בן סירא/פשיטתא/ג

(א) [ג, א] ברי דין לאבהא שמעו ועבדו מטל דתחון חיא דלעולם:

(ב) [ג, ב] מריא גיר שבח לאבא על בניא ודינא דאמא על ילדיה שרר:

(ג) [ג, ג] דמיקר לאבוהי משתבקין חובוהי [ג, ד] וסאם סימתא מן דמיקר לאמה:

(ד) [ג, ה] דמיקר לאבוהי נחדא מן ברה וכד מצלא נשתמע ונתענה:

(ה) [ג, ו] דמיקר לאבוהי יסגון יומתה ורמא חובלא טבא על אלהא מן דמיקר לאמה:

(*) [ג, ז]

(ו) [ג, ח] ברי בעבדא ובמלתא יקר לאבוך מטל דיאתין עליך כלהון בורכתה:

(ז) [ג, ט] בורכתא דאבא תקים מדורא ולוטה דאמא תעקורי עקרא:

(ח) [ג, י] לא תתיקר בצערא דאבוך מטול דלא הוא איקרא הוא לך:

(ט) [ג, יא] איקרה גיר דגברא איקרה הו דאבוהי וחובא רורבא מן דמצער לאמה:

(י) [ג, יב] ברי אתעשן באיקרה דאבוך ולא תשבוק איקרה כל יומי חייך:

(יא) [ג, יג] אפן בטל מדעה שבוק לה ולא תבהתיוהי כל יומי חיוהי:

(יב) [ג, יד] זדקתא דאבא לא מתטעיא וחלף חובא הי מתנצבא:

(יג) [ג, טו] ביומא דעקתא הי תתדכר לך איך חומא אל גלידא למבטלו חטהא:

(יד) [ג, טז] מטול דמגדף מן דשאט לאבוהי וליט קדם מריא מן דמצער לאמה:

(טו) [ג, יז] ברי בעותרך במכיכותא הלך ומן גברא דיהב מוהבתא ירחמונך:

(טז) [ג, יח] בכל דאנת דרב בעלמא אזער נפשך וקדם אלהא תשכח רחמא:

(*) [ג, יט]

(יז) [ג, כ] מטל דסגיאין אנון רחמוהי דאלהא ולמכיכא ראזא מתגלין:

(יח) [ג, כא] דקשין מנך לא תבעא ודתקיפין מנך לא תעקב [ג, כב] כמה דאשלטוך אסתכל:

(יט) [ג, כב] ולית לך תוכלנא אל כסיתא [ג, כג] ובשדכא דעבדוהי לא תתעסק מטל דסגי מנך אתחוי לך:

(כ) [ג, כד] מטל דסגיאין אנון רעיניהון דבני נשא ודמותא בישתא מטעין:

(כא) [ג, כה] מן דלית ליה בבתא דעינא חסיר נוהרא ומא דגהר [דגחר?] אנת מן ידעתא לא תהוא מלך למפסו:

(כב) [ג, כו] לבא קשיא תבאשי חרתה ודרחם טבתא בהון נדרוך:

(כג) [ג, כז] לבא קשיא נסגון כאבוהי ודמרה [ודמרח?] נוסף חטהא על חטהא:

(כד) [ג, כח] למותה דממיקנא לית אסיותא מטל דמן נצבתא בשתא נצבתה:

(כה) [ג, כט] לבא חכימא נסתכל במתלא דחכימא ואדנא דשמעא תחדא בחכימא:

(כו) [ג, ל] נורא דיקדא נדעכון מיא הכנא זדקתא שבקא חטהא:

(כז) [ג, לא] דעבד דשפיר עתיד באורחה ובעדנא דנפל משכח לה סמכא:

קישור

בן סירא, וינה, תקע"ד באתר היברובוקס