חנוך ב/ב

מיוחס לחנוך
ספר חנוך ב
→פרק א	פרק ג←

פרק ב

א שִׁמְעוּ בָנָי לֹא אֵדַע אָנָה אֲנִי הוֹלֵךְ אוֹ אֶת־אֲשֶׁר יִקְרֶה אוֹתִי: ב וְעַתָּה בָנָי אַל תָּסוּרוּ מֵאַחֲרֵי הָאֱלֹהִים הִתְהַלְּכוּ לִפְנֵי יְיָ וְאֶת־מִשְׁפָּטָיו תִּשְׁמֹרוּ: ג אַל־תִּמָּנְעוּ מִתְּפִלָּה לִשְׁלוֹמְכֶם לְבַל יַמְעִיט יְיָ אֶת־עֲמַל יְדֵיכֶם וְאַל תְּחַסְּרוּ מִמִּנְחוֹת יְיָ וְלֹא יְחַסֵּר יְיָ אֶת הַמְּבִיאִים לוֹ מִנְחָה מֵהוֹן־אוֹצְרוֹתֵיכֶם: ד בָּרְכוּ אֶת יְיָ גַּם־בִּבְכוֹרוֹת עֶדְרֵיכֶם גַּם־בִּבְכוֹרוֹת בְּקַרְכֶם וְהָיְתָה עֲלֵיכֶם הַבְּרָכָה לָעוֹלָם: ה אַל־תָּסוּרוּ מֵאַחֲרֵי יְיָ וְאַל־תִּשְׁתַּחֲווּ לֵאלֹהֵי הֶבֶל לֵאלֹהִים אֲשֶׁר לֹא־עָשׂוּ אֶת־הַשָּׁמַיִם וְאֶת־הָאָרֶץ וְאֵת שְׁאָר הַבְּרִיּוֹת כִּי הֵם יֹאבְדוּ וַאֲשֶׁר יִשְׁתַּחֲווּ לָהֶם וְחִזַּק אֶת־לִבּוֹתֵיכֶם בְּיִרְאָתוֹ: ו וְעַתָּה בָנָי אִישׁ אַל־יְבַקְּשֵׁנִי עַד אֲשֶׁר יְשִׁיבֵנִי יְיָ אֲלֵיכֶם: