26
דיל דייו די יעקב טי אינאלטיסקה: 3 איל מאנדי דיל סאנטובﬞארייו טו אייודﬞה. אי טי אסופﬞרה די ציון: 4 טינגה אין מימורייה טודﬞוס טוס פריזינטיס, אי ריסיבﬞה פור גרואיסה טו אלסאסייון. סלה: 5 טי די סיגון איל דיזיאו די טו קוראסון. אי טודﬞו טו קונסיזﬞו קומפלה: 6 קאנטארימוס די טו סאלבﬞאסייון. אי אין איל נומברי די נואיסטרו דייו ליבﬞאנטארימוס איל פינדון. ה' קומפלה טודﬞאס טוס דימאנדאס: 7 אגורה ייו סי קי ה' סאלבﬞה אה סו אונטאדﬞו. לי ריספונדירה די סוס סאנטוס סיילוס פור לאס באראגאניאס די לה סאלבﬞאסיון די בﬞייני די סו דיריגﬞה: 8 איסטוס אינמינטאן קואטריגואס, אי איסטוס קאבﬞאלייוס. מה נוסוטרוס אינמינטאמוס איל נומברי די ה' נואיסטרו דייו: 9 אילייוס סי ארודﬞילייארון אי קאיירון. מה נוסוטרוס נוס ליבﬞאנטאמוס אי נוס אדﬞיריזאמוס: 10 ה' סאלבﬞה! איל ריי נוס ריספונדה אין איל דיאה קי לייאמארימוס אה איל:
כא
1 אל פרימיר קאנטאדור. סאלמו די דויד: 2 או ה'! אין טו פﬞורטאליזה סי אליגרה איל ריי, אי אין טו סאלבﬞאסייון קואנטו מוגﬞו סי אגוזה: 3 דיסטי אה איל איל דיזיאו די סו קוראסון. אי לה דימאנדה די סוס לאבﬞייוס נון בﬞידאסטי. סלה: 4 פורקי לו אקונאנטאס קון בינדיסייוניס