מקרא מבואר/תצוגה/ספר שמות/פרשת ויקהל
< מקרא מבואר | תצוגה
פָּרָשַׁת וַיַּקְהֵל
מִקְרָא עַל־פִּי הַמָּסוֹרָה · "וַיָּבִינוּ בַּמִּקְרָא" (אוֹדְיוֹ)
מִקְרָא וְתַרְגּוּם וְרַשִׁ"י · מִקְרָא מְבוֹאָר
מִקְרָא וְתַרְגּוּם · שְׁנַֽיִם מִקְרָא וְאֶחָד תַּרְגּוּם
הבהרה: הטקסט מיובא כאן מתוך הדפים המקוריים של מקרא, תרגום (תאג') ו/או רש"י. נא להציע תיקונים והערות בדף השיחה בלבד.
ראשון עריכה
ס | פָּרָשַׁת הַשַּׁבָּת |
לה א | וַיַּקְהֵ֣ל מֹשֶׁ֗ה אֶֽת־כׇּל־עֲדַ֛ת בְּנֵ֥י יִשְׂרָאֵ֖ל וַיֹּ֣אמֶר אֲלֵהֶ֑ם אֵ֚לֶּה הַדְּבָרִ֔ים אֲשֶׁר־צִוָּ֥ה יְהֹוָ֖ה לַעֲשֹׂ֥ת אֹתָֽם׃ | מֹשֶׁה הִקְהִיל אֶת כָּל קְהַל בְּנֵי יִשְׂרָאֵל וְאָמַר לָהֶם: אֵלֶּה הַדְּבָרִים שֶׁה' צִוָּה לַעֲשׂוֹת אוֹתָם: |
ב | שֵׁ֣שֶׁת יָמִים֮ תֵּעָשֶׂ֣ה מְלָאכָה֒ וּבַיּ֣וֹם הַשְּׁבִיעִ֗י יִהְיֶ֨ה לָכֶ֥ם קֹ֛דֶשׁ שַׁבַּ֥ת שַׁבָּת֖וֹן לַיהֹוָ֑ה כׇּל־הָעֹשֶׂ֥ה ב֛וֹ מְלָאכָ֖ה יוּמָֽת׃ | בְּמֶשֶׁךְ שִׁשָּׁה יָמִים תֵּעָשֶׂה מְלָאכָה, וּבַיּוֹם הַשְּׁבִיעִי תִּהְיֶה לָכֶם קְדֻשַּׁת שַׁבַּת – מְנוּחָה לַה', כָּל מִי שֶׁיַּעֲשֶׂה בּוֹ מְלָאכָה – יוּמַת. |
ג | לֹא־תְבַעֲר֣וּ אֵ֔שׁ בְּכֹ֖ל מֹשְׁבֹֽתֵיכֶ֑ם בְּי֖וֹם הַשַּׁבָּֽת׃ | אַל תַּבְעִירוּ אֵשׁ בְּכָל מְקוֹמוֹת מְגוּרֵיכֶם בְּיוֹם הַשַּׁבָּת. |
פ | פָּרָשַׁת הַתְּרוּמָה |
ד | וַיֹּ֣אמֶר מֹשֶׁ֔ה אֶל־כׇּל־עֲדַ֥ת בְּנֵֽי־יִשְׂרָאֵ֖ל לֵאמֹ֑ר זֶ֣ה הַדָּבָ֔ר אֲשֶׁר־צִוָּ֥ה יְהֹוָ֖ה לֵאמֹֽר׃ | מֹשֶׁה אָמַר לְכָל צִבּוּר בְּנֵי יִשְׂרָאֵל: זֶה הַדָּבָר שֶׁה' צִוָּה: |
ה | קְח֨וּ מֵֽאִתְּכֶ֤ם תְּרוּמָה֙ לַֽיהֹוָ֔ה כֹּ֚ל נְדִ֣יב לִבּ֔וֹ יְבִיאֶ֕הָ אֵ֖ת תְּרוּמַ֣ת יְהֹוָ֑ה זָהָ֥ב וָכֶ֖סֶף וּנְחֹֽשֶׁת׃ | קְחוּ מֵעַצְמְכֶם תְּרוּמָה לַה' – כָּל נְדִיב לֵב יָבִיא אוֹתָהּ אֶת תְּרוּמַת ה': זָהָב וְכֶסֶף וּנְחוֹשֶׁת. |
ו | וּתְכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י וְשֵׁ֥שׁ וְעִזִּֽים׃ | וּתְכֵלֶת וְאַרְגָּמָן וְצֶבַע אָדוֹם מִתּוֹלַעַת וּפִשְׁתָּן וּשְׂעַר עִזִּים. |
ז | וְעֹרֹ֨ת אֵילִ֧ם מְאׇדָּמִ֛ים וְעֹרֹ֥ת תְּחָשִׁ֖ים וַעֲצֵ֥י שִׁטִּֽים׃ | וְעוֹרוֹת אַיִל צְבוּעִים בְּאָדוֹם, וְעוֹרוֹת שֶׁל הַחַיָּה תַּחַשׁ וַעֲצֵי שִׁטָּה. |
ח | וְשֶׁ֖מֶן לַמָּא֑וֹר וּבְשָׂמִים֙ לְשֶׁ֣מֶן הַמִּשְׁחָ֔ה וְלִקְטֹ֖רֶת הַסַּמִּֽים׃ | וְשֶׁמֶן לַתְּאוּרָה וּבְשָׂמִים לַשֶּׁמֶן שֶׁמּוֹרְחִים בּוֹ וְלִקְטוֹרֶת הַבְּשָׂמִים. |
ט | וְאַ֨בְנֵי־שֹׁ֔הַם וְאַבְנֵ֖י מִלֻּאִ֑ים לָאֵפ֖וֹד וְלַחֹֽשֶׁן׃ | וְאַבְנֵי שׁוֹהַם וְאַבְנֵי חֵן לְשִׁבּוּץ, לָאֵפוֹד וְלַחוֹשֶׁן. |
י | וְכׇל־חֲכַם־לֵ֖ב בָּכֶ֑ם יָבֹ֣אוּ וְיַעֲשׂ֔וּ אֵ֛ת כׇּל־אֲשֶׁ֥ר צִוָּ֖ה יְהֹוָֽה׃ | וְכָל הַמּוּכְשָׁרִים שֶׁבָּכֶם יָבוֹאוּ וְיַעֲשׂוּ אֶת כָּל מַה שֶּׁה' צִוָּה: |
יא | אֶ֨ת־הַמִּשְׁכָּ֔ן אֶֽת־אׇהֳל֖וֹ וְאֶת־מִכְסֵ֑הוּ אֶת־קְרָסָיו֙ וְאֶת־קְרָשָׁ֔יו אֶת־בְּרִיחָ֕ו אֶת־עַמֻּדָ֖יו וְאֶת־אֲדָנָֽיו׃ | אֶת הַמִּשְׁכָּן אֶת אָהֳלוֹ וְאֶת הַכִּסּוּי שֶׁלּוֹ, אֶת הַקְּרָסִים הַקְּרָשִׁים הַבְּרִיחִים הָעַמּוּדִים וְהַבְּסִיסִים שֶׁלּוֹ. |
יב | אֶת־הָאָרֹ֥ן וְאֶת־בַּדָּ֖יו אֶת־הַכַּפֹּ֑רֶת וְאֵ֖ת פָּרֹ֥כֶת הַמָּסָֽךְ׃ | אֶת הָאָרוֹן וְאֶת הַמּוֹטוֹת לַהֲרָמָתוֹ, אֶת הַכִּסּוּי וְאֶת הַפָּרוֹכֶת. |
יג | אֶת־הַשֻּׁלְחָ֥ן וְאֶת־בַּדָּ֖יו וְאֶת־כׇּל־כֵּלָ֑יו וְאֵ֖ת לֶ֥חֶם הַפָּנִֽים׃ | אֶת הַשֻּׁלְחָן וְאֶת הַמּוֹטוֹת לַהֲרָמָתוֹ וְאֶת כָּל כֵּלָיו, וְאֶת הַלֶּחֶם הַמְּכֻבָּד. |
יד | וְאֶת־מְנֹרַ֧ת הַמָּא֛וֹר וְאֶת־כֵּלֶ֖יהָ וְאֶת־נֵרֹתֶ֑יהָ וְאֵ֖ת שֶׁ֥מֶן הַמָּאֽוֹר׃ | וְאֶת מְנוֹרַת הַתְּאוּרָה וְאֶת כֵּלֶיהָ וְאֶת נֵרוֹתֶיהָ וְאֶת הַשֶּׁמֶן לַתְּאוּרָה. |
טו | וְאֶת־מִזְבַּ֤ח הַקְּטֹ֙רֶת֙ וְאֶת־בַּדָּ֔יו וְאֵת֙ שֶׁ֣מֶן הַמִּשְׁחָ֔ה וְאֵ֖ת קְטֹ֣רֶת הַסַּמִּ֑ים וְאֶת־מָסַ֥ךְ הַפֶּ֖תַח לְפֶ֥תַח הַמִּשְׁכָּֽן׃ | וְאֶת מִזְבַּח הַקְּטוֹרֶת וְאֶת הַמּוֹטוֹת לַהֲרָמָתוֹ, וְאֶת הַשֶּׁמֶן שֶׁמּוֹרְחִים בּוֹ וְאֶת קְטוֹרֶת הַבְּשָׂמִים וְאֶת מָסַךְ הַפֶּתַח לְפֶתַח הַמִּשְׁכָּן. |
טז | אֵ֣ת ׀ מִזְבַּ֣ח הָעֹלָ֗ה וְאֶת־מִכְבַּ֤ר הַנְּחֹ֙שֶׁת֙ אֲשֶׁר־ל֔וֹ אֶת־בַּדָּ֖יו וְאֶת־כׇּל־כֵּלָ֑יו אֶת־הַכִּיֹּ֖ר וְאֶת־כַּנּֽוֹ׃ | אֶת מִזְבַּח הָעוֹלָה וְאֶת רֶשֶׁת הַנְּחוֹשֶׁת שֶׁלּוֹ אֶת הַמּוֹטוֹת לַהֲרָמָתוֹ וְאֶת כָּל כֵּלָיו, אֶת הַכִּיּוֹר וְאֶת בְּסִיסוֹ. |
יז | אֵ֚ת קַלְעֵ֣י הֶחָצֵ֔ר אֶת־עַמֻּדָ֖יו וְאֶת־אֲדָנֶ֑יהָ וְאֵ֕ת מָסַ֖ךְ שַׁ֥עַר הֶחָצֵֽר׃ | אֶת הַגְּדֵרוֹת הַקְּלוּעוֹת לֶחָצֵר אֶת עַמּוּדֶיהָ וְאֶת בְּסִיסֶיהָ וְאֶת מָסַךְ שַׁעַר הֶחָצֵר. |
יח | אֶת־יִתְדֹ֧ת הַמִּשְׁכָּ֛ן וְאֶת־יִתְדֹ֥ת הֶחָצֵ֖ר וְאֶת־מֵיתְרֵיהֶֽם׃ | אֶת יִתְדוֹת הַמִּשְׁכָּן וְאֶת יִתְדוֹת הֶחָצֵר וְאֶת הַמֵּיתָרִים שֶׁלָּהֶם. |
יט | אֶת־בִּגְדֵ֥י הַשְּׂרָ֖ד לְשָׁרֵ֣ת בַּקֹּ֑דֶשׁ אֶת־בִּגְדֵ֤י הַקֹּ֙דֶשׁ֙ לְאַהֲרֹ֣ן הַכֹּהֵ֔ן וְאֶת־בִּגְדֵ֥י בָנָ֖יו לְכַהֵֽן׃ | אֶת כִּסּוּיֵי הַכֵּלִים שֶׁמְּשָׁרְתִים בָּהֶם בַּקּוֹדֶשׁ, אֶת בִּגְדֵי הַקּוֹדֶשׁ לְאַהֲרֹן הַכֹּהֵן וְאֶת בִּגְדֵי בָּנָיו לְכַהֵן. |
כ | וַיֵּ֥צְא֛וּ כׇּל־עֲדַ֥ת בְּנֵֽי־יִשְׂרָאֵ֖ל מִלִּפְנֵ֥י מֹשֶֽׁה׃ | כָּל צִבּוּר בְּנֵי יִשְׂרָאֵל יָצְאוּ מִלִּפְנֵי מֹשֶׁה. |
שני עריכה
כא | וַיָּבֹ֕אוּ כׇּל־אִ֖ישׁ אֲשֶׁר־נְשָׂא֣וֹ לִבּ֑וֹ וְכֹ֡ל אֲשֶׁר֩ נָדְבָ֨ה רוּח֜וֹ אֹת֗וֹ הֵ֠בִ֠יאוּ אֶת־תְּרוּמַ֨ת יְהֹוָ֜ה לִמְלֶ֨אכֶת אֹ֤הֶל מוֹעֵד֙ וּלְכׇל־עֲבֹ֣דָת֔וֹ וּלְבִגְדֵ֖י הַקֹּֽדֶשׁ׃ | כָּל הָאֲנָשִׁים הַמּוּכְשָׁרִים לַעֲשׂוֹת מְלָאכָה בָּאוּ, וְכָל אֵלֶּה שֶׁהִתְנַדְּבוּ לִתְרוֹם הֵבִיאוּ אֶת תְּרוּמַת ה' לִמְלֶאכֶת אוֹהֶל הַהִתְכַּנְּסוּת וּלְכָל עֲבוֹדָתוֹ וּלְבִגְדֵי הַקּוֹדֶשׁ. |
כב | וַיָּבֹ֥אוּ הָאֲנָשִׁ֖ים עַל־הַנָּשִׁ֑ים כֹּ֣ל ׀ נְדִ֣יב לֵ֗ב הֵ֠בִ֠יאוּ חָ֣ח וָנֶ֜זֶם וְטַבַּ֤עַת וְכוּמָז֙ כׇּל־כְּלִ֣י זָהָ֔ב וְכׇל־אִ֕ישׁ אֲשֶׁ֥ר הֵנִ֛יף תְּנוּפַ֥ת זָהָ֖ב לַיהֹוָֽה׃ | הָאֲנָשִׁים בָּאוּ בְּנוֹסַף לַנָּשִׁים, כָּל נְדִיבֵי הַלֵּב הֵבִיאוּ עָגִיל וְנֶזֶם וְטַבַּעַת וּמָחוֹךְ – כָּל כְּלִי זָהָב, וְכָל אִישׁ שֶׁתָּרַם תְּרוּמַת זָהָב לַה'. |
כג | וְכׇל־אִ֞ישׁ אֲשֶׁר־נִמְצָ֣א אִתּ֗וֹ תְּכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י וְשֵׁ֣שׁ וְעִזִּ֑ים וְעֹרֹ֨ת אֵילִ֧ם מְאׇדָּמִ֛ים וְעֹרֹ֥ת תְּחָשִׁ֖ים הֵבִֽיאוּ׃ | וְכָל אִישׁ שֶׁנִּמְצָא אֶצְלוֹ תְּכֵלֶת וְאַרְגָּמָן וְצֶבַע אָדוֹם מִתּוֹלַעַת וּפִשְׁתָּן וְשֵׂעַר עִזִּים וְעוֹרוֹת אַיִל צְבוּעִים בְּאָדוֹם וְעוֹרוֹת הַחַיָּה תַּחַשׁ – הֵבִיאוּ. |
כד | כׇּל־מֵרִ֗ים תְּר֤וּמַת כֶּ֙סֶף֙ וּנְחֹ֔שֶׁת הֵבִ֕יאוּ אֵ֖ת תְּרוּמַ֣ת יְהֹוָ֑ה וְכֹ֡ל אֲשֶׁר֩ נִמְצָ֨א אִתּ֜וֹ עֲצֵ֥י שִׁטִּ֛ים לְכׇל־מְלֶ֥אכֶת הָעֲבֹדָ֖ה הֵבִֽיאוּ׃ | כָּל תּוֹרֵם תְּרוּמַת כֶּסֶף וּנְחוֹשֶׁת הֵבִיאוּ אֶת תְּרוּמַת ה', וְכָל מִי שֶׁנִּמְצָא אֶצְלוֹ עֲצֵי שִׁטָּה לְכָל מְלֶאכֶת הָעֲבוֹדָה – הֵבִיאוּ. |
כה | וְכׇל־אִשָּׁ֥ה חַכְמַת־לֵ֖ב בְּיָדֶ֣יהָ טָו֑וּ וַיָּבִ֣יאוּ מַטְוֶ֗ה אֶֽת־הַתְּכֵ֙לֶת֙ וְאֶת־הָֽאַרְגָּמָ֔ן אֶת־תּוֹלַ֥עַת הַשָּׁנִ֖י וְאֶת־הַשֵּֽׁשׁ׃ | וְכָל הַנָּשִׁים הַמּוּכְשָׁרוֹת טָווּ בִּידֵיהֶן, וְהֵבִיאוּ חוּטִים טְווּיִים – אֶת הַתְּכֵלֶת וְאֶת הָאַרְגָּמָן אֶת הַצֶּבַע הָאָדוֹם מֵהַתּוֹלַעַת וְאֶת הַפִּשְׁתָּן. |
כו | וְכׇ֨ל־הַנָּשִׁ֔ים אֲשֶׁ֨ר נָשָׂ֥א לִבָּ֛ן אֹתָ֖נָה בְּחׇכְמָ֑ה טָו֖וּ אֶת־הָעִזִּֽים׃ | וְכָל הַנָּשִׁים שֶׁהִתְעַלּוּ בְּכִשָּׁרוֹן טָווּ אֶת שְׂעַר הָעִזִּים. |
כז | וְהַנְּשִׂאִ֣ם הֵבִ֔יאוּ אֵ֚ת אַבְנֵ֣י הַשֹּׁ֔הַם וְאֵ֖ת אַבְנֵ֣י הַמִּלֻּאִ֑ים לָאֵפ֖וֹד וְלַחֹֽשֶׁן׃ | וְהַנְּשִׂיאִים הֵבִיאוּ אֶת אַבְנֵי הַשּׁוֹהַם וְאֶת אַבְנֵי הַחֵן לְשִׁבּוּץ, לָאֵפוֹד וְלַחוֹשֶׁן. |
כח | וְאֶת־הַבֹּ֖שֶׂם וְאֶת־הַשָּׁ֑מֶן לְמָא֕וֹר וּלְשֶׁ֙מֶן֙ הַמִּשְׁחָ֔ה וְלִקְטֹ֖רֶת הַסַּמִּֽים׃ | וְאֶת הַבּוֹשֶׂם וְאֶת הַשֶּׁמֶן, לִתְאוּרָה וְלַשֶּׁמֶן שֶׁמּוֹרְחִים בּוֹ וְלִקְטוֹרֶת הַבְּשָׂמִים. |
כט | כׇּל־אִ֣ישׁ וְאִשָּׁ֗ה אֲשֶׁ֨ר נָדַ֣ב לִבָּם֮ אֹתָם֒ לְהָבִיא֙ לְכׇל־הַמְּלָאכָ֔ה אֲשֶׁ֨ר צִוָּ֧ה יְהֹוָ֛ה לַעֲשׂ֖וֹת בְּיַד־מֹשֶׁ֑ה הֵבִ֧יאוּ בְנֵי־יִשְׂרָאֵ֛ל נְדָבָ֖ה לַיהֹוָֽה׃ | כָּל אִישׁ וְאִשָּׁה שֶׁטּוּב לִבָּם נִדֵּב אוֹתָם לְהָבִיא לְכָל הַמְּלָאכָה שֶׁה' צִוָּה בְּאֶמְצָעוּת מֹשֶׁה לַעֲשׂוֹת – בְּנֵי יִשְׂרָאֵל הֵבִיאוּ נְדָבָה לַה'. |
שלישי (שני במחוברין) עריכה
פ | פָּרָשַׁת בְּצַלְאֵל |
ל | וַיֹּ֤אמֶר מֹשֶׁה֙ אֶל־בְּנֵ֣י יִשְׂרָאֵ֔ל רְא֛וּ קָרָ֥א יְהֹוָ֖ה בְּשֵׁ֑ם בְּצַלְאֵ֛ל בֶּן־אוּרִ֥י בֶן־ח֖וּר לְמַטֵּ֥ה יְהוּדָֽה׃ | מֹשֶׁה אָמַר לִבְנֵי יִשְׂרָאֵל: רְאוּ, ה' הִכְרִיז עַל בְּצַלְאֵל בֶּן אוּרִי בֶּן חוּר מִשֵּׁבֶט יְהוּדָה. |
לא | וַיְמַלֵּ֥א אֹת֖וֹ ר֣וּחַ אֱלֹהִ֑ים בְּחׇכְמָ֛ה בִּתְבוּנָ֥ה וּבְדַ֖עַת וּבְכׇל־מְלָאכָֽה׃ | וּמִלֵּא אוֹתוֹ בְּרוּחַ אֱלֹהִים, בְּחָכְמָה בִּתְבוּנָה וּבְדַעַת לַעֲסוֹק בְּכָל מְלָאכָה. |
לב | וְלַחְשֹׁ֖ב מַֽחֲשָׁבֹ֑ת לַעֲשֹׂ֛ת בַּזָּהָ֥ב וּבַכֶּ֖סֶף וּבַנְּחֹֽשֶׁת׃ | וּלְתַכְנֵן תָּכְנִיּוֹת לַעֲשׂוֹת בַּזָּהָב וּבַכֶּסֶף וּבַנְּחוֹשֶׁת. |
לג | וּבַחֲרֹ֥שֶׁת אֶ֛בֶן לְמַלֹּ֖את וּבַחֲרֹ֣שֶׁת עֵ֑ץ לַעֲשׂ֖וֹת בְּכׇל־מְלֶ֥אכֶת מַחֲשָֽׁבֶת׃ | וּבְאֻמָּנוּת חֲרִיטַת אֲבָנִים מְשֻׁבָּצוֹת וּבְנַגָּרוּת עֵץ, לַעֲשׂוֹת בְּכָל מְלֶאכֶת אֳמָנוּת. |
לד | וּלְהוֹרֹ֖ת נָתַ֣ן בְּלִבּ֑וֹ ה֕וּא וְאׇֽהֳלִיאָ֥ב בֶּן־אֲחִיסָמָ֖ךְ לְמַטֵּה־דָֽן׃ | וְנָתַן בְּלִבּוֹ גַּם כִּשָּׁרוֹן לְהוֹרוֹת לַאֲחֵרִים, הוּא וְאָהֳלִיאָב בֶּן אֲחִיסָמָךְ מִשֵּׁבֶט דָּן. |
לה | מִלֵּ֨א אֹתָ֜ם חׇכְמַת־לֵ֗ב לַעֲשׂוֹת֮ כׇּל־מְלֶ֣אכֶת חָרָ֣שׁ ׀ וְחֹשֵׁב֒ וְרֹקֵ֞ם בַּתְּכֵ֣לֶת וּבָֽאַרְגָּמָ֗ן בְּתוֹלַ֧עַת הַשָּׁנִ֛י וּבַשֵּׁ֖שׁ וְאֹרֵ֑ג עֹשֵׂי֙ כׇּל־מְלָאכָ֔ה וְחֹשְׁבֵ֖י מַחֲשָׁבֹֽת׃ | הוּא מִלֵּא אוֹתָם בְּחָכְמָה לַעֲשׂוֹת כָּל מְלֶאכֶת אֳמָנוּת וְתִכְנוּן, וְרִקְמָה בִּתְכֵלֶת וּבְאַרְגָּמָן בַּצֶּבַע הָאָדוֹם מֵהַתּוֹלַעַת וּבְפִשְׁתָּן, וּבִמְלֶאכֶת אֲרִיגָה – הֵם עוֹשִׂים כָּל מְלָאכָה וּמְתַכְנְנִים תָּכְנִיּוֹת. |
לו א | וְעָשָׂה֩ בְצַלְאֵ֨ל וְאׇהֳלִיאָ֜ב וְכֹ֣ל ׀ אִ֣ישׁ חֲכַם־לֵ֗ב אֲשֶׁר֩ נָתַ֨ן יְהֹוָ֜ה חׇכְמָ֤ה וּתְבוּנָה֙ בָּהֵ֔מָּה לָדַ֣עַת לַעֲשֹׂ֔ת אֶֽת־כׇּל־מְלֶ֖אכֶת עֲבֹדַ֣ת הַקֹּ֑דֶשׁ לְכֹ֥ל אֲשֶׁר־צִוָּ֖ה יְהֹוָֽה׃ | בְּצַלְאֵל וְאָהֳלִיאָב וְכָל הָאֲנָשִׁים הַחֲכָמִים שֶׁה' נָתַן לָהֶם חָכְמָה וּתְבוּנָה לָדַעַת לַעֲשׂוֹת אֶת כָּל מְלֶאכֶת עֲבוֹדַת הַקּוֹדֶשׁ יַעֲשׂוּ אֶת כָּל מַה שֶּׁה' צִוָּה. |
ב | וַיִּקְרָ֣א מֹשֶׁ֗ה אֶל־בְּצַלְאֵל֮ וְאֶל־אׇֽהֳלִיאָב֒ וְאֶל֙ כׇּל־אִ֣ישׁ חֲכַם־לֵ֔ב אֲשֶׁ֨ר נָתַ֧ן יְהֹוָ֛ה חׇכְמָ֖ה בְּלִבּ֑וֹ כֹּ֚ל אֲשֶׁ֣ר נְשָׂא֣וֹ לִבּ֔וֹ לְקׇרְבָ֥ה אֶל־הַמְּלָאכָ֖ה לַעֲשֹׂ֥ת אֹתָֽהּ׃ | מֹשֶׁה קָרָא לִבְצַלְאֵל וּלְאָהֳלִיאָב, וּלְכָל אִישׁ חֲכַם לֵב שֶׁה' נָתַן חָכְמָה בְּלִבּוֹ – כָּל מִי שֶׁהִתְנַדֵּב לָגֶשֶׁת לַעֲשִׂיַּת הַמְּלָאכָה לַעֲשׂוֹת אוֹתָהּ. |
ג | וַיִּקְח֞וּ מִלִּפְנֵ֣י מֹשֶׁ֗ה אֵ֤ת כׇּל־הַתְּרוּמָה֙ אֲשֶׁ֨ר הֵבִ֜יאוּ בְּנֵ֣י יִשְׂרָאֵ֗ל לִמְלֶ֛אכֶת עֲבֹדַ֥ת הַקֹּ֖דֶשׁ לַעֲשֹׂ֣ת אֹתָ֑הּ וְ֠הֵ֠ם הֵבִ֨יאוּ אֵלָ֥יו ע֛וֹד נְדָבָ֖ה בַּבֹּ֥קֶר בַּבֹּֽקֶר׃ | הֵם לָקְחוּ מִלִּפְנֵי מֹשֶׁה אֶת כָּל הַתְּרוּמָה שֶׁבְּנֵי יִשְׂרָאֵל הֵבִיאוּ לִמְלֶאכֶת עֲבוֹדַת הַקּוֹדֶשׁ כְּדֵי לַעֲשׂוֹת אוֹתָהּ, וּבְנֵי יִשְׂרָאֵל הֵבִיאוּ לְמֹשֶׁה עוֹד נְדָבָה מֻקְדָּם בַּבּוֹקֶר. |
ד | וַיָּבֹ֙אוּ֙ כׇּל־הַ֣חֲכָמִ֔ים הָעֹשִׂ֕ים אֵ֖ת כׇּל־מְלֶ֣אכֶת הַקֹּ֑דֶשׁ אִֽישׁ־אִ֥ישׁ מִמְּלַאכְתּ֖וֹ אֲשֶׁר־הֵ֥מָּה עֹשִֽׂים׃ | כָּל הַחֲכָמִים שֶׁעוֹשִׂים אֶת כָּל מְלֶאכֶת הַקּוֹדֶשׁ בָּאוּ – כָּל אֶחָד מִמְּלַאכְתּוֹ שֶׁהוּא מֻמְחֶה לַעֲשׂוֹת. |
ה | וַיֹּאמְרוּ֙ אֶל־מֹשֶׁ֣ה לֵּאמֹ֔ר מַרְבִּ֥ים הָעָ֖ם לְהָבִ֑יא מִדֵּ֤י הָֽעֲבֹדָה֙ לַמְּלָאכָ֔ה אֲשֶׁר־צִוָּ֥ה יְהֹוָ֖ה לַעֲשֹׂ֥ת אֹתָֽהּ׃ | וְאָמְרוּ לְמֹשֶׁה: הָעָם מַרְבִּים לְהָבִיא יוֹתֵר מֵהַנִּצְרָךְ לָעֲבוֹדָה עֲבוּר הַמְּלָאכָה שֶׁה' צִוָּה לַעֲשׂוֹת. |
ו | וַיְצַ֣ו מֹשֶׁ֗ה וַיַּעֲבִ֨ירוּ ק֥וֹל בַּֽמַּחֲנֶה֮ לֵאמֹר֒ אִ֣ישׁ וְאִשָּׁ֗ה אַל־יַעֲשׂוּ־ע֛וֹד מְלָאכָ֖ה לִתְרוּמַ֣ת הַקֹּ֑דֶשׁ וַיִּכָּלֵ֥א הָעָ֖ם מֵהָבִֽיא׃ | מֹשֶׁה צִוָּה וְהִכְרִיזוּ בַּמַּחֲנֶה: אִישׁ וְאִשָּׁה לֹא יַעֲשׂוּ עוֹד מְלָאכָה עֲבוּר תְּרוּמַת הַקּוֹדֶשׁ, וְהָעָם הִפְסִיקוּ לְהָבִיא. |
ז | וְהַמְּלָאכָ֗ה הָיְתָ֥ה דַיָּ֛ם לְכׇל־הַמְּלָאכָ֖ה לַעֲשׂ֣וֹת אֹתָ֑הּ וְהוֹתֵֽר׃ | וְהַחוֹמָרִים הַמְּעֻבָּדִים שֶׁכְּבָר הֵבִיאוּ הִסְפִּיקוּ עֲבוּר עֲשִׂיַּת כָּל הַמְּלָאכָה וְיוֹתֵר. |
רביעי עריכה
ס | פָּרָשַׁת הַיְרִיעוֹת |
ח | וַיַּעֲשׂ֨וּ כׇל־חֲכַם־לֵ֜ב בְּעֹשֵׂ֧י הַמְּלָאכָ֛ה אֶת־הַמִּשְׁכָּ֖ן עֶ֣שֶׂר יְרִיעֹ֑ת שֵׁ֣שׁ מׇשְׁזָ֗ר וּתְכֵ֤לֶת וְאַרְגָּמָן֙ וְתוֹלַ֣עַת שָׁנִ֔י כְּרֻבִ֛ים מַעֲשֵׂ֥ה חֹשֵׁ֖ב עָשָׂ֥ה אֹתָֽם׃ | כָּל חַכְמֵי הַלֵּב שֶׁבְּעוֹשֵׂי הַמְּלָאכָה עָשׂוּ אֶת הַמִּשְׁכָּן מֵעֶשֶׂר יְרִיעוֹת, מִפִּשְׁתָּן שָׁזוּר וּתְכֵלֶת וְאַרְגָּמָן וְצֶבַע אָדוֹם מִתּוֹלַעַת, עִם צוּרוֹת שֶׁל מַלְאָכִים, הֵם נַעֲשׂוּ בִּמְלֶאכֶת אֳמָנוּת. |
ט | אֹ֜רֶךְ הַיְרִיעָ֣ה הָֽאַחַ֗ת שְׁמֹנֶ֤ה וְעֶשְׂרִים֙ בָּֽאַמָּ֔ה וְרֹ֙חַב֙ אַרְבַּ֣ע בָּֽאַמָּ֔ה הַיְרִיעָ֖ה הָאֶחָ֑ת מִדָּ֥ה אַחַ֖ת לְכׇל־הַיְרִיעֹֽת׃ | אוֹרֶךְ כָּל יְרִיעָה עֶשְׂרִים וּשְׁמוֹנֶה אַמּוֹת, וְרוֹחַב אַרְבַּע אַמּוֹת כָּל יְרִיעָה, מִדָּה אַחַת לְכָל הַיְּרִיעוֹת. |
י | וַיְחַבֵּר֙ אֶת־חֲמֵ֣שׁ הַיְרִיעֹ֔ת אַחַ֖ת אֶל־אֶחָ֑ת וְחָמֵ֤שׁ יְרִיעֹת֙ חִבַּ֔ר אַחַ֖ת אֶל־אֶחָֽת׃ | הוּא חִבֵּר אֶת חֲמֵשׁ הַיְּרִיעוֹת אַחַת לְאַחַת, וְחָמֵשׁ יְרִיעוֹת נוֹסָפוֹת חִבֵּר אַחַת לְאַחַת. |
יא | וַיַּ֜עַשׂ לֻֽלְאֹ֣ת תְּכֵ֗לֶת עַ֣ל שְׂפַ֤ת הַיְרִיעָה֙ הָֽאֶחָ֔ת מִקָּצָ֖ה בַּמַּחְבָּ֑רֶת כֵּ֤ן עָשָׂה֙ בִּשְׂפַ֣ת הַיְרִיעָ֔ה הַקִּ֣יצוֹנָ֔ה בַּמַּחְבֶּ֖רֶת הַשֵּׁנִֽית׃ | הוּא עָשָׂה לוּלָאוֹת מִתְּכֵלֶת עַל שְׂפַת הַיְּרִיעָה הָאַחַת בַּקָּצֶה בַּמָּקוֹם שֶׁל הַחִבּוּר, וְכָךְ עָשָׂה בִּשְׂפַת הַיְּרִיעָה הַקִּיצוֹנָה בַּצַּד הַשֵּׁנִי שֶׁל הַחִבּוּר. |
יב | חֲמִשִּׁ֣ים לֻלָאֹ֗ת עָשָׂה֮ בַּיְרִיעָ֣ה הָאֶחָת֒ וַחֲמִשִּׁ֣ים לֻלָאֹ֗ת עָשָׂה֙ בִּקְצֵ֣ה הַיְרִיעָ֔ה אֲשֶׁ֖ר בַּמַּחְבֶּ֣רֶת הַשֵּׁנִ֑ית מַקְבִּילֹת֙ הַלֻּ֣לָאֹ֔ת אַחַ֖ת אֶל־אֶחָֽת׃ | חֲמִשִּׁים לוּלָאוֹת עָשָׂה בַּיְּרִיעָה הָאַחַת וַחֲמִשִּׁים לוּלָאוֹת עָשָׂה בִּקְצֵה הַיְּרִיעָה שֶׁבַּצַּד הַשֵּׁנִי שֶׁל הַחִבּוּר – הַלּוּלָאוֹת מַקְבִּילוֹת אַחַת לַשְּׁנִיָּה. |
יג | וַיַּ֕עַשׂ חֲמִשִּׁ֖ים קַרְסֵ֣י זָהָ֑ב וַיְחַבֵּ֨ר אֶת־הַיְרִיעֹ֜ת אַחַ֤ת אֶל־אַחַת֙ בַּקְּרָסִ֔ים וַיְהִ֥י הַמִּשְׁכָּ֖ן אֶחָֽד׃ | הוּא עָשָׂה חֲמִשִּׁים קַרְסֵי זָהָב, וְחִבֵּר אֶת הַיְּרִיעוֹת אַחַת לְאַחַת בַּקְּרָסִים, וְאוֹהֶל הַמִּשְׁכָּן הָיָה לְרֶצֶף אֶחָד. |
פ |
יד | וַיַּ֙עַשׂ֙ יְרִיעֹ֣ת עִזִּ֔ים לְאֹ֖הֶל עַל־הַמִּשְׁכָּ֑ן עַשְׁתֵּֽי־עֶשְׂרֵ֥ה יְרִיעֹ֖ת עָשָׂ֥ה אֹתָֽם׃ | הוּא עָשָׂה יְרִיעוֹת מִשְּׂעַר עִזִּים לְאוֹהֶל מֵעַל הַמִּשְׁכָּן, אַחַת עֶשְׂרֵה יְרִיעוֹת עָשָׂה אוֹתָם. |
טו | אֹ֜רֶךְ הַיְרִיעָ֣ה הָאַחַ֗ת שְׁלֹשִׁים֙ בָּֽאַמָּ֔ה וְאַרְבַּ֣ע אַמּ֔וֹת רֹ֖חַב הַיְרִיעָ֣ה הָאֶחָ֑ת מִדָּ֣ה אַחַ֔ת לְעַשְׁתֵּ֥י עֶשְׂרֵ֖ה יְרִיעֹֽת׃ | אוֹרֶךְ כָּל יְרִיעָה שְׁלוֹשִׁים אַמָּה וְהָרוֹחַב שֶׁל כָּל יְרִיעָה אַרְבַּע אַמּוֹת, מִדָּה אַחַת לְאַחַת עֶשְׂרֵה הַיְּרִיעוֹת. |
טז | וַיְחַבֵּ֛ר אֶת־חֲמֵ֥שׁ הַיְרִיעֹ֖ת לְבָ֑ד וְאֶת־שֵׁ֥שׁ הַיְרִיעֹ֖ת לְבָֽד׃ | הוּא חִבֵּר אֶת חֲמֵשׁ הַיְּרִיעוֹת לְבָד וְאֶת שֵׁשׁ הַיְּרִיעוֹת לְבָד. |
יז | וַיַּ֜עַשׂ לֻֽלָאֹ֣ת חֲמִשִּׁ֗ים עַ֚ל שְׂפַ֣ת הַיְרִיעָ֔ה הַקִּיצֹנָ֖ה בַּמַּחְבָּ֑רֶת וַחֲמִשִּׁ֣ים לֻלָאֹ֗ת עָשָׂה֙ עַל־שְׂפַ֣ת הַיְרִיעָ֔ה הַחֹבֶ֖רֶת הַשֵּׁנִֽית׃ | הוּא עָשָׂה חֲמִשִּׁים לוּלָאוֹת עַל שְׂפַת הַיְּרִיעָה הַקִּיצוֹנָה בַּמָּקוֹם שֶׁל הַחִבּוּר, וַחֲמִשִּׁים לוּלָאוֹת עָשָׂה עַל שְׂפַת הַיְּרִיעָה בַּצַּד הַשֵּׁנִי שֶׁל הַחִבּוּר. |
יח | וַיַּ֛עַשׂ קַרְסֵ֥י נְחֹ֖שֶׁת חֲמִשִּׁ֑ים לְחַבֵּ֥ר אֶת־הָאֹ֖הֶל לִהְיֹ֥ת אֶחָֽד׃ | הוּא עָשָׂה חֲמִשִּׁים קַרְסֵי נְחוֹשֶׁת כְּדֵי לְחַבֵּר אֶת הָאוֹהֶל שֶׁיִּהְיֶה מְאוּחָד. |
יט | וַיַּ֤עַשׂ מִכְסֶה֙ לָאֹ֔הֶל עֹרֹ֥ת אֵילִ֖ם מְאׇדָּמִ֑ים וּמִכְסֵ֛ה עֹרֹ֥ת תְּחָשִׁ֖ים מִלְמָֽעְלָה׃ | הוּא עָשָׂה כִּסּוּי לָאוֹהֶל מֵעוֹרוֹת אֵילִים צְבוּעִים בְּאָדוֹם, וְכִסּוּי מֵעוֹרוֹת הַחַיָּה תַּחַשׁ מִלְּמַעְלָה. |
חמישי עריכה
ס | פָּרָשַׁת הַקְּרָשִׁים |
כ | וַיַּ֥עַשׂ אֶת־הַקְּרָשִׁ֖ים לַמִּשְׁכָּ֑ן עֲצֵ֥י שִׁטִּ֖ים עֹמְדִֽים׃ | הוּא עָשָׂה אֶת הַקְּרָשִׁים לַמִּשְׁכָּן מֵעֲצֵי שִׁטָּה עוֹמְדִים. |
כא | עֶ֥שֶׂר אַמֹּ֖ת אֹ֣רֶךְ הַקָּ֑רֶשׁ וְאַמָּה֙ וַחֲצִ֣י הָֽאַמָּ֔ה רֹ֖חַב הַקֶּ֥רֶשׁ הָאֶחָֽד׃ | אוֹרֶךְ כָּל קֶרֶשׁ עֶשֶׂר אַמּוֹת וְרוֹחַב כָּל קֶרֶשׁ אַמָּה וָחֵצִי. |
כב | שְׁתֵּ֣י יָדֹ֗ת לַקֶּ֙רֶשׁ֙ הָֽאֶחָ֔ד מְשֻׁ֨לָּבֹ֔ת אַחַ֖ת אֶל־אֶחָ֑ת כֵּ֣ן עָשָׂ֔ה לְכֹ֖ל קַרְשֵׁ֥י הַמִּשְׁכָּֽן׃ | לְכָל קֶרֶשׁ שְׁתֵּי יָדִיּוֹת מַקְבִּילוֹת אַחַת לַשְּׁנִיָּה – כָּךְ עָשָׂה לְכָל קַרְשֵׁי הַמִּשְׁכָּן. |
כג | וַיַּ֥עַשׂ אֶת־הַקְּרָשִׁ֖ים לַמִּשְׁכָּ֑ן עֶשְׂרִ֣ים קְרָשִׁ֔ים לִפְאַ֖ת נֶ֥גֶב תֵּימָֽנָה׃ | הוּא עָשָׂה אֶת הַקְּרָשִׁים לַמִּשְׁכָּן, עֶשְׂרִים קְרָשִׁים לְצַד דָּרוֹם. |
כד | וְאַרְבָּעִים֙ אַדְנֵי־כֶ֔סֶף עָשָׂ֕ה תַּ֖חַת עֶשְׂרִ֣ים הַקְּרָשִׁ֑ים שְׁנֵ֨י אֲדָנִ֜ים תַּֽחַת־הַקֶּ֤רֶשׁ הָאֶחָד֙ לִשְׁתֵּ֣י יְדֹתָ֔יו וּשְׁנֵ֧י אֲדָנִ֛ים תַּֽחַת־הַקֶּ֥רֶשׁ הָאֶחָ֖ד לִשְׁתֵּ֥י יְדֹתָֽיו׃ | וְאַרְבָּעִים בְּסִיסֵי כֶּסֶף עָשָׂה מִתַּחַת לְעֶשְׂרִים הַקְּרָשִׁים, שְׁנֵי בְּסִיסִים מִתַּחַת לְכָל קֶרֶשׁ לִשְׁתֵּי יָדִיּוֹתָיו. |
כה | וּלְצֶ֧לַע הַמִּשְׁכָּ֛ן הַשֵּׁנִ֖ית לִפְאַ֣ת צָפ֑וֹן עָשָׂ֖ה עֶשְׂרִ֥ים קְרָשִֽׁים׃ | וּבַדּוֹפֶן הַשְּׁנִיָּה שֶׁל הַמִּשְׁכָּן – לְצַד צָפוֹן, עָשָׂה עֶשְׂרִים קְרָשִׁים. |
כו | וְאַרְבָּעִ֥ים אַדְנֵיהֶ֖ם כָּ֑סֶף שְׁנֵ֣י אֲדָנִ֗ים תַּ֚חַת הַקֶּ֣רֶשׁ הָאֶחָ֔ד וּשְׁנֵ֣י אֲדָנִ֔ים תַּ֖חַת הַקֶּ֥רֶשׁ הָאֶחָֽד׃ | וְאַרְבָּעִים בְּסִיסֵיהֶם עֲשׂוּיִים מִכֶּסֶף, שְׁנֵי בְּסִיסִים מִתַּחַת לְכָל קֶרֶשׁ. |
כז | וּֽלְיַרְכְּתֵ֥י הַמִּשְׁכָּ֖ן יָ֑מָּה עָשָׂ֖ה שִׁשָּׁ֥ה קְרָשִֽׁים׃ | וּבְסוֹף הַמִּשְׁכָּן לְצַד מַעֲרָב עָשָׂה שִׁשָּׁה קְרָשִׁים. |
כח | וּשְׁנֵ֤י קְרָשִׁים֙ עָשָׂ֔ה לִמְקֻצְעֹ֖ת הַמִּשְׁכָּ֑ן בַּיַּרְכָתָֽיִם׃ | וּשְׁנֵי קְרָשִׁים עָשָׂה בְּזָוִיּוֹת הַמִּשְׁכָּן בַּקְּצָווֹת. |
כט | וְהָי֣וּ תוֹאֲמִם֮ מִלְּמַ֒טָּה֒ וְיַחְדָּ֗ו יִהְי֤וּ תַמִּים֙ אֶל־רֹאשׁ֔וֹ אֶל־הַטַּבַּ֖עַת הָאֶחָ֑ת כֵּ֚ן עָשָׂ֣ה לִשְׁנֵיהֶ֔ם לִשְׁנֵ֖י הַמִּקְצֹעֹֽת׃ | וְהַקְּרָשִׁים הָיוּ מַקְבִּילִים מִלְּמַטָּה, וְהָיוּ מֻצְמָדִים יַחַד עַל רָאשֵׁיהֶם בְּטַבַּעַת אַחַת, וְכָךְ עָשָׂה גַּם לִשְׁנֵי הַקְּרָשִׁים שֶׁבַּפִּנּוֹת. |
ל | וְהָיוּ֙ שְׁמֹנָ֣ה קְרָשִׁ֔ים וְאַדְנֵיהֶ֣ם כֶּ֔סֶף שִׁשָּׁ֥ה עָשָׂ֖ר אֲדָנִ֑ים שְׁנֵ֤י אֲדָנִים֙ שְׁנֵ֣י אֲדָנִ֔ים תַּ֖חַת הַקֶּ֥רֶשׁ הָאֶחָֽד׃ | יַחַד הֵם הָיוּ שְׁמוֹנָה קְרָשִׁים בַּמַּעֲרָב, וּבְסִיסֵיהֶם מִכֶּסֶף שִׁשָּׁה עָשָׂר בְּסִיסִים, שְׁנֵי בְּסִיסִים תַּחַת כָּל קֶרֶשׁ. |
לא | וַיַּ֥עַשׂ בְּרִיחֵ֖י עֲצֵ֣י שִׁטִּ֑ים חֲמִשָּׁ֕ה לְקַרְשֵׁ֥י צֶֽלַע־הַמִּשְׁכָּ֖ן הָאֶחָֽת׃ | הוּא עָשָׂה חֲמִשָּׁה בְּרִיחִים מֵעֲצֵי שִׁטָּה לְקַרְשֵׁי אַחַת מִדְּפָנוֹת הַמִּשְׁכָּן. |
לב | וַחֲמִשָּׁ֣ה בְרִיחִ֔ם לְקַרְשֵׁ֥י צֶֽלַע־הַמִּשְׁכָּ֖ן הַשֵּׁנִ֑ית וַחֲמִשָּׁ֤ה בְרִיחִם֙ לְקַרְשֵׁ֣י הַמִּשְׁכָּ֔ן לַיַּרְכָתַ֖יִם יָֽמָּה׃ | וַחֲמִשָּׁה בְּרִיחִים לְקַרְשֵׁי הַדּוֹפֶן הַשְּׁנִיָּה שֶׁל הַמִּשְׁכָּן, וַחֲמִשָּׁה בְּרִיחִים לְקַרְשֵׁי הַמִּשְׁכָּן שֶׁבַּקָּצֶה הַמַּעֲרָבִי. |
לג | וַיַּ֖עַשׂ אֶת־הַבְּרִ֣יחַ הַתִּיכֹ֑ן לִבְרֹ֙חַ֙ בְּת֣וֹךְ הַקְּרָשִׁ֔ים מִן־הַקָּצֶ֖ה אֶל־הַקָּצֶֽה׃ | הוּא עָשָׂה אֶת הַבָּרִיחַ הָאֶמְצָעִי שֶׁיַּעֲבוֹר בְּתוֹךְ הַקְּרָשִׁים מִקָּצֶה לְקָצֶה. |
לד | וְֽאֶת־הַקְּרָשִׁ֞ים צִפָּ֣ה זָהָ֗ב וְאֶת־טַבְּעֹתָם֙ עָשָׂ֣ה זָהָ֔ב בָּתִּ֖ים לַבְּרִיחִ֑ם וַיְצַ֥ף אֶת־הַבְּרִיחִ֖ם זָהָֽב׃ | וְאֶת הַקְּרָשִׁים צִפָּה בְּזָהָב וְאֶת טַבְּעוֹתֵיהֶם עָשָׂה מִזָּהָב – מָקוֹם לַבְּרִיחִים, וְצִפָּה אֶת הַבְּרִיחִים בְּזָהָב. |
לה | וַיַּ֙עַשׂ֙ אֶת־הַפָּרֹ֔כֶת תְּכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י וְשֵׁ֣שׁ מׇשְׁזָ֑ר מַעֲשֵׂ֥ה חֹשֵׁ֛ב עָשָׂ֥ה אֹתָ֖הּ כְּרֻבִֽים׃ | הוּא עָשָׂה אֶת הַפָּרוֹכֶת מִתְּכֵלֶת וְאַרְגָּמָן וְצֶבַע אָדוֹם מִתּוֹלַעַת וּפִשְׁתָּן שָׁזוּר, בִּמְלֶאכֶת אֳמָנוּת עָשָׂה אוֹתָהּ, בְּצוּרוֹת שֶׁל מַלְאָכִים. |
לו | וַיַּ֣עַשׂ לָ֗הּ אַרְבָּעָה֙ עַמּוּדֵ֣י שִׁטִּ֔ים וַיְצַפֵּ֣ם זָהָ֔ב וָוֵיהֶ֖ם זָהָ֑ב וַיִּצֹ֣ק לָהֶ֔ם אַרְבָּעָ֖ה אַדְנֵי־כָֽסֶף׃ | הוּא עָשָׂה לָהּ אַרְבָּעָה עַמּוּדֵי שִׁטָּה וְצִפָּה אוֹתָם בְּזָהָב וְעָשָׂה אֶת וָוֵיהֶם מִזָּהָב, וְיָצַק לָהֶם אַרְבָּעָה בְּסִיסִים מִכֶּסֶף. |
לז | וַיַּ֤עַשׂ מָסָךְ֙ לְפֶ֣תַח הָאֹ֔הֶל תְּכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י וְשֵׁ֣שׁ מׇשְׁזָ֑ר מַעֲשֵׂ֖ה רֹקֵֽם׃ | הוּא עָשָׂה מָסָךְ לְפֶתַח הָאוֹהֶל מִתְּכֵלֶת וְאַרְגָּמָן וְצֶבַע אָדוֹם מִתּוֹלַעַת וּפִשְׁתָּן שָׁזוּר, בִּמְלֶאכֶת רִקְמָה. |
לח | וְאֶת־עַמּוּדָ֤יו חֲמִשָּׁה֙ וְאֶת־וָ֣וֵיהֶ֔ם וְצִפָּ֧ה רָאשֵׁיהֶ֛ם וַחֲשֻׁקֵיהֶ֖ם זָהָ֑ב וְאַדְנֵיהֶ֥ם חֲמִשָּׁ֖ה נְחֹֽשֶׁת׃ | וְעָשָׂה אֶת חֲמֵשֶׁת עַמּוּדָיו וְאֶת וָוֵיהֶם, וְהוּא צִפָּה אֶת רָאשֵׁיהֶם וְאֶת חִשֻּׁקֵיהֶם בְּזָהָב, וְעָשָׂה אֶת בְּסִיסֵיהֶם חֲמִשָּׁה מִנְּחוֹשֶׁת. |
פ | פָּרָשַׁת הָאָרוֹן |
לז א | וַיַּ֧עַשׂ בְּצַלְאֵ֛ל אֶת־הָאָרֹ֖ן עֲצֵ֣י שִׁטִּ֑ים אַמָּתַ֨יִם וָחֵ֜צִי אׇרְכּ֗וֹ וְאַמָּ֤ה וָחֵ֙צִי֙ רׇחְבּ֔וֹ וְאַמָּ֥ה וָחֵ֖צִי קֹמָתֽוֹ׃ | בְּצַלְאֵל עָשָׂה אֶת הָאָרוֹן מֵעֲצֵי שִׁטָּה, אַמָּתַיִם וָחֵצִי אָרְכּוֹ וְאַמָּה וָחֵצִי רָחְבּוֹ וְאַמָּה וָחֵצִי גָּבְהוֹ. |
ב | וַיְצַפֵּ֛הוּ זָהָ֥ב טָה֖וֹר מִבַּ֣יִת וּמִח֑וּץ וַיַּ֥עַשׂ ל֛וֹ זֵ֥ר זָהָ֖ב סָבִֽיב׃ | וְצִפָּה אוֹתוֹ בְּזָהָב טָהוֹר מִבִּפְנִים וּמִבַּחוּץ, וְעָשָׂה לוֹ זֵר זָהָב מִסָּבִיב. |
ג | וַיִּצֹ֣ק ל֗וֹ אַרְבַּע֙ טַבְּעֹ֣ת זָהָ֔ב עַ֖ל אַרְבַּ֣ע פַּעֲמֹתָ֑יו וּשְׁתֵּ֣י טַבָּעֹ֗ת עַל־צַלְעוֹ֙ הָֽאֶחָ֔ת וּשְׁתֵּי֙ טַבָּעֹ֔ת עַל־צַלְע֖וֹ הַשֵּׁנִֽית׃ | הוּא יָצַק לוֹ אַרְבַּע טַבָּעוֹת מִזָּהָב עַל אַרְבַּע זָוִיּוֹתָיו – שְׁתֵּי טַבָּעוֹת עַל דּוֹפֶן אַחַת וּשְׁתֵּי טַבָּעוֹת עַל הַדּוֹפֶן הַשְּׁנִיָּה. |
ד | וַיַּ֥עַשׂ בַּדֵּ֖י עֲצֵ֣י שִׁטִּ֑ים וַיְצַ֥ף אֹתָ֖ם זָהָֽב׃ | הוּא עָשָׂה מוֹטוֹת מֵעֲצֵי שִׁטָּה וְצִפָּה אוֹתָם בְּזָהָב. |
