ה' אל תתעלם

ה' אל תתעלם
מחבר:	רבי שמעון בן צמח דוראן
חי בשנים:	1361 - 1444

ה', אַל תַּעְלֵם לְרַוְחָתִי / אָזְנְךָ וּלְשִׂיחָתִי / כִּי יָגַעְתִּי בְּאַנְחָתִי אַשְׂחֶה בְּכָל לַיְלָה מִטָּתִי / דּוֹאֵג מֵחַטָּאתִי / תַּאַזְרֵנִי כְּפִי כֻּתָּנְתִּי וּפִי הַמְּעִיל.

שְׁאָגָה לִי כְּלָבִיא / אֶעֱרֹג כְּאַיִל וּצְבִי / כִּי יָדַעְתִּי אֶת מַכְאוֹבִי מֵעֲווֹן נַפְשִׁי וְתַאֲוָתָהּ / עָלָה בָּאְשָׁהּ וְצַחֲנָתָהּ / לֹא זָכְרָה אַחֲרִיתָהּ וְטֻמְאָתָהּ עַל שׁוּלֵי הַמְּעִיל.

מָה אֲמוּלָה לִבָּתִי / כִּי לְגֹדֶל אַשְׁמָתִי / עָלַי תִּזְעַק אַדְמָתִי וְלַעֲווֹנִי רָבוּ נָפְשׁוּ / רַעְיוֹנַי וְחַתּוּ וָבֹשׁוּ / כָּל הַיּוֹם כְּלִמָּה יִלְבְּשׁוּ וְיַעֲטוּ כִּמְעִיל.

עַתָּה יָדַעְתִּי / כִּי לֹא שָׁמַעְתִּי / לְקוֹל מוֹרַי וּפָשַׁעְתִּי וְאֵל כִּחַשְׁתִּי / וְאָוֶן חָרַשְׁתִּי / וְעָמָל לָבַשְׁתִּי וַיִּלְבָּשֵׁנִי כִּמְעִיל.

וּמָה אֲדַבֵּר וּמָה אוֹמַר / הִנֵּה לְשָׁלוֹם מַר לִי מַר / כִּי עוֹרִי כְּתַנּוּר נִכְמַר וּבְשָׂרִי כָּחַשׁ נִתְנַבַּל / בְּמֵי עֲווֹנוֹ נִטְבָּל / וּבִלְבוּשׁ מַעֲלוֹ מְסּוּבָּל מְכֻרְבָּל בִּמְעִיל.

נִחַמְתִּי אַחַר שׁוּבִי / וְהַיּוֹם יָדַע לְבָבִי / כִּי צֳרִי עֲווֹנִי כְּאֵבִי וּכְנֵפֶל אֵשֶׁת / בִּגְדֵי הַבּוֹשֶׁת / לָבַש תִּלְבֹּשֶׁת וַּיַּעַט כִּמְעִיל.

בְּהַר ה' יֵרָאֶה / נָבִיא חוֹזֶה וְרוֹאֶה / לְבַשֵּׂר עָם נִלְאֶה מֵאַהֲבָתְךָ חוֹלֶה / אָזְנוֹ יְגַלֶּה / אִישׁ זָקֵן עוֹלֶה וְהוּא עוֹטֶה מְעִיל.

צֶמַח צַדִּיק יִצְמַח / לְבָבִי בּוֹ יִשְׂמַח / כִּי פִּשְׁעִי כָּעָב יִמַּח וּבְגִנַּת בִּיתָן / תֵּשֵׁב קַשְׁתִּי בְּאֵתָן / אֲכַהֵן פְּאֵר כְּחָתָן חֹשֶׁן וְאֵפוֹד וּמְעִיל.

(מאיורקה, 1361 – אלג'יר, 1444)

טקסט זה הועתק מפרויקט בן-יהודה.