֵיכֶם מְנַסֶּה אֶתְכֶם לָדַעַת אִם אַתֶּם אוֹהֲבִים אֶת ה' אֱלֹהֵיכֶם בְּכָל לִבְּכֶם וּבְכָל רְצוֹנְכֶם.

ה

אַחֲרֵ֨י יְהֹוָ֧ה אֱלֹהֵיכֶ֛ם תֵּלֵ֖כוּ וְאֹת֣וֹ תִירָ֑אוּ וְאֶת־מִצְוֺתָ֤יו תִּשְׁמֹ֙רוּ֙ וּבְקֹל֣וֹ תִשְׁמָ֔עוּ וְאֹת֥וֹ תַעֲבֹ֖דוּ וּב֥וֹ תִדְבָּקֽוּן׃

לְכוּ אַחֲרֵי ה' אֱלֹהֵיכֶם, כַּבְּדוּ אוֹתוֹ, שִׁמְרוּ אֶת מִצְווֹתָיו, שִׁמְעוּ בְּקוֹלוֹ, עִבְדוּ אוֹתוֹ, וְהִדָּמוּ לוֹ בִּתְכוּנוֹתָיו.

ו

וְהַנָּבִ֣יא הַה֡וּא א֣וֹ חֹלֵם֩ הַחֲל֨וֹם הַה֜וּא יוּמָ֗ת כִּ֣י דִבֶּר־סָ֠רָ֠ה עַל־יְהֹוָ֨ה אֱלֹֽהֵיכֶ֜ם הַמּוֹצִ֥יא אֶתְכֶ֣ם ׀ מֵאֶ֣רֶץ מִצְרַ֗יִם וְהַפֹּֽדְךָ֙ מִבֵּ֣ית עֲבָדִ֔ים לְהַדִּֽיחֲךָ֙ מִן־הַדֶּ֔רֶךְ אֲשֶׁ֧ר צִוְּךָ֛ יְהֹוָ֥ה אֱלֹהֶ֖יךָ לָלֶ֣כֶת בָּ֑הּ וּבִֽעַרְתָּ֥ הָרָ֖ע מִקִּרְבֶּֽךָ׃

וְהַנָּבִיא הַהוּא אוֹ חוֹלֵם הַחֲלוֹם הַהוּא יוּמַת כִּי הֵסִית נֶגֶד ה' אֱלֹהֵיכֶם שֶׁהוֹצִיא אֶתְכֶם מֵאֶרֶץ מִצְרַיִם וּפָדָה אוֹתְךָ מִבֵּית עֲבָדִים – לְהָסִיט אוֹתְךָ מֵהַדֶּרֶךְ שֶׁה' אֱלֹהֶיךָ צִוָּה אוֹתְךָ לָלֶכֶת בָּהּ, וּתְבַעֵר מִתּוֹכְךָ אֶת הָרָע.

ס

פָּרָשַׁת מֵסִית וּמַדִּיחַ

ז

כִּ֣י יְסִֽיתְךָ֡ אָחִ֣יךָ בֶן־אִ֠מֶּ֠ךָ אֽוֹ־בִנְךָ֨ אֽוֹ־בִתְּךָ֜ א֣וֹ ׀ אֵ֣שֶׁת חֵיקֶ֗ךָ א֧וֹ רֵֽעֲךָ֛ אֲשֶׁ֥ר כְּנַפְשְׁךָ֖ בַּסֵּ֣תֶר לֵאמֹ֑ר נֵֽלְכָ֗ה וְנַֽעַבְדָה֙ אֱלֹהִ֣ים אֲחֵרִ֔ים אֲשֶׁר֙ לֹ֣א יָדַ֔עְתָּ אַתָּ֖ה וַאֲבֹתֶֽיךָ׃

אִם אָחִיךָ בֶּן אִמְּךָ אוֹ בִּנְךָ אוֹ בִּתְּךָ אוֹ אִשְׁתְּךָ שֶׁיְּשֵׁינָה בְּחֵיקְךָ אוֹ חֲבֵרְךָ שֶׁאָהוּב עָלֶיךָ כְּנַפְשְׁךָ, יָסִית אוֹתְךָ וְיֹאמַר בַּסֵּתֶר: נֵלֶךְ וְנַעֲבוֹד אֱלֹהִים אֲחֵרִים שֶׁלֹּא הִכַּרְתָּ אַתָּה וַאֲבוֹתֶיךָ.

ח

מֵאֱלֹהֵ֣י הָֽעַמִּ֗ים אֲשֶׁר֙ סְבִיבֹ֣תֵיכֶ֔ם הַקְּרֹבִ֣ים אֵלֶ֔יךָ א֖וֹ הָרְחֹקִ֣ים מִמֶּ֑ךָּ מִקְצֵ֥ה הָאָ֖רֶץ וְעַד־קְצֵ֥ה הָאָֽרֶץ׃

מֵאֱלֹהֵי הָעַמִּים שֶׁסְּבִיבוֹתֵיכֶם הַקְּרוֹבִים אֵלֶיךָ אוֹ הָרְחוֹקִים מִמְּךָ, מִקְצֵה הָעוֹלָם וְעַד קְצֵה הָעוֹלָם.

ט

לֹא־תֹאבֶ֣ה ל֔וֹ וְלֹ֥א תִשְׁמַ֖ע אֵלָ֑יו וְלֹא־תָח֤וֹס עֵֽינְךָ֙ עָלָ֔יו וְלֹֽא־תַחְמֹ֥ל וְלֹֽא־תְכַסֶּ֖ה עָלָֽיו׃

אַל תַּסְכִּים לוֹ וְאַל תִּשְׁמַע בְּקוֹלוֹ, אַל תְּרַחֵם עָלָיו וְאַל תַּחְמוֹל וְאַל תָּגֵן עָלָיו.

י

כִּ֤י הָרֹג֙ תַּֽהַרְגֶ֔נּוּ יָ֥דְךָ֛ תִּֽהְיֶה־בּ֥וֹ בָרִֽאשׁוֹנָ֖ה לַהֲמִית֑וֹ וְיַ֥ד כׇּל־הָעָ֖ם בָּאַחֲרֹנָֽה׃

אֶלָּא הֲרוֹג אוֹתוֹ – אַתָּה תּוֹשִׁיט אֶת יָדְךָ תְּחִלָּה לַהֲרוֹג אוֹתוֹ, וְכָל הָעָם אַחַר כָּךְ.

וּסְקַלְתּ֥וֹ בָאֲבָנִ֖ים וָמֵ֑ת כִּ֣י בִקֵּ֗שׁ לְהַדִּֽיחֲךָ֙ מֵעַל֙ יְהֹוָ֣ה אֱלֹהֶ֔יךָ הַמּוֹצִיאֲךָ֛ מֵאֶ֥רֶץ מִצְרַ֖יִם מִבֵּ֥ית עֲבָדִֽים׃

סְקוֹל אוֹתוֹ בָּאֲבָנִים שֶׁיָּמוּת כִּי הוּא נִסָּה לְהַסִּיט אוֹתְךָ מֵה' אֱלֹהֶיךָ שֶׁהוֹצִיא אוֹתְךָ מֵאֶרֶץ מִצְרַיִם מִבֵּית עֲבָדִים.

וְכׇ֨ל־יִשְׂרָאֵ֔ל יִשְׁמְע֖וּ וְיִֽרָא֑וּן וְלֹֽא־יוֹסִ֣פוּ לַעֲשׂ֗וֹת כַּדָּבָ֥ר הָרָ֛ע הַזֶּ֖ה בְּקִרְבֶּֽךָ׃

וְכָל יִשְׂרָאֵל יִשְׁמְעוּ וְיִפְחֲדוּ, וְלֹא יַעֲשׂוּ שׁוּב אֶת הַדָּבָר הָרָע הַזֶּה אֶצְלְךָ.