ה | וַיָּבֵ֤א אֶת־הַבַּדִּים֙ בַּטַּבָּעֹ֔ת עַ֖ל צַלְעֹ֣ת הָאָרֹ֑ן לָשֵׂ֖את אֶת־הָאָרֹֽן׃ | הוּא הִכְנִיס אֶת הַמּוֹטוֹת בַּטַּבָּעוֹת עַל דְּפָנוֹת הָאָרוֹן כְּדֵי לָשֵׂאת אֶת הָאָרוֹן. |
ו | וַיַּ֥עַשׂ כַּפֹּ֖רֶת זָהָ֣ב טָה֑וֹר אַמָּתַ֤יִם וָחֵ֙צִי֙ אׇרְכָּ֔הּ וְאַמָּ֥ה וָחֵ֖צִי רׇחְבָּֽהּ׃ | הוּא עָשָׂה כִּסּוּי מִזָּהָב טָהוֹר, אָרְכּוֹ שְׂתֵּי אַמּוֹת וָחֵצִי וְרָחְבּוֹ אַמָּה וָחֵצִי. |
ז | וַיַּ֛עַשׂ שְׁנֵ֥י כְרֻבִ֖ים זָהָ֑ב מִקְשָׁה֙ עָשָׂ֣ה אֹתָ֔ם מִשְּׁנֵ֖י קְצ֥וֹת הַכַּפֹּֽרֶת׃ | הוּא עָשָׂה שְׁתֵּי צוּרוֹת שֶׁל מַלְאָכִים מִזָּהָב, הוּא עָשָׂה אוֹתָן מִגּוּשׁ אֶחָד מִשְּׁנֵי קְצָווֹת הַכִּסּוּי. |
ח | כְּרוּב־אֶחָ֤ד מִקָּצָה֙ מִזֶּ֔ה וּכְרוּב־אֶחָ֥ד מִקָּצָ֖ה מִזֶּ֑ה מִן־הַכַּפֹּ֛רֶת עָשָׂ֥ה אֶת־הַכְּרֻבִ֖ים מִשְּׁנֵ֥י קצוותו קְצוֹתָֽיו׃ | צוּרָה אַחַת בְּקָצֶה אֶחָד וְצוּרָה אַחַת בַּקָּצֶה הַשֵּׁנִי, הוּא עָשָׂה אֶת צוּרוֹת הַמַּלְאָכִים מִשְּׁנֵי הַקְּצָווֹת כְּחֵלֶק מֵהַכִּסּוּי. |
ט | וַיִּהְי֣וּ הַכְּרֻבִים֩ פֹּרְשֵׂ֨י כְנָפַ֜יִם לְמַ֗עְלָה סֹֽכְכִ֤ים בְּכַנְפֵיהֶם֙ עַל־הַכַּפֹּ֔רֶת וּפְנֵיהֶ֖ם אִ֣ישׁ אֶל־אָחִ֑יו אֶ֨ל־הַכַּפֹּ֔רֶת הָי֖וּ פְּנֵ֥י הַכְּרֻבִֽים׃ | הַמַּלְאָכִים הָיוּ פּוֹרְשֵׂי כְּנָפַיִם לְמַעְלָה סוֹכְכִים בְּכַנְפֵיהֶם עַל הַכִּסּוּי וּפְנֵיהֶם אֶחָד אֶל הַשֵּׁנִי, פְּנֵי צוּרוֹת הַמַּלְאָכִים הָיוּ לְעֵבֶר הַכִּסּוּי. |
פ | פָּרָשַׁת הַשֻּׁלְחָן |
י | וַיַּ֥עַשׂ אֶת־הַשֻּׁלְחָ֖ן עֲצֵ֣י שִׁטִּ֑ים אַמָּתַ֤יִם אׇרְכּוֹ֙ וְאַמָּ֣ה רׇחְבּ֔וֹ וְאַמָּ֥ה וָחֵ֖צִי קֹמָתֽוֹ׃ | הוּא עָשָׂה אֶת הַשֻּׁלְחָן מֵעֲצֵי שִׁטָּה, שְׁתֵּי אַמּוֹת אָרְכּוֹ וְאַמָּה רָחְבּוֹ וְאַמָּה וָחֵצִי גָּבְהוֹ. |
יא | וַיְצַ֥ף אֹת֖וֹ זָהָ֣ב טָה֑וֹר וַיַּ֥עַשׂ ל֛וֹ זֵ֥ר זָהָ֖ב סָבִֽיב׃ | הוּא צִפָּה אוֹתוֹ בְּזָהָב טָהוֹר וְעָשָׂה לוֹ זֵר זָהָב מִסָּבִיב. |
יב | וַיַּ֨עַשׂ ל֥וֹ מִסְגֶּ֛רֶת טֹ֖פַח סָבִ֑יב וַיַּ֧עַשׂ זֵר־זָהָ֛ב לְמִסְגַּרְתּ֖וֹ סָבִֽיב׃ | הוּא עָשָׂה לוֹ מִסְגֶּרֶת בְּגוֹבַהּ טֶפַח מִסָּבִיב, הוּא עָשָׂה זֵר זָהָב לְמִסְגַּרְתּוֹ מִסָּבִיב. |
יג | וַיִּצֹ֣ק ל֔וֹ אַרְבַּ֖ע טַבְּעֹ֣ת זָהָ֑ב וַיִּתֵּן֙ אֶת־הַטַּבָּעֹ֔ת עַ֚ל אַרְבַּ֣ע הַפֵּאֹ֔ת אֲשֶׁ֖ר לְאַרְבַּ֥ע רַגְלָֽיו׃ | הוּא יָצַק לוֹ אַרְבַּע טַבָּעוֹת מִזָּהָב, וְשָׂם אֶת הַטַּבָּעוֹת עַל אַרְבַּע הַפִּנּוֹת שֶׁלְּיַד אַרְבַּע רַגְלָיו. |
יד | לְעֻמַּת֙ הַמִּסְגֶּ֔רֶת הָי֖וּ הַטַּבָּעֹ֑ת בָּתִּים֙ לַבַּדִּ֔ים לָשֵׂ֖את אֶת־הַשֻּׁלְחָֽן׃ | הַטַּבָּעוֹת הָיוּ מוּל הַמִּסְגֶּרֶת – מָקוֹם לַמּוֹטוֹת לָשֵׂאת אֶת הַשֻּׁלְחָן. |
טו | וַיַּ֤עַשׂ אֶת־הַבַּדִּים֙ עֲצֵ֣י שִׁטִּ֔ים וַיְצַ֥ף אֹתָ֖ם זָהָ֑ב לָשֵׂ֖את אֶת־הַשֻּׁלְחָֽן׃ | הוּא עָשָׂה אֶת הַמּוֹטוֹת מֵעֲצֵי שִׁטָּה וְצִפָּה אוֹתָם בְּזָהָב, לָשֵׂאת בָּהֶם אֶת הַשֻּׁלְחָן. |
טז | וַיַּ֜עַשׂ אֶֽת־הַכֵּלִ֣ים ׀ אֲשֶׁ֣ר עַל־הַשֻּׁלְחָ֗ן אֶת־קְעָרֹתָ֤יו וְאֶת־כַּפֹּתָיו֙ וְאֵת֙ מְנַקִּיֹּתָ֔יו וְאֶ֨ת־הַקְּשָׂוֺ֔ת אֲשֶׁ֥ר יֻסַּ֖ךְ בָּהֵ֑ן זָהָ֖ב טָהֽוֹר׃ | הוּא עָשָׂה מִזָּהָב טָהוֹר אֶת הַכֵּלִים שֶׁעַל הַשֻּׁלְחָן, אֶת קְעָרוֹתָיו וְאֶת כַּפּוֹתָיו וְאֶת הָעַמּוּדִים שֶׁתּוֹמְכִים מֵהַצְּדָדִים, וְאֶת הַמַּקְלוֹת שֶׁסּוֹכְכִים מֵעַל הַשֻּׁלְחָן שֶׁעֲלֵיהֶם מוּנָח הַלֶּחֶם. |
ששי (שלישי במחוברין) עריכה
פ | פָּרָשַׁת הַמְּנוֹרָה |
יז | וַיַּ֥עַשׂ אֶת־הַמְּנֹרָ֖ה זָהָ֣ב טָה֑וֹר מִקְשָׁ֞ה עָשָׂ֤ה אֶת־הַמְּנֹרָה֙ יְרֵכָ֣הּ וְקָנָ֔הּ גְּבִיעֶ֛יהָ כַּפְתֹּרֶ֥יהָ וּפְרָחֶ֖יהָ מִמֶּ֥נָּה הָיֽוּ׃ | הוּא עָשָׂה אֶת הַמְּנוֹרָה מִזָּהָב טָהוֹר, מִגּוּשׁ אֶחָד עָשָׂה אֶת הַמְּנוֹרָה – רַגְלָהּ וְהַקָּנֶה שֶׁלָּהּ וּגְבִיעֶיהָ כַּפְתּוֹרֶיהָ וּפְרָחֶיהָ – הָיוּ חֵלֶק מִמֶּנָּה. |
יח | וְשִׁשָּׁ֣ה קָנִ֔ים יֹצְאִ֖ים מִצִּדֶּ֑יהָ שְׁלֹשָׁ֣ה ׀ קְנֵ֣י מְנֹרָ֗ה מִצִּדָּהּ֙ הָֽאֶחָ֔ד וּשְׁלֹשָׁה֙ קְנֵ֣י מְנֹרָ֔ה מִצִּדָּ֖הּ הַשֵּׁנִֽי׃ | וְשִׁשָּׁה קָנִים יוֹצְאִים מִצִּדֶּיהָ, שְׁלוֹשָׁה קְנֵי מְנוֹרָה מִצַּד אֶחָד וּשְׁלוֹשָׁה קְנֵי מְנוֹרָה מִצַּד שֵׁנִי. |
יט | שְׁלֹשָׁ֣ה גְ֠בִעִ֠ים מְֽשֻׁקָּדִ֞ים בַּקָּנֶ֣ה הָאֶחָד֮ כַּפְתֹּ֣ר וָפֶ֒רַח֒ וּשְׁלֹשָׁ֣ה גְבִעִ֗ים מְשֻׁקָּדִ֛ים בְּקָנֶ֥ה אֶחָ֖ד כַּפְתֹּ֣ר וָפָ֑רַח כֵּ֚ן לְשֵׁ֣שֶׁת הַקָּנִ֔ים הַיֹּצְאִ֖ים מִן־הַמְּנֹרָֽה׃ | בְּקָנֶה אֶחָד יֵשׁ שְׁלוֹשָׁה תַּבְלִיטִים שֶׁל גְּבִיעִים וְכַפְתּוֹר וּפֶרַח, וּבְקָנֶה אַחֵר שְׁלוֹשָׁה תַּבְלִיטִים שֶׁל גְּבִיעִים וְכַפְתּוֹר וּפֶרַח, כָּךְ בְּשֵׁשֶׁת הַקָּנִים שֶׁיּוֹצְאִים מֵהַקָּנֶה הַמֶּרְכָּזִי שֶׁל הַמְּנוֹרָה. |
כ | וּבַמְּנֹרָ֖ה אַרְבָּעָ֣ה גְבִעִ֑ים מְשֻׁ֨קָּדִ֔ים כַּפְתֹּרֶ֖יהָ וּפְרָחֶֽיהָ׃ | וּבַקָּנֶה הַמֶּרְכָּזִי שֶׁל הַמְּנוֹרָה אַרְבָּעָה גְּבִיעִים, וְתַבְלִיטֵי כַּפְתּוֹרִים וּפְרָחִים. |
כא | וְכַפְתֹּ֡ר תַּ֩חַת֩ שְׁנֵ֨י הַקָּנִ֜ים מִמֶּ֗נָּה וְכַפְתֹּר֙ תַּ֣חַת שְׁנֵ֤י הַקָּנִים֙ מִמֶּ֔נָּה וְכַפְתֹּ֕ר תַּֽחַת־שְׁנֵ֥י הַקָּנִ֖ים מִמֶּ֑נָּה לְשֵׁ֙שֶׁת֙ הַקָּנִ֔ים הַיֹּצְאִ֖ים מִמֶּֽנָּה׃ | וְכַפְתּוֹר מִתַּחַת לִשְׁנֵי הַקָּנִים שֶׁיּוֹצְאִים מִמֶּנָּה, וְכַפְתּוֹר מִתַּחַת לִשְׁנֵי הַקָּנִים שֶׁיּוֹצְאִים מִמֶּנָּה, וְכַפְתּוֹר מִתַּחַת לִשְׁנֵי הַקָּנִים שֶׁיּוֹצְאִים מִמֶּנָּה – כָּךְ בְּשֵׁשֶׁת הַקָּנִים שֶׁיּוֹצְאִים מֵהַקָּנֶה הַמֶּרְכָּזִי. |
כב | כַּפְתֹּרֵיהֶ֥ם וּקְנֹתָ֖ם מִמֶּ֣נָּה הָי֑וּ כֻּלָּ֛הּ מִקְשָׁ֥ה אַחַ֖ת זָהָ֥ב טָהֽוֹר׃ | הַכַּפְתּוֹרִים וְהַקָּנִים הָיוּ חֵלֶק מִמֶּנָּה – כֻּלָּהּ עֲשׂוּיָה מִגּוּשׁ אֶחָד שֶׁל זָהָב טָהוֹר. |
כג | וַיַּ֥עַשׂ אֶת־נֵרֹתֶ֖יהָ שִׁבְעָ֑ה וּמַלְקָחֶ֥יהָ וּמַחְתֹּתֶ֖יהָ זָהָ֥ב טָהֽוֹר׃ | הוּא עָשָׂה אֶת נֵרוֹתֶיהָ שִׁבְעָה, וְאֶת הַמֶּלְקָחַיִם וְהַמַּחְתּוֹת שֶׁלָּהּ, מִזָּהָב טָהוֹר. |
כד | כִּכָּ֛ר זָהָ֥ב טָה֖וֹר עָשָׂ֣ה אֹתָ֑הּ וְאֵ֖ת כׇּל־כֵּלֶֽיהָ׃ | הוּא עָשָׂה אוֹתָהּ וְאֶת כָּל כֵּלֶיהָ מִכִּכָּר אַחַת שֶׁל זָהָב טָהוֹר. |
פ | פָּרָשַׁת מִזְבַּח הַקְּטוֹרֶת |
כה | וַיַּ֛עַשׂ אֶת־מִזְבַּ֥ח הַקְּטֹ֖רֶת עֲצֵ֣י שִׁטִּ֑ים אַמָּ֣ה אׇרְכּוֹ֩ וְאַמָּ֨ה רׇחְבּ֜וֹ רָב֗וּעַ וְאַמָּתַ֙יִם֙ קֹֽמָת֔וֹ מִמֶּ֖נּוּ הָי֥וּ קַרְנֹתָֽיו׃ | הוּא עָשָׂה אֶת מִזְבַּח הַקְּטוֹרֶת מֵעֲצֵי שִׁטָּה, בְּצוּרַת רִבּוּעַ שֶׁאָרְכּוֹ אַמָּה וְרָחְבּוֹ אַמָּה, וְגָבְהוֹ שְׁתֵּי אַמּוֹת, קַרְנוֹתָיו הָיוּ חֵלֶק מִמֶּנּוּ. |
כו | וַיְצַ֨ף אֹת֜וֹ זָהָ֣ב טָה֗וֹר אֶת־גַּגּ֧וֹ וְאֶת־קִירֹתָ֛יו סָבִ֖יב וְאֶת־קַרְנֹתָ֑יו וַיַּ֥עַשׂ ל֛וֹ זֵ֥ר זָהָ֖ב סָבִֽיב׃ | הוּא צִפָּה אוֹתוֹ בְּזָהָב טָהוֹר – אֶת גַּגּוֹ וְאֶת קִירוֹתָיו מִסָּבִיב וְאֶת קַרְנוֹתָיו, הוּא עָשָׂה לוֹ זֵר מִזָּהָב מִסָּבִיב. |
כז | וּשְׁתֵּי֩ טַבְּעֹ֨ת זָהָ֜ב עָֽשָׂה־ל֣וֹ ׀ מִתַּ֣חַת לְזֵר֗וֹ עַ֚ל שְׁתֵּ֣י צַלְעֹתָ֔יו עַ֖ל שְׁנֵ֣י צִדָּ֑יו לְבָתִּ֣ים לְבַדִּ֔ים לָשֵׂ֥את אֹת֖וֹ בָּהֶֽם׃ | וְעָשָׂה לוֹ שְׁתֵּי טַבָּעוֹת מִזָּהָב מִתַּחַת לְזֵרוֹ עַל שְׁתֵּי דְּפָנוֹתָיו עַל שְׁנֵי צִדָּיו, לְמָקוֹם לַמּוֹטוֹת לָשֵׂאת אוֹתוֹ בָּהֶם. |
כח | וַיַּ֥עַשׂ אֶת־הַבַּדִּ֖ים עֲצֵ֣י שִׁטִּ֑ים וַיְצַ֥ף אֹתָ֖ם זָהָֽב׃ | הוּא עָשָׂה אֶת הַמּוֹטוֹת מֵעֲצֵי שִׁטָּה, וְצִפָּה אוֹתָם בְּזָהָב. |
כט | וַיַּ֜עַשׂ אֶת־שֶׁ֤מֶן הַמִּשְׁחָה֙ קֹ֔דֶשׁ וְאֶת־קְטֹ֥רֶת הַסַּמִּ֖ים טָה֑וֹר מַעֲשֵׂ֖ה רֹקֵֽחַ׃ | הוּא עָשָׂה אֶת הַשֶּׁמֶן שֶׁמּוֹרְחִים בּוֹ – קוֹדֶשׁ, וְאֶת קְטוֹרֶת הַבְּשָׂמִים – טָהוֹר, מַעֲשֵׂה רְקִיחָה. |
שביעי (רביעי במחוברין) עריכה
ס | פָּרָשַׁת מִזְבַּח הָעוֹלָה |
לח א | וַיַּ֛עַשׂ אֶת־מִזְבַּ֥ח הָעֹלָ֖ה עֲצֵ֣י שִׁטִּ֑ים חָמֵשׁ֩ אַמּ֨וֹת אׇרְכּ֜וֹ וְחָֽמֵשׁ־אַמּ֤וֹת רׇחְבּוֹ֙ רָב֔וּעַ וְשָׁלֹ֥שׁ אַמּ֖וֹת קֹמָתֽוֹ׃ | הוּא עָשָׂה אֶת מִזְבַּח הָעוֹלָה מֵעֲצֵי שִׁטָּה, בְּצוּרַת רִבּוּעַ שֶׁאָרְכּוֹ חָמֵשׁ אַמּוֹת וְרָחְבּוֹ חָמֵשׁ אַמּוֹת, וְגָבְהוֹ שָׁלוֹשׁ אַמּוֹת. |
ב | וַיַּ֣עַשׂ קַרְנֹתָ֗יו עַ֚ל אַרְבַּ֣ע פִּנֹּתָ֔יו מִמֶּ֖נּוּ הָי֣וּ קַרְנֹתָ֑יו וַיְצַ֥ף אֹת֖וֹ נְחֹֽשֶׁת׃ | הוּא עָשָׂה אֶת קַרְנוֹתָיו עַל אַרְבַּע פִּנּוֹתָיו קַרְנוֹתָיו הָיוּ חֵלֶק מִמֶּנּוּ, וְצִפָּה אוֹתוֹ בִּנְחוֹשֶׁת. |
ג | וַיַּ֜עַשׂ אֶֽת־כׇּל־כְּלֵ֣י הַמִּזְבֵּ֗חַ אֶת־הַסִּירֹ֤ת וְאֶת־הַיָּעִים֙ וְאֶת־הַמִּזְרָקֹ֔ת אֶת־הַמִּזְלָגֹ֖ת וְאֶת־הַמַּחְתֹּ֑ת כׇּל־כֵּלָ֖יו עָשָׂ֥ה נְחֹֽשֶׁת׃ | הוּא עָשָׂה אֶת כָּל כְּלֵי הַמִּזְבֵּחַ: אֶת הַסִּירִים לְהוֹצִיא אֶת הָאֵפֶר, הַמַּגְרְפוֹת לְנִקּוּי הָאֵפֶר, הַכּוֹסוֹת לְקַבָּלַת הַדָּם וּזְרִיקָתוֹ, הַקִּלְּשׁוֹנִים לַהֲפִיכַת הַבָּשָׂר, וְהַיָּעִים לִלְקִיחַת הַגֶּחָלִים – אֶת כָּל כֵּלָיו עָשָׂה מִנְּחוֹשֶׁת. |
ד | וַיַּ֤עַשׂ לַמִּזְבֵּ֙חַ֙ מִכְבָּ֔ר מַעֲשֵׂ֖ה רֶ֣שֶׁת נְחֹ֑שֶׁת תַּ֧חַת כַּרְכֻּבּ֛וֹ מִלְּמַ֖טָּה עַד־חֶצְיֽוֹ׃ | הוּא עָשָׂה לַמִּזְבֵּחַ קִשּׁוּט בְּצוּרַת רֶשֶׁת מִנְּחוֹשֶׁת, מִתַּחַת לַבְּלִיטָה שֶׁסְּבִיבוֹ – מִלְּמַטָּה עַד אֶמְצָעִיתוֹ. |
ה | וַיִּצֹ֞ק אַרְבַּ֧ע טַבָּעֹ֛ת בְּאַרְבַּ֥ע הַקְּצָוֺ֖ת לְמִכְבַּ֣ר הַנְּחֹ֑שֶׁת בָּתִּ֖ים לַבַּדִּֽים׃ | הוּא יָצַק אַרְבַּע טַבָּעוֹת בְּאַרְבַּע קְצָווֹת רֶשֶׁת הַנְּחוֹשֶׁת – מָקוֹם לַמּוֹטוֹת. |
ו | וַיַּ֥עַשׂ אֶת־הַבַּדִּ֖ים עֲצֵ֣י שִׁטִּ֑ים וַיְצַ֥ף אֹתָ֖ם נְחֹֽשֶׁת׃ | הוּא עָשָׂה אֶת הַמּוֹטוֹת מֵעֲצֵי שִׁטָּה וְצִפָּה אוֹתָם בִּנְחוֹשֶׁת. |
ז | וַיָּבֵ֨א אֶת־הַבַּדִּ֜ים בַּטַּבָּעֹ֗ת עַ֚ל צַלְעֹ֣ת הַמִּזְבֵּ֔חַ לָשֵׂ֥את אֹת֖וֹ בָּהֶ֑ם נְב֥וּב לֻחֹ֖ת עָשָׂ֥ה אֹתֽוֹ׃ | הוּא הִכְנִיס אֶת הַמּוֹטוֹת בַּטַּבָּעוֹת שֶׁעַל צִדֵּי הַמִּזְבֵּחַ כְּדֵי לָשֵׂאת אוֹתוֹ בָּהֶם, הוּא עָשָׂה אוֹתוֹ חָלוּל מֻקָּף בְּלוּחוֹת. |
ס | פָּרָשַׁת הַכִּיּוֹר |
ח | וַיַּ֗עַשׂ אֵ֚ת הַכִּיּ֣וֹר נְחֹ֔שֶׁת וְאֵ֖ת כַּנּ֣וֹ נְחֹ֑שֶׁת בְּמַרְאֹת֙ הַצֹּ֣בְאֹ֔ת אֲשֶׁ֣ר צָֽבְא֔וּ פֶּ֖תַח אֹ֥הֶל מוֹעֵֽד׃ | הוּא עָשָׂה אֶת הַכִּיּוֹר מִנְּחוֹשֶׁת וְאֶת בְּסִיסוֹ מִנְּחוֹשֶׁת מִמַּרְאוֹת הַנָּשִׁים שֶׁהִתְקָהֲלוּ בְּפֶתַח אוֹהֶל הַהִתְכַּנְּסוּת כְּדֵי לִתְרוֹם. |
ס | פָּרָשַׁת הֶחָצֵר |
ט | וַיַּ֖עַשׂ אֶת־הֶחָצֵ֑ר לִפְאַ֣ת ׀ נֶ֣גֶב תֵּימָ֗נָה קַלְעֵ֤י הֶֽחָצֵר֙ שֵׁ֣שׁ מׇשְׁזָ֔ר מֵאָ֖ה בָּאַמָּֽה׃ | הוּא עָשָׂה אֶת הֶחָצֵר, לְצַד נֶגֶב לְדָרוֹם – גְּדֵרוֹת קְלוּעוֹת לֶחָצֵר מִפִּשְׁתָּן שָׁזוּר בְּאוֹרֶךְ מֵאָה אַמָּה. |
י | עַמּוּדֵיהֶ֣ם עֶשְׂרִ֔ים וְאַדְנֵיהֶ֥ם עֶשְׂרִ֖ים נְחֹ֑שֶׁת וָוֵ֧י הָעַמּוּדִ֛ים וַחֲשֻׁקֵיהֶ֖ם כָּֽסֶף׃ | עַמּוּדֵיהֶם עֶשְׂרִים וּבְסִיסֵיהֶם עֶשְׂרִים מִנְּחוֹשֶׁת, וָוֵי הָעַמּוּדִים וְחִשּׁוּקֵיהֶם מִכֶּסֶף. |
יא | וְלִפְאַ֤ת צָפוֹן֙ מֵאָ֣ה בָֽאַמָּ֔ה עַמּוּדֵיהֶ֣ם עֶשְׂרִ֔ים וְאַדְנֵיהֶ֥ם עֶשְׂרִ֖ים נְחֹ֑שֶׁת וָוֵ֧י הָֽעַמּוּדִ֛ים וַחֲשֻׁקֵיהֶ֖ם כָּֽסֶף׃ | וּלְצַד צָפוֹן מֵאָה אַמָּה, עַמּוּדֵיהֶם עֶשְׂרִים וּבְסִיסֵיהֶם עֶשְׂרִים מִנְּחוֹשֶׁת, וָוֵי הָעַמּוּדִים וְחִשֻּׁקֵיהֶם מִכֶּסֶף. |
יב | וְלִפְאַת־יָ֗ם קְלָעִים֙ חֲמִשִּׁ֣ים בָּֽאַמָּ֔ה עַמּוּדֵיהֶ֣ם עֲשָׂרָ֔ה וְאַדְנֵיהֶ֖ם עֲשָׂרָ֑ה וָוֵ֧י הָעַמֻּדִ֛ים וַחֲשׁוּקֵיהֶ֖ם כָּֽסֶף׃ | וּלְצַד מַעֲרָב חֲמִשִּׁים אַמָּה גְּדֵרוֹת קְלוּעוֹת, עַמּוּדֵיהֶן עֲשָׂרָה וּבְסִיסֵיהֶן עֲשָׂרָה, וָוֵי הָעַמּוּדִים וְחִשּׁוּקֵיהֶם מִכֶּסֶף. |
יג | וְלִפְאַ֛ת קֵ֥דְמָה מִזְרָ֖חָה חֲמִשִּׁ֥ים אַמָּֽה׃ | וּלְצַד מִזְרָח חֲמִשִּׁים אַמָּה. |
יד | קְלָעִ֛ים חֲמֵשׁ־עֶשְׂרֵ֥ה אַמָּ֖ה אֶל־הַכָּתֵ֑ף עַמּוּדֵיהֶ֣ם שְׁלֹשָׁ֔ה וְאַדְנֵיהֶ֖ם שְׁלֹשָֽׁה׃ | חֲמֵשׁ עֶשְׂרֵה אַמָּה גְּדֵרוֹת קְלוּעוֹת לַדּוֹפֶן שֶׁלְּצַד הַפֶּתַח, עַמּוּדֵיהֶן שְׁלוֹשָׁה וּבְסִיסֵיהֶן שְׁלוֹשָׁה. |
טו | וְלַכָּתֵ֣ף הַשֵּׁנִ֗ית מִזֶּ֤ה וּמִזֶּה֙ לְשַׁ֣עַר הֶֽחָצֵ֔ר קְלָעִ֕ים חֲמֵ֥שׁ עֶשְׂרֵ֖ה אַמָּ֑ה עַמֻּדֵיהֶ֣ם שְׁלֹשָׁ֔ה וְאַדְנֵיהֶ֖ם שְׁלֹשָֽׁה׃ | וְכֵן לַדּוֹפֶן הַשְּׁנִיָּה, מִצַּד זֶה וּמִצַּד זֶה שֶׁל שַׁעַר הֶחָצֵר – חֲמֵשׁ עֶשְׂרֵה אַמָּה גְּדֵרוֹת קְלוּעוֹת, עַמּוּדֵיהֶן שְׁלוֹשָׁה וּבְסִיסֵיהֶן שְׁלוֹשָׁה. |
טז | כׇּל־קַלְעֵ֧י הֶחָצֵ֛ר סָבִ֖יב שֵׁ֥שׁ מׇשְׁזָֽר׃ | כָּל הַגְּדֵרוֹת הַקְּלוּעוֹת שֶׁל הֶחָצֵר סָבִיב עֲשׂוּיוֹת מִפִּשְׁתָּן שָׁזוּר. |
יז | וְהָאֲדָנִ֣ים לָֽעַמֻּדִים֮ נְחֹ֒שֶׁת֒ וָוֵ֨י הָֽעַמּוּדִ֜ים וַחֲשׁוּקֵיהֶם֙ כֶּ֔סֶף וְצִפּ֥וּי רָאשֵׁיהֶ֖ם כָּ֑סֶף וְהֵם֙ מְחֻשָּׁקִ֣ים כֶּ֔סֶף כֹּ֖ל עַמֻּדֵ֥י הֶחָצֵֽר׃ | וְהַבְּסִיסִים לָעַמּוּדִים מִנְּחוֹשֶׁת, וָוֵי הָעַמּוּדִים וְחִשּׁוּקֵיהֶם מִכֶּסֶף וְצִפּוּי רָאשֵׁיהֶם מִכֶּסֶף, וְהֵם – כָּל עַמּוּדֵי הֶחָצֵר, מְחֻשָּׁקִים בְּחִשּׁוּקֵי כֶּסֶף. |
מפטיר עריכה
יח | וּמָסַ֞ךְ שַׁ֤עַר הֶחָצֵר֙ מַעֲשֵׂ֣ה רֹקֵ֔ם תְּכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י וְשֵׁ֣שׁ מׇשְׁזָ֑ר וְעֶשְׂרִ֤ים אַמָּה֙ אֹ֔רֶךְ וְקוֹמָ֤ה בְרֹ֙חַב֙ חָמֵ֣שׁ אַמּ֔וֹת לְעֻמַּ֖ת קַלְעֵ֥י הֶחָצֵֽר׃ | וּמָסַךְ שַׁעַר הֶחָצֵר בִּמְלֶאכֶת רִקְמָה מִתְּכֵלֶת וְאַרְגָּמָן וְצֶבַע אָדוֹם מִתּוֹלַעַת וּפִשְׁתָּן שָׁזוּר, הָאוֹרֶךְ עֶשְׂרִים אַמָּה, וְהָרוֹחַב חָמֵשׁ אַמּוֹת – לַגּוֹבַהּ, בְּגוֹבַהּ הַגְּדֵרוֹת הַקְּלוּעוֹת שֶׁל הֶחָצֵר. |
יט | וְעַמֻּֽדֵיהֶם֙ אַרְבָּעָ֔ה וְאַדְנֵיהֶ֥ם אַרְבָּעָ֖ה נְחֹ֑שֶׁת וָוֵיהֶ֣ם כֶּ֔סֶף וְצִפּ֧וּי רָאשֵׁיהֶ֛ם וַחֲשֻׁקֵיהֶ֖ם כָּֽסֶף׃ | וְעַמּוּדֵי הַשַּׁעַר וְהַמָּסָךְ אַרְבָּעָה, וּבְסִיסֵיהֶם אַרְבָּעָה מִנְּחוֹשֶׁת, וָוֵיהֶם מִכֶּסֶף וְצִפּוּי רָאשֵׁיהֶם וְחִשֻּׁקֵיהֶם מִכֶּסֶף. |
כ | וְֽכׇל־הַיְתֵדֹ֞ת לַמִּשְׁכָּ֧ן וְלֶחָצֵ֛ר סָבִ֖יב נְחֹֽשֶׁת׃ | וְכָל הַיְּתֵדוֹת לַמִּשְׁכָּן וְלֶחָצֵר מִסָּבִיב מִנְּחוֹשֶׁת. |