13
6 איל דיזי אין סו קוראסון, נון מי איסמובﬞירי. די גﬞירינאנסייו אין גﬞירינאנסייו ייו סויי איל קי נון איסטארה אין מאל׃ 7 סו בוקה סי אינגﬞי די גﬞורה אי די אינגאנייוס אי אפריטו. דיבאשﬞו די סו לינגואה איסטאן לאזירייה אי טורטורה׃ 8 איל סי אסינטה אין אסילאדﬞה קונטרה לוס קאזאליס. אין לוגאריס אינקובﬞיירטוס מאטה אל ליבﬞרי. סוס אוזﬞוס מיראן סיקריטאמינטי אל פרובﬞי׃ 9 איל איסטה אסילאדﬞאנדו אין און לוגאר אינקובﬞיירטו קומו איל ליאון אין סו קאבﬞאנייה איסטה אסילאדﬞאנדו. פארה אריבﬞאטאר אל פרובﬞי. אי אריבﬞאטה אל פרובﬞי סונטראיינדולו קון סו רידﬞ׃ 10 אי סיינדו מאזﬞאדﬞו איל פרובﬞי סי אפרימי. אי לוס פרובﬞיס קאיין אין סוס מאנוס פﬞואירטיס׃ 11 איל דיזי אין סו קוראסון, סי אולבﬞידﬞו איל דייו. אינקובﬞרייו סוס פﬞאסיס. נון בﬞי פארה סיימפרי׃ 12 אליבﬞאנטאטי, ה׳ דייו! אלסה טו מאנו. נון טי אולבﬞידﬞיס די לוס פרובﬞיס׃ 13 פור קי אבוריסי איל מאלו אל דייו? איל דיזי אין סו קוראסון, טו נון ריקיריס׃ 14 טו בﬞיס. פורקי טו מיראס אה לאזירייה אי טריסטיזה. פארה דאר קון טו מאנו גואלארדון. אה טי סי דישﬞה איל פרובﬞי. טו איריס איל קי אייודﬞה אל גואירפﬞאנו׃ 15 קיבﬞראנטה איל בראסו דיל מאלו. אי דיל מאלינו טו ריקירי סו מאליסייה אסטה קי נון אלייס מאס׃ 16 ה׳ איס ריי