ס

פָּרָשַׁת עִיר הַנִּדַּחַת

כִּֽי־תִשְׁמַ֞ע בְּאַחַ֣ת עָרֶ֗יךָ אֲשֶׁר֩ יְהֹוָ֨ה אֱלֹהֶ֜יךָ נֹתֵ֥ן לְךָ֛ לָשֶׁ֥בֶת שָׁ֖ם לֵאמֹֽר׃

אִם תִּשְׁמַע שֶׁבְּאַחַת עָרֶיךָ שֶׁה' אֱלֹהֶיךָ נוֹתֵן לְךָ לָגוּר שָׁם קָרָה כָּךְ:

יָצְא֞וּ אֲנָשִׁ֤ים בְּנֵֽי־בְלִיַּ֙עַל֙ מִקִּרְבֶּ֔ךָ וַיַּדִּ֛יחוּ אֶת־יֹשְׁבֵ֥י עִירָ֖ם לֵאמֹ֑ר נֵלְכָ֗ה וְנַעַבְדָ֛ה אֱלֹהִ֥ים אֲחֵרִ֖ים אֲשֶׁ֥ר לֹא־יְדַעְתֶּֽם׃

יָצְאוּ מִתּוֹכְךָ אֲנָשִׁים בְּלִי עוֹל אֱלֹהִים, וְהִסִּיטוּ אֶת יוֹשְׁבֵי עִירָם וְאָמְרוּ: נֵלֵךְ וְנַעֲבוֹד אֱלֹהִים אֲחֵרִים שֶׁלֹּא הִכַּרְתֶּם.

וְדָרַשְׁתָּ֧ וְחָקַרְתָּ֛ וְשָׁאַלְתָּ֖ הֵיטֵ֑ב וְהִנֵּ֤ה אֱמֶת֙ נָכ֣וֹן הַדָּבָ֔ר נֶעֶשְׂתָ֛ה הַתּוֹעֵבָ֥ה הַזֹּ֖את בְּקִרְבֶּֽךָ׃

וְתִדְרוֹשׁ וְתַחְקוֹר וּתְבָרֵר הֵיטֵב וְהִתְבָּרֵר שֶׁאֱמֶת וְנָכוֹן הַדָּבָר, נֶעֶשְׂתָה אֶצְלְךָ הַתּוֹעֵבָה הַזֹּאת.

הַכֵּ֣ה תַכֶּ֗ה אֶת־יֹ֥שְׁבֵ֛י הָעִ֥יר הַהִ֖וא לְפִי־חָ֑רֶב הַחֲרֵ֨ם אֹתָ֧הּ וְאֶת־כׇּל־אֲשֶׁר־בָּ֛הּ וְאֶת־בְּהֶמְתָּ֖הּ לְפִי־חָֽרֶב׃

הֲרוֹג אֶת יוֹשְׁבֵי הָעִיר הַהִיא בְּלַהַב הַחֶרֶב, הַשְׁמֵד אוֹתָהּ וְאֶת כָּל מַה שֶּׁבָּהּ וְאֶת הַבְּהֵמוֹת שֶׁלָּהּ בְּלַהַב הַחֶרֶב.

וְאֶת־כׇּל־שְׁלָלָ֗הּ תִּקְבֹּץ֮ אֶל־תּ֣וֹךְ רְחֹבָהּ֒ וְשָׂרַפְתָּ֨ בָאֵ֜שׁ אֶת־הָעִ֤יר וְאֶת־כׇּל־שְׁלָלָהּ֙ כָּלִ֔יל לַיהֹוָ֖ה אֱלֹהֶ֑יךָ וְהָיְתָה֙ תֵּ֣ל עוֹלָ֔ם לֹ֥א תִבָּנֶ֖ה עֽוֹד׃

וְאֶת כָּל הַשָּׁלָל שֶׁלָּהּ תֶּאֱסוֹף אֶל תּוֹךְ הָרְחָבָה שֶׁלָּהּ, וְתִשְׂרוֹף בָּאֵשׁ אֶת הָעִיר וְאֶת כָּל הַשָּׁלָל שֶׁלָּהּ – הַכֹּל, לַה' אֱלֹהֶיךָ, וְהִיא תִּהְיֶה חֻרְבָּה לְעוֹלָם – לֹא תִּבָּנֶה עוֹד.

וְלֹֽא־יִדְבַּ֧ק בְּיָדְךָ֛ מְא֖וּמָה מִן־הַחֵ֑רֶם לְמַ֩עַן֩ יָשׁ֨וּב יְהֹוָ֜ה מֵחֲר֣וֹן אַפּ֗וֹ וְנָֽתַן־לְךָ֤ רַחֲמִים֙ וְרִֽחַמְךָ֣ וְהִרְבֶּ֔ךָ כַּאֲשֶׁ֥ר נִשְׁבַּ֖ע לַאֲבֹתֶֽיךָ׃

אַל תִּקַּח בְּיָדְךָ שׁוּם דָּבָר מֵהַשָּׁלָל הַמּוּחְרָם, כְּדֵי שֶׁה' כִּבְיָכוֹל יֵרָגַע מִכַּעֲסוֹ וְיִתְמַלֵּא עָלֶיךְ בְּרַחֲמִים וִירַחֵם עָלֶיךָ וְיַרְבֶּה אוֹתְךָ, כְּמוֹ שֶׁנִּשְׁבַּע לַאֲבוֹתֶיךָ.

כִּ֣י תִשְׁמַ֗ע בְּקוֹל֙ יְהֹוָ֣ה אֱלֹהֶ֔יךָ לִשְׁמֹר֙ אֶת־כׇּל־מִצְוֺתָ֔יו אֲשֶׁ֛ר אָנֹכִ֥י מְצַוְּךָ֖ הַיּ֑וֹם לַעֲשׂוֹת֙ הַיָּשָׁ֔ר בְּעֵינֵ֖י יְהֹוָ֥ה אֱלֹהֶֽיךָ׃

כִּי תִּשְׁמַע בְּקוֹל ה' אֱלֹהֶיךָ לְהַקְפִּיד לְקַיֵּם אֶת כָּל הַמִּצְווֹת שֶׁלּוֹ שֶׁאֲנִי מְצַוֶּה אוֹתְךָ הַיּוֹם, לַעֲשׂוֹת רַק דְּבָרִים יְשָׁרִים בְּעֵינֵי ה' אֱלֹהֶיךָ.

רביעי עריכה

ס

פָּרָשַׁת גְּדִידָה וְקָרְחָה

יד א

בָּנִ֣ים אַתֶּ֔ם לַיהֹוָ֖ה אֱלֹהֵיכֶ֑ם לֹ֣א תִתְגֹּֽדְד֗וּ וְלֹֽא־תָשִׂ֧ימוּ קׇרְחָ֛ה בֵּ֥ין עֵינֵיכֶ֖ם לָמֵֽת׃

אַתֶּם בָּנִים לַה' אֱלֹהֵיכֶם – אַל תִּשְׂרְטוּ אֶת עַצְמְכֶם וְאַל תַּעֲשׂוּ קָרַחַת בְּרֹאשְׁכֶם מֵעַל בֵּין עֵינֵיכֶם, מִתּוֹךְ עַצְבוּת עַל מֵת.

ב

כִּ֣י עַ֤ם קָדוֹשׁ֙ אַתָּ֔ה לַיהֹוָ֖ה אֱלֹהֶ֑יךָ וּבְךָ֞ בָּחַ֣ר יְהֹוָ֗ה לִֽהְי֥וֹת לוֹ֙ לְעַ֣ם סְגֻלָּ֔ה מִכֹּל֙ הָֽעַמִּ֔ים אֲשֶׁ֖ר עַל־פְּנֵ֥י הָאֲדָמָֽה׃

כִּי אַתָּה עַם קָדוֹשׁ לַה' אֱלֹהֶיךָ וּבְךָ בָּחַר ה' לִהְיוֹת לוֹ לְעַם חָבִיב, יוֹתֵר מִכָּל הָעַמִּים שֶׁעַל פְּנֵי הָאֲדָמָה.

ס

פָּרָשַׁת הַבְּהֵמָה הַטְּהוֹרָה

ג

לֹ֥א תֹאכַ֖ל כׇּל־תּוֹעֵבָֽה׃

אַל תֹּאכַל שׁוּם תּוֹעֵבָה.

ד

זֹ֥את הַבְּהֵמָ֖ה אֲשֶׁ֣ר תֹּאכֵ֑לוּ שׁ֕וֹר שֵׂ֥ה כְשָׂבִ֖ים וְשֵׂ֥ה עִזִּֽים׃

זֹאת הַבְּהֵמָה שֶׁתֹּאכְלוּ: שׁוֹר, טָלֶה שֶׁל כְּבָשִׂים, וּגְדִי עִזִּים.

ה

אַיָּ֥ל וּצְבִ֖י וְיַחְמ֑וּר וְאַקּ֥וֹ וְדִישֹׁ֖ן וּתְא֥וֹ וָזָֽמֶר׃

אַיָּל וּצְבִי וְיַחְמוּר וְיָעֵל וּרְאֵם וְשׁוֹר בָּר וְגִ'ירָפָה.

