18
3 ייו איסטויי קון לוס סאנטוס קי איסטאן אין לה טיירה. אי לוס אונראדﬞוס, טודﬞה מי בﬞילונטאדﬞ איסטה אין אילייוס׃ 4 מוגﬞוס סיראן לוס דולוריס די לוס קי דיטראס די אוטרו דייו אפריסוראן. נון טימפלארי סוס טימפלאסייוניס די סאנגרי. אי נון לייבﬞארי סוס נומבריס סובﬞרי מיס לאבﬞייוס׃ 5 ה׳ איס לה פארטי די מי אירידﬞאדﬞ אי מי בﬞאזו. טו איריס איל סוסטינידﬞור די מי סואירטי׃ 6 לאס סואירטיס מי קאיירון אין לאס דיליסייאס. טאמביין אירידﬞאדﬞ אירמוזה איי אה מי׃ 7 בינדיזירי אה ה׳ קי מי אקונסיזﬞו. אאון אין לאס נוגﬞיס מי אקאבﬞידﬞאן מיס דינייוניס׃ 8 ייו פוזי אה ה׳ דילאנטי די מי די קונטינו. פורקי איל איסטה אה מי דיריגﬞה. נון סירי איסמובﬞידﬞו׃ 9 פור איסטו סי אליגרה מי קוראסון אי סי אגוזה מי אונרה. טאמביין מי קארני ריפוזארה אין פﬞיגוזייה׃ 10 פורקי נון דישﬞאראס מי אלמה אה לה פﬞוייה. אי נון דישﬞאראס טו בואינו אה בﬞיר פודﬞריסייון׃ 11 מי אראס קונוסיר איל קאמינו די לה בﬞידﬞה. ארטורה די אליגריאס קון טוס פﬞאסיס. דיליסייאס אה טו דיריגﬞה פארה סיימפרי׃
יז
1 אוראסייון די דויד. אויי, ה׳, גﬞוסטידﬞאדﬞ. איסקוגﬞה אה מי איסקלאמאסייון. אקוסטה טו אוריזﬞה אה מי אוראסייון קי אגו סין לאבﬞייוס די אינגאנייו׃ 2 די דילאנטי די טי