ו

וְכׇל־בְּהֵמָ֞ה מַפְרֶ֣סֶת פַּרְסָ֗ה וְשֹׁסַ֤עַת שֶׁ֙סַע֙ שְׁתֵּ֣י פְרָס֔וֹת מַעֲלַ֥ת גֵּרָ֖ה בַּבְּהֵמָ֑ה אֹתָ֖הּ תֹּאכֵֽלוּ׃

וְכָל בְּהֵמָה שֶׁיֵּשׁ לָהּ פַּרְסָה שֶׁהִיא מְחוּלֶּקֶת לִשְׁתֵּי פְּרָסוֹת וְהִיא בְּהֵמָה מַעֲלַת גֵּרָה – אוֹתָהּ תֹּאכְלוּ.

ז

אַ֣ךְ אֶת־זֶ֞ה לֹ֤א תֹֽאכְלוּ֙ מִמַּֽעֲלֵ֣י הַגֵּרָ֔ה וּמִמַּפְרִיסֵ֥י הַפַּרְסָ֖ה הַשְּׁסוּעָ֑ה אֶֽת־הַ֠גָּמָ֠ל וְאֶת־הָאַרְנֶ֨בֶת וְאֶת־הַשָּׁפָ֜ן כִּֽי־מַעֲלֵ֧ה גֵרָ֣ה הֵ֗מָּה וּפַרְסָה֙ לֹ֣א הִפְרִ֔יסוּ טְמֵאִ֥ים הֵ֖ם לָכֶֽם׃

רַק אֶת זֶה אַל תֹּאכְלוּ מִמַּעֲלֵי הַגֵּרָה וּמִמַּפְרִיסֵי הַפַּרְסָה הַשְּׁסוּעָה: אֶת הַגָּמָל וְאֶת הָאַרְנֶבֶת וְאֶת שְׁפַן הַסְּלָעִים כִּי הֵם מַעֲלֵי גֵּרָה וְאֵינָם מַפְרִיסִים פַּרְסָה – הֵם טְמֵאִים לָכֶם.

ח

וְאֶת־הַ֠חֲזִ֠יר כִּֽי־מַפְרִ֨יס פַּרְסָ֥ה הוּא֙ וְלֹ֣א גֵרָ֔ה טָמֵ֥א ה֖וּא לָכֶ֑ם מִבְּשָׂרָם֙ לֹ֣א תֹאכֵ֔לוּ וּבְנִבְלָתָ֖ם לֹ֥א תִגָּֽעוּ׃

וְאֶת הַחֲזִיר, כִּי הוּא מַפְרִיס פַּרְסָה וְלֹא מַעֲלֵה גֵּרָה – הוּא טָמֵא לָכֶם, אַל תֹּאכְלוּ מִבְּשָׂרָם וְאַל תִּגְּעוּ בְּנִבְלָתָם כְּשֶׁאָסוּר לִהְיוֹת טָמֵא.

ס

פָּרָשַׁת הַדָּג הַטָּהוֹר

ט

אֶת־זֶה֙ תֹּֽאכְל֔וּ מִכֹּ֖ל אֲשֶׁ֣ר בַּמָּ֑יִם כֹּ֧ל אֲשֶׁר־ל֛וֹ סְנַפִּ֥יר וְקַשְׂקֶ֖שֶׂת תֹּאכֵֽלוּ׃

אֶת זֶה תֹּאכְלוּ מִכָּל מַה שֶּׁבַּמַּיִם: כָּל בַּעַל חַי שֶׁיֵּשׁ לוֹ סְנַפִּירִים וְקַשְׂקַשִּׂים תֹּאכְלוּ.

י

וְכֹ֨ל אֲשֶׁ֧ר אֵֽין־ל֛וֹ סְנַפִּ֥יר וְקַשְׂקֶ֖שֶׂת לֹ֣א תֹאכֵ֑לוּ טָמֵ֥א ה֖וּא לָכֶֽם׃

וְכָל שֶׁאֵין לוֹ סְנַפִּירִים וְקַשְׂקַשִּׂים – אַל תֹּאכְלוּ – הוּא טָמֵא לָכֶם.

ס

פָּרָשַׁת הָעוֹף הַטָּהוֹר

כׇּל־צִפּ֥וֹר טְהֹרָ֖ה תֹּאכֵֽלוּ׃

תֹּאכְלוּ כָּל צִפּוֹר טְהוֹרָה.

וְזֶ֕ה אֲשֶׁ֥ר לֹֽא־תֹאכְל֖וּ מֵהֶ֑ם הַנֶּ֥שֶׁר וְהַפֶּ֖רֶס וְהָֽעׇזְנִיָּֽה׃

וְזֶה מַה שֶּׁלֹּא תֹּאכְלוּ מֵהַצִּפּוֹרִים: הַנֶּשֶׁר וְהַפֶּרֶס וְהָעָזְנִיָּה.

וְהָרָאָה֙ וְאֶת־הָ֣אַיָּ֔ה וְהַדַּיָּ֖ה לְמִינָֽהּ׃

וְהָרָאָה וְהָאַיָּה, וְהַדַּיָּה לְמִינֶיהָ.

וְאֵ֥ת כׇּל־עֹרֵ֖ב לְמִינֽוֹ׃

וְאֶת כָּל סוּגֵי הָעוֹרֵב לְמִינָיו.

וְאֵת֙ בַּ֣ת הַֽיַּעֲנָ֔ה וְאֶת־הַתַּחְמָ֖ס וְאֶת־הַשָּׁ֑חַף וְאֶת־הַנֵּ֖ץ לְמִינֵֽהוּ׃

וְאֶת בַּת הַיַּעֲנָה וְאֶת הַתַּחְמָס וְאֶת הַשָּׁחַף וְאֶת הַנֵּץ לְמִינָיו.

אֶת־הַכּ֥וֹס וְאֶת־הַיַּנְשׁ֖וּף וְהַתִּנְשָֽׁמֶת׃

אֶת הַכּוֹס וְאֶת הַיַּנְשׁוּף וְהַתִּנְשֶׁמֶת.

וְהַקָּאָ֥ת וְאֶֽת־הָרָחָ֖מָה וְאֶת־הַשָּׁלָֽךְ׃

וְהַקָּאָת וְאֶת הָרָחָמָה וְאֶת הַשַּׂקְנָאי.

וְהַ֣חֲסִידָ֔ה וְהָאֲנָפָ֖ה לְמִינָ֑הּ וְהַדּוּכִיפַ֖ת וְהָעֲטַלֵּֽף׃

וְהַחֲסִידָה וְהָאֲנָפָה לְמִינֶיהָ וְהַדּוּכִיפַת וְהָעֲטַלֵּף.

וְכֹל֙ שֶׁ֣רֶץ הָע֔וֹף טָמֵ֥א ה֖וּא לָכֶ֑ם לֹ֖א יֵאָכֵֽלוּ׃

וְכָל שֶׁרֶץ מְעוֹפֵף הוּא טָמֵא לָכֶם – לֹא יֵאָכְלוּ.

כ

כׇּל־ע֥וֹף טָה֖וֹר תֹּאכֵֽלוּ׃

כָּל עוֹף טָהוֹר תֹּאכְלוּ.

כא

לֹ֣א תֹאכְל֣וּ כׇל־נְ֠בֵלָ֠ה לַגֵּ֨ר אֲשֶׁר־בִּשְׁעָרֶ֜יךָ תִּתְּנֶ֣נָּה וַאֲכָלָ֗הּ א֤וֹ מָכֹר֙ לְנׇכְרִ֔י כִּ֣י עַ֤ם קָדוֹשׁ֙ אַתָּ֔ה לַיהֹוָ֖ה אֱלֹהֶ֑יךָ לֹֽא־תְבַשֵּׁ֥ל גְּדִ֖י בַּחֲלֵ֥ב אִמּֽוֹ׃

אַל תֹּאכְלוּ שׁוּם נְבֵלָה, תִּתֵּן אוֹתָהּ לְבֶן מִיעוּטִים שֶׁבְּעָרֶיךָ וְהוּא יֹאכַל אוֹתָהּ אוֹ שֶׁתִּמְכּוֹר אוֹתָהּ לְגוֹי, כִּי אַתָּה עַם קָדוֹשׁ לַה' אֱלֹהֶיךָ, אַל תְּבַשֵּׁל וְאַל תֹּאכַל בְּשַׂר בְּהֵמָה כְּשֵׁרָה בְּחָלָב בְּהֵמָה כְּשֵׁרָה.

חמישי עריכה

פ

פָּרָשַׁת מַעֲשֵׁר שֵׁנִי

כב

עַשֵּׂ֣ר תְּעַשֵּׂ֔ר אֵ֖ת כׇּל־תְּבוּאַ֣ת זַרְעֶ֑ךָ הַיֹּצֵ֥א הַשָּׂדֶ֖ה שָׁנָ֥ה שָׁנָֽה׃

עַשֵּׂר אֶת כָּל הַתְּבוּאָה הַגְּדֵלָה מֵהַזְּרָעִים שֶׁאַתָּה מוֹצִיא לַשָּׂדֶה וְזוֹרֵעַ בְּכָל שָׁנָה וְשָׁנָה.

כג

וְאָכַלְתָּ֞ לִפְנֵ֣י ׀ יְהֹוָ֣ה אֱלֹהֶ֗יךָ בַּמָּק֣וֹם אֲשֶׁר־יִבְחַר֮ לְשַׁכֵּ֣ן שְׁמ֣וֹ שָׁם֒ מַעְשַׂ֤ר דְּגָֽנְךָ֙ תִּירֹשְׁךָ֣ וְיִצְהָרֶ֔ךָ וּבְכֹרֹ֥ת בְּקָרְךָ֖ וְצֹאנֶ֑ךָ לְמַ֣עַן תִּלְמַ֗ד לְיִרְאָ֛ה אֶת־יְהֹוָ֥ה אֱלֹהֶ֖יךָ כׇּל־הַיָּמִֽים׃

וְתֹאכַל לִפְנֵי ה' אֱלֹהֶיךָ – בַּמָּקוֹם שֶׁיִּבְחַר לְהַשְׁרוֹת שָׁם אֶת שְׁכִינָתוֹ, אֶת הַמַּעֲשֵׂר מֵהַתְּבוּאָה וְהַיַּיִן וְהַשֶּׁמֶן שֶׁלְּךָ וְאֶת בְּכוֹרוֹת בְּקָרְךָ וְצֹאנְךָ, כְּדֵי שֶׁתִּלְמַד לְכַבֵּד אֶת ה' אֱלֹהֶיךָ כָּל הַיָּמִים.

כד

וְכִֽי־יִרְבֶּ֨ה מִמְּךָ֜ הַדֶּ֗רֶךְ כִּ֣י לֹ֣א תוּכַל֮ שְׂאֵתוֹ֒ כִּֽי־יִרְחַ֤ק מִמְּךָ֙ הַמָּק֔וֹם אֲשֶׁ֤ר יִבְחַר֙ יְהֹוָ֣ה אֱלֹהֶ֔יךָ לָשׂ֥וּם שְׁמ֖וֹ שָׁ֑ם כִּ֥י יְבָרֶכְךָ֖ יְהֹוָ֥ה אֱלֹהֶֽיךָ׃

וְאִם הַדֶּרֶךְ אֲרֻכָּה מִדַּי עֲבוּרְךָ וְלֹא תּוּכַל לְהָבִיא אוֹתוֹ, כִּי הַמָּקוֹם שֶׁה' אֱלֹהֶיךָ יִבְחַר לְהַשְׁרוֹת אֶת שְׁכִינָתוֹ שָׁם יִהְיֶה רָחוֹק מִמְּךָ, כִּי ה' אֱלֹהֶיךָ יְבָרֵךְ אוֹתְךָ בְּאֶרֶץ גְּדוֹלָה –

כה

וְנָתַתָּ֖ה בַּכָּ֑סֶף וְצַרְתָּ֤ הַכֶּ֙סֶף֙ בְּיָ֣דְךָ֔ וְהָֽלַכְתָּ֙ אֶל־הַמָּק֔וֹם אֲשֶׁ֥ר יִבְחַ֛ר יְהֹוָ֥ה אֱלֹהֶ֖יךָ בּֽוֹ׃

תִּפְדֶּה אֶת הַמַּעֲשֵׂר בְּכֶסֶף, תִּצְרוֹר אֶת הַכֶּסֶף בְּיָדְךָ, וְתֵלֵךְ לַמָּקוֹם שֶׁה' אֱלֹהֶיךָ יִבְחַר בּוֹ.

כו

וְנָתַתָּ֣ה הַכֶּ֡סֶף בְּכֹל֩ אֲשֶׁר־תְּאַוֶּ֨ה נַפְשְׁךָ֜ בַּבָּקָ֣ר וּבַצֹּ֗אן וּבַיַּ֙יִן֙ וּבַשֵּׁכָ֔ר וּבְכֹ֛ל אֲשֶׁ֥ר תִּֽשְׁאָלְךָ֖ נַפְשֶׁ֑ךָ וְאָכַ֣לְתָּ שָּׁ֗ם לִפְנֵי֙ יְהֹוָ֣ה אֱלֹהֶ֔יךָ וְשָׂמַחְתָּ֖ אַתָּ֥ה וּבֵיתֶֽךָ׃

וְתִקְנֶה בַּכֶּסֶף מִכָּל מַה שֶּׁתִּתְאַוֶּה אֵלָיו: בָּקָר, צֹאן, יַיִן, מַשְׁקֶה מְשַׁכֵּר, וְכָל מַה שֶּׁתִּרְצֶה, וְתֹאכַל שָׁם לִפְנֵי ה' אֱלֹהֶיךָ, וְתִשְׂמַח אַתָּה וּמִשְׁפַּחְתְּךָ.

כז

וְהַלֵּוִ֥י אֲשֶׁר־בִּשְׁעָרֶ֖יךָ לֹ֣א תַֽעַזְבֶ֑נּוּ כִּ֣י אֵ֥ין ל֛וֹ חֵ֥לֶק וְנַחֲלָ֖ה עִמָּֽךְ׃

וְהַלֵּוִי שֶׁבְּעָרֶיךָ – אַל תַּעֲזוֹב אוֹתוֹ, תֵּן לוֹ אֶת הַמַּעֲשֵׂר הַמַּגִּיעַ לוֹ כִּי אֵין לוֹ חֵלֶק וְנַחֲלָה בָּאֲדָמָה אִתְּךָ.

ס

פָּרָשַׁת מַעֲשֵׂר עָנִי

כח

מִקְצֵ֣ה ׀ שָׁלֹ֣שׁ שָׁנִ֗ים תּוֹצִיא֙ אֶת־כׇּל־מַעְשַׂר֙ תְּבוּאָ֣תְךָ֔ בַּשָּׁנָ֖ה הַהִ֑וא וְהִנַּחְתָּ֖ בִּשְׁעָרֶֽיךָ׃

בְּסוֹף כָּל שָׁלוֹשׁ שָׁנִים תּוֹצִיא אֶת כָּל מַעַשְׂרוֹת תְּבוּאָתְךָ בַּשָּׁנָה הַהִיא, וְתָנִיחַ בְּעָרֶיךָ.

כט

וּבָ֣א הַלֵּוִ֡י כִּ֣י אֵֽין־לוֹ֩ חֵ֨לֶק וְנַחֲלָ֜ה עִמָּ֗ךְ וְ֠הַגֵּ֠ר וְהַיָּת֤וֹם וְהָֽאַלְמָנָה֙ אֲשֶׁ֣ר בִּשְׁעָרֶ֔יךָ וְאָכְל֖וּ וְשָׂבֵ֑עוּ לְמַ֤עַן יְבָרֶכְךָ֙ יְהֹוָ֣ה אֱלֹהֶ֔יךָ בְּכׇל־מַעֲשֵׂ֥ה יָדְךָ֖ אֲשֶׁ֥ר תַּעֲשֶֽׂה׃

וְיָבוֹאוּ: הַלֵּוִי – כִּי אֵין לוֹ חֵלֶק וְנַחֲלָה בָּאָרֶץ אִתְּךָ, וְהַגֵּר וְהַיָּתוֹם וְהָאַלְמָנָה שֶׁבְּעָרֶיךָ, וְיֹאכְלוּ וְיִשְׂבְּעוּ, כְּדֵי שֶׁה' אֱלֹהֶיךָ יְבָרֵךְ אוֹתְךָ בְּכָל מַעֲשֵׂה יָדְךָ שֶׁתַּעֲשֶׂה.

ששי עריכה

ס

פָּרָשַׁת שְׁמִטַּת כְּסָפִים

טו א

מִקֵּ֥ץ שֶֽׁבַע־שָׁנִ֖ים תַּעֲשֶׂ֥ה שְׁמִטָּֽה׃

בְּסוֹף שֶׁבַע שָׁנִים תַּעֲשֶׂה שְׁמִטָּה.

ב

וְזֶה֮ דְּבַ֣ר הַשְּׁמִטָּה֒ שָׁמ֗וֹט כׇּל־בַּ֙עַל֙ מַשֵּׁ֣ה יָד֔וֹ אֲשֶׁ֥ר יַשֶּׁ֖ה בְּרֵעֵ֑הוּ לֹֽא־יִגֹּ֤שׂ אֶת־רֵעֵ֙הוּ֙ וְאֶת־אָחִ֔יו כִּֽי־קָרָ֥א שְׁמִטָּ֖ה לַיהֹוָֽה׃

וְזֶה דִּין הַשְּׁמִטָּה: כָּל בַּעַל חוֹב שֶׁתּוֹבֵעַ חוֹב מֵחֲבֵרוֹ, יְוַתֵּר עַל חוֹבוֹ וְלֹא יִתְבַּע אֶת חֲבֵרוֹ וְאֶת אָחִיו כִּי הֻכְרְזָה שְׁמִטָּה לַה'.

ג

אֶת־הַנׇּכְרִ֖י תִּגֹּ֑שׂ וַאֲשֶׁ֨ר יִהְיֶ֥ה לְךָ֛ אֶת־אָחִ֖יךָ תַּשְׁמֵ֥ט יָדֶֽךָ׃

מֵהַנָּכְרִי תִּגְבֶּה, וּמֵהַחוֹב שֶׁחַיָּב לְךָ אָחִיךָ – סַלֵּק אֶת יָדְךָ.

ד

אֶ֕פֶס כִּ֛י לֹ֥א יִֽהְיֶה־בְּךָ֖ אֶבְי֑וֹן כִּֽי־בָרֵ֤ךְ יְבָֽרֶכְךָ֙ יְהֹוָ֔ה בָּאָ֕רֶץ אֲשֶׁר֙ יְהֹוָ֣ה אֱלֹהֶ֔יךָ נֹֽתֵן־לְךָ֥ נַחֲלָ֖ה לְרִשְׁתָּֽהּ׃

בִּזְכוּת זֶה לֹא תִּהְיֶה בְּךָ עֲנִיּוּת, כִּי ה' יְבָרֵךְ אוֹתְךָ בָּאָרֶץ שֶׁה' אֱלֹהֶיךָ נוֹתֵן לְךָ לְנַחֲלָה לִכְבּוֹשׁ אוֹתָהּ –

ה

רַ֚ק אִם־שָׁמ֣וֹעַ תִּשְׁמַ֔ע בְּק֖וֹל יְהֹוָ֣ה אֱלֹהֶ֑יךָ לִשְׁמֹ֤ר לַעֲשׂוֹת֙ אֶת־כׇּל־הַמִּצְוָ֣ה הַזֹּ֔את אֲשֶׁ֛ר אָנֹכִ֥י מְצַוְּךָ֖ הַיּֽוֹם׃

רַק אִם תִּשְׁמַע בְּקוֹל ה' אֱלֹהֶיךָ לְהַקְפִּיד לְקַיֵּם אֶת כָּל הַמִּצְווֹת הָאֵלֶּה שֶׁאֲנִי מְצַוֶּה אוֹתְךָ הַיּוֹם.

ו

כִּֽי־יְהֹוָ֤ה אֱלֹהֶ֙יךָ֙ בֵּֽרַכְךָ֔ כַּאֲשֶׁ֖ר דִּבֶּר־לָ֑ךְ וְהַֽעֲבַטְתָּ֞ גּוֹיִ֣ם רַבִּ֗ים וְאַתָּה֙ לֹ֣א תַעֲבֹ֔ט וּמָֽשַׁלְתָּ֙ בְּגוֹיִ֣ם רַבִּ֔ים וּבְךָ֖ לֹ֥א יִמְשֹֽׁלוּ׃

כִּי ה' אֱלֹהֶיךָ בֵּרֵךְ אוֹתְךָ כְּמוֹ שֶׁהִבְטִיחַ לְךָ, אַתָּה תַּלְוֶה תְּמוּרַת מַשְׁכּוֹן לְאַנְשֵׁי עַמִּים רַבִּים וְלֹא תִּצְטָרֵךְ לִלְווֹת מֵהֶם, וְתִמְשׁוֹל בְּעַמִּים רַבִּים וְהֵם לֹא יִמְשְׁלוּ בְּךָ.

ס

פָּרָשַׁת הַצְּדָקָה

ז

כִּֽי־יִהְיֶה֩ בְךָ֨ אֶבְי֜וֹן מֵאַחַ֤ד אַחֶ֙יךָ֙ בְּאַחַ֣ד שְׁעָרֶ֔יךָ בְּאַ֨רְצְךָ֔ אֲשֶׁר־יְהֹוָ֥ה אֱלֹהֶ֖יךָ נֹתֵ֣ן לָ֑ךְ לֹ֧א תְאַמֵּ֣ץ אֶת־לְבָבְךָ֗ וְלֹ֤א תִקְפֹּץ֙ אֶת־יָ֣דְךָ֔ מֵאָחִ֖יךָ הָאֶבְיֽוֹן׃

אִם אֶחָד מֵאַחֶיךָ שֶׁאֶצְלְךָ יִהְיֶה עָנִי בְּאַחַת הֶעָרִים שֶׁבְּאַרְצְךָ שֶׁה' אֱלֹהֶיךָ נוֹתֵן לְךָ, אַל תַּקְשִׁיחַ אֶת לִבְּךָ וְאַל תִּקְמוֹץ אֶת יָדְךָ מֵאָחִיךָ הֶעָנִי.

ח

כִּֽי־פָתֹ֧חַ תִּפְתַּ֛ח אֶת־יָדְךָ֖ ל֑וֹ וְהַעֲבֵט֙ תַּעֲבִיטֶ֔נּוּ דֵּ֚י מַחְסֹר֔וֹ אֲשֶׁ֥ר יֶחְסַ֖ר לֽוֹ׃

פְּתַח לוֹ אֶת יָדְךָ וְתַלְוֶה לוֹ כְּדֵי שֶׁיַּסְפִּיק לִצְרָכָיו הַחֲסֵרִים לוֹ.

ט

הִשָּׁ֣מֶר לְךָ֡ פֶּן־יִהְיֶ֣ה דָבָר֩ עִם־לְבָבְךָ֨ בְלִיַּ֜עַל לֵאמֹ֗ר קָֽרְבָ֣ה שְׁנַֽת־הַשֶּׁ֘בַע֮ שְׁנַ֣ת הַשְּׁמִטָּה֒ וְרָעָ֣ה עֵֽינְךָ֗ בְּאָחִ֙יךָ֙ הָֽאֶבְי֔וֹן וְלֹ֥א תִתֵּ֖ן ל֑וֹ וְקָרָ֤א עָלֶ֙יךָ֙ אֶל־יְהֹוָ֔ה וְהָיָ֥ה בְךָ֖ חֵֽטְא׃

הִזָּהֵר לְךָ שֶׁלֹּא יִהְיֶה בְּלִבְּךָ דְּבַר רִשְׁעוּת – שֶׁתִּתְקָרֵב הַשָּׁנָה הַשְּׁבִיעִית שְׁנַת הַשְּׁמִטָּה וְתִהְיֶה קַמְצָן כְּלַפֵּי אָחִיךָ הָאֶבְיוֹן וְלֹא תִּתֵּן לוֹ, הוּא יִתְפַּלֵּל אֶל ה' נֶגְדְּךָ וְיִהְיֶה בְּךָ חֵטְא.

י

נָת֤וֹן תִּתֵּן֙ ל֔וֹ וְלֹא־יֵרַ֥ע לְבָבְךָ֖ בְּתִתְּךָ֣ ל֑וֹ כִּ֞י בִּגְלַ֣ל ׀ הַדָּבָ֣ר הַזֶּ֗ה יְבָרֶכְךָ֙ יְהֹוָ֣ה אֱלֹהֶ֔יךָ בְּכׇֽל־מַעֲשֶׂ֔ךָ וּבְכֹ֖ל מִשְׁלַ֥ח יָדֶֽךָ׃

אֶלָּא תֵּן לוֹ, וְאַל תַּרְגִּישׁ רַע בְּכָךְ שֶׁאַתָּה נוֹתֵן לוֹ, כִּי בִּזְכוּת הַדָּבָר הַזֶּה ה' אֱלֹהֶיךָ יְבָרֵךְ אוֹתְךָ בְּכָל מַעֲשֶׂיךָ וּבְכָל מַה שֶּׁתּוֹשִׁיט אֶת יָדְךָ לַעֲסוֹק בּוֹ.

כִּ֛י לֹא־יֶחְדַּ֥ל אֶבְי֖וֹן מִקֶּ֣רֶב הָאָ֑רֶץ עַל־כֵּ֞ן אָנֹכִ֤י מְצַוְּךָ֙ לֵאמֹ֔ר פָּ֠תֹ֠חַ תִּפְתַּ֨ח אֶת־יָדְךָ֜ לְאָחִ֧יךָ לַעֲנִיֶּ֛ךָ וּלְאֶבְיֹנְךָ֖ בְּאַרְצֶֽךָ׃

כִּי לֹא יִפָּסְקוּ אֶבְיוֹנִים בָּאָרֶץ לָכֵן אֲנִי מְצַוֶּה אוֹתְךָ: פְּתַח אֶת יָדְךָ לְאָחִיךָ לְעָנִי וּלְאֶבְיוֹן שֶׁבְּאַרְצְךָ.

ס

פָּרָשַׁת הַהַעֲנָקָה לָעֶבֶד

כִּֽי־יִמָּכֵ֨ר לְךָ֜ אָחִ֣יךָ הָֽעִבְרִ֗י א֚וֹ הָֽעִבְרִיָּ֔ה וַעֲבָֽדְךָ֖ שֵׁ֣שׁ שָׁנִ֑ים וּבַשָּׁנָה֙ הַשְּׁבִיעִ֔ת תְּשַׁלְּחֶ֥נּוּ חׇפְשִׁ֖י מֵעִמָּֽךְ׃

אִם אָחִיךָ הָעִבְרִי אוֹ הָעִבְרִיָּה יִמָּכֵר לְךָ, הוּא יַעֲבוֹד עֲבוּרְךָ שֵׁשׁ שָׁנִים, וּבַשָּׁנָה הַשְּׁבִיעִית שַׁחְרֵר אוֹתוֹ לַחָפְשִׁי מֵעֲבוֹדָתְךָ.

וְכִֽי־תְשַׁלְּחֶ֥נּוּ חׇפְשִׁ֖י מֵֽעִמָּ֑ךְ לֹ֥א תְשַׁלְּחֶ֖נּוּ רֵיקָֽם׃

וּכְשֶׁתְּשַׁחְרֵר אוֹתוֹ לַחָפְשִׁי מֵעֲבוֹדָתְךָ אַל תְּשַׁחְרֵר אוֹתוֹ בְּיָדַיִם רֵקוֹת.

הַעֲנֵ֤יק תַּעֲנִיק֙ ל֔וֹ מִצֹּ֣אנְךָ֔ וּמִֽגׇּרְנְךָ֖ וּמִיִּקְבֶ֑ךָ אֲשֶׁ֧ר בֵּרַכְךָ֛ יְהֹוָ֥ה אֱלֹהֶ֖יךָ תִּתֶּן־לֽוֹ׃

תֵּן לוֹ מִצֹּאנְךָ, מִתְּבוּאַת הַגּוֹרֶן שֶׁלְּךָ וּמֵהַיַּיִן שֶׁבַּיֶּקֶב שֶׁלְּךָ, תִּתֵּן לוֹ מִמַּה שֶׁה' אֱלֹהֶיךָ בֵּרֵךְ אוֹתְךָ.

וְזָכַרְתָּ֗ כִּ֣י עֶ֤בֶד הָיִ֙יתָ֙ בְּאֶ֣רֶץ מִצְרַ֔יִם וַֽיִּפְדְּךָ֖ יְהֹוָ֣ה אֱלֹהֶ֑יךָ עַל־כֵּ֞ן אָנֹכִ֧י מְצַוְּךָ֛ אֶת־הַדָּבָ֥ר הַזֶּ֖ה הַיּֽוֹם׃

וּזְכוֹר שֶׁהָיִיתָ עֶבֶד בְּאֶרֶץ מִצְרַיִם וְה' אֱלֹהֶיךָ פָּדָה אוֹתְךָ, לָכֵן אֲנִי מְצַוֶּה אוֹתְךָ הַיּוֹם אֶת הַדָּבָר הַזֶּה.

וְהָיָה֙ כִּֽי־יֹאמַ֣ר אֵלֶ֔יךָ לֹ֥א אֵצֵ֖א מֵעִמָּ֑ךְ כִּ֤י אֲהֵֽבְךָ֙ וְאֶת־בֵּיתֶ֔ךָ כִּי־ט֥וֹב ל֖וֹ עִמָּֽךְ׃

וְאִם יֹאמַר לְךָ: לֹא אֵצֵא מִמְּךָ, כִּי הוּא אוֹהֵב אוֹתְךָ וְאֶת בֵּיתְךָ, כִּי טוֹב לוֹ אִתְּךָ.

וְלָקַחְתָּ֣ אֶת־הַמַּרְצֵ֗עַ וְנָתַתָּ֤ה בְאׇזְנוֹ֙ וּבַדֶּ֔לֶת וְהָיָ֥ה לְךָ֖ עֶ֣בֶד עוֹלָ֑ם וְאַ֥ף לַאֲמָתְךָ֖ תַּעֲשֶׂה־כֵּֽן׃

קַח אֶת הַמַּרְצֵעַ וְתִדְקוֹר בְּאָזְנוֹ וּבַדֶּלֶת, וְהוּא יִהְיֶה לְךָ עֶבֶד לְעוֹלָם, וְגַם לְשִׁפְחָתְךָ תַּעֲשֶׂה כָּךְ – לְהַעֲנִיק לָהּ.

לֹא־יִקְשֶׁ֣ה בְעֵינֶ֗ךָ בְּשַׁלֵּֽחֲךָ֨ אֹת֤וֹ חׇפְשִׁי֙ מֵֽעִמָּ֔ךְ כִּ֗י מִשְׁנֶה֙ שְׂכַ֣ר שָׂכִ֔יר עֲבָֽדְךָ֖ שֵׁ֣שׁ שָׁנִ֑ים וּבֵֽרַכְךָ֙ יְהֹוָ֣ה אֱלֹהֶ֔יךָ בְּכֹ֖ל אֲשֶׁ֥ר תַּעֲשֶֽׂה׃

לֹא יִהְיֶה קָשֶׁה בְּעֵינֶיךָ כְּשֶׁתְּשַׁחְרֵר אוֹתוֹ לַחָפְשִׁי מֵאִתְּךָ, כִּי הוּא עָבַד אוֹתְךָ שֵׁשׁ שָׁנִים, שֶׁהֵם פִּי שְׁנַיִם מִתְּקוּפַת פּוֹעֵל רָגִיל, וַה' אֱלֹהֶיךָ יְבָרֵךְ אוֹתְךָ בְּכָל מַה שֶּׁתַּעֲשֶׂה.

שביעי עריכה

פ

פָּרָשַׁת הַבְּכוֹר

כׇּֽל־הַבְּכ֡וֹר אֲשֶׁר֩ יִוָּלֵ֨ד בִּבְקָרְךָ֤ וּבְצֹֽאנְךָ֙ הַזָּכָ֔ר תַּקְדִּ֖ישׁ לַיהֹוָ֣ה אֱלֹהֶ֑יךָ לֹ֤א תַעֲבֹד֙ בִּבְכֹ֣ר שׁוֹרֶ֔ךָ וְלֹ֥א תָגֹ֖ז בְּכ֥וֹר צֹאנֶֽךָ׃

תַּקְדִּישׁ לַה' אֱלֹהֶיךָ כָּל בְּכוֹר זָכָר שֶׁיִּוָּלֵד בִּבְקָרְךָ וּבְצֹאנְךָ, אַל תַּעֲבוֹד עִם בְּכוֹר שׁוֹרְךָ וְאַל תִּגְזוֹז אֶת בְּכוֹר צֹאנְךָ.

כ

לִפְנֵי֩ יְהֹוָ֨ה אֱלֹהֶ֤יךָ תֹאכְﬞלֶ֙נּוּ֙ שָׁנָ֣ה בְשָׁנָ֔ה בַּמָּק֖וֹם אֲשֶׁר־יִבְחַ֣ר יְהֹוָ֑ה אַתָּ֖ה וּבֵיתֶֽךָ׃

תֹּאכַל אֶת הַבְּכוֹרוֹת אַתָּה וּמִשְׁפַּחְתְּךָ בְּכָל שָׁנָה וְשָׁנָה לִפְנֵי ה' אֱלֹהֶיךָ בַּמָּקוֹם שֶׁה' יִבְחַר.

כא

וְכִֽי־יִהְיֶ֨ה ב֜וֹ מ֗וּם פִּסֵּ֙חַ֙ א֣וֹ עִוֵּ֔ר כֹּ֖ל מ֣וּם רָ֑ע לֹ֣א תִזְבָּחֶ֔נּוּ לַיהֹוָ֖ה אֱלֹהֶֽיךָ׃

וְאִם יִהְיֶה בּוֹ מוּם – קִטֵּעַ אוֹ עִוֵּר, אוֹ כָּל מוּם רָע, אַל תַּקְרִיב אוֹתוֹ לַה' אֱלֹהֶיךָ.

כב

בִּשְׁעָרֶ֖יךָ תֹּאכְלֶ֑נּוּ הַטָּמֵ֤א וְהַטָּהוֹר֙ יַחְדָּ֔ו כַּצְּבִ֖י וְכָאַיָּֽל׃

אֶלָּא תֹּאכַל אוֹתוֹ בְּכָל עָרֶיךָ, הַטָּמֵא וְהַטָּהוֹר יַחַד כְּדִין הַצְּבִי וְהָאַיָּל.

כג

רַ֥ק אֶת־דָּמ֖וֹ לֹ֣א תֹאכֵ֑ל עַל־הָאָ֥רֶץ תִּשְׁפְּכֶ֖נּוּ כַּמָּֽיִם׃

רַק אַל תֹּאכַל אֶת דָּמוֹ, אֶלָּא שְׁפוֹךְ אוֹתוֹ לָאָרֶץ כְּמוֹ מַיִם.

פ

פָּרָשַׁת הַפֶּסַח

טז א

שָׁמוֹר֙ אֶת־חֹ֣דֶשׁ הָאָבִ֔יב וְעָשִׂ֣יתָ פֶּ֔סַח לַיהֹוָ֖ה אֱלֹהֶ֑יךָ כִּ֞י בְּחֹ֣דֶשׁ הָֽאָבִ֗יב הוֹצִ֨יאֲךָ֜ יְהֹוָ֧ה אֱלֹהֶ֛יךָ מִמִּצְרַ֖יִם לָֽיְלָה׃

זְכוֹר אֶת חוֹדֶשׁ הָאָבִיב וַעֲשֵׂה אָז פֶּסַח לַה' אֱלֹהֶיךָ, כִּי בְּחוֹדֶשׁ הָאָבִיב ה' אֱלֹהֶיךָ הוֹצִיא אוֹתְךָ מִמִּצְרַיִם בַּלַּיְלָה.

ב

וְזָבַ֥חְתָּ פֶּ֛סַח לַיהֹוָ֥ה אֱלֹהֶ֖יךָ צֹ֣אן וּבָקָ֑ר בַּמָּקוֹם֙ אֲשֶׁר־יִבְחַ֣ר יְהֹוָ֔ה לְשַׁכֵּ֥ן שְׁמ֖וֹ שָֽׁם׃

תִּשְׁחַט קָרְבַּן פֶּסַח לַה' אֱלֹהֶיךָ וְצֹאן וּבָקָר, בַּמָּקוֹם שֶׁה' יִבְחַר לְהַשְׁרוֹת אֶת שְׁכִינָתוֹ שָׁם.

ג

לֹא־תֹאכַ֤ל עָלָיו֙ חָמֵ֔ץ שִׁבְעַ֥ת יָמִ֛ים תֹּֽאכַל־עָלָ֥יו מַצּ֖וֹת לֶ֣חֶם עֹ֑נִי כִּ֣י בְחִפָּז֗וֹן יָצָ֙אתָ֙ מֵאֶ֣רֶץ מִצְרַ֔יִם לְמַ֣עַן תִּזְכֹּ֗ר אֶת־י֤וֹם צֵֽאתְךָ֙ מֵאֶ֣רֶץ מִצְרַ֔יִם כֹּ֖ל יְמֵ֥י חַיֶּֽיךָ׃

אַל תֹּאכַל עִם קָרְבַּן הַפֶּסַח חָמֵץ, שִׁבְעָה יָמִים תֹּאכַל בְּנוֹסַף אֵלָיו מַצּוֹת – לֶחֶם עוֹנִי, כִּי יָצָאתָ בְּחִפָּזוֹן מֵאֶרֶץ מִצְרַיִם, כְּדֵי שֶׁתִּזְכּוֹר כָּל יְמֵי חַיֶּיךָ אֶת הַיּוֹם שֶׁיָּצָאתָ בּוֹ מֵאֶרֶץ מִצְרַיִם.

ד

וְלֹֽא־יֵרָאֶ֨ה לְךָ֥ שְׂאֹ֛ר בְּכׇל־גְּבֻלְךָ֖ שִׁבְעַ֣ת יָמִ֑ים וְלֹא־יָלִ֣ין מִן־הַבָּשָׂ֗ר אֲשֶׁ֨ר תִּזְבַּ֥ח בָּעֶ֛רֶב בַּיּ֥וֹם הָרִאשׁ֖וֹן לַבֹּֽקֶר׃

שִׁבְעָה יָמִים לֹא יֵרָאֶה בְּכָל הַשֶּׁטַח שֶׁלְּךָ בָּצֵק שֶׁלְּךָ שֶׁהֶחֱמִיץ, וּמֵהַבָּשָׂר שֶׁתִּשְׁחַט בַּיּוֹם הָרִאשׁוֹן בָּעֶרֶב לֹא יִשָּׁאֵר עַד לְמָחֳרָת בַּבּוֹקֶר.

ה

לֹ֥א תוּכַ֖ל לִזְבֹּ֣חַ אֶת־הַפָּ֑סַח בְּאַחַ֣ד שְׁעָרֶ֔יךָ אֲשֶׁר־יְהֹוָ֥ה אֱלֹהֶ֖יךָ נֹתֵ֥ן לָֽךְ׃

אֵין לְךָ רְשׁוּת לִשְׁחוֹט אֶת הַפֶּסַח בְּכָל אַחַת מֵעָרֶיךָ שֶׁה' אֱלֹהֶיךָ נוֹתֵן לְךָ.

ו

כִּ֠י אִֽם־אֶל־הַמָּק֞וֹם אֲשֶׁר־יִבְחַ֨ר יְהֹוָ֤ה אֱלֹהֶ֙יךָ֙ לְשַׁכֵּ֣ן שְׁמ֔וֹ שָׁ֛ם תִּזְבַּ֥ח אֶת־הַפֶּ֖סַח בָּעָ֑רֶב כְּב֣וֹא הַשֶּׁ֔מֶשׁ מוֹעֵ֖ד צֵֽאתְךָ֥ מִמִּצְרָֽיִם׃

אֶלָּא רַק בַּמָּקוֹם שֶׁה' אֱלֹהֶיךָ יִבְחַר לְהַשְׁרוֹת שָׁם אֶת שְׁכִינָתוֹ תִּשְׁחַט שָׁם אֶת הַפֶּסַח בָּעֶרֶב – לִקְרַאת שְׁקִיעַת הַשֶּׁמֶשׁ שֶׁל עֶרֶב הַיּוֹם שֶׁיָּצָאתָ בּוֹ מִמִּצְרַיִם.

ז

וּבִשַּׁלְתָּ֙ וְאָ֣כַלְתָּ֔ בַּמָּק֕וֹם אֲשֶׁ֥ר יִבְחַ֛ר יְהֹוָ֥ה אֱלֹהֶ֖יךָ בּ֑וֹ וּפָנִ֣יתָ בַבֹּ֔קֶר וְהָלַכְתָּ֖ לְאֹהָלֶֽיךָ׃

תִּצְלֶה וְתֹאכַל בַּמָּקוֹם שֶׁה' אֱלֹהֶיךָ יִבְחַר בּוֹ, וְתִפְנֶה בַּבּוֹקֶר וְתֵלֵךְ לְאוֹהָלֶיךָ.

ח

שֵׁ֥שֶׁת יָמִ֖ים תֹּאכַ֣ל מַצּ֑וֹת וּבַיּ֣וֹם הַשְּׁבִיעִ֗י עֲצֶ֙רֶת֙ לַיהֹוָ֣ה אֱלֹהֶ֔יךָ לֹ֥א תַעֲשֶׂ֖ה מְלָאכָֽה׃

שִׁשָּׁה יָמִים תֹּאכַל מַצּוֹת וּבַיּוֹם הַשְּׁבִיעִי תַּעֲשֶׁה אֲסֵיפָה לִפְנֵי ה' אֱלֹהֶיךָ, וְאַל תַּעֲשֶׂה מְלָאכָה.

ס

פָּרָשַׁת חַג הַשָּׁבוּעוֹת

ט

שִׁבְעָ֥ה שָׁבֻעֹ֖ת תִּסְפׇּר־לָ֑ךְ מֵהָחֵ֤ל חֶרְמֵשׁ֙ בַּקָּמָ֔ה תָּחֵ֣ל לִסְפֹּ֔ר שִׁבְעָ֖ה שָׁבֻעֽוֹת׃

תִּסְפּוֹר לְךָ שִׁבְעָה שָׁבוּעוֹת, תַּתְחִיל לִסְפּוֹר שִׁבְעָה שָׁבוּעוֹת מִתְּחִלַּת קְצִירַת הַשִּׁבּוֹלִים בַּמַּגָּל.

י

וְעָשִׂ֜יתָ חַ֤ג שָׁבֻעוֹת֙ לַיהֹוָ֣ה אֱלֹהֶ֔יךָ מִסַּ֛ת נִדְבַ֥ת יָדְךָ֖ אֲשֶׁ֣ר תִּתֵּ֑ן כַּאֲשֶׁ֥ר יְבָרֶכְךָ֖ יְהֹוָ֥ה אֱלֹהֶֽיךָ׃

עֲשֵׂה לַה' אֱלֹהֶיךָ חַג שָׁבוּעוֹת, וַהֲבֵא קָרְבָּנוֹת כְּמִדַּת נְדִיבוּתְךָ שֶׁתִּתֵּן, כְּפִי שֶׁה' אֱלֹהֶיךָ יְבָרֵךְ אוֹתְךָ.

וְשָׂמַחְתָּ֞ לִפְנֵ֣י ׀ יְהֹוָ֣ה אֱלֹהֶ֗יךָ אַתָּ֨ה וּבִנְךָ֣ וּבִתֶּ֘ךָ֮ וְעַבְדְּךָ֣ וַאֲמָתֶ֒ךָ֒ וְהַלֵּוִי֙ אֲשֶׁ֣ר בִּשְׁעָרֶ֔יךָ וְהַגֵּ֛ר וְהַיָּת֥וֹם וְהָאַלְמָנָ֖ה אֲשֶׁ֣ר בְּקִרְבֶּ֑ךָ בַּמָּק֗וֹם אֲשֶׁ֤ר יִבְחַר֙ יְהֹוָ֣ה אֱלֹהֶ֔יךָ לְשַׁכֵּ֥ן שְׁמ֖וֹ שָֽׁם׃

שְׂמַח לִפְנֵי ה' אֱלֹהֶיךָ – אַתָּה וּבִנְךָ וּבִתְּךָ וְעַבְדְּךָ וְשִׁפְחָתְךָ וְהַלֵּוִי שֶׁבְּעָרֶיךָ, וְהַגֵּר וְהַיָּתוֹם וְהָאַלְמָנָה שֶׁאֶצְלְךָ, בַּמָּקוֹם שֶׁה' אֱלֹהֶיךָ יִבְחַר לְהַשְׁרוֹת אֶת שְׁכִינָתוֹ שָׁם.

וְזָ֣כַרְתָּ֔ כִּי־עֶ֥בֶד הָיִ֖יתָ בְּמִצְרָ֑יִם וְשָׁמַרְתָּ֣ וְעָשִׂ֔יתָ אֶת־הַֽחֻקִּ֖ים הָאֵֽלֶּה׃

זְכוֹר שֶׁהָיִיתָ עֶבֶד בְּמִצְרַיִם, וְהַקְפֵּד לְקַיֵּם אֶת הַחֻקִּים הָאֵלֶּה.

מפטיר עריכה

פ

פָּרָשַׁת חַג הַסֻּכּוֹת

חַ֧ג הַסֻּכֹּ֛ת תַּעֲשֶׂ֥ה לְךָ֖ שִׁבְעַ֣ת יָמִ֑ים בְּאׇ֨סְפְּךָ֔ מִֽגׇּרְנְךָ֖ וּמִיִּקְבֶֽךָ׃

תַּעֲשֶׂה לְךָ אֶת חַג הַסֻּכּוֹת שִׁבְעָה יָמִים כְּשֶׁתֶּאֱסוֹף אֶת תְּבוּאַת הַגּוֹרֶן וְהַיֶּקֶב שֶׁלְּךָ.

וְשָׂמַחְתָּ֖ בְּחַגֶּ֑ךָ אַתָּ֨ה וּבִנְךָ֤ וּבִתֶּ֙ךָ֙ וְעַבְדְּךָ֣ וַאֲמָתֶ֔ךָ וְהַלֵּוִ֗י וְהַגֵּ֛ר וְהַיָּת֥וֹם וְהָאַלְמָנָ֖ה אֲשֶׁ֥ר בִּשְׁעָרֶֽיךָ׃

שְׂמַח בְּחַגְּךָ אַתָּה וּבִנְךָ וּבִתְּךָ וְעַבְדְּךָ וְשִׁפְחָתְךָ, וְהַלֵּוִי וְהַגֵּר וְהַיָּתוֹם וְהָאַלְמָנָה שֶׁבְּעָרֶיךָ.

שִׁבְעַ֣ת יָמִ֗ים תָּחֹג֙ לַיהֹוָ֣ה אֱלֹהֶ֔יךָ בַּמָּק֖וֹם אֲשֶׁר־יִבְחַ֣ר יְהֹוָ֑ה כִּ֣י יְבָרֶכְךָ֞ יְהֹוָ֣ה אֱלֹהֶ֗יךָ בְּכֹ֤ל תְּבוּאָֽתְךָ֙ וּבְכֹל֙ מַעֲשֵׂ֣ה יָדֶ֔יךָ וְהָיִ֖יתָ אַ֥ךְ שָׂמֵֽחַ׃

שִׁבְעָה יָמִים תַּחְגּוֹג לַה' אֱלֹהֶיךָ בַּמָּקוֹם שֶׁה' יִבְחַר, כִּי ה' אֱלֹהֶיךָ יְבָרֵךְ אוֹתְךָ בְּכָל תְּבוּאָתְךָ וּבְכָל מַעֲשֵׂה יָדֶיךָ, וְתִהְיֶה רַק שָׂמֵחַ.

שָׁל֣וֹשׁ פְּעָמִ֣ים ׀ בַּשָּׁנָ֡ה יֵרָאֶ֨ה כׇל־זְכוּרְךָ֜ אֶת־פְּנֵ֣י ׀ יְהֹוָ֣ה אֱלֹהֶ֗יךָ בַּמָּקוֹם֙ אֲשֶׁ֣ר יִבְחָ֔ר בְּחַ֧ג הַמַּצּ֛וֹת וּבְחַ֥ג הַשָּׁבֻע֖וֹת וּבְחַ֣ג הַסֻּכּ֑וֹת וְלֹ֧א יֵרָאֶ֛ה אֶת־פְּנֵ֥י יְהֹוָ֖ה רֵיקָֽם׃

שָׁלוֹשׁ פְּעָמִים בַּשָּׁנָה יֵרָאוּ כָּל הַזְּכָרִים שֶׁלָּכֶם לִפְנֵי ה' אֱלֹהֶיךָ בַּמָּקוֹם שֶׁיִּבְחַר – בְּחַג הַמַּצּוֹת וּבְחַג הַשָּׁבוּעוֹת וּבְחַג הַסֻּכּוֹת, וְלֹא יָבוֹאוּ לְהֵרָאוֹת לִפְנֵי ה' בְּיָדַיִם רֵקוֹת לְלֹא קָרְבָּן.